2025 අප්‍රේල් මස 21 වන සඳුදා
සිනමන් හොටෙල්ස් ඇන්ඩ් රිසෝට්ස්, ශ්රී ලංකා සම්මේලන කාර්යාංශය සහ ශ්රී ලංකා ගුවන් සේවය ක්‍රියාත්මක කළ ජාතික මෙහෙවරක්
ශ්රී ලංකා සම්මන්ත‍්‍රණ තානාපති වැඩසටහන (SLCAP) ආරම්භ කරමින් ජාත්‍යන්තර සම්මන්ත‍්‍රණ සදහා ප්රධාන මධ්‍යස්ථානයක් බවට මෙරට පත් කිරීමේහිලා සුවිශේෂී සන්ධිස්ථානයක් පසුගියදා සනිටුහන් කළේ ය. සිනමන් හොටෙල්ස් ඇන්ඩ් රිසෝට්ස්, ශ්රී ලංකා සම්මේලන කාර්යාංශය (SLCB) සහ ශ්රී ලංකන් ගුවන් සේවය යන ආයතන එකට එක්ව, ව්‍යාපාර ඉසව් සඳහා ජාත්‍යන්තර මධ්‍යස්ථානයක් බවට ශ්රී ලංකාව පත් කිරීමෙහිලා මෙවැනි වැඩසටහනක් දියත් කළ පළමු අවස්ථාව මෙයයි.
ප්රධාන ආරාධිත අමුත්තා ලෙස විදේශ කටයුතු, විදේශ රැකියා සහ සංචාරක අමාත්‍ය විජිත හේරත් සහ ගෞරවනීය ආරාධිත අමුත්තා ලෙස ජාත්‍යන්තර කොන්ග‍්‍රස් සහ සම්මේලන සංගමයේ (ICCA) ප්රධාන විධායක නිලධාරී සෙන්තිල් ගෝපිනාත් යන මහත්වරුන්ගේ සහභාගිත්වය ඇතිව මෙම වැඩසටහන ආරම්භ කෙරිණි.
මෙරට සංවිධාන නායකයන් සහ වෘත්තිකයන් ගෝලීය වේදිකාව මත ශ්රී ලංකාව නියෝජනය කරන තානාපතිවරුන් ලෙස ක්‍රියාකරවීමෙහිලා සම්බන්ධ කර ගැනීම සහ බලගැන්වීම ශ්රී ලංකා සම්මන්ත‍්‍රණ තානාපති වැඩසටහනේ අරමුණ වේ. දැනටමත් තානාපතිවරුන් 25 දෙනෙක් බඳවා ගෙන ඇති SLCAP එම තානාපතිවරුන් නියෝජනය කරන ක්ෂේත‍්‍රවල ජාත්‍යන්තර සම්මේලන ශ්රී ලංකාවට ආකර්ෂණය කර ගැනීමෙහිලා සහය වනුඇත. මෙරට රැස්වීම්, දිරීගැන්වීම්, සම්මේලන සහ ප‍්‍රදර්ශන (MICE) අංශය නව මාවතකට යොමු කරමින් තිරසාරත්වය සහ දැනුම් හුවමාරුව ප‍්‍රවර්ධනය හරහා ආර්ථික වර්ධනය ඇති කිරීම මෙම වැඩසටහනේ අරමුණ යි.
SLCAPදියත් කිරීම සම්බන්ධයෙන් අදහස් දක්වමින් සිනමන් හොටෙල්ස් ඇන්ඩ් රිසෝට්ස්හී ප්රධාන විධායක නිලධාරී මිකෙල් ස්වෙන්සන් මහතා මෙසේ පැවසීය. ‘පරිපූර්ණ සහ ප‍්‍රවීණත්වයෙන් යුත් සංචාරක අත්දැකීම් පිරිනමන සංචාරක ක්ෂේත‍්‍රයේ විශේෂඥයකු ලෙස සිනමන් හොටෙල්ස් ඇන්ඩ් රිසෝට්ස්, ශ්රී ලංකා සම්මේලන කාර්යාංශය සහ ශ්රී ලංකන් ගුවන් සේවය සමග එක්ව මෙම පරිවර්තනීය මුලපිරීම ඉදිරිපත් කිරීමට ලැබීම ගැන ආඩම්බර වෙනවා. අපගේ ගැඹුරු දේශීය දැනුම සහ පුද්ගලාරෝපිත ප‍්‍රවේශය, ජාත්‍යන්තර සම්මේලන සඳහා ප‍්‍රමුඛ මධ්‍යස්ථානයක් ලෙස ශ්රී ලංකාව ප‍්‍රවර්ධනය කරම්න් එහි සුවිශේෂී පිරිනැමීම් ලොවට ප‍්‍රදර්ශනය කිරීමට අපිට අවස්ථාව ලබාදේවි.
එක් වහලක් යට 5000 ක් පමණ පිරිසකට ආගන්තුක සත්කාර සිදුකළ හැකි ධාරිතාවකින් යුත් සිනමන් ලයිෆ් ඇට් සිටි ඔෆ් ඩ්‍රීම්ස් ශ්රී ලංකා සමග අපි ශ්රී ලංකාවේ MICE කර්මාන්තය මෙහෙයවමින් ව්‍යාපාරික ඉසව් සඳහා කලාපයේ කේන්ද්‍රස්ථානය ලෙස රට ස්ථානගත කරන්නෙමු. අපගේ හවුල්කරුවන් සහ තානාපතිවරුන් සමග එක්ව මෙරට හැකියාව සහ එහි ආකර්ෂණය ශක්තිමත් කරන ගතික වේදිකාවක් SLCAP විසින් නිර්මාණය කරනු ඇත.’’
SLCAP වැඩසටහනේ උපායමාර්ගික අරමුණු පැහැදිලි කරමින් ශ්රී ලංකා සම්මේලන කාර්යාංශයේ සහ ශ්රී ලංකා සංචාරක සහ හෝටල් කළමනාකරණ ආයතනයේ සභාපති ධීර හෙට්ටිආරච්චි මෙසේ පැවසුවේ ය. ‘ශ්රී ලංකාව ගෝලීය MICE මධ්‍යස්ථානයක් ලෙස ස්ථානගත කිරීමෙහිලා වූ අපගේ මෙහෙවරේ වැදගත් ඉදිරි පියවරක් SLCAP නියෝජනය කරයි. ජාත්‍යන්තර සම්මන්ත‍්‍රණ සඳහා ලංසු තැබීමට දේශීය සංවිධාන නායකයන් උනන්දු කිරීමෙන් සහ සන්නද්ධ කිරීමෙන් මෙම කර්මාන්තයේ විශාල ප‍්‍රගතියක් ඇති කරමින් සැලකිය යුතු ආර්ථික සහ සාමාජීය ප‍්‍රතිලාභ ගෙන ඒමට අපිට හැකි යි.’’
මෙම ජාතික වැඩසටහන සදහා වූ හවුල්කාරිත්වය පිළිබඳව අදහස් දක්වමින් ශ්රී ලංකා ගුවන් සමාගමේ ප්රධාන විධායක නිලධාරී රිචඩ් නුටාල් මහතා මෙසේ පැවසුවේ ය. ‘ඉදිරි සම්මන්ත‍්‍රණ සඳහා පැමිණෙන නියෝජිතයන්ට සහ සම්මන්ත‍්‍රණ සඳහා සැපයුම් සහය ලබා දෙමින් SLCAP වෙත සහය දැක්වීමට ශ්රී ලංකා ගුවන් සේවය ඉතාමත් සතුටෙන් ඉදිරිපත් වුණා. මෙම වැඩසටහන ශ්රී ලංකාවේ ගෝලීය ප‍්‍රවේශය ශක්තිමත් කරනවා පමණක් නොව ශ්රී ලංකාවේ ආශ්චර්යය ලෝකය සමග සම්බන්ධ කිරීමේ අපගේ දැක්ම සමග ද මනාව සැසඳෙනවා.
විදේශයන්හි රැකියාවේ නියුතු ශ්රී ලාංකිකයන් පසුගිය මාර්තු මාසයේදී මෙරටට ඇමෙරිකානු ඩොලර් මිලියන 693.3 ක මුදලක් ඒවා තිබූ අතර එය මාර්තු මාසයේදී මෙතෙක් මෙරට
මැදපෙරදිග කලාපය, ආසියා පැසිපික් කලාපය, ඔස්ට්‍රේලියාව සහ යුරෝපයේ ඇතැම් රටවල් ඉලක්ක කරගනිමින් ගෝලීය මට්ටමේ සංචාරක ප්‍රවර්ධන වැඩසටහන් මාලාවක් අප්‍රේල
ජාත්‍යන්තර මූල්‍ය අරමුදල මෙරටට ලබාදී අරමුදල් වැඩසටහනේ ප්‍රගතිය මැන බැලීම සඳහා වන සිව්වැනි සමාලෝචනය සම්බන්ධ-යෙන් ශ්රී ලංකාව සහ ජාත්‍යන්තර මූල්‍ය අර
ශ්රී ලංකාවේ සංචාරක කර්මාන්තය ශක්තිමත් ඉහළ යාමක් පිළිබිඹු කරමින් මෙම වසරේ පළමු මාස තුන තුළදී මෙරට සංචාරක ඉපැයීම් ඇමෙරිකානු ඩොලර් බිලියනයේ සීමාව පසුක
මහජන බැංකුව, අප්‍රේල් මස 1 වැනිදා සිට 15 වැනිදා දක්වා වූ අලුත් අවුරුදු කාල සීමාව තුළ රුපියල් බිලියන 205කට අධික වටිනාකමකින් යුත් මිලියන 14.5කට අධික ගනුදෙනු සංඛ
2025 මාර්තු මාසයේදී මෙරට ජාතික තේ අලෙවියේ සාමාන්‍ය අගය කිලෝග්‍රෑමයක් සඳහා රුපියල් 1,183.76ක් එනම් ඩොලර් 4.02ක් ලෙස සටහන්ව තිබේ.
2025 අප්‍රේල් මස 18
498
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්රධාන විධායක නිලධාරී රොෂේන් පෙරේරා මහතා සමඟ කතාබ
2025 අප්‍රේල් මස 10
441
0
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
ශ්රී ලංකාව ප‍්‍රථම සම්මන්ත‍්‍රණ තානාපති වැඩසටහන අරඹයි