NDBබැංකුව 2024 Euromoney සම්මාන උළෙලේදී විවිධත්වය සහ සියලු දෙනාට ප‍්‍රවේශය හිමි වන සේවා ස්ථානයක් වීම වෙනුවෙන් හොඳම බැංකුව සම්මානයෙන් පිදුම් ලබා ඇත. මෙම ගෞරවනීය ඇගයීම හිමි කරගැනීමෙන් ආයතනය තුළ විවිධත්වය, සමානාත්මතාව සහ ස්ත‍්‍රී පුරුෂ සමානාත්මතාව ප‍්‍රමුඛ සේවා ස්ථාන සංස්කෘතියක් ක්‍රියාත්මක කිරීම වෙනුවෙන් NDB බැංකුවේ ඇති කැපවීම අවධාරණය කරයි. 

NDB බැංකුව සෑම විටම සෑම පුද්ගලයකුටම හිමි අනන්‍ය හැකියාවෙන් ඔවුන්ගේ වෘත්තීය ජීවිතය සාර්ථක කරගැනීම සඳහා අවස්ථා හිමිවන සේවා පරිසරයක් ප‍්‍රවර්ධනය කිරීම සහතික කරමින් මෙම සම්මානය හිමිවිය. ස්ත‍්‍රී පුරුෂ සමානාත්මතාවට සහාය දැක්වීම, පක්ෂග‍්‍රාහීකම් ඉවත් කිරීමට සහ සියලූම සේවකයන්ට සාධාරණ අවස්ථා ලබා දීම වෙනුවෙන් ක්‍රියාත්මක කර ඇති ප‍්‍රතිපත්ති සහ භාවිතාවන් ද මෙයට ඇතුළත් වේ. ඒ වෙනුවෙන් බැංකුවේ ඇති කැපවීම වෙනුවෙන්, 2023 වසරේ දී ශ‍්‍රී ලංකාවේ වඩාත්ම කැපී පෙනෙන කාන්තා-හිතකාමී සේවා ස්ථානයක් ලෙස NDB බැංකුව පිළිගැනීමට ලක් විය.

NDB බැංකුවේ ප‍්‍රමුඛතම මුලපිරීම් වලින් එකක් වන Fearlessly Femaleවැඩසටහන, ආයතනය තුළ සහ සාමාජීය වශයෙන් කාන්තාවන් සවිබල ගැන්වීම අරමුණු කර ගෙන ඇත. එය කාන්තාවන් දිරිමත් කිරීමට, ඔවුන්ට සහාය වීමට සහ උපදේශන සේවා ක්‍රියාත්මක කිරීමට උත්සාහ කරයි. මෙමඟින් කාන්තා කුසලතා පෝෂණය කර ඒවා දිරිමත් කරනු ලබන පරිසරයක් නිර්මාණය කිරීම අරමුණු කරයි. මෙම මුලපිරීම, වැඩ කරන කාන්තාවන්, ගෘහ සේවිකාවන්, කාන්තාවන් විසින් මෙහෙයවන ව්‍යවසාය සහ කාන්තා ව්‍යවසායකයන් ඇතුළු විවිධ තරාතිරම්වල කාන්තාවන් සඳහා ඉලක්කගත මුල්‍ය විසඳුම් සපයන අරලිය සන්නාමය යටතේ පවත්වාගෙන යනු ලබන NDB බැංකුවේ කාන්තාවන් වෙනුවෙන් බැංකුකරණය වැඩසටහනට සමගාමීව ක්‍රියාත්මක වේ.