පසුගිය සිකුරාදා (19) ලෙබනනයේ බේරූට් නගරයේ දී පුපුරා ගිය බෝම්බය හා සිරියාවේ සම්බන්ධතාවයක් ඇතැයි ලෙබනන අගමැති නජීබ් මිකාඩි චෝදනා කරයි. බෝම්බය පුපුරා යාමෙන් ලෙබනනයේ බුද්ධි අංශ ප්‍රධානී විසාම් අල් හසන් ඇතුළු සාමාන්‍ය වැසියයෝ 8 දෙනෙක් මරුමුවට පත්වූහ. බෝම්බයේ ඉලක්කය මියගිය බුද්ධි අංශ ප්‍රධානියා බවට සැක කෙරේ. ලෙබනනයට අත පෙවීමට සිරියාව තැත් කරන්නේ බොහෝ කාලයකට පෙර සිටය.ඒවායේ ප්‍රතිඵලයක් ලෙස පසුගිය දශක 3 ක කාලය පුරා ලෙබනනයට සිරියාවේ යුධමය හා දේශපාලනය බලපෑමට යටත්ව ජීවත් වීමට සිදුවිය. ඒ සදහා සිරියාව කි්‍රයාත්මක කර තිබූ සැලැසුම් බොහෝමයක් හෙළි කර ගැනීමට විසාම් අල් හසන් සමත් වී ඇති බව සදහන් වේ.මේ නිසා ලෙබනනයට සිරියාවේ සැබෑ පරමාර්ථ අවබෝධ කරගැනීමට හැකි විය. කෙසේ වුවද සිරියාවට සහය දක්වන පිරිසක්ද ලෙබනනයේ සිටින අතර පුපුරා ගිය බෝම්බය නිසාවෙන් ඔවුන් හා සිරියා විරෝධීන් අතර ගැටුම් හට ගැනීමේ අවධානමක්ද දැන් උද්ගත වී ඇත. (කෝ වි ගු)