විස ඊතලෙන් ඇත්රජා බේරාගනී

දඩයම්කරුවෙකුගේ විස ඊතල පහරකට ගොදුරුව ඉතා අසාධ්‍ය තත්ත්වයේ සිටි ඇතෙකු බේරා ගැනීමට කෙන්යාවේ ට්ස්වෝ ජාතික වනෝද්‍යානයේ පශු වෛද්‍ය කණ්ඩායමක් සමත්වූහ.

පාදයට වැදුණු ඊතල පහර ඇතිව ඇතා ඉතා අසාධ්‍ය තත්ත්වයේ සිටි අතර තමන් නිසි වේලාවට එහි ළගා නොවුයේ නම් ඇතා නියත වශයෙන්ම මිය යෑමට ඉඩ තිබුණු බව වෛද්‍ය පිරිස පවසන්නෝය.

විස පෙවූ ඊතල කෙන්යා ඇතුන් දඩයම්කරුවන්ගේ නවතම උපාය වී තිබෙන අතර ඔවුන්ගේ ඉලක්ක වලට බොහෝ විට හසුවන්නේ විසල් දළ යුගලක් ඇති ඇතුන් හා ඇතින්නියන්ය.

නමුත් දැන් ඔවුන් වයසින් බාල ඇතුන් පවා දඩයම් කිරීමට පෙළඹී සිටී.විස යොදා මැරීම වඩා පහසු හෙයින් ඔවුන් ඇතුන් දිය බීමට පැමිණෙන දිය වළවල් වලට සයනයිඩ් වැනි විස ද්‍රව්‍යයන් මිශ්‍ර කරන බවද අනාවරණයව තිබේ.

ඇත් දළ වලට ලොව ඉහළ ඉල්ලූමක් පැවතීම කේන්යාවේ ඇත් දඩයම දිනෙන් දින ඉහළ යෑමට හේතුවයි.මේ ඉහළ ඉල්ලූම නිසා එරට සිටින ඇතුන් ලක්ෂ 5 ක ප්‍රමාණයෙන් වසරකට 35000 ක පමණ සතුන් පිරිසක් දඩයම්කරුවන්ගේ ගොදුරු බවට පත්වේ.

ඇත් දළ වලින් නොයෙකුත් විසිතුරු භාණ්ඩ ආදිය තැනීම ලොව ඇතැම් රටවල සිදුකෙරෙන අතර ඒවා අලෙවි වන්නේ ඉතා ඉහළ මිල ගණන් වලටය.මේ නිසාම ඇත් දළ රාත්තලකට පවුම් 1500 ක් පමණ දඩයම්කරුවන්ට ලැඛෙන අතර මේ අනුව වැඩුණු ඇතෙකු සාමාන්‍යයෙන් සතු වන රාත්තල් 250 ක් පමණ බරැති දළ යුවළකින් දඩයම්කරුවෝ පවුම් ලක්ෂ 4 ක් වැනි මුදලක් උපයා ගනිති.

කෙන්යා වනජීවී විශේෂඥයින් පවසන ආකාරයට ඇතුන් දඩයම් කිරීම මර්දනය කිරීම ඉතා අපහසුව ඇත්තේ මේ හේතුව නිසාමය.

ඔවුන්ට අනුව ඇත් දඩයම මැඩ පැවැත්වීමටනම් දඩයම්කරුවන්ට දඩුවම් පැමිණවීමට අමතරව පුහු ආටෝපයන් පස්සේ දුවන මිනිසුන්ගේ ආකල්පයන්ද වෙනස් විය යුතුව ඇත.

අදහස් (0)

විස ඊතලෙන් ඇත්රජා බේරාගනී

යොහාන්‍ Thursday, 09 October 2014 07:22 AM

මේ නැතිවෙන්නේ රටේ සම්පත නේද? (නි)

: 0 0

රූපවතී Tuesday, 07 October 2014 04:57 PM

මේ වටිනා සතුන් ටික ලොවෙන් සමුගත්දාට දැනේවී... තම දරු මුණුපුරෙකුටව ආසාවටවත් දැකගන්න අලියෙක් නොමැති වූදාට, තමන් කළ වරදේ විපාක තේරේවි. හොඳක් නම් වෙන්න එපා. ලොව කොහේ රටක කළත් ඒක නම් පරම්පරා ගානකට පටිසන් දෙනවා (නි)

: 0 0

රොකී Friday, 10 October 2014 10:28 AM

අනේ මෙහෙම ආශාවක්. අනේ මෙහෙම තණ්හාවක් මිනිසුනි ලැබේද ඉන් සැනසීමක්. (නදී)

: 0 0

පිටිගල Saturday, 11 October 2014 11:40 AM

ඇත් රජාට ඉක්මන් සුවය ලැබේවා.(හේ)

: 0 0

චමිල Wednesday, 08 October 2014 01:55 PM

ලෝකයේ සියලුම රටවල් එක්වී මෙම සත්ව කොට්ඨාශය රැකගැනීමට වහාම ක්‍රියාත්මක විය යුතුය. විශේෂයෙන් අප්‍රිකානු අලින්ට අපල කාලයක් දැන් උදාවී ඇත. මම කෙන්යාවේ වනෝද්‍යාන වල සංචාරය කර තිබෙන අතර එහිදී සංචාර අතරතුර මඟපෙන්වන්නන් මාර්ගයෙන් මම ඇත් දළ මිලදී ගැනීමේ මුවාවෙන් ඔවුන් සමග මිත්‍ර වී දළ වලින් සාදන ලද භාණ්ඩ දැකගතිමි. ඔවුන්ට ප්‍රබල පුද්ගලින්ගේ ආධාර අනුබල උපරිම ලැබෙන බවද දැනගතිමි. එමනිසා මෙය මැඩපැවැත්වීමට අපහසුයි. (නි)

: 0 0

ගාමිණී සිරිවර්දන Tuesday, 07 October 2014 12:33 PM

කෙන්යාවේ දඩයක්කාරයෝ ඇතුන් දඩයම කරන්නේ මහා සවුත්තු අන්දමට. අපේ ඇත්තෝ හොර තුවක්කුවකින් වෙඩි තිබ්බත් විෂ හෝ විෂ කැවූ ඊතල නම් පාවිච්චි කරන්නෙම නැහැ (නදී)

: 0 0

සිල්වා Tuesday, 07 October 2014 02:05 PM

මේ ගැන හඩක් නැඟිය හැක්කේ සියලුම රටවල් එකට එකතු වීමෙන් පමණයි. මිලදීගන්නන් පිළිබඳව නීතිමය ක්‍රියාමාර්ග ගන්න. මේ සඳහා ලෝක සත්ව සංවිධාන සම්පුර්ණ දැනුවත් කිරීමක් අවශ්‍යයි. විශේෂයෙන් අප්‍රිකානු රටවල් සහ ආසියානු රටවල් මේ ගැන විමසිලිමත් වෙන්න. (නි)

: 0 0

තිලක් Tuesday, 07 October 2014 02:46 PM

ගාමිණි සිරිවර්ධන, අපේ අය විෂ ඊතල පාවිච්චි කරන්නේ නැතුව හක්කපටස් තියලා, කෘමිනාශක දීලා බොහොම අහිංසක විදියට තමයි අලි මරන්නේ. (නි)

: 0 0

ඔබේ අදහස් එවන්න

සයුරෙන් එතෙර

USAID කාර්යමණ්ඩල ආපසු කැඳවයි

2025 පෙබරවාරි මස 05 118 0

එක්සත් ජනපද ජාත්‍යන්තර සංවර්ධනය සඳහා වූ ඒජන්සිය (USAID) ගෝලීය වශයෙන් සෘජුවම බඳවා ගත් සියලුම සේවකයන්ට නිවාඩු ලබා දෙන බවත්, විදේශයන් හි සේවය කරන දහස් ගණනක් ස