සිරියාවේ ඩැමැස්කස් අගනුවරට නුදුරින් පිහිටි අඞ්රා පළාතේ ඊයේ (22) හටගත් දරුණු ගැටුම්වලින් කැරැුලිකරුවන් 49 දෙනකු මියගිය බව සිරියානු රජයේ හමුදාව කියා සිටී.
මෙම කැරැලිකරුවන්ට විදේශවලින් පැමිණි ඉස්ලාමීය සටන්කාමීන්ගේ ද සහාය හිමිවී තිබුණු නමුත් ඔවුන් වටකොට පහර දී මරා දැමීමට තමන්ට හැකිවූ බව සිරියානු රජයේ හමුදාව කියයි.
මෙම කැරැලිකරුවන් ඩැමැස්කස් නුවරට පැමිණ හමුදා කඳවුරකට පහර දී එහි තිබුණු අවි ආයුධ රැගෙන පලා යමින් සිටිද්දී, සිරියානු රජයේ හමුදාවට කොටු වී ඇත.
වසර දෙකකට ආසන්න කාලයක් දිග් ගැස්සෙමින් පවතින සිරියානු අර්බුදය මේවනවිට නව මුහුණුවරක් ගෙන තිබේ. ඒ, සුන්නි සහ ෂියා මුස්ලිම්වරුන්ගේ සටනක් ලෙසය.
සිරියා ජනපති බෂීර් අල් අසාද්ගේ ෂියා මුස්ලිම් රජය සමඟ සටන් වදින්නේ සුන්නි මුස්ලිම් කැරැලිකරුවන්ය.
පාකිස්තානයේ ෂියා මුස්ලිම්වරුන්ට එරෙහිව ප්රචණ්ඩ කි්රයා සිදුකරන එරට සුන්නි මුස්ලිම් සටන්කාමීන් ද සිරියානු කැරැුලිකරුවන්ට සහාය දීමට කැමැත්ත පළ කර සිටී.
ඒ අනුව තම සටන්කාමීන් කණ්ඩායම් කිහිපයක් සිරියාවට ගිය බව පාකිස්තානයේ ‘ලෂ්කාර් ඊ ජාන්ග්වී’ ඉස්ලාමීය සටන්කාමී සංවිධානය වෙනුවෙන් එහි නායක සුලෙයිමාන් ඉකුත් 15 වැනිදා පවසා තිබුණි.
අඞ්රා පළාතේ ඊයේ සිදුවුණු අවි ගැටුම්වලින් පාකිස්තාන ඉස්ලාමීය සටන්කාමීන් මියගිය බව මෙතෙක් වාර්තා වී නැත.
සිරියානු අර්බුදය හේතුවෙන් ලෝකය බල කඳවුරු දෙකකට බෙදී සිටී. බලයෙන් ඉවත් වීම ප්රතික්ෂේප කරන සිරියානු ජනාධිපති බෂීර් අල් අසාද්ගේ රජයට සහාය දක්වන ලෝක බලවතුන් දෙදෙනා චීනය සහ රුසියාවය.
ලිබියාවට කලාක් මෙන් එක්සත් ජාතීන්ගේ ආරක්ෂක මණ්ඩලය සිරියාවට එරෙහිව ද යෝජනාවලීන් සම්මත කර ගැනීමට සැරසෙද්දී, නිෂේධ බලය පාවිච්චි කර ඒවා පරාජය කළේ රුසියාව සහ චීනයයි.
ෂියා මුස්ලිම් බහුතරය වෙසෙන ඉරානයත්, සිරියාවේ අසල්වැසියකු වන ලෙබනනයේ කි්රයාත්මක හිස්බුල්ලා සටන්කාමී සංවිධානයත් සිරියානු රජයට සහාය පළ කරයි.
හිස්බුල්ලා සටන්කාමීන් සිරියානු අර්බුදයට මැදිහත් වීම සිරියානු කැරැලිකාර පාර්ශ්වයට සහාය පළ කරන ඇමෙරිකාව, ප්රංශය, බි්රතාන්යය ඇතුළු බටහිර රටවල සහ ඊශ්රායලයේ දැඩි විරෝධයට හේතුවක් වී ඇත.
හිස්බුල්ලා සංවිධානයෙන් සහාය ලැබීමත් සමඟ ඇමෙරිකාවේ සී.අයි.ඒ. බුද්ධි අංශ ඒජන්තවරුන් සිරියානු කැරැලිකරුවන්ට අවි පුහුණුව දෙමින් ඔවුන් ශක්තිමත් කිරීම ආරම්භ කර තිබේ.
සිරියානු කැරැලිකරුවන්ට අවි පුහුණුව ලබා දීම සිදුවන්නේ ජෝර්දානයේ හමුදා කඳවුරකය. ජෝර්දානය ද සිරියාවේ අසල්වැසියෙකි. ජෝර්දාන රජය සිරියානු රජයට සහාය නොදක්වන අතර ඔවුන් සහාය දක්වන්නේ සිරියානු කැරැලිකාර පාර්ශ්වයටය. සිරියානු රජයේ හමුදාවේ ප්රහාරක ජෙට් යානා, හෙලිකොප්ටර් යානා සහ යුද ටැංකිවලට පහර දීමට කැරැලිකරුවන්ට පුහුණුව ලබා දීම සිදුකෙරේ.
සිරියා කැරැලිකරුවන්ට නායකත්වය දෙන්නේ ‘අල් නූස්රා පෙරමුණ’ නමැති ඉස්ලාමීය සංවිධානයයි. ‘අල් නූස්රා පෙරමුණ’ නමැති සටන්කාමී සංවිධානය යනු අල් කයිඩාවට හිතවත් සුන්නි මුස්ලිම් සංවිධානයකි.
ඇමෙරිකාව මෙම සංවිධානය ද ත්රස්ත සංවිධානයක් ලෙස නම් කර ඇත. එසේ තිබියදී ද ඇමෙරිකා බුද්ධි අංශ කැරැුලිකරුවන්ට අවි ආයුධ පුහුණුව ලබා දීම හරහා ඇමෙරිකාවේ දෙබිඩි පිළිවෙත යළිත් වරක් ලොවට පසක් කර දෙයි.
ඇමෙරිකන් ඩොලර් මිලියන 1.4 ක බදු ගෙවීම පැහැර හැරීම සහ ඊට අදාල චෝදනා නවයකට තමන් වරදකරු බව ඇමෙරිකන් ජනාධිපති ජෝ බයිඩන් ගේ පුතු හන්ටර් බයිඩන් පුතු පිළිගත්තේ
ප්රංශ භාරකාර රජයේ නව අග්රාමාත්ය ධුරයට, ප්රවීණ දේශපාලනඥයකු වන මිකෙල් බානියේ නම් කිරීමට ප්රංශ ජනාධිපති ඉමැනුවෙල් මැක්රොන් තීරණය කර තිබේ.
නවසීලන්තයේ මුල් පදිංචිකරුවන් වන මෞරි ආදිවාසීන්ගේ රජ කිරුළ, නැසී ගිය මෞරි රජුගේ බාල දරුවා මෙන්ම එකම දියණිය ද වන 27 හැවිරිදි නා වයි හෝනෝ ට හිමිවිය.
ජපාන අග්රාමාත්ය ෆුමියෝ කිෂිඩා දෙදින සංචාරයක් සඳහා දකුණු කොරියාවේ සෝල් අගනුවරට පැමිණියේය. දකුණු කොරියා ජනාධිපති යූන් සුක් යෝල්ගෙන් ජපාන අග්රාමාත
විශ්ව විද්යාල ශිෂ්ය අරගලය හමුවේ, ධුරයෙන් නෙරපා දැමුණු හිටපු අගමැතිනී ෂෙයික් හසීනා, බංග්ලාදේශ නව අන්තර්වාර රජය විවේචනය කිරීමෙන් වැළැකී සිටින්නේ නම්
නොවැම්බර් 5 වැනිදා පැවැත්වෙන, ඇමෙරිකන් ජනාධිපතිවරණයට, ඩිමොක්රටික් පක්ෂයෙන් ඉදිරිපත් වන ජනාධිපති ධුර අපේක්ෂිකා වත්මන් උප ජනාධිපතිනී කමලා හැරිස්ගේ හ
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
සිරියා හමුදා ප්රහාරයෙන් කැරැලිකරුවෝ 49 ක් මිය ගිහින්
මහි Wednesday, 24 July 2013 03:02 AM
ඇමෙරිකාවට අවශ්ය මේ දෙගොල්ලම විනාශ කිරීමට යැයි මට සිතේ (නි)
හිරා Wednesday, 24 July 2013 08:13 AM
මොකද්ද මේ මුස්ලිම් ජාති දෙකේ වෙනස? මුස්ලිම් කෙනෙක්ට විස්තර කරලා දෙන්න පුලුවන්ද? (නි)
වීර Wednesday, 24 July 2013 08:35 AM
හිරා,මම මුස්ලිම් නම් නෙමෙයි.එහෙත් මම හොදට කුරණයයි ඉස්ලාමයයි ගැන මුස්ලිම් අයටත් වඩා හොද අවබෝදයක් තියෙන කෙනෙක්.මම හොදට කුරානය පරිශීලනය කරලා තියෙනවා.සුන්නි කියන්නේ කුරානය වගේම මොහොමඩ්තුමාගේ ගුණ ඇතුලත් හදීත් කියන ග්රන්ථය පිළිපදින අය.ෂියා කියන්නේ කුරානය පිළිගත් හදීතය පිළිනොගන්නා අය. (නි)
ලාල් Tuesday, 23 July 2013 10:15 PM
මරා ගන්න එපා මිනිසුනේ (නි)
බන්දුල පෙරේරා Tuesday, 23 July 2013 10:43 AM
ඇමෙරිකාව දෙන ආයුද අන්තිමේදී ඇමෙරිකාව පැත්තටම හැරෙනවා..ඉතිහාසේ පුරා සිදු උනේ ඒකයි.(නදී)