SLT-MOBITEL Mobile,  හි ජංගම දුරකථන සේවා අංශයවනSLT-MOBITEL Mobile,  එම සේවාවල කැපීපෙනෙන ඉදිරි පියවරක් තබමින්, ‘M+’ නමින් පසුගෙවුම් කේවල පැකේජ එකතුවක් (M+ Postpaid Individual packages) හඳුන්වා දී තිබේ. පාරිභෝගිකයන්ගේ වෙනස්වන අවශ්‍යතාවලට ගැළපෙන ආකාරයට, නම්‍යශීලී ලෙස සහ විශේෂාංග රාශියක් ඇතුළත් කරමින් මෙම පැකේජ හඳුන්වා දී ඇතැයි එම සමාගම කියයි.
එම සමාගම වැඩිදුරටත් මෙසේද සඳහන් කරයි. 

ඉහළම තලයේ සම්බන්ධතාවක් සමගින් උපරිම පහසුව හා වටිනාකම් එක්කරමින්, පාරිභෝගිකයන්ගේ පසුගෙවුම් ජංගම දුරකථන සම්බන්ධතා අත්දැකීමට නව අරුතක් ලැබෙන ආකාරයට මෙම පැකේජ සැලසුම්කර තිබේ. එමෙන්ම SLT-MOBITEL කේවල පැකේජ එකතුවට ශ්‍රී ලංකාවේ වේගවත්ම ජංගම දුරකථන ජාලයේ පිටුබලය හිමි වී ඇති අතර, එමගින් රට පුරා වෙසෙන පාරිභෝගියන්ට විශිෂ්ට මට්ටමේ සම්බන්ධතාවක් නිසැකවම හිමි වනු ඇත. 

පාරිභෝගිකයන්ගේ විවිධාකාර වූ අවශ්‍යතාවලට ගැළපෙන ආකාරයට, අදියර 4 ක් යටතේ සම්බන්ධතා පහසුකම් හා ප්‍රතිලාභ හිමිවන පරිදි නව M+ පැකේජ එකතුව හඳුන්වා දී තිබේ. සෑම පැකේජයක් සඳහාම Anytime Any App DATA Bundle (දෛනික සීමා නොමැතිව HD ප්‍රමිතියෙන්) සමග DATA roll over පහසුකම, ඕනෑම ජාලයක් සඳහා අසීමිත ඇමතුම්, ඕනෑම ජාලයක් සඳහා SMS 200 ක්, Facebook, WhatsApp සඳහා අමතර 5GB සහ අමතර ඩේටා භාවිතය සඳහා එක් MB එකකට ශත 10 ක් වැනි තරගකාරී ගාස්තුවක් වැනි ප්‍රතිලාභ රැසක් හිමි වේ. 

සියලු‍ම All-in-One පැකේජ සඳහා පොදුවේ හිමිවන ඉහත සඳහන් ප්‍රතිලාභවලට අමතරව, තෝරාගන්නා පැකේජය අනුව විශේෂ ප්‍රතිලාභ හිමි වනු ඇත.

M+ කේවල පසුගෙවුම් පැකේජ එකතුවේ තවත් විශේෂත්වයක් වන්නේ, අවශ්‍ය පරිදි එම පැකේජවලට අමතර විශේෂාංග ඇතුළත් කළ හැකි වීමය. පාරිභෝගිකයන්ට අවශ්‍ය පරිදි Facebook, WhatsApp හා YouTube ආදිය ඇතුළත් සමාජ මාධ්‍ය පැකේජ, Netflix හා Prime Video ආදිය ඇතුළත් විනෝදාස්වාද පැකේජ සහ Teams, Office 365 හා Google Meet  ආදිය ඇතුළත් ඵලදායීතා යෙදුම් ඇතුළත් පැකේජ මෙන්ම TikTok හා Instagram වැනි සමාජ මාධ්‍ය යෙදුම් සඳහා වූ පැකේජද මෙලෙස ප්‍රධාන පැකේජයට අමතරව ඇතුළත් කළ හැකි වේ.