2025 අප්‍රේල් මස 05 වන සෙනසුරාදා
විමුක්ති එස් රුද්‍රිගු
ශ්‍රී ලාංකික නිෂ්පාදනවලට ඉදිරි වසර පහක කාලය සඳහා ඉන්දියාව තීරුබදු රහිත ප්‍රවේශය ලබාදිය යුතු බවට ශ්‍රී ලංකා ජාතික අපනයනකරුවන්ගේ මණ්ඩලය ඊයේ (03) යෝජනාවක් ඉදිරිපත් කළේය.
ඉන්දීය අග්‍රාමාත්‍ය නරේන්ද්‍ර මෝදි මහතා අද (04) ආරම්භ කරන තෙදින නිල සංචාරයට පෙර මාධ්‍ය නිවේදනයක් නිකුත් කරමින් ශ්‍රී ලංකා ජාතික අපනයනකරුවන්ගේ මණ්ඩලය මෙම ඉල්ලීම කළේය. ශ්‍රී ලංකාවේ නිෂ්පාදිත සියලු‍ම නිෂ්පාදන සඳහා තීරුබදු රහිත ප්‍රවේශය ලබා දීම සහ තීරුබදු නොවන බාධක අඩු කිරීම ඉන්දියාවට විශාල වශයෙන් බලපෑමක් ඇති නොකරනු ඇති බව එම මණ්ඩලය පැවැසුවේය.
ඇමෙරිකානු ඩොලර් බිලියන 16.5 ක් අපනයන ආදායමක් ඇති කුඩා දුපතක් වන ශ්‍රී ලංකාවෙන් ආර්ථිකයට එල්ල වන බලපෑම ඇමෙරිකානු ඩොලර් ට්‍රිලියන 3.8 ක දළ දේශීය නිෂ්පාදිතයක් ඇති ලොව වැඩිම ජනගහණයක් සිටින රට වන ඉන්දියාවට නොසලකා හැරිය හැකි බව ශ්‍රී ලංකා ජාතික අපනයනකරුවන්ගේ මණ්ඩලය ප්‍රකාශ කළේය.
ඉන්දියාව ඔවුන්ගේ නිෂ්පාදන සඳහා තීරුබදු රහිත ප්‍රවේශය රටවල් රැසකින් ඉල්ලා සිටි කාලයක් තිබූ බවත් ශ්‍රී ලංකාව සිටින විශේෂයෙන් මෙම තීරණාත්මක මොහොතේදී ශ්‍රී ලංකා ජාතික අපනයනකරුවන්ගේ මණ්ඩලයේ නිහතමානී ඉල්ලීම ඉන්දියාව සතුටුදායක ලෙස නිසියාකාරව සලකා බලනු ඇති බවට කිසිදු සැකයක් නොමැති බවත් එම නිවේදනයේ සඳහන් වේ.
එවැනි ආශිර්වාදයක් අපේ ජාතියට අවශ්‍ය අපනයන වර්ධනය අත්කර ගැනීමට උපකාරී වනු ඇතැයි ශ්‍රී ලංකා ජාතික අපනයනකරුවන්ගේ මණ්ඩලය විශ්වාස කරන බවත් අපනයන වර්ධනය වේගවත් කිරීම සඳහා කුඩා හා මධ්‍ය පරිමාණ ව්‍යවසායකයන්ට විදේශ මූල්‍ය ආයතන සහාය දක්වන මෙම අවස්ථාවේදී රටේ විදේශ විනිමය ඉපැයීම් ශක්තිමත් කර ගැනීමට තීරුබදු රහිත ප්‍රවේශය වේදිකාවක් වනු ඇති බවත් ශ්‍රී ලංකා ජාතික අපනයනකරුවන්ගේ මණ්ඩලය නිකුත් කළ නිවේදනයේ සඳහන් විණ. ඉන් රටේ විදේශ විනිමය ඉපැයීම් ශක්තිමත් වනු ඇති බවද ශ්‍රී ලංකා ජාතික අපනයනකරුවන්ගේ මණ්ඩලය පැවැසුවේය.
ශ්‍රී ලංකාව සහ ඉන්දියාව අතර ඇති ශක්තිමත් බැඳීම සියවස් ගණනාවක් පුරා දිවයන බවත් එම බැඳීම ගොඩනැගී ඇත්තේ සෙලවිය නොහැකි අත්තිවාරමක් මත බවත් එම මණ්ඩලය ප්‍රකාශ කළේය. බුද්ධාගම, ගෘහ නිර්මාණ ශිල්පය, සංගීතය, සංස්කෘතිය, වෙළෙඳාම වැනි ගැඹුරු මූලයන් සමඟ ශ්‍රී ලංකාව සහ ඉන්දියාව අතර සබඳතා ගොඩ නැගී ඇතැයි ශ්‍රී ලංකා ජාතික අපනයනකරුවන්ගේ මණ්ඩලය නිකුත් කළ නිවේදනයේ සඳහන් විණ.
දෙරට අතර පවතින බැඳීම පිළිබඳ වඩාත්ම ප්‍රශංසනීය දෙය නම් දශක ගණනාවක සිට දෙරට අන්‍යෝන්‍ය වශයෙන් ප්‍රතිලාභ භුක්ති විඳීම බවද එම නිවේදනය දැක්වේ. ඉන්දියාව අපගේ ආසන්නතම අසල්වැසියා, සමීප සගයා ලෙස සිටීම තරමක් සැනසිලිදායක කරුණක් මෙන්ම ආඩම්බරයක් බවද එම නිවේදනයේ සඳහන් වේ.
ගෝලීය දර්ශකයේ ඉන්දියාව ආර්ථික වර්ධනය අතින් ඉදිරියෙන් සිටිමින් අවශ්‍ය වූ විට ශ්‍රී ලංකාවට තීරණාත්මක සහායක්ද ලබාදෙන බව ශ්‍රී ලංකා ජාතික අපනයනකරුවන්ගේ මණ්ඩලය පැවැසුවේය. අවශ්‍ය වූ විට මූල්‍ය, සෞඛ්‍ය සේවා, ආහාර සැපයුම්, උපායමාර්ගික ආයෝජන වශයෙන් එම සහාය ලබාදී ඇති බවද අපනයනකරුවන්ගේ මණ්ඩලය නිකුත් කළ මාධ්‍ය නිවේදනයේ දැක්විණ. එසේම ශ්‍රී ලංකාවට වැඩියෙන්ම සංචාරකයන් පැමිණෙන්නේද ඉන්දියාවෙන් බව එම නිවේදනයේ දැක්වේ.
ශ්‍රී ලාංකික නිෂ්පාදනවලට ඉදිරි වසර පහක කාලය සඳහා ඉන්දියාව තීරුබදු රහිත ප්‍රවේශය ලබාදිය යුතු බවට ශ්‍රී ලංකා ජාතික අපනයනකරුවන්ගේ මණ්ඩලය ඊයේ (03) යෝජනාවක
ඇමෙරිකාවට ශ්‍රී ලංකාවෙන් ලැබෙන භාණ්ඩවලට පනවනු ලැබූ සියයට 44 ක තීරු බද්ද එය ක්‍රියාත්මකවීමට පෙර අඩුකර ගැනීම සඳහා තිබෙන අවස්ථා පිළිබඳ ඩොනල්ඩ් ට්‍රම්ප් ප
ජනපති ඩොනල්ඩ් ට්‍රම්ප් පසුගියදා ඇමෙරිකාවට, ශ්‍රී ලංකාවෙන් ලැබෙන භාණ්ඩවලට සියයට 44 ක තීරු බද්දක් පැනවීමෙන් පසුව මෙරට කොටස් වෙළෙඳපොළ ඊයේ (03) පහත වැටුණේය.
ආසියා පැසිෆික් තොරතුරු හා සන්නිවේදන තාක්ෂණ සන්ධානයේ (ඇපික්ටා) 2025 විධායක කමිටු රැස්වීම අද (04) සහ හෙට (05) කොළඹ හිල්ටන් හෝටලයේදී පැවැත්වේ.
මෙරට ප්‍රමුඛතම සමාගම් සමූහයක් වන ජෝන් කීල්ස් හෝල්ඩිංග්ස් පීඑල්සී සමූහය සිය පරිපාලිත සමාගමක් වූ ටී ස්මෝල්හෝල්ඩර්ස් ෆැක්ටරීස් පීඑල්සී සමාගමේ කොටස් 11,28
ශ්‍රී ලංකාවෙන් ඇමරිකා එක්සත් ජනපදයට කරන අපනයන සඳහා සියයට 44 ක තීරු බද්දක් පැනවීමට එරට ජනපති ඩොනල්ඩ් ට්‍රම්ප් පසුගියදා ගත් තීරණය සම්බන්ධයෙන් ලංකා වාණිජ
2025 අප්‍රේල් මස 04
186
0
නව්‍යකරණයෙන් පිරිපුන් හෘද්‍යාංගම මූල්‍ය සේවාවක නියැලෙමින් ශ්‍රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා
2025 මාර්තු මස 31
387
1
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය
2025 මාර්තු මස 21
912
0
ප්‍රයිම් සමූහය ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.
අපනයනකරුවෝඉන්දියාවෙන් පස් වසරක තීරුබදු රහිත ප්‍රවේශ ඉල්ලති