කොරෝනා වසංගතය පාලනය වන අතට

ඔක්තෝබර් 5 වැනිදා ආරම්භ වූ කොරෝනා දෙවැනි රැල්ල පසුගිය 14 වැනිදා එහි උපරිම අගයට ළඟා වීමෙන් පසුව මේ වන විට තරමක් දුරට පාලනය වෙමින් පවතින බව සෞඛ්‍ය අමාත්‍යංශයේ වසංගත රෝග විද්‍යා අංශයේ නිල වෙබ් අඩවියෙන් (http://www.epid.gov.lk/web/index.php?lang=en) පෙන්නුම් කරයි. එම වෙබ් අඩවයේ මේ වන විටත් පෙන්නුම් කරනු ලබන දත්ත අනුව වසංගතය ශ්‍රී ලංකාව තුළ ක්‍රියාත්මක වීමේ බරපතළම අවධිය වී ඇත්තේ දෙසැම්බර් මස දෙවැනි සතියයි.

කොවිඩ්-19 සම්බන්ධයෙන් වන රජයේ නිල වෙබ් අඩවියේ (https://covid19.gov.lk/covid-19-stats.html) දත්ත වලින්ද මෙම තත්ත්වයන් වැඩිදුරටත් තහවුරු වෙයි.

දෙසැම්බර් මස 14 වැනිදා පැවැති අගයන් අනුව එදින රෝහල්ගතව ප්‍රතිකාර ලබමින් සිටි රෝගීන් සංඛ්‍යාව 9017 කි. එහෙත් එතැන් සිට ප්‍රතිකාර ලබමින් සිටින රෝගීන් සංඛ්‍යාව ක්‍රම ක්‍රමයෙන් අඩුවෙමින් පවතින අතර අද (29 වැනිදා) වන විට රෝහල්ගතව ප්‍රතිකාර ලබමින් සිටින රෝගීන් සංඛ්‍යාව 7484 දක්වා අඩුවී තිබේ.

මේ වසරේ මාර්තු මාසයේදී ශ්‍රී ලංකාවෙන් පළමු කොරෝනා රෝගියා හමුවූ දිනයේ පටන්ම වරින් වර හමුවන රෝගීන් සංඛ්‍යාව එහි මුල් අගයට එකතු කරන ලදි. අද වන විට වාර්තා වන රොගීන් සංඛ්‍යාව 41,603 ක් ලෙසින් සටහන් වූවත් ඔවුන් අතුරින් 33,925 දෙනෙක් සුවය ලබා සිටිති.

අභියෝගාත්මක සාධකය වන්නේ දිනයක් තුළ ප්‍රතිකාර ලබමින් සිටින රෝගීන් සංඛ්‍යාව සහ හඳුනා නොගත් රෝගීන් හෙවත් කොරෝනා වයිරසයේ වාහකයන් පිරිසත්ය. කෙසේ වෙතත් රෝහල්වල ප්‍රතිකාර ලබමින් සිටින රෝගීන් සංඛ්‍යාව ක්‍රම ක්‍රමයෙන් අඩුවෙමින් පැවතීම කිසියම් සහන දායී තත්ත්වයක් බව සෞඛ්‍ය අමාත්‍යංශයේ වසංගත රෝග විද්‍යා අංශයේ නිල වෙබ් අඩවියෙන් මෙන්ම කොවිඞ්-19 සම්බන්ධයෙන් වන රජයේ නිල වෙබ් අඩවියේ දත්ත වලින්ද තහවුරු වේ.

ඉතාම ආසන්න (දෙසැම්බර් මාසයේ) දත්ත මෙසේ විශ්ලේෂණය කළ හැකිය.

දෙසැම්බර් මස 2 වැනිදා හමුවූ රෝගීන් සංඛ්‍යාව 878 කි. එහෙත් එදින පසුව ගෙවී ගිය සති හහතරකට (දින 27 ක්) ආසන්න කාලයේදී අලුතෙන් හමුවන රෝගීන් සංඛ්‍යාව ක්‍රම ක්‍රමයෙන් අඩුවෙමින් තිබේ. දෙසැම්බර් 8 වැනිදා රෝගීන් 798 ක් හමුවූ නමුත් දෙසැම්බර් 12 වැනිදාට පසුව සෑම දිනයකදීම හමුවී ඇත්තේ රෝගීන් 750 කට වඩා අඩු සංඛ්‍යාවකි. ඊට අනුලෝම වශයෙන් දෙසැම්බර් 14 වැනිදා සිට ගෙවීගිය සති දෙක ඇතුළත දිනපතාම රෝගීන් 500 කට වැඩි පිරිසක් (දෙසැම්බර් 21 වැනිදා හැර - එදින සුවය ලද රෝගීන් සංඛ්‍යාව 415 යි) සුවය ලබා රෝහල්වලින් පිටව ගියහ.

දෙසැම්බර් 14 වැනිදා 9017 ක් වූ ප්‍රතිකාර ලබමින් සිටි රෝගීන් සංඛ්‍යාව අද (29 වැනිදා) 7484 ක් දක්වා පහළ බැස තිබේ. ගෙවී ගිය දෙසතිය තුළම එය 8000 සීමාවට ඔබ්බෙන් තිබූ නමුත් අද එතැනින් පහළට වැටිණ.

මාර්තු මාසයේ සිට මේ දක්වා වයිරසය අසාදනය වූ පිරිස අතුරින් අද (29 වැනිදා) වන විට සුවය ලැබූ පිරිස ප්‍රතිශතයක් වශයෙන් 81.5 % කි. ප්‍රතිකාර ලබමින් සිටින පිරිස ප්‍රතිශතයක් වශයෙන් 18 % කි. මරණ 194 ක් වාර්තා වන නමුත් එය ප්‍රතිශතයක් වශයෙන් 0.5 % ක් හෙවත් වයිරසය ආසාදිත වූවන්ගෙන් 1000 කට 5 දෙනෙකි.

අදහස් (24)

කොරෝනා වසංගතය පාලනය වන අතට

hemantha Tuesday, 29 December 2020 12:24 PM

පට්ට පල් ඇත්ත.

: 9 83

senaTuesday, 29 December 2020 01:41 PM

මටත් හිතෙන්නේ හේමන්ත හරි... මොකද මේ හරි වුණත් මේ ප්‍රතිඵල ලැබුණේ ලැබුණේ පරීක්ෂණ කීමට සාපේක්ෂව කියලා නැහැ. පරීක්ෂණ අඩුවෙන් කළොත් ලෙඩ්ඩු ගාණ ඉබේම අඩුවෙනවනේ...

: 0 0

AshanTuesday, 29 December 2020 03:05 PM

එහෙනම් පලාත් සභා ඡන්දෙත් තියමු.

: 2 37

sathyapalaTuesday, 29 December 2020 07:52 PM

ජූලි මාසේ සිට වැඩිවීමට පටන්ගත් රෝගීන් සංඛ්‍යාව දෙසැම්බර් මස දින කිහිපයකට අඩුවීම දෙස බලා පාලනය වී ඇතැයි සිතීම අනුවණකමකි. එයට අමතරව වේගයෙන් පැතිරෙන නව කොරෝනා ප්‍රභේදය ලෝකය පුරා පැතිරෙමින් දැන් ඉන්දියාව දක්වා පැමිණ තිබීමත්, වේගයෙන් ව්‍යාප්ත මේ නව ප්‍රභේදය ආරම්භ වූ රට වන දකුණු අප්‍රිකාවට අප රටේ ක්‍රිකට් කණ්ඩායම ගොස් තිබීමත් ඉතා අනතුරු දායක තත්වයකි. මේ නව ප්‍රභේදය දිනක් තුල රෝගීන් සංඛ්‍යාව දෙගුණ තෙගුණ කරවන බැවින් රටේ තත්වය සුළු කොට තැකීම නොකළ යුතුමයි.

: 0 0

Hashim Tuesday, 29 December 2020 12:35 PM

මැතිවරණයක් අතළග...

: 5 44

kareenTuesday, 29 December 2020 07:19 PM

කොරෝනා හැදිලා හොස්පිටල් එන්නේ නැතිව හදිසියේ මැරෙන ලෙඩ්ඩු කොච්චර ඇතිද? පීසීආර් ටෙස්ට් 100ක් කළොත් කොරෝනා පොසිටිව් 50ක් හම්බවෙන සමාජයක මොනවද කියන බොරු?

: 0 0

fairoos Tuesday, 29 December 2020 01:53 PM

සර් පාස්'''

: 6 28

Jayantha Tuesday, 29 December 2020 02:14 PM

මෙය මුදල් ගෙවා ප්‍රචාරය කළ දැන්වීමකි ද ? කොළඹ අවදානම රට පුරා ගිහින් ඉවරයි .. ඒත් ලෙඩ්ඩු අඩුයි. ඇත්ත නම් සතුටුයි...

: 4 42

Maduranga Tuesday, 29 December 2020 02:15 PM

ඡන්දයක පෙරනිමිති පහළවන බව පෙනී යනවා...!!!

: 3 41

නිලන් Tuesday, 29 December 2020 02:15 PM

පලාත් සභා ඡන්දෙත් ළඟ එනවනේ..

: 3 29

සමිත සේනක අලුත්ගමගේ. Tuesday, 29 December 2020 02:19 PM

මේවා සංඛ්‍යා ලේඛණ මත පමණක් පදනම් කොටගෙන කෙරෙනා සුරංගනා කතා වගෙයි පෙනීයන්නේ ... කෙසේ වෙතත්, රට පුරා කොරෝනා ව්‍යාප්ත වෙමින් පවතින බව කියන දේ තමයි කිවයුතු වන්නේ. එය තමයි තිත්ත ඇත්ත. රෝගය සමාජගත වෙලා නැහැ කියලා සුරංගනා කතාවකුත් ප්‍රචාරය වුණා අපට මතකයි. අපි රැවටෙයි මෙන්න කියලා ... හුරේ ...

: 6 41

CITIZEN Tuesday, 29 December 2020 02:34 PM

ඉතා හොදයි. වෛරසය හදුනාගැනීමට කළ පරීක්ෂා ප‍්‍රමාණය වැඩි කරපු නිසා මෙහෙම රෝගීන් සංඛ්‍යාවක් සොයාගැනීමට හැකිවුනාය කියන එක මතක තබාගන්නම ඔ්නේ. ඒ කටයුතු ඒ ආකාරයෙන්ම ඉදිරියට කරගෙන යන ගමන්ම, අපිත් වගකීමක් ඇතිව ඉදිරියටත් කටයුතු කළොත්, මේ දේවල්වල ප‍්‍රතිඵල තියේවි. එකම ප‍්‍රාර්ථනය, සාර්ථක වුනා හෝ අසාර්ථක වුනා, ඒ කිසිම අවස්ථාවකට දේශපාලනය නොගාවා සිටීමට අපේ පාලකයින් සහ විපක්ෂය කටයුතු කරාවිය කියන එක පමණයි.

: 27 16

saman Tuesday, 29 December 2020 03:28 PM

සමහර කුහකයින්ට මෙක දරාගන්න බැරිව ඇති..

: 58 17

ShanakaTuesday, 29 December 2020 11:30 PM

තාමත් රැවටෙන ඔහෙලට තමයි මේ නිවුස් වටින්නේ...

: 0 0

Samantha Tuesday, 29 December 2020 03:31 PM

චන්දෙ තියන්න නේද හදන්නෙ?

: 8 36

Jaya Tuesday, 29 December 2020 03:51 PM

මෙය හොඳ ප්‍රවනතාවයක්. නමුත් දත්ත වල නිවැරදිතාවය මත තදබල ලෙස රඳා පවතිනවා. උදා පරීක්ෂණ ප්‍රමාණය අනුලෝමව ඉහල නොයන්නේ නම් positive අගය එක්තරා අගයක වටා දෝලනය වන්න පුලුවන් සහ වැරදි දෙයක් පිළිඹිබු කරන්න පුළුවන්. එ වගේම යම්කිසි ට්‍රෙන්ඩ් එකක් නිගමනය කරන්න මාසයක් පමණ නිරීක්ෂණය කල යුතුයි. ජනතාව අනවශ්‍ය බියටත්, අනවශ්‍ය ලෙස සැහැල්ලුවට ගැනීමත් වැලැක්වීම නිලදාරීන්ගේත් මාධ්‍යවලත් යුතුකමයි...

: 2 38

Prasad Tuesday, 29 December 2020 03:58 PM

ඔලුවෙ පොල්ලක් වැදිච්ච එකෙක්ද මෙක ප්‍රකාශ කළේ..?

: 6 37

Prabha Tuesday, 29 December 2020 04:23 PM

එහෙමනම් එන්නත ගේන එකේ තේරුමක් නැහැනේද? මැතිවරණය ඉක්මන් කරමු.

: 6 40

බද්රානි Tuesday, 29 December 2020 04:30 PM

මොනවා උනත් හොර ප්‍රස්තාර වලින් හා බොරු සංඛ්‍යා දත්ත ලේඛන වලින් නම් ලෝකයෙන්ම කප් එක උස්සපු රටක් තමයි මේ. මම ඊයේ දැක්කා ලංකාවේ දොස්තරයෙක් කියනවා හෝටල් කර්මාන්තය නගා සිටුවන්න සංචාරකයින් මෙරටට ගෙන්වීම කල යුතුයි කියලා. සෞඛ්‍යය ක්ෂේත්‍රය තුල අරක්ගෙන සිටින මෙවන් තක්කඩි දොස්තර මුදලාලිලා තමයි මේ ප්‍රස්තාර පසුපසත් සිටින්නේ. අපි නම් රැවටෙයි ඕවට..?

: 15 50

Rohana Wednesday, 30 December 2020 06:10 AM

අඩුවෙන්නේ ධම්මික පැණිය නිසා වෙන්න බැරිද?

: 0 0

Raveendra Wednesday, 30 December 2020 07:42 AM

මේ වගේ වැටෙන ප්‍රතිචාර අදාල බලධාරීන්ට පෙනීයන්...

: 0 0

විපරමා Wednesday, 30 December 2020 10:48 PM

මේ වෙනකොට දෙසීයකට කිට්ටු වෙන්ඩ මැරිලා. රටපුරාවටම කොරෝනා ආසාදිතයෝ... පිටරට ඉදලා එන අයටත් කොරෝනා. තවත් හදන්නේ බොරු බේගල් කියලා ජනතාව ගොනාට අන්දවන්ට...

: 1 2

Nihal Thursday, 31 December 2020 10:00 PM

කොටි නැගිටීම්, වනාන්තර එළි පෙහෙළි කිරීම්, ආගමික ගැටුම් එහෙම ඉස්සරහට එන්න තියනවා...

: 0 0

69lakshaya Friday, 01 January 2021 06:56 AM

අපේ ධම්මික වෙද මහතාගේ පැණියේ ප්‍රතිඵල...

: 0 0

ඔබේ අදහස් එවන්න

Covid19

නව කොවිඩ් ප්‍රභේදයක් යුරෝපයේ පැතිරෙයි

2024 සැප්තැම්බර් මස 18 2311 1

එක්ස්.ඊ.සී ලෙස නම් කර ඇති දෙමුහුම් කොවිඩ් ප්‍රභේදයක් යුරෝපයේ රටවල් පුරා ශීඝ්‍රයෙන් ව්‍යාප්ත වෙමින් තිබෙන බවත් ඉතාමත් ඉක්මණින් එක්ස්.ඊ.සී ප්‍රධාන ප්‍ර

අ’පුරෙන් කොරෝනා මරණයක්

2023 දෙසැම්බර් මස 29 1205 1

කොවිඩ් 19 වෛරසය වැළඳී අනුරාධපුර ශික්ෂණ රෝහලේ නේවාසිකව ප්‍රතිකාර ලබමින් සිටි කාන්තාවක් අද(29ද) මියගොස් ඇතැයි රෝහල් ආරංචිමාර්ග කියයි.

අලුත්ම කොවිඩ් 19 ප්‍රභේදය: ’එරිස්’

2023 අගෝස්තු මස 07 2826 0

නව ’කොවිඩ් 19’ වයිරස ප්‍රභේදයක්, මේ වනවිට, එක්සත් රාජධානිය පුරා ව්‍යාප්ත වෙමින් පවතී.

කොවිඩ් අවදානම නැවතත්

2023 මැයි මස 01 979 1

කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්‍ය අංශ පවසයි.

කොවිඩ් මරණ තවත් 5 ක්

2022 අගෝස්තු මස 29 768 1

‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (29) පස්වරුවේ තහවුරු කළේය.

කොවිඩ් ආසාදිතයන් 114 ක්

2022 අගෝස්තු මස 25 965 0

‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්‍ය සේවා අධ්‍යක්ෂ ජනරාල්වරයා පස්වරුවේ නිවේදනය කළේය.