2024 නොවැම්බර් මස 25 වන සඳුදා
2024 නොවැම්බර් මස 25 වන සඳුදා
(හර්ෂණ තුෂාර සිල්වා)
බැංකු පොලී අනුපාත අඩු කිරීමේ වාසිය කිසිදු ප්‍රමාදයකින් තොරව වෙළෙඳපොළට ලබාදෙන ලෙස බලපත්‍රලාභී වාණිජ බැංකු ප්‍රමුඛ සියලු මූල්‍ය ආයතනවලින් ඉල්ලීමක් කරන බව ශ්‍රී ලංකාවේ මහ බැංකුවේ අධිපති දේශමාන්‍ය මහාචාර්ය ඩබ්ලිව්.ඩී. ලක්ෂ්මන් මහතා මහතා අද (17) ප්‍රකාශ කළේය.
රටේ ව්‍යාපාර කටයුතු යළි පණ ගසා නැගී සිටීම තමන්ගේ ස්වයං අභිමතාර්ථ සපුරාගැනීමට අවශ්‍ය බව මූල්‍ය ආයතන තරයේ සිහි තබා ගැනීම වැදගත් යැයි ද හෙතෙම පැවැසීය.
ගෝලීය වසංගතයක් බවට පත්ව තිබෙන නව කොරෝනා වයිරසයෙන් රටේ ආර්ථික කටයුතුවලට ඇති කළ හැකි දැඩි බලපෑම සැලකිල්ලට ගනිමින් ප්‍රතිපත්තිමය පොලී අනුපාත අඩුකිරීමට ශ්‍රී ලංකා මහ බැංකුව ඊයේ (16) පියවර ගත්තේය.
කෝවිඩ්-19 යනුවෙන් නම් කර තිබෙන නව කොරෝනා වයිරසය මේ වනවිට ගෝලීය වසංගතයක් බවට පත්ව තිබෙන අතර ඒ හේතුවෙන් හදිසි අවශ්‍යතාවක් ලෙස සලකා පූර්ව උපායමාර්ගික ක්‍රියාමාර්ගයක් ලෙස එලෙස පොලී අනුපාත අඩු කළ බව ද මහ බැංකු අධිපතිවරයා කීවේය.
විශේෂ ප්‍රකාශයක් කරමින් ශ්‍රී ලංකා මහ බැංකුවේ අධිපති දේශමාන්‍ය මහාචාර්ය ඩබ්ලිව්.ඩී. ලක්ෂ්මන් මහතා එම කරුණු සඳහන් කළේය.
වෙළෙඳපොළ ණය පොලී අනුපාත තවදුරටත් අඩු කිරීමත් දේශීය මුදල් වෙළෙඳපොළ ද්‍රවශීලතා තත්ත්වය ඉහළ නැංවීමත් අරමුණු කරගනිමින් මුදල් මණ්ඩලය පෙරේදාගත් ක්‍රියාමාර්ග ආර්ථික ක්‍රියාකාරකම් යථා තත්ත්වයට පත් කිරීමට මින් පෙර ගෙන තිබූ ක්‍රියාමාර්ග තවදුරටත් ශක්තිමත් කෙරෙනු ඇතැයි ද හෙතෙම සඳහන් කළේය.
මේ වසරේ මේ දක්වා කාලය තුළ ප්‍රතිපත්ති පොලී අනුපාතික පදනම් අංක 75ක සමුච්චිත අඩුවීමක් කර ඇති බවත් ව්‍යවස්ථාපිත සංචිත අනුපාතය අඩු කිරීම හරහා අරමුදල් පිරිවැය පහළ ගොස් ඇති බවත් සඳහන් කළ මහ බැංකු අධිපතිවරයා මේවායේ ප්‍රතිලාභ බලපත්‍රලාභී වාණිජ බැංකු ප්‍රමුඛ සියලු මූල්‍ය ආයතනවලින් දැඩිව ඉල්ලා සිටින බව ද ඔහු කීවේය.
හදිසි සහාය අවශ්‍ය කණ්ඩායම්වලට වෙත කාලීනව අවශ්‍ය කෙරෙන සහාය ලැබෙන බව සහිතක කළ යුතු යැයි ද හෙතෙම කීවේය.
ශ්‍රී ලංකාවේ ප්‍රමුඛ පෙළේ වාහන එකලස් කිරීමේ සහ ගෙන්වා බෙදා හැරීමේ ආයතනයක් වන, අයිඩියල් මෝටර්ස් සමාගමේ නිල වෙබ් අඩවියBestWeb.lk තරඟයෙන් සම්මාන ත්‍රිත්වයක් ද
Orient Financeආයතනය සිය 43 වැනි සංවත්සරය 2024 ජුලි 26 වැනිදා අභිමානයෙන් සැමරීය. 1981 වසරේ දී ආරම්භ කළ Orient Finance ආයතනය මුල්‍ය ශක්‍යතාව නොකඩවා පවත්වා ගනිමින් ශ්‍රී ලංකාවේ ඉදි
NDB බැංකුව සිය නවතම යොවුන් ඉතුරුම වන NDB PIXELහඳුන්වාදී ඇත. වයස අවුරුදු 13 සිට 18 දක්වා යොවුන් වයසේ පසුවන දූ දරුවන් සඳහාම නිර්මාණය වූ මෙම නවතම NDB PIXEL ඩිජිටල් ඉතුරුම්
LPEC Campus, Iconic Awards 2024 2024 සම්මාන උළෙලේදී විශිෂ්ටතම අධ්‍යාපන ආයතනය ලෙස සම්මානයෙන් පිදුම් ලැබීය. එම සම්මානය සතු අධ්‍යයන විශිෂ්ටත්වය, නව්‍ය ඉගැන්වීම් ක්‍රම සහ පරිප
LOLCදිවි සවිය ශ්‍රී ලංකාව පුරා පාසැල් 4,100 කට සවියක් වෙමින් සිය අධ්‍යාපන සත්කාර වැඩසටහනේ තුන්වැනි අදියර සාර්ථක ලෙස අවසන් කරන ලදී. මෙම ජයග්‍රහණයෙන් වැඩසටහන
ලිට්‍රෝ ගෑස් ලංකා සමාගම, කොළඹ කිංග්ස්බරි හිදී පසුගියදා පැවති ශ්‍රී ලංකා සෙරමික් හා වීදුරු කවුන්සිලයේ (SLCGC) 18 වැනි වාර්ෂික මහා සභා රැස්වීමේ තාක්ෂණික සැසි
2024 නොවැම්බර් මස 05
530
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
742
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
‘පොලී අනුපාත අඩු කිරීමේ වාසිය ප්‍රමාදයකින් තොරව ලබාදෙන්න‘
de silva Wednesday, 18 March 2020 07:50 AM
ඔහොම කියල හරියන්නේ නැහැ , කෙලින්ම විශේෂ ජනපති ඕඩර් එකක දෙන්න ඕනේ , මේ පටිපාටියට අදාලව ක්‍රියා නොකරන මුල්‍ය ආයතනවල දේපල රාජසන්තක කරනවා කියලා එතකොට නම් නිකන්ම වැඩේ සිද්ධ වේවි .
BamunuarachchiWednesday, 18 March 2020 12:41 PM
ඔව් ඔව්... ඔය ඕන මගුලක් කරන්න පුළුවන් අපි අඩුපොලියට මුදල් තැන්පත් කළොත් විතරයිනේ. තියන්නම් අපි සල්ලි බැංකුවේ... බලන් ඉඳපල්ලා...
සෙනෙවිරත්නFriday, 20 March 2020 12:24 AM
ඹබ හරි බැංකු බරපතල අර්බුදයක. එක එක්කෙනා ඕඩර්ස් දෙනවා බැංකු වලට කරන්නෙ කොහොමද කියලා හිතන්නෙ නැතිව.
Bamunuarachchi Wednesday, 18 March 2020 12:36 PM
මහාචාර්ය හිතාගෙන ඉන්නේ බැංකුව ඔය අත දිගහැරලා දෙන්න හදන්නේ බැංකුවේ ගොඩගහගෙන ඉන්න සල්ලි කියලද? බැංකුව කොපමණ පොලී අනුපාත අඩුකළත් බැංකුවට පාඩුවක් නැත... ගෙවන සහ ලබන පොලියේ වෙනස බැංකුවට නියමිත ආකාරයට බැංකුව තියා ගන්නවා. නමුත් බැංකුව ණයට දෙන්නේ ජනතාව තැන්පත් කළමුදල්... තැන්පත්කරුවන්ට සාධාරණ පොලියක් ලැබෙන්නේ නැතිනම් තැන්පත් කරුවන් මුදල් ආපසුගෙන වෙනත් ආයෝජනයක් කරන්න වෙනවා. මගේ සල්ලි අඩුපොලියට අරන් තව කෙනෙකුට පොහොසත් වෙන්න දෙන්නේ මොන බම්බුවකටද?
SLThursday, 19 March 2020 03:28 AM
අන්න එහෙම කරන්න. ලෝකේ බොහෝ රටවල තැන්පතු වලට ගෙවන පොලිය 2% හෝ ඊටත් අඩුයි. රටක ව්‍යාපාර තිබුණොත් තමයි මිනිස්සුන්ට රස්සා ලැබෙන්නේ. රට සංවර්ධනය වෙන්නේ නැතිව 22%ක් පොලියට OD අරගෙන 10%ට ලාබෙට ව්‍යාපාර කරලා නොවේ. ලංකාවේ බැංකුවල වාර්ෂික ලාභය දැක්කාම පෙනෙනවා ඔවුන්ගේ ලාභය කොතරම් අසාධාරණද කියලා...
BamunuarachchiThursday, 19 March 2020 12:31 PM
ඒ ඒ රටවල මුදලට වටිනාකමක් තිබෙන නිසා. ඒ මුදල් වලට බයිනින් පවර් එකක් තිබෙන නිසා. ඇමරිකාවේ ඩොලර් 1 ගන්න පුළුවන් බඩුවට අපි රුපියල් 185 අද ගෙවන්න ඕනේ.
de silva Wednesday, 18 March 2020 03:48 PM
ඔය තැන්පතුවලට පොලිය ගෙවන්න පුළුවන් වෙන්නේ මිනිස්සු බැංකුවෙන් සල්ලි ණයට අරන් අලුතෙන් ව්‍යාපාර, නිවාස ඉදිකිරීම් වැනි දේ කළොත් පමණි. දැන් තිබෙන පොලි අනුපාත ඉහළ නිසා මිනිස්සු මුදල් ණයට ගෙන වැඩක් කිරීමට මැලිවෙති. කොරෝනා ප්‍රශ්නය මෙතැනට අලුතෙන් එකතු වුණු දෙයක්... පොලිය අඩු කිරීම හරි තීරණයක්..., හොඳම උදහරණය පොලිය අඩුකරපු නිසා ජර්මන් ආර්ථිකය 2006 සිට මේ දක්වා සිදුවුණු වර්ධනය.
BamunuarachchiThursday, 19 March 2020 12:34 PM
මිනිස්සුම වෙන්න ඕනේ නැහැ රජයත් බාන්ඩාගාර බිල්පත් නිකුත් කරලා බැංකුවලින් ණය ගන්නවා.
මුණසිංහ Thursday, 19 March 2020 01:42 AM
මෙය වෙනකම් අපට විශ්වාසයක් නැහැ. මෙතෙක් කල් මහ බැංකුව පොලී අඩු කළත් ඔවුන් අඩුකලේ තැන්පතු පොලිය විතරයි. ණය පොලී අනුපාත අඩු කලේ නැහැ. ඒ වාසියත් ගත්තා. මහ බැංකුව සෘජුව ඊට මැදිහත්විය යුතුයි. ඊට අමතරව විවිධාකාරයෙන් මුදල් අය කරගන්නවා. ඒ.ටී.එම්. කාඩ් එකට වාර්ෂික ගාස්තු කියලා එක එක ගණන් අය කරනවා. බැංකු පොත අප්ඩේට් කරනකොට තමා පේන්නේ ඒවා. ඒ ගැන ඇහුවාම එකඑක දේ කියනවා.
Rane Saturday, 21 March 2020 09:47 AM
බැංකු ප්‍රමාණයත් වැඩි බව හොඳටම පේනවා. ලාබ අධික නිසා නේද මේ...?
Ajith Kuma Monday, 30 March 2020 04:47 AM
පොළිය සියයට හැත්තෑපහකින් අඩුකිරීමට පියවර ගන්න. මේ අවස්ථාවේ එසේ නොකොළොත් සියලු ව්‍යාපාර ප්‍රබල අර්බුදයකට ලක්වෙනු ඇත. රජයේ බැංකුත්, ව්‍යාපාරිකයින් ඇතුළු සැමදෙනාම සූරන්කනවා.