2024 නොවැම්බර් මස 18 වන සඳුදා
(*** සුජිත් හේවාජුලිගේ)
බ්‍රැන්ඩික්ස් ආයතනයෙන් පළමු කොරෝනා රෝගී කාන්තාව හමුවීමට පෙර කැස්ස, සෙම්ප්‍රතිශ්‍යාව වැනි රෝග ලක්ෂණ පෙන්නුම් කළ තිස්තුන්දෙනකු සිට ඇතැයි තොරතුරු වාර්තා වී තිබෙන බවත් මේ අනුව ආයතනයේ සේවකයන්ට රෝගය බෝවන්නට ඇත්තේ පසුගිය සැප්තැම්බර් මාසයේ දහය සහ විස්ස අතර කාලයේදී බවත් කොවිඩ් පාලන මෙහෙයුම් මධ්‍යස්ථානයේ ප්‍රධානි යුද හමුදාපති ලුතිනන් ජනරාල් ශවේන්ද්‍ර සිල්වා මහතා පැවැසීය.
කොරෝනා වයිරසය ඒ ස්ථානයට පැමිණියේ කෙසේදැයි නිශ්චිතවම ප්‍රකාශ කළ නොහැකි බව කී යුද හමුදාපතිවරයා ස්ථිර තහවුරු වීමක් නොමැතිව රෝගයේ ඇත්තම කොන මේ යැයි ප්‍රකාශ කිරීම සාධාරණ නැති බව ද ප්‍රකාශ කළේය.
යුද හමුදාපතිවරයා මෙසේ ද කීය.
“බ්‍රැන්ඩික්ස් කම්හලේ ඔය කාන්තාව අසනීප වෙන්න කලින් කණ්ඩායමක් කැස්ස, සෙම්ප්‍රතිශ්‍යාව වැනි රෝග ලක්ෂණවලින් පෙළිලා තියෙනවා. තිස්තුන්දෙනකුගේ පමණ කණ්ඩායමක්. මේ ලක්ෂණ වාර්තා වෙලා තියෙන්නේ 21 වැනිදා වනවිටයි. 15 වැනිදාත් එක්කෙනකු ඉඳලා තියෙනවා. ඒ සියලු තොරතුරු බැලුවාම දහයයි විස්සයි අතර කාලයේදී තමයි මේ අයට බෝවිය යුත්තේ.
අපි මුලින්ම දහදෙනකු ඉලක්ක කරගන්නවා. ඒ දහදෙනාගෙන් අපි එක්කෙනකු පස්සේ හඹාගෙන යද්දී මේක විහිදිලා ගොස් තිබුණා බන්ධනාගාරයට. බන්ධනාගාරයට ගිහිල්ලා අපි පරීක්ෂා කළාම ඉන් එහාට ඒක ගිය බවක් පෙනුණේ නැහැ. ඊට පස්සේ අපි තව මාර්ගයක ගියා. ඒ කාන්තාවක පස්සේ. ඒ මාර්ගයේ යද්දීත් ඒක යම්කිසි තැනක නැවැතිලා තිබුණා. ඊට පසුව තෙවැනි කාන්තාවටත් යනවා. දසදෙනා ගැනම හොඳට හොයලා බැලුවා. ඒ වගේම තවදුරටත් සොයා බලමින් සිටිනවා. නමුත් මේක ආවේ කොහොම ද කියල නිශ්චිතවම කියන්න තවම හැකියාව ලැබිලා නැහැ. යම් තැන්වලට ගොස් තිබෙනවා. නමුත් විශ්වාසයක් නැතිව ඇත්තම කොණ මේකයි කියන්න මම කැමැති නැහැ. ඒක සාධාරණ නැහැ.
මේ වනකොට දසදහස් පන්සියයක් නිරෝධායනය වෙනවා. තවත් දෙදහසකට නිරෝධායන පහසුකම් අලුතින් ඇති කළා. නිරෝධායන මධ්‍යස්ථාන අනූහයක් අද වෙනකොට ක්‍රියාත්මක වෙනවා. අපි පනස් එක්දහසක් නිරෝධායනය කර සමාජගත කරලා තියෙනවා. අපිට බැහැයි කියලා දෙයක් නැහැ. රටේ ජනතාව වෙනුවෙන් අපි ඒ වැඩේ හරියටම කරනවා. ජනාධිපතිතුමා ඒ උපදෙස් නියම වෙලාවටම හරියට දෙනවා. හමුදාව ඕනෑම ගණනක් නිරෝධායනය කරන්න සූදානම්.”
එක්ස්.ඊ.සී ලෙස නම් කර ඇති දෙමුහුම් කොවිඩ් ප්‍රභේදයක් යුරෝපයේ රටවල් පුරා ශීඝ්‍රයෙන් ව්‍යාප්ත වෙමින් තිබෙන බවත් ඉතාමත් ඉක්මණින් එක්ස්.ඊ.සී ප්රධාන ප්‍ර
කොවිඩ් 19 වෛරසය වැළඳී අනුරාධපුර ශික්ෂණ රෝහලේ නේවාසිකව ප්‍රතිකාර ලබමින් සිටි කාන්තාවක් අද(29ද) මියගොස් ඇතැයි රෝහල් ආරංචිමාර්ග කියයි.
නව ’කොවිඩ් 19’ වයිරස ප්‍රභේදයක්, මේ වනවිට, එක්සත් රාජධානිය පුරා ව්‍යාප්ත වෙමින් පවතී.
කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්‍ය අංශ පවසයි.
‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (29) පස්වරුවේ තහවුරු කළේය.
‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්‍ය සේවා අධ්‍යක්ෂ ජනරාල්වරයා පස්වරුවේ නිවේදනය කළේය.
2024 නොවැම්බර් මස 05
346
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
631
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
කොරෝනා පළමු කතට කලින් රෝග ලක්ෂණ පෙන්නුම් කළ 33 ක් කම්හලේ ඉඳලා
kamal Wednesday, 14 October 2020 06:21 AM
හනේද කියන්නේ..?
pathirana Wednesday, 14 October 2020 06:24 AM
ඔබතුමාට පුළුවන් බව අපි දන්නවා. නමුත් පිටරට ඉන්න අපිව ගෙන්න ගන්න කිසිම වුවමනාවක් නැහැ කියන එක මේ සිදුවීම්වලින් හොඳටම පේනවා.
Palitha WanasingheThursday, 15 October 2020 04:33 AM
ලංකාවෙි කොවිඩි 19 රෝගීන් ප්‍රමාණය වැඩිවූ පමනින් නිරෝධායන මධ්‍යස්ථාන වැඩි කරනවා ඒක ඉතා හොඳයි. ඒත් විදේශගත ශ්‍රමිකයින් ගෙන්වා ගැනීමට එම ක්‍රමය භාවිතා නොකලේ ඇයි.
rana Wednesday, 14 October 2020 06:31 AM
ඒ අය නැතිව තව අය ඉන්නවද? ඒ ඈයෝ මේ ඈයෝ නැතිව තවත් ඈයෝ ඉන්නවද?
senaka ruwan Wednesday, 14 October 2020 06:47 AM
මේ මිනිස්සුන්ට අපරාධකරුවන් සේ සැලකීමෙන් වැළකිය යුතුයි. පස්සේ හඹායන්න මොවුන් දුවනවද?
සමිත සේනක අලුත්ගමගේ. Wednesday, 14 October 2020 07:14 AM
33 ක් ඉඳලා කියන්නේ කොරෝනා මර්ධන වැඩපිළිවෙළේ ඉන්නා අය ඇයි මේ ගැන සොයා නොබැලුවේ..? කොරෝනා මර්ධන වැඩපිළිවෙළේ අය නිසි පිරිදි තම වගකීම් ගැන පෙර කළා මෙන් උනන්දු වුණා නම්, මේ ව්‍යසනය වෙන්නේ නැහැ. ඒක තමයි තිත්ත ඇත්ත. දැන් රට සනසන්න මොනවා කිව්වත් ඒවා නිෂ්ඵල දේවල්. ගිය නුවණ අද්දවන්න ඇතුන් ලවාවත් බැරිලු...
මුණසිංහ Wednesday, 14 October 2020 07:19 AM
විදෙස් විනිමය ගේනවා කියලා අත පිහිදා ගන්න බැහැ. රත්තරන් කියලා පිහියෙන් ඇන ගන්න බැහැ නේද? මෙම ආයතනය සෞඛ්‍ය උපදෙස් පිලිපැදලා නැහැ. රෝගීන් ඉන්දෙද්දී ඕඩර් එක ගැන විතරයි හිතලා තියෙන්නේ. ඔවුන්ට දැඩිව නීතිය ක්‍රියාත්මක කළ යුතුයි.
badrani Wednesday, 14 October 2020 08:11 AM
තමුන්නාන්සේලා කියනවා... අපි අහනවා.
විජේ Wednesday, 14 October 2020 08:55 AM
ඇඟලුම් කර්මාන්තශාලාවල සුලු සේවක සේවිකාවන් (විශේෂයෙන් සේවිකාවන්) නිරන්තරයෙන්ම සමාජයේදී මෙන්ම සේවා ස්ථානයේදීද පීඩනයට ගොදුරු වේ. විශේෂයෙන් ලිංගික අපයෝජන ඉතාමත් බහුල මෙම ක්ෂේත්‍රයේ සේවක සුබසාධනය ඉතාමත් ප්‍රාථමික අවධියක පවතී. වගකිවයුත්තන්ගේ ඇස් ඇරීමට දැනටමත් ප්‍රමාදයි...
bandara Wednesday, 14 October 2020 08:58 AM
රට ඇතුලෙ කොරොනා වැඩිවෙනකොට, සතියකින් දෙකකින් නිරොධායන මධ්‍යස්ථාන හැදෙනවා. ඒත් අර මැදපෙරදිග ඉන්න අහිංසක මිනිස්සු ගෙන්නන්න කියද්දී නිරෝධායන මධ්‍යස්ථානවල ඉඩ නෑ කිව්වා නේද? ඇයි ඔයගොල්ලෝ හිතුවේ නැත්තේ ඒ මිනිස්සුත් අපේම මිනිස්සු කියලා...? එතකොට අර මැදපෙරදිග මැරුණු මිනිස් ජීවිත ඔහේ නිකරුනේ මැරෙන්න දීපුවා නේද.. පාස්කු දා ප්‍රහාරයත් වගේම තමයි නේද ඒකත්..?
fairoos Wednesday, 14 October 2020 08:58 AM
මෙච්චර තද නිරෝධායන නීති තිබියදීත්, කොහොමද ආවේ කියලා තාම හොයාගන්න බෑ...
රුවන් Wednesday, 14 October 2020 09:03 AM
අවුලක් නෑ..සර් සැමන් අඩුවට දෙනවා. ඒ ඇති.., ඉන්න රටත් තියෙනවා.
සිරි Wednesday, 14 October 2020 11:53 AM
අපරික්ෂාකාරි සහ ආත්මාර්ථකාමී ක්‍රියාමාර්ග ගැනීම තුළින් "බ්‍රැන්ඩික්ස් පොකුර" නිර්මාණය කර කොරෝනාව බ්‍රෑන්ඩ් කිරීම නිසා මේ වසරේ හොඳම ව්‍යවසායකයා සම්මානය ලබාගන්නේ...
ලලිත් අම්බලන්ගොඩගේ Wednesday, 14 October 2020 03:01 PM
යුද හමුදාපතිතුමනි, ඔබටත් සමස්ථ ත්‍රිවිද හමුදාවටත් පොලිසියටත්, අතිගරු ජනාධිපතිතුමාටත්, සෞඛ්‍ය අංශයේ සියලු නිලධාරි මහත්ම මහත්මීන්ටත් අපේ ගෞරවය හිමිවේ. එහෙත් මේසා අපරාධයක් කළ බ්‍රැන්ඩික්ස් ආයතනයේ කළමනාකාරීත්වයට එරෙහිව නීති්‍මගින් කටයුතු කර, දැනදැන කරපු අපරාධයට විශාල වන්දියක් අයකර ගැනීමට කටයුතු කරන්න. එවිට එය අනිකුත් ආයතන වලටත් පූර්වාදර්ශයක් වෙනවා ඇත. එසේ නොවන්නට ඔය කියන එකම ආයතනයක් වත් කෝවිඩ් ගණන් ගන්නේ නැත. එය එසේ කළ නොහැකි නම් තෙල් නැවේ කැප්ටනුත් නිදහස් කරන්න කටයුතු කළාට වරදක් නැත. එබැවින් හැම එකටම දාන කොමිෂන් සභාවක් බ්‍රැන්ඩික්ස් අපරාධය හෙළිදරව් කරගන්න පත්කර, එම ආයතනයේ සේවය කරන අයගේ සාක්ෂි මත අවශ්‍ය කටයුතු කිරීමේ ඇති වරද මොකක්ද? අපේ ජීවිත විනාශ නොවුණු බව ඇත්ත... ඒත් අපේ එදිනෙදා වැඩ කටයුතු කොතරම් පාඩු වුණාද? මට නම් ජීවත් වෙන්න අතක් ඇත්තේම නැහැ. මම වගේ තවත් අය මේ සමාජයේ ඕනෑතරම් ඇති... කෝවිඩ් දහවරක් හැදුණත් මැති ඇමති වරුන්ට ගාණක් නැහැ. ඒ නිසා බ්‍රැන්ඩික්ස් අපරාධ කරුවන් සම්බන්ධයෙන් ඉක්මණින්ම නීතිය ක්‍රියාත්මක කරන්න.
ranjith Wednesday, 14 October 2020 11:09 PM
ආයතනවලට දීලා තිබුණු උපදෙස් පිළිපැදලා නැති නිසා රටම මේ වසංගතයට ගොදුරු වුණා නේද? කෝ මේවාට විරුද්ධ පියවර..?
kamal Thursday, 15 October 2020 04:56 AM
සුදුහුණු ගෑම නවතා, ජනතාවට සේවය කිරීමට සැරසෙනු.