පසුගියදා ඉන්දියාවේ මුම්බායි නුවර Taj Lands End  හිදී පැවැත්වුණු Business Leader of the Year’ සම්මාන උළෙලේදී දේපළ වෙළෙඳාම් ක්ෂේත්‍රයේ වසරේ විශිෂ්ටතම ප්‍රධාන විධායක නිලධාරි’ සම්මානය හිමිකර ගැනීමට ප්‍රයිම් ලෑන්ඩ්ස් (පුද්.) සමාගමේ ප්‍රධාන විධායක නිලධාරි රුමින්ද රන්දෙණිය මහතා සමත් විය. මෙම සම්මාන උළෙල සංවිධානය කරන ලද්දේ CMO Asia  විසිනි. ශ්‍රී ලංකාවේ දේපළ වෙළෙඳාම් ක්ෂේත්‍රයට ලබාදුන් විශිෂ්ට නායකත්වය සහ එම ක්ෂේත්‍රය තුළ ඉටු කළ පුරෝගාමී මෙහෙවර වෙනුවෙන් රුමින්ද රන්දෙණිය මහතා වෙත මෙම සම්මානය හිමි විය.

දේපළ වෙළෙඳාම් ක්ෂේත්‍රයේ  වසර 25 කට අධික පළපුරුද්දක් හිමි රුමින්ද රන්දෙණිය මහතා එම ක්ෂේත්‍රයේ දියුණුව වෙනුවෙන් සුවිශාල කාර්යභාරයක් ඉටුකර තිබේ. ඔහු ප්‍රයිම් ලෑන්ඞ්ස් සමාගමේ විධායක නිලධාරී තනතුරට අමතරව එම සමූහයට අයත් Bhoomi Realty Holdings, Regent Caterers සහ Regent Country Club  ඇතුළු සමාගම් කිහිපයක විධායක අධ්‍යක්ෂ තනතුරුද දරන අතර, දූරදර්ශී දැක්ම සහ ව්‍යාපාරික ඥානය ඔස්සේ එම සමාගම්වල උන්නතිය උදෙසා කැපීපෙනෙන මෙහෙවරක් ඉටු කර ඇත. 

මෙම සම්මානය සම්බන්ධයෙන් අදහස් දක්වමින් ප්‍රයිම් සමූහ ව්‍යාපාරයේ සභාපති ප්‍රේමලාල් බ්‍රාහ්මණගේ මහතා සහ සම-සභාපතිනි සඳමිණි පෙරේරා මහත්මිය පැවසුවේ මෙය ප්‍රයිම් ලෑන්ඩ්ස් සමාගමේ ප්‍රධාන විධායක නිලධාරීතුමන්ගේ විශිෂ්ට නායකත්ව ගුණාංග වෙනුවෙන් මෙන්ම, දේපළ වෙළෙඳාම් ක්ෂේත්‍රයේ විශිෂ්ටත්වය හා නවෝත්පාදනය සම්බන්ධයෙන් ප්‍රයිම් සමූහය විසින් පෙන්නුම් කරන ලද සාමූහික කැපවීම වෙනුවෙන් ලැබුණු ඇගයීමක් වන බවයි. රුමින්ද රන්දෙණිය මහතාගේ නායකත්වය යටතේ ප්‍රයිම් ලෑන්ඩ්ස් සමාගම නිරන්තරයෙන් මෙරට දේපළ වෙළෙඳාම් ක්ෂේත්‍රයේ නිම්වළලු‍ පුළුල් කිරීමටත්, සෑම විටම පාරිභෝගික තෘප්තිය සහතික කරමින් ක්ෂේත්‍රෙය් ඉදිරියෙන්ම සිටීමටත් සමත් වී ඇති බවත් ඔවුහු පැවසූහ. 

ප්‍රයිම් ලෑන්ඩ්ස් සමාගම තුළ රුමින්ද රන්දෙණිය මහතාගේ නායකත්වය යටතේ අත්කරගත් ප්‍රධානතම ජයග්‍රහණයක් වන්නේ සියයට 1ක පහසු ගෙවීමේ ක්‍රමය හඳුන්වා දීමයි. මෙම පහසු ගෙවීමේ ක්‍රමය නිසා ශ්‍රී ලාංකිකයන් බොහෝ දෙනකුට තම නිවාස සිහිනය සැබෑ කරගැනීමට හැකි වී තිබේ.