2025 ජනවාරි මස 25 වන සෙනසුරාදා
ප්‍රතිපත්තිමය වැරදි සහ ආර්ථික අර්බුදය හේතුවෙන් කඩාවැටුණු සිය ව්‍යාපාර නැවත නඟා සිටුවීමට ප්‍රමාණවත් සහායක් තවමත් ලැබී නැතැයි මෙරට ආර්ථිකයේ කොඳු නාරටිය බඳු කුඩා හා මධ්‍ය පරිමාණ ව්‍යවසායකයෝ පසුගියදා නැවත වරක් අවධාරණය කළහ. මේ සම්බන්ධයෙන් බලධාරීන්ගේ අවධානය යොමු වියයුතු බවද ඔවුහු ප්‍රකාශ කළ.
කුඩා හා මධ්‍ය පරිමාණ ව්‍යවසායන්ට මෙතෙක් කිසිදු සහනයක් ලබා දී නොමැති බැවින් පසුගිය සැප්තැම්බර් 24 සහ ජනවාරි 1 වැනිදා ශ්‍රී ලංකා මහ බැංකුව විසින් නිකුත් කරන ලද චක්‍රලේඛ සමග එකඟ නොවන බව කුඩා හා මධ්‍ය පරිමාණ ව්‍යවසායකයන්ගේ එකමුතුව ප්‍රකාශ කළේය.
එහෙත් එම චක්‍රලේඛවලට අනුව ණය ලබාදීමේදී ශ්‍රී ලංකා ණය තොරතුරු කාර්යාංශයේ දත්ත වාර්තාව මත පදනම්ව කුඩා හා මධ්‍ය පරිමාණ ව්‍යවසාය ඉදිරිපත් කරන ණය අයැදුම්පත් ප්‍රතික්ෂේප කිරීම සිදු නොකළ යුතු අතර බැංකු ණය ලබාදීමේදී මේ පිළිබඳ කිසිදු සැලකිල්ලක් නොදක්වන බවත් ලබාදී ඇති ණය ප්‍රතිව්‍යුහගත කිරීමට කිසිදු ක්‍රියාමාර්ගයක් ගෙන නොමැති බවත් කුඩා හා මධ්‍ය පරිමාණ ව්‍යවසායකයන්ගේ එකමුතුව පැවැසුවේය.
කුඩා හා මධ්‍ය පරිමාණ ව්‍යවසාය මෙරට දළ දේශීය නිෂ්පාදිතයෙන් සියයට 52 කට දායකත්වය සපයන අතර මෙරට ශ්‍රී ලාංකිකයන්ගේ ලක්ෂ 50 කට වැඩි රැකියා සංඛ්‍යාවකටද වග කියයි.
“ශ්‍රී ලංකාව 2022 වසරේදී බංකොළොත්භාවය නිවේදනය කිරීමත් සමග බංකොළොත් වීමට පෙර කුඩා හා මධ්‍ය පරිමාණ ව්‍යවසාය ගෙන තිබූ ණයවලට සියයට 30 ත් 35 ත් අතර පොලියක් එකතු කළා. වැඩි කළ බැංකු පොලී ගෙවීමට නොහැකිවීම හේතුවෙන් කුඩා හා මධ්‍ය පරිමාණ ව්‍යවසාය දැඩි පසුබෑමකට ලක්වෙලා. 2019 වසරේ සිට එකතු කළ එම විශාල පොලිය අඩු කිරීමකින් තොරව ලබාදී ඇති ණය ප්‍රතිව්‍යුහගත කිරීම ඵලදායී පියවරක් නොවන බව අපේ විශ්වාසයයි” කුඩා හා මධ්‍ය පරිමාණ ව්‍යවසායකයන්ගේ එකමුතුව ප්‍රකාශ කළේය.
ණය ප්‍රතිව්‍යුහගත කිරීමේ ක්‍රියාවලියේදී කුඩා හා මධ්‍ය පරිමාණ ව්‍යවසාය ගෙවිය යුතු සියලු‍ම මුදල් සියයට 10 ක් වැනි පහළ පොලී ප්‍රතිශතයක් මත ගෙවා නිම කිරීමට අවස්ථාවක් සලසා දිය යුතු බවද කුඩා හා මධ්‍ය පරිමාණ ව්‍යවසායකයන්ගේ එකමුතුව පැවැසුවේය.
මෙරට බැංකු, සාමාන්‍ය ගිණුම් සඳහා සියයට 7 ක පොලී ප්‍රතිශතයක් ගෙවන විට කුඩා හා මධ්‍ය පරිමාණ ව්‍යවසායකයන් ලබාගත් ණය සියයට 15 ත් 16 ත් අතර ඉහළ පොලී ප්‍රතිශතයක් යටතේ ගෙවීමට සිදුවන බව ණය ප්‍රතිව්‍යුහගත කිරීමේ සාකච්ඡාවලදී දැනගත් බව කුඩා හා මධ්‍ය පරිමාණ ව්‍යවසායකයන්ගේ එකමුතුව ප්‍රකාශ කළේය.
ඉහළ පොලී අනුපාත හේතුවෙන් කුඩා හා මධ්‍ය පරිමාණ ව්‍යවසායන්ට අභියෝග කීපයකට මුහුණදීමට සිදුව ඇති බවත් මේ සඳහා ඵලදායී විසඳුමක් සොයාගත යුතු බවත් කුඩා හා මධ්‍ය පරිමාණ ව්‍යවසායකයන්ගේ එකමුතුව පැවැසුවේය.
බැංකු 2023 වසරේදී ගැසට් නිවේදන හරහා දේපළ 1400 ක් පමණ අත්පත් කරගෙන ඇති බව කුඩා හා මධ්‍ය පරිමාණ ව්‍යවසායකයන්ගේ එකමුතුව ප්‍රකාශ කළේය. එලෙස දේපළ අත්පත් කර ගැනීම රැකියා විශාල ප්‍රමාණයක් අහිමි වීමට, සියදිවි නසාගැනීමවලට සහ පවුල් ප්‍රශ්න ආදියට හේතු වී ඇතැයි කුඩා හා මධ්‍ය පරිමාණ ව්‍යවසායකයන්ගේ එකමුතුව පෙන්වා දුන්නේය.
ව්‍යවසායකයන්ගෙන් බහුතරයක් බැංකු ණය ලබා ගැනීම සඳහා තම එකම දේපළ (නිවස හෝ සේවා ස්ථානය) ඇපයට තබා ඇති අතර ව්‍යාපාරය දියුණු කිරීමට තවත් ණය ලබා ගැනීමට අවශ්‍ය වූ විට ඔවුන් ගැටලු‍වලට මුහුණදෙන බව එම එකමුතුව ප්‍රකාශ කළේය. මෙම ගැටලු‍ව විසඳීම සඳහා මෙතෙක් කිසිඳු පියවරක් ගෙන නොමැති බවත් රජය ඒ සඳහා පියවරක් ගත යුතු බවත් කුඩා හා මධ්‍ය පරිමාණ ව්‍යවසායකයන්ගේ එකමුතුව පැවැසුවේය.
කුඩා හා මධ්‍ය පරිමාණ ව්‍යවසායකයන්ට ගෙවීමට නොහැකි වූ සේවක අර්ථ සාධක අරමුදල/සේවා නියුක්තිකයන්ගේ භාර අරමුදල, ආදායම් බදු සහ වැට් බදු ගෙවීම් සඳහා වසර 5 ක කාලයකට දඩ මුදල් ගෙවීමේදීද ව්‍යවසායකයන්ට අර්බුදවලට මුහුණදීමට සිදුව ඇති බව කුඩා හා මධ්‍ය පරිමාණ ව්‍යවසායකයන්ගේ එකමුතුව ප්‍රකාශ කළේය. හිඟ මුදල් ගෙවීමට අපොහොසත් වන කුඩා හා මධ්‍ය පරිමාණ ව්‍යවසායන්ට සියයට සීයක දඩයක් ගෙවීමට සිදුවන බවද කුඩා හා මධ්‍ය පරිමාණ ව්‍යවසායකයන්ගේ එකමුතුව පැවැසුවේය. ඒ හේතුවෙන් දඩ මුදල් නොගෙවා හිඟ මුදල් පමණක් ගෙවීමට ක්‍රමයක් හඳුන්වා දෙන ලෙස රජයෙන් ඉල්ලා සිටින බවද එම එකමුතුව ප්‍රකාශ කළේය.
ප්‍රතිපත්තිමය වැරදි සහ ආර්ථික අර්බුදය හේතුවෙන් කඩාවැටුණු සිය ව්‍යාපාර නැවත නඟා සිටුවීමට ප්‍රමාණවත් සහායක් තවමත් ලැබී නැතැයි මෙරට ආර්ථිකයේ කොඳු නාර
ආහාර සුරක්ෂිතතාව තහවුරු කිරීමට අදාළව ප්‍රතිපත්තිමය තීන්දු ගැනීම සඳහා කෘෂිකර්ම, පශු සම්පත්, ඉඩම් සහ වාරිමාර්ග අමාත්‍ය කේ.ඩී ලාල් කාන්ත, වෙළෙඳ, වාණිජ, ආහ
ඇඟලු‍ම් කර්මාන්තයේ නියැලෙන ඉතාලි සමාගමක් වන ‘බෙන්ජි’ සමාගම සහ ශ්‍රී ලංකා ආයෝජන මණ්ඩලය ඩොලර් මිලියන 35 ක ව්‍යාපාර පුළුල් කිරීමේ ගිවිසුමක් පසුගියදා අත්
කොළඹ කොටස් වෙළෙඳපොළ ඉතිහාසයේ පළමුවරට සියලු කොටස් මිල දර්ශක අගය ඒකක 17,000 සීමාව ඊයේ (23) පසු කළේය.
ඇමෙරිකාව පදනම් කරගත් ණය ශ්‍රේණිගත කිරීම් ආයතනයක් වන ෆිච් රේටින්ග්ස් මෙරට බැංකු 10 ක ජාතික දිගු කාලීන ශ්‍රේණිගත කිරීම පසුගියදා ඉහළ දැමීමට කටයුතු කළේය.
පසුගිය වසරේ මෙරට ඇඟලු‍ම් අපනයන ආදායම 2023 වසර සාපේක්ෂව සියයට 5 කින් ඇමෙරිකානු ඩොලර් බිලියන 4.76 දක්වා වර්ධනය වී ඇතැයි මෙරට ඒකාබද්ධ ඇඟලු‍ම් සංගම් සංසදය විසින
මෙවර උසස් පෙළ අවසන් කළ සිසුන්ට නිවැරදි මග පෙන්වීමක් ඇතිව තම අනාගතය සැලසුම් කිරීමට අවස්ථාව ලබාදෙමින් මෙරට ප්‍රමුඛතම විශ්වවිද්‍යාලයක් වන NSBM
2025 ජනවාරි මස 08
535
0
NSBM හරිත සරසවියේ 2025 ජනවාරි නව බඳවා ගැනීම සඳහා පැවැත්වූ “NSBM Open Day” ප්‍රදර්ශනය අති සාර්ථක ලෙස ඉකුත් සතිඅන්තයේ විශ්වවිද්‍යාල පරිශ්‍රයේදී පැවැත්විණි.
2024 දෙසැම්බර් මස 24
641
2
අසිරිමත් නත්තල් සිරියෙන් රටම ආලෝකමත් වූ මොහොතේ මෙරට ප්‍රමුඛතම ජංගම දුරකථන සේවා සම්පාදන සමාගමක් වන HUTCH විසින් ශ්‍රී ලංකාවේ උසම නත්තල් කුළුණ නිර්මාණය කළ
කුඩා - මාධ්‍ය ව්‍යාපාර නංවන්න ප්‍රමාණවත් සහායක් නෑ