පාසල් සිසු දරු දැරියන්ට අවශ්ය වන අන්තර්ජාල පහසුකම් සඳහා වන ඩේටා කාඩ්පත් අද වනවිට ඔවුන්ගේ අධ්යාපනයේ තීරණාත්මක සාධකයක් බවට පත්ව ඇති තත්ත්වයක් තුළ දැනුම සොයා යාමේ කාර්යයේ නිරත ලාංකීය දූ දරුවන් වෙත දිරිය ලබා දෙමින්, මෙරට ප්රමුඛතම සන්නිවේදන සම්පාදකයා වන ඩයලොග් ආයතනය දිවයිනේ දුෂ්කර පාසල්වල දරුවන් වෙනුවෙන් ‘නැණදිරි’ ඩේටා ශිෂ්යත්ව පිරිනැමීමට ඉදිරිපත් වී ඇත. දිවයින පුරා පිහිටි තෝරාගත් පාසල්වල ආර්ථික දුෂ්කරතාවෙන් පෙළෙන දරුවන් ලක්ෂයක් වෙනුවෙන් නොමිලේ ඩේටා ප්රදානය කිරීම මෙම ශිෂ්යත්වය මගින් සිදුවේ. මෙහිදී එම සිසුන්ගේ ඉගෙනුම් සහ අධ්යාපන කාර්යයන් සඳහා මාසිකව 10GB ඩේටා ප්රමාණයක් සෑම ශිෂ්යත්ව ලාභියකු වෙතම හිමිවන අතර, මෙම ශිෂ්යත්වය මාස 3ක් දක්වා අඛණ්ඩව ලබාදීමට සැලසුම් කර ඇත.
මේ යටතේ ගාල්ල අඟුලුගහ මහා විද්යාලයේ සිසු සිසුවියන් වෙත නැණදිරි ශිෂ්යත්ව ප්රදානය අධ්යාපන අමාත්යාංශයේ සහ ඩයලොග් ආයතනයේ මහත්ම මහත්මීන්ගේ සහභාගීත්වයෙන් පසුගියදා සිදුවිය.
“වසංගතයට අපේ දරුවන්ගේ අධ්යාපනය සහ සංවර්ධනය අහිමි කිරීමට ඉඩදිය නොහැකියි.” යනුවෙන් අවධාරණය කරමින් අධ්යාපන අමාත්ය මහාචාර්ය ජී.එල්. පීරිස් මහතා මෙහිදී වැඩිදුරටත් මෙසේද පැවසීය. “මේ වගේ දුෂ්කර කාල වකවානුවක දෙම්පියන් ආර්ථික බරින් නිදහස් කරමින් සිය පාසල් දරු දැරියන්ගේ මාර්ගගත අධ්යාපන කාර්යයන් සාර්ථක ආකාරයෙන් කරගෙන යාම සඳහා ඩයලොග් ආයතනය සහ මනුසත් දෙරණ එක්ව මෙම ශිෂ්යත්ව ප්රදානය කිරීමට යොමුවීම ඉදිරිගාමී පියවරක් වෙනවා මම එම ආයතනවලට මගේ ස්තූතිය මේ මොහොතේ පුදකර සිටිනවා.”
මෙම අවස්ථාව සම්බන්ධයෙන් අදහස් දක්වමින් ඩයලොග් ආසිආටා පී.එල්.සී. හි සමූහ ප්රධාන විධායක සුපුන් වීරසිංහ මහතා මෙසේ පැවසීය. “රටේ පවත්නා වත්මන් තත්ත්වය සමග අපේ මූලික අරමුණක් වුණේ දිවයින පුරා ආර්ථික දුෂ්කරතාවලින් පෙළෙන දරුවන් වෙත අඛණ්ඩව ඔවුන්ගේ අධ්යාපන කාර්යයන් කරගෙන යාම සඳහා අවස්ථාව සලසාදීමයි. මෙහි ප්රතිඵලයක් විදිහට වගේම එයට විසඳුමක් වශයෙන් “නැණදිරි ඩේටා ශිෂ්යත්ව” වැඩසටහන ක්රියාත්මක කිරීමට හැකිවීම සතුටට කරුණක්. මෙයින් වසංගත තත්ත්වය තුළ දරුවන්ගේ අධ්යාපන කටයුතු සඳහා සිදුවූ පාඩුව අවම කිරීමත්, ඔවුන් දැනුමින් විශිෂ්ටත්වයට පත්වීමට සහාය දැක්වීමටත් ආයතනයක් විදිහට අපි කැපවී සිටින බව මම මේ මොහොතේ සිහිපත් කළ යුතුයි.”
ඩයලොග් ආයතනය මගින් නැණස වැඩසටහන යටතේ නැණස TV නාලිකා, නැණස සුහුරු පාසල් ව්යාපෘතිය, Nenasa App සහ ගාස්තු රහිත නැණස 1916 දුරස්ථ අධ්යාපන සේවාව යනාදී වශයෙන් විවිධ අධ්යාපනික සේවා රාශියක් ක්රියාත්මක කරයි. Dialog Television සමග දරුවන්ට අධ්යාපන කටයුතු නිවසේ සිටම අඛණ්ඩව කරගෙන යාමට මහඟු අත්වැලක් සපයන අතර, 3 ශ්රේණියේ සිට අ.පො.ස. උසස් පෙළ දක්වා විෂය නිර්දේශයට අනුව සියලුම විෂයන් සහිත නැණස සිංහල, නැණස දමිළ සහ ගුරු TV යන අධ්යාපනික නාලිකා කිසිඳු ගාස්තුවකින් තොරව නොමිලේ නැරඹීමට අවස්ථාව සලසා දී ඇත.
මෙරට නව්යකරණ සහ තාක්ෂණ ක්ෂේත්රයේ ඉදිරියෙන්ම සිටින I O N Groups පෞද්ගලික සමාගම Iconic Awards 2024 සම්මාන උළෙලේදී වඩාත්ම ඇගැයීමට ලක් වූ නව්යකරණ සහ තාක්ෂණ සමාගම ලෙස සම්
වසර 22කට වඩා වාණිජ වන වගාවේ අත්දැකීම් බහුල, අගාවුඩ් ඇතුළු නැවුම් හරිත ආයෝජන සැලසුම් ශ්රී ලංකාවට හදුන්වා දුන් Sadaharitha Plantations Limited (සදාහරිත) සමාගම, ඉතා වැදගත් ස
නෙස්ලේ ලංකා සමාගම ‘Good Food Good Life’ තේමාව සමඟින් එක්ව සිටින ව්යාපාරික හවුල්කාරීත්වයන් ඇගයීම වෙනුවෙන් පසුගිය ‘Connect@Nest’24’ උත්සවය පවත්වන ලදී. රසයෙන් හා ගුණයෙන් ස
ශ්රී ලාංකීය නව නිපැයුම්කරුවන් සහ නවෝත්පාදනයන් සඳහා පැවැත්වෙන ජාතික තරඟාවලියක් වන “සහසක් නිමැවුම්” ව්යාපෘතියට NDBබැංකුව ශ්රී ලංකා නව නිපැයුම්කරුව
ශ්රී ලංකාව පුරා විහිදුණු පාසැල් 3,500 ක් කරා ළඟාවෙමින්, ආවරණය සමස්ත පාසැල් වලින් සියයට 35 ඉක්මවයි.
මීට ටික කලකට පෙර කොළඹ නගරයේ හදවත වැනි ස්ථානයක අරඹා අත් හැර දමා කිසිවකුගේ අවධානය යොමු වී නොතිබුණු මහල් නිවාස ව්යාපෘතිය සාර්ථකව නිම කිරීමට Westbury Residenciesසමාග
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
ඩයලොග් වෙතින් ලක්ෂයකට නැණදිරි ඩේටා ශිෂ්යත්ව
බද්රානි Friday, 30 July 2021 01:07 PM
ජනතාවගේ මුදල් අසාධාරණ ලෙස සූරා කමින් අධික ලාභයක් ලබන මේ නීතිගත මාෆියා ආයතනයෙන් සිසුන්ට සෙතක් කරයි කියලා කවුරුන් හෝ හිතනවද? අනේ මගේ බල්ලාටවත් එපා උඹලා පිනට දෙන ඩේටා..
සදමාලි Saturday, 21 August 2021 12:35 PM
මා උගන්වන පාසලටද මෙය ලබා ගැනීමට අවස්ථාවක් තිබේද?