SLT- MOBITEL සිය පාරිභෝගිකභවතුන් උදෙසා විශේෂයෙන්ම හඳුන්ව දෙන ලද ‘Laptop Fiesta’ ත්‍යාග වැඩසටහන පසුගියදා ආරම්භ කළේය. SLT-MOBITEL ජංගම සහ ස්ථාවර දුරකථන සම්බන්ධතා අත්විඳින සියලු‍ම පාරිභෝගිකයන් වෙත නවමු අත්දැකීමක් ලබා දෙන මෙම වැඩසටහන SLT-MOBITEL සන්නාම ඒකාබද්ධතාවයේ තවත් වැදගත් සන්දිස්ථානයක් ලෙස හැඳින්විය හැකි යැයි එම සමාගම කියයි.

මෙහිදී, සියලු‍ම SLT-MOBITEL පාරිභෝගිකයන්ට බිල්පත් ගෙවීම් සහ රීලෝඩ් කිරීම හරහා වසර පුරාම මෙම ත්‍යාග දීමනාවට ඇතුළත්වීමේ සුදුසුකම හිමි වන අතර, එමගින් වාසනාවන්ත ජයග්‍රාහකයන් 15 දෙනෙකුට සෑම සතියකම ලැප්ටොප් දිනා ගැනීමේ අවස්ථාව උදාවේ.

රට තුළ ඩිජිටල්කරණය වේගවත්ව සිදුවෙමින් පවතින අවස්ථාවක, ලැප්ටොප් පරිගණකයක් දිනා ගැනීමේ අවස්ථාව තමන්ගේ විශ්වාසවන්ත පාරිභෝගිකයන්ට ලබා දීමේ වැදගත්කම SLT-MOBITEL විසින් මනාව හඳුනාගෙන තිබේ.

SLT- MOBITEL පාරිභෝගිකයකු තම ශේෂය රු. 50කින් රිලෝඩ් කරන හෝ බිල් පත් ගෙවන සෑම අවස්ථාවකම, මෙම දිනුම් ඇදීමට සුදුසකම් ලැබීමේ වාර ගණන වැඩි වන අතර ඔවුන් SLT- MOBITEL සමඟ සම්බන්ධ වී සිටින වසර ගණන අනුව හිමි වන අවස්ථාවන් සංඛ්‍යාව වර්ධනය වේ.

‘Laptop Fiesta’ වැඩසටහන වයස් බේදයකින් තොරව, දිවයින පුරා විසිර සිටින සියලු‍ම SLT- MOBITEL පරිභෝගිකභවතුන් වෙත පිරිනැමෙන සුවිශේෂී වැඩසටහනක් වන අතර එමගින් වසරක් පුරාවට ලැප්ටොප් පරිගණක 780ක් දක්වා පිරිනැමීමට නියමිතය.