IMG-LOGO

2025 මාර්තු මස 15 වන සෙනසුරාදා


‘සැන්ඩි’ කළ හදිය බලන්න ඔබාමා නිව්ජර්සි ජනපදයට

‘සැන්ඩි’ සුළි කුණාටුවෙන් සිදුවූ හානිය දැක ගැනීමට ඇමෙරිකා ජනාධිපති බරැක් ඔබාමා ඊයේ (1) උදෑසන නිව්ජර්සි ජනපදයේ සංචාරයක යෙදුණේය. සුළි කුණාටුවෙන් බලපෑම් එල්ල වූයේ ඇමෙරිකාවේ නැගෙනහිර වෙරළ තීරයේ ප‍්‍රාන්තවලටය. ඒ අතරින් නිව්යෝර්ක් සහ නිව්ජර්සි යන ජනපද ඉතා දරුණු ලෙස බැට කෑවේය. ජනපති ඔබාමා නිව්ජර්සි ප‍්‍රාන්තයේ සංචාරය කරමින් සිදුවූ හානිය නිරීක්ෂණය කළ අතර, විපතට පත් වූවන් හමුවී ඔවුන්ගේ සැප දුක් විමසා බැලීමට ද අමතක නොකළේය. විපතට පත් වූවන් අමතමින් ඔබාමා කියා සිටියේ ‘ඔබ වෙනුවෙන් අප ඉන්නවා. අප ඔබ තනි කරන්නේ නැහැ’ කියාය. එම සංචාරයට ඔබාමා සමඟ නිව්ජර්සි ප‍්‍රාන්ත ආණ්ඩුකාර කි‍්‍රස් කි‍්‍රස්ටී ද එක් ව සිටියේය. ඇමෙරිකානු ජනාධිපතිවරණය පැවැත්වීමට නියමිතව ඇත්තේ ලබන 6 වැනිදාය. ඩිමොක‍්‍රටික් පක්ෂ අපේක්ෂකයා ලෙස ඔබාමා ඊට ඉදිරිපත් වෙයි. ඉකුත් 30 වැනිදා ‘සැන්ඩි’ සුළි කුණාටුව නිව්යෝක් නුවරට කඩා වැදීමත් සමඟ මැතිවරණ කටයුතු වහා නවතා දැම්මේය. එම අවස්ථාවේ ඔහු සිිටියේ ෆ්ලොරීඩා ප‍්‍රාන්තයේය. සහන සේවා කටයුතු අධීක්ෂණය කිරීමට ඔබාමා වහා වොෂින්ටන් අගනුවරට පැමිණියේය. ජනපතිවරණයට ඉදිරිපත් වන ඔබාමාගේ ප‍්‍රතිවාදියා වන රිපබ්ලිකන් අපේක්ෂක මිට් රොම්නි ද සිය ජනාධිපතිවරණ ප‍්‍රචාරක කටයුතු අත්හිටුවා ඇති අතර මේ වනවිට ඔහු සුළි කුණාටුවෙන් විපතට පත් වූවන්ට සහනාධාර බෙදා දීමේ කටයුතුවල නියැළී සිටී. නිව්ජර්සි ජනපදයේ පීඩාවට පත් ජනතාව හමුවීමට පෙර ඔබාමා, නිව්ජර්සි ජනපදයේ ආපදා කළමණාකාර දෙපාර්තමේන්තුවට ගොස් එහි ප‍්‍රධානීන් හමුවී සහන සේවා සිදුවන අයුරු විමසා සිටියේය. ඇතැම් දේශපාලන විචාරකයන් පවසන්නේ ලබන 6 වැනිදා පැවැත්වෙන ජනපතිවරණයේ ජයග‍්‍රහණය තීරණය කිරීමට ‘සැන්ඩි’ සුළි කුණාටුව සමත් වනු ඇතැයි කියාය. මැතිවරණ කටයුතු නවතා දැමූ බව කීවත් ඔබාමා සහ ප‍්‍රතිවාදී අපේක්ෂක රොම්නි ඡන්ද වාසි ලබා ගැනීමේ අරමුණින් විපතට පත්වූවන්ගේ සහන සේවා කටයුතුවල නියැලී සිටින බව දේශපාලන විචාරකයෝ පෙන්වා දෙති. නිව්ජර්සි ආණ්ඩුකාර කි‍්‍රස් කි‍්‍රස්ටී (වමේ) සහ ඔබාමා (දකුණේ) නිව්ජර්සි ජනපදයේ බි‍්‍රගැන්ටීන් නුවර විපතට පත්වූවන් හමුවෙමින් ... ප‍්‍රතිවාදී අපේක්ෂක මිට් රොම්නි විපතට පත්වූවන්ට  පානීය ජලය බෙදා දීමට සැරසෙමින් ... සැඬ රළ පහරට හසුවූ බෝට්ටු



අදහස් (0)

‘සැන්ඩි’ කළ හදිය බලන්න ඔබාමා නිව්ජර්සි ජනපදයට

මුතු Friday, 02 November 2012 09:16 PM

ඡන්දේ ලගයිනේ බැහැලා වැඩ.(ස)

:       0       0

නසාර් Sunday, 04 November 2012 10:58 AM

අන් සැපතට ඊර්ෂියා කරනු එපා මින්පසු වත් හිතට ගන්න. (ස)

:       0       0

ජූඩ් Monday, 05 November 2012 04:35 AM

සිංහලෙන් සැන්ඩි ගැන කියවන්න පුලුවන් වුණාට ස්තූතියි. (නි)

:       0       0

සේෆක් Friday, 02 November 2012 03:29 PM

අයියෝ සල්ලි

:       0       0

ඔබේ අදහස් එවන්න

 

සයුරෙන් එතෙර

හිජාබ සොයන්න කෘත්‍රිම බුද්ධියක්
2025 මාර්තු මස 15 18 0

හිජාබය නිසි ලෙස නොපලඳින කාන්තාවන් සෙවීමට, ඉරාන රජය කෘත්‍රිම බුද්ධි ඩිජිටල් තාක්ෂණය යොදාගෙන ඇත. මෙම කෘත්‍රිම බුද්ධය යොදාගැනීම සිදුවන්නේ ඩ්‍රෝන යානා ද


දැරියකට අතවර කිරීමේ සිද්ධියක් නිසා බංග්ලාදේශය උණුසුම්
2025 මාර්තු මස 15 23 0

බංග්ලාදේශයේ 8 හැවිරිදි දැරියක දූෂණය කිරීමේ සිද්ධිය සහ ඇය මරණයට පත්වීම මුල්කොට ගනිමින් රට පුරා යළි විරෝධතා ආරම්භ වී තිබේ.


අයිෆා සිනමා සම්මාන උළෙල
2025 මාර්තු මස 15 12 0

ඉන්දියාවේ ගුජරාට ප්‍රාන්තයේ පැවැත්වුණු 25 වැනි අයිෆා සම්මාන උලෙළේ වැඩි ගෞරව දිනාගැනීමට කිරන් රාවෝ අධ්‍යක්ෂණය කළ Laapataa Ladies චිත්‍රපටෙය සමත් විය.


සිරවුණු ගගනගාමීන් දෙදෙනා බේරා ගන්නට යානයක් යවයි
2025 මාර්තු මස 15 22 0

අභ්‍යවකාශ නැවැතුම්පොළේ මාස 9 කට ආසන්න කාලයක් තිස්සේ සිරවී සිටින නාසා ගගනගාමීන් දෙදෙනා වන සුනීතා විලියම්ස් සහ බුච් විල්මෝර් ආපසු පෘථිවියට ගෙන්වා ගැනී


මෙන්න මේ රටවලට යන්න එපා - ට්‍රම්ප්
2025 මාර්තු මස 15 24 0

රටවල් 26 ක් කාණ්ඩ වශයෙන් වෙන්කර ඒවායේ සංචාරය කිරීමෙන් වළකින්නැයි ඇමෙරිකා ජනාධිපති ඩොනල්ඩ් ට්‍රම්ප් පරිපාලනය ඇමෙරිකන් වැසියන්ට අනතුරු අඟවා ඇත.


ඇමෙරිකන් තරුණිය ඕස්ට්‍රේලියාවේ උදහසට
2025 මාර්තු මස 15 24 0

ඕස්ට්‍රේලියාවේ සංචාරය කරමින් සිටිද්දී, ඇමෙරිකන් යූ ටියුබ් නිවේදිකාවක (Influencer) කළ නොමනා ක්‍රියාවක් හේතුවෙන් ඕස්ට්‍රේලියා රජයෙන් ඇයට දැඩි විරෝධයක් එල්ල


මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් සුබ පැතුම් ශිෂ්‍යත්ව සඳහා අයදුම්පත් විවෘත කරයි 2025 මාර්තු මස 07 281 1
ශ‍්‍රී ලංකා ඉන්ෂුවරන්ස් ලයිෆ් සුබ පැතුම් ශිෂ්‍යත්ව සඳහා අයදුම්පත් විවෘත කරයි

දේශයේ ආරක්ෂකයා ලෙස ශ‍්‍රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ‍්‍රී ලංකාවේ පවතින වඩාත්ම උපයන රාජ්‍

ප්‍රබල ඕරාවකට හිමිකම් කියන්න ඔබත්  කැමතිද ? 2025 මාර්තු මස 04 637 1
ප්‍රබල ඕරාවකට හිමිකම් කියන්න ඔබත් කැමතිද ?

ඇතැම් මිනිසුන් ගෙන් නික්මෙන ප්‍රභාව බොහෝ ප්‍රිය මනාප ය. ඔවුන්ව දැකීම පවා මහත් සැනසීමක් ගෙන දෙනු ඇත. ඔවුන් සමීපයෙහි සිටින කළ මහත් සැනසීමක්, සුවදායක බවක්

ස්කෑන් ජම්බෝ පීනට්ස් “ජම්බෝ බොනැන්සා”සහ “ටැබ් බොනැන්සා”ප්‍රවර්ධන වැඩසටහන් මගින් ජයග්‍රාහකයින් 55 දෙනෙකු හට මවුන්ටන් බයිසිකල් 50 ක් සහ ටැබ් පරිඝනක 5ක් 2025 පෙබරවාරි මස 27 273 1
ස්කෑන් ජම්බෝ පීනට්ස් “ජම්බෝ බොනැන්සා”සහ “ටැබ් බොනැන්සා”ප්‍රවර්ධන වැඩසටහන් මගින් ජයග්‍රාහකයින් 55 දෙනෙකු හට මවුන්ටන් බයිසිකල් 50 ක් සහ ටැබ් පරිඝනක 5ක්

ශ්‍රී ලාංකික රසවතුන්ගේ විශ්වාසය දිනූ “ස්කෑන් ජම්බෝ පීනට්ස්”සිය පාරිභෝගික භවතුන් වෙත හරසර දක්වමින් 8 වැනි වරටත් සංවිධානය කළ “ස්කෑන් ජම්බෝ බොනැන්සා”ස

Our Group Site