හාඩ්වෙයාර් නිෂ්පාදන යනු නිවසක් අලුතෙන් නිර්මාණය කරන විට හෝ පවතින නිවසක් නවීකරණය කරන විට අත්‍යවශ්‍යම වන උපාංග වේ. ශාන්ත කුමාර් යනු දැන් අවුරුදු 20ක කාලයක පටන් ගල්වළ ප්‍රදේශයේ හාඩ්වෙයාර් උපකරණ අලෙවි කරනු ලබන ව්‍යාපාරිකයෙකි. චීනය, ඉන්දියාව, පාකිස්ථානය වැනි රටවල්වලින් එම හාඩ්වෙයාර් උපකරණ ගෙන්වා බෙදාහැරීම ඔහු සිදුකරන කාර්යය වේ. මේ දවල්වල බිස්නස්  කෙසේදැයි සොයා යන ගමනේ ශාන්ත කුමාර්ව අපේ අපේ කතා බහට එකතු කර ගත්තෙමු. 

Q: මේ දවස්වල බිස්නස් කොහොමද?
මේ දවස්වල බිස්නස් වරදක්ම නැහැ. ෂේප් එකේ කරගෙන යනවා. කොරෝනවලින් පස්සේ අපේ ව්‍යාපාර පොඩ්ඩ පොඩ්ඩ වැඩි වුණා. අපි ව්‍යාපාරිකයෝ විදියට අපේ ව්‍යාපාර ගොඩනගන විදියත් දැනගන්න ඕන. මොකද බිස්නස් අඩුයි කියලා කාටවත් දොස් කියන්න බැහැ. අපේ පැත්තෙන් වගේම ආණ්ඩුව පැත්තෙනුත් වැට් එක පොඩ්ඩක් අඩු කළානම් අපේ ව්‍යාපාර තව දියුණු කරන්න පුළුවන්. එහෙම වුණොත් අපටත් සතුටින් බිස්නස් එක කරගෙන යන්න පුළුවන්. 

Q: බිස්නස් වැඩි වෙන්න බලපාපු හේතුව කුමක්ද?

මම ඉතාම ක්‍රමානුකූලව ව්‍යාපාර කරගෙන යන කෙනෙක්. හරි කළමනාකරණයක් මට තියෙනවා කියලා මට හිතෙනවා. මං ගාව දැනට සේවකයෝ 20ක් පමණ සිටිනවා. ශාඛා කීපයක් තියෙනවා. ඒ වගේම මං ගාව ඉන්න සේවකයන්ට මම හොඳට සලකනවා. මං ළඟට එන පාරිභෝගිකයනුත් නැවතත් මං ළඟට එන විදියට  තමයි මම බිස්නස් කරන්නේ. මං හිතනවා ව්‍යවසායකත්ව මනසකින් බිස්නස් කිරීම තමයි මාගේ බිස්නස් වැඩි දියුණුවෙන්න හේතුව.

අමිල චින්තක ගමගේ
ඡායාරූප - ඉසුරු පෙරේරා.