සිරියා ජනාධිපති බෂීර් අල් අසාද් ඇතුළු ඔහුගේ රජයේ ජ්‍යෙෂ්ඨ නිලධාරීන් යුද අපරාධවලට සම්බන්ධ යැයි චෝදනා එල්ල වී ඇති බවත් ඔවුන්ට අන්තර් ජාතික යුද අපරාධ අධිකරණය හමුවේ පෙනී සිටීමට සිදුවනු ඇති බවත් එත්සත් ජාතීන්ගේ සංවිධානය පවසයි.
එක්සත් ජාතීන්ගේ සංවිධානය ඔවුන්ගේ ආරක්ෂක මණ්ඩලයට යළිත් වරක් අවධාරණය කළේ, සිරියාවේ පවතින අර්බුදයට මැදිහත් වී සිවිල් වැසියන් ආරක්ෂා කරන ලෙසටය.
එක්සත් ජාතීන්ගේ සංවිධානයේ අලූත්ම වාර්තාවලට අනුව සිරියාවේ ගැටුම් නිසා මියගිය ගණන 70,000 තෙක් ඉහළ ගොස් ඇත.
සිරියානු අර්බුදය විසඳීමට තවමත් හැකියාවක් ලැබී නැත්තේ, ලෝකයේ රටවල් බල කඳවුරු දෙකකට බෙදී සිටීමය. ඇමෙරිකාව ප‍්‍රමුඛ බටහිර රටවල් සිරියානු කැරැලිකරුවන්ට සහාය දෙද්දී ඉරානය, චීනය සහ රුසියාව බලයෙන් ඉවත් වීම ප‍්‍රතික්ෂේප කරන සිරියානු ජනපති බෂීර් අල් අසාද්ගේ රජයට සහාය පළ කරයි.