2025 අප්‍රේල් මස 02 වන බදාදා
(මනෝප්‍රිය ගුණසේකර සහ තිළිණි ද සිල්වා)
මියගිය සිය පුත්‍රයා කොවිඩ් ආසාදිත දැයි නිශ්චිතව දැන ගැනීම සඳහා යළිත් වරක් පී.සී.ආර්. පරීක්‍ෂණයට ලක් කරන්නැයි ඉල්ලා ඉදිරිපත් කළ පෙත්සමේ වගඋත්තරකරුවන්ට නොතිසි නිකුත් කිරීමට අභියාචනාධිකරණය අද (15) නියම කළේය.
දැනට කොළඹ දකුණ ශික්‍ෂණ රෝහලේ මෘත ශරීරාගාරයේ තැන්පත් කර ඇතැයි කියන මොහොමඩ් හකීම් මොහොමඩ් ටිල්ෂාන් නමැති 26 හැවිරිදි තරුණයාගේ මෘතදේහය සම්බන්ධයෙන් කිසිඳු පියවරක් නොගන්නා ලෙසද අභියාචනාධිකරණය වගඋත්තරකරුවන්ට වැඩිදුරටත් නියම කළේය.
ත්‍රීකුණාමලයේ පදිංචි මොහොමඩ් ඊබ්‍රාලෙබ්බේ මොහොමඩ් හකීම් නමැත්තා විසින් ඉදිරිපත් කළ මෙම පෙත්සමේ වගඋත්තරකරුවන් වශයෙන් දකුණු කොළඹ ශික්‍ෂණ රෝහලේ අධිකරණ වෛද්‍ය නිලධාරීවරයා, දකුණු කොළඹ ශික්‍ෂණ රෝහලේ අධ්‍යක්‍ෂ ප්‍රදීප් විජේසිංහ මහතා, සෞඛ්‍ය අමාත්‍ය පවිත්‍රා වන්නිආරච්චි මහත්මිය, සෞඛ්‍ය සේවා අධ්‍යක්‍ෂ ජනරාල් අසේල ගුණවර්ධන මහතා සහ සෞඛ්‍ය අමාත්‍යංශයේ ලේකම් එස්.එච්. මුණසිංහ මහතා නම් කර ඇත.
පෙත්සම්කරු සිය පෙත්සම මඟින් කොළඹ දකුණ කළුබෝවිල ශික්‍ෂණ රෝහලේ දී සිය පුත්‍රයා මියගිය බවත් කොතලාවල ආරක්‍ෂක විද්‍යා පීඨය විසින් සිදුකළ පී.සී.ආර්. පරීක්‍ෂණයකින් පසුව සිය පුත්‍රයාට කොරෝනා ආසාදනය වී ඇතැයි දැනුම් දුන් බවත් සඳහන් කර තිබේ.
කෙසේ නමුත් සිය පුත්‍රයාට කොරෝනා නිශ්චිතවම ආසාදනය වී ඇද්දැයි යන්න තහවුරු කරගැනීම සඳහා යළිත් පී.සී.ආර්. පරීක්‍ෂණයක් සිදුකරන ලෙස වගඋත්තරකරුවන්ට නියම කරන්නැයි ද එතෙක් දැනට කොළඹ දකුණ ශික්‍ෂණ රෝහලේ මෘත ශරීරාගාරයේ තැන්පත් කර ඇති මොහොමඩ් හකීම් මොහොමඩ් ටිල්ෂාන් නමැත්තාගේ මෘතදේහය සම්බන්ධයෙන් කිසිඳු පියවරක් නොගන්නා ලෙස වගඋත්තරකරුවන්ට නියම කරන්නැයිද ඉල්ලා තිබිණි.
පෙත්සම්කරු වෙනුවෙන් පෙනී සිටි ජනාධිපති නීතීඥ ෆයසිර් මුස්තාපා මහතා කරුණු ඉදිරිපත් කරමින් මෙම පෙත්ස විභාග කිරීම සඳහා වගඋත්තරකරුවන්ට නොතිසි නිකුත් කරන්නැයි ඉල්ලා සිටියේය.
ඉදිරිපත් වු කරුණු සළකා බැලු අධිකරණය ලබන 17 වැනිදා අධිකරණයේ පෙනී සිටින ලෙස නියම කරමින් වගඋත්තරකරුවන්ට නොතිසි නිකුත් කළේය.
පෙත්සම්කරු වෙනුවෙන් නීතීඥවරුන් වන හෆීල් පාරිස් සහ රුෂ්ඩි හබීබ් සමඟ ජනාධිපති නීතීඥ ෆයසිර් මුස්තාපා මහතා පෙනී සිටියේය.
ශ්රී ලංකා රූපවාහිනී සංස්ථාව මගින් විකාශය කළ ’’ඉරා අඳුරු පට’’ නැමැති වැඩසටහන හදිසියේ අතරමග නතර කිරීම තුළින් එම ආයතනය එම වැඩසටහනේ ප්‍රේක්ෂකයින් වූ නි
සම්පූර්ණයෙන්ම මුහුණු ආවරණය කළ ආරක්ෂිත හිස් වැසුම් පලඳින යතුරුපැදිකරුවන්ට එරෙහිව නීතිමය පියවර නොගන්නා ලෙස නීතිපතිවරයා විසින් පොලිස්පතිවරයා වෙත උප
ශ්රී ලංකාවේ ප්‍රථම නියෝජ්‍ය පොලිස්පතිනිය ලෙස පසුගියදා උසස් වීම් ලද බිම්ශානී ජාසිංහ ආරච්චි මහත්මියගේ එම උසස් වීම බල රහිත කරන ලෙස ඉල්ලා ජ්‍යේෂ්ඨ පොල
මාස 11ක් වයසැති පුතාට සහ අවුරුදු තුනක් වයසැති තම දියණියට වස පෙවූ 28 හැවිරිදි මවක් මාර්තු 01 දින දක්වා රක්ෂිත බන්ධනාගාර ගත කරන ලෙස දඹුල්ල වැඩබලන මහේස්ත්‍රා
මියගිය සිය පුත්‍රයා කොවිඩ් ආසාදිත දැයි නිශ්චිතව දැන ගැනීම සඳහා යළිත් වරක් පී.සී.ආර්. පරීක්‍ෂණයට ලක් කරන්නැයි ඉල්ලා ඉදිරිපත් කළ පෙත්සමේ වගඋත්තරකරුවන්
මාතර පුහුල්වැල්ල මධ්‍ය මහා විද්‍යාලයේ විනය භාර ආචාර්යවරයා විසින් සිසුවෙකුගේ කනට ගසා බරපතල හානි කිරීමෙන් එම සිසුවාගේ මූලික අයිතිවාසිකම් කඩ වී ඇති බවට
2025 මාර්තු මස 31
150
0
මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය
2025 මාර්තු මස 21
736
0
ප්‍රයිම් සමූහය ශ්රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.
2025 මාර්තු මස 07
764
2
දේශයේ ආරක්ෂකයා ලෙස ශ්රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ්රී ලංකාවේ පවතින වඩාත්ම උපයන රාජ්‍
මියගිය පුතුට කොරෝනා දැයි සොයන්න පියා තවත් පී.සී.ආර්. පරීක්‍ෂණයක් ඉල්ලයි