SLT-MOBITEL පසුගියදා පැවති 2022 ආසියානු තාක්ෂණ විශිෂ්ටත්ව සම්මාන උළෙලේදී දුරකථන සන්නිවේදන කාණ්ඩයේ ජාල සහ බ්‍රෝඩ්බෑන්ඩ් තාක්ෂණ විශිෂ්ටත්ව සම්මානයෙන් පිදුම් ලැබීමට සමත් විය. ශ්‍රී ලංකාවේ ග්‍රාමීය ප්‍රදේශවලට පුළුල් මට්ටමින් බ්‍රෝඩ්බෑන්ඩ් පහසුකම් සැපයීම සඳහා නිර්මාණශීලී ලෙස  LTE 850MHz  බ්‍රෝඩ්බෑන්ඩ් විසඳුම භාවිතා කිරීම වෙනුවෙන් මෙම සම්මානය SLT-MOBITEL වෙත හිමි විය.

රටේ ඩිජිටල් පරිවර්තනයට සහය වෙමින් වැඩි පිරිසක් වෙත ඩිජිටල් තාක්ෂණයන් සමීප කරවීමේ අරමුණින් SLT-MOBITEL මෙම LTE 850MHz   බ්‍රෝඩ්බෑන්ඩ් තාක්ෂණය භාවිතා කරයි. මෙමගින් ශ්‍රී ලංකාවේ ග්‍රාමීය ප්‍රදේශ රැසක ජනතාවට SLT-MOBITEL  හි Sub-1GHz 850MHz LTE ජාලය ඔස්සේ සම්බන්ධතා පහසුකම් හිමි වූ අතර, විශේෂයෙන්ම අන්තර්ජාල සම්බන්ධතාවන් අතිශයින් වැදගත් වූ Covd-19 කාලසීමාව තුළ එය එම ජනතාවට ඉමහත් සහනයක් විය.

SLT-MOBITEL  හි LTE 850MHz   විසඳුම, මීට පෙර විශාල වශයෙන් භාවිතා වූ ජාතික මට්ටමේ තරංග පරාස සම්පත් ඉතිරි කරන සුවිශේෂී පියවරක් ලෙසද හැඳින්විය හැකි වේ. ආවරණ පරාසය පුළුල් කිරීමත් සමග, ඊට පෙර බ්‍රෝඩ්බෑන්ඩ් සේවා ලබාගැනීමට නොහැකි වූ නව පාරිභෝගිකයන් 700,000 ක පිරිසකට එම සේවා ලබාදීමට ජංගම දුරකථන සේවා අංශයට හැකියාව ලැබිණි. LTE 850MHz  දියත් කිරීමත් සමග, Covd-19  සමයේ ග්‍රාමීය ප්‍රදේශවල නිවෙස්වල සිට රාජකාරි කිරීමට සිදු වූ පුද්ගලයන්ට හා දුරස්ථ ක්‍රමයට අධ්‍යාපනය ලැබීමට සිදු වූ සිසුන්ට මෙන්ම, Covd-19 සම්බන්ධ හදිසි අවස්ථාවන්ට ප්‍රතිචාර දැක්වීමට සිදු වූ බලධාරීන්ටද අත්වැලක් වීමට SLT-MOBITEL  සමාගමට හැකියාව ලැබිණි.

595