ඌව වෙල්ලස්ස විශ්වවිද්යාලයේ තොරතුරු සහ සන්නිවේදන තාක්ෂණ අධ්යයන අංශයේ පළමු වසර සිසුන් විසින් සංවිධානය කරන ලද “අකුරට රුකුලක්-2023” දෙවන අදියර බ/මීගහවෙල කනිෂ්ඨ විද්යාලයේදී අති සාර්ථකව පවත්වනු ලැබීය.
බදුල්ල නගරයේ සිට කිලෝමීටර් 12 දුරින් සහ බදුල්ල-මහියංගණය ප්රධාන මාර්ගයේ සිට ක.මී.1 ක් පමණ දුර ප්රමාණයකින් බ/මීගහවෙල කනිෂ්ඨ විද්යාලය පිහිටා ඇත.
සිසු සිසුවියන් 42 දෙනෙකුගෙන් සහ ගුරු මණ්ඩලය 11 දෙනෙකුගෙන් සමන්විත මෙම පාසල ආර්ථිකමය සහ යටිතල පහසුකම් ආදියෙන් දැඩි දුෂ්කරතා හමුවේ පවත්වාගෙන යනු ලබන අතර ජල සැපයුමක් නොමැති වීමෙන් පානීය ජල ගැටලුවකින් ද, ප්රධාන මාර්ගයේ සිට පාසල දක්වා පැමිණෙන මාවතේ බස් රථ ගමනාගමනයක් සිදු නොවීම හේතුවෙන් ප්රවාහන ගැටලුවකින් ද පීඩා විඳියි.
මෙලෙස දැඩි දුෂ්කරතා හමුවේ වුව සිය අධ්යාපනය අත් නොහළ ඔවුන් වෙනුවෙන් “අකුරට රුකුලක්-2023” ව්යාපෘතිය යටතේ පාසලේ ගණිත කාමරයට සහ ඉංග්රීසි කාමරයට විදුලිය සැපයීම සහ අත්යවශ්ය උපකරණ ලබාදීම, පාසල් පුස්තකාලයට අවශ්ය පොත්පත් ලබාදීම සහ පාසලේ සංවර්ධන කටයුතු සිදුකිරීම යනාදිය ක්රියාත්මක කරන ලදී.
ලෝක ළමා දිනය වෙනුවෙන් සැමරුමක් ද සංවිධානය කර තිබූ අතර එහිදී පාසලේ සිසු සිසුවියන් වෙනුවෙන් විනෝද ක්රීඩා, නර්තන සහ ගායන අංග සංවිධානය කර තිබිණි. එමෙන්ම සෑම සිසු දරුවෙකුටම පාසල් උපකරණ පරිත්යාග කිරීමද මෙහිදී සිදුවිය.
මේ සඳහා මූල්යමය දායකත්වයෙන් සහයෝගය දෙනු ලැබූයේ උසස්පෙළ තොරතුරු සහ සන්නිවේදන තාක්ෂණ දේශක ලසිත ප්රසාද් මහතා සහEfutures, Aeturnm, Zzappit යන මෘදුකාංග සමාගම් විසිනි. පාසලේ විදුහල්පතිතුමිය ඇතුළු ගුරු මණ්ඩලයෙන්, දෙමව්පියන්ගෙන් සහ සිසු සිසුවියන්ගෙන් ලැබුණු නොමඳ සහයෝගය මෙම වැඩසටහන සාර්ථක කරගැනීමට උපකාරී විය. තොරතුරු සහ තාක්ෂණ අධ්යයන අංශ ප්රධානී කථිකාචාර්ය චිරන්ත ජනනාත් කිතුල්වත්ත මහතාගේ මගපෙන්වීමෙන් සහ සිසු සිසුවියන්ගේ සාමුහිකත්වයෙන් “අකුරට රුකුලක්-2023” සාර්ථක ව පැවැත්වී ය.
හැටන් කලාප අධ්යාපන කාර්යාලය යටතේ පාලනය වන බගවන්තලාව ධර්මකිර්ති සිංහල මහා විද්යාලය ආරම්භ කර වසර 75 ක් සපිරිම නිමිත්තෙන් අද (05) එම විද්යාලයේදි පිරිත් ස
සමස්ත ලංකා නර්තන තරගයේ ගොක්කොල හා කැටයම් අංශයෙන් 2024 වසරේ දිවයිනේ ප්රථම ස්ථානය හිමිකර ගැනීමට අනුරාධපුර තලාව හිරිගොල්ලේගම විදුහලේ එකළොස් වැනි ශ්රේණි
ජනාධිපති රනිල් වික්රමසිංහ මහතා සහ ශ්රී ලංකා විවෘත විශ්වවිද්යාලයේ නීතිවේදී උපාධි අපේක්ෂක සිසුන් පිරිසක් අතර හමුවක් ජනාධිපති කාර්යාලයේදී සිදු විය
කොළඹ විශ්වවිද්යාලයේ 500 වන සනාථන සභා රැස්වීම ඊයේ (31) පස්වරුවේ විශ්ව විද්යාලීය විද්යාපීඨ ශ්රවණාගාරයේදී පැවැත්විණි.
ගම්පහ බණ්ඩාරනායක විද්යාලයීය ’’ X ban - 2024 ප්රදර්ශනය ඊයේ (24) ජනාධිපති රනිල් වික්රමසිංහ මහතාගේ ප්රධානත්වයෙන් ආරම්භ කෙරුනු අතර මෙම මස 28 වෙනි දින දක්වා මෙය
ගම්පහ බණ්ඩාරනායක විද්යාලීය ’’ X - ban ’’ 2024 ප්රදර්ශනය හෙට සිට මෙම 28 වෙනි දින දක්වා පැවැත්වෙන අතර මෙහි සමාරම්භක අවස්ථාවට ජනාධිපති රනිල් වික්රමසිංහ මහතා ස
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
මීගහවෙල කනිටු විදුහලට ‘අකුරට රැකුලෙන්’ අත-හිත