මහ රැජින - පිලිප් කුමරු කොරෝනා මර්දන එන්නත් ප්‍රමුඛතා ලයිස්තුවට

බ්‍රිතාන්‍ය රජයේ මහ පරිමාණ එන්නත් වැඩසටහන සහ එන්නත් ලබාදීමේදී වැඩිහිටියන්ට ප්‍රමුඛත්වය දීම යටතේ එක්සත් රාජධානියේ දෙවැනි එළිසබෙත් මහ රැජින සහ පිලිප් කුමරු ද මුලින්ම එන්නත ලැබෙන පිරිස අතර සිටින බව ‘ද ටයිම්ස්’ පුවත්පත වාර්තා කරයි.

රජ මාලිගයේ ආරංචි මාර්ග උපුටා දක්වමින් ‘ද ටයිම්ස්’ පුවත්පත ඒ බව වාර්තා කර තිබේ.

දෙවැනි එළිසබෙත් මහ රැජින සහ පිලිප් කුමරු ‘කොවිඩ්-19’ එන්නත ලබාගත් පසු ඒ බව මහජනතාවට දැනගැනීමට ඉඩ සලස්වන බව රජ මාලිගයේ ආරංචි මාර්ග උපුටා දක්වමින් ‘ද ටයිම්ස්’ පුවත්පත සඳහන් කරයි.

මහ රැජිනිය මේ වනවිට 94 වැනි වියේ පසුවන අතර පිලිප් කුමරු 99 වැනි පසුවෙයි.

ඇමෙරිකාවේ ෆයිසර් සමාගම් සහ ජර්මනියේ බයෝඇන්ටෙක් යන සමාගම් දෙක එක්ව නිෂ්පාදනය කළ ‘කොවිඩ්-19’ එන්නත අගහරුවාදා (8) සිට බ්‍රිතාන්‍ය වැසියන්ට ලබාදීමට එරට රජය මේ වනවිට කටයුතු සූදානම් කරමින් සිටියි. ෆයිසර්/බයෝඇන්ටෙක් සමාගමේ ‘කොවිඩ්-19’ එන්නතට දෙසැම්බර් 2 වැනිදා බ්‍රිතාන්‍ය සෞඛ්‍ය අංශවල අනුමැතිය හිමිවිය.

‘කොවිඩ්-19’ හෙවත් නව කොරෝනා වයිරස ගෝලීය වසංගතයෙන් එක්සත් රාජධානියේ 60,000කට වැඩි පිරිසකට ජීවිත අහිමි වී තිබෙන අතර එරටින් වාර්තා වන වයිරස ආසාදිතයන්ගේ ගණන මිලියන 1.7 ඉක්මවයි.

රජ මාලිගයට ද නව කොරෝනා වයිරසයෙන් ගැලවීමට නොහැකි වූ අතර මහ රැජිනට පසු රජ කිරුළට හිමිකම් කියන රැජිනගේ වැඩිමහල් පුතු වන චාල්ස් කුමරු මෙන්ම චාල්ස් කුමරුගේ පුතු වන විලියම් කුමරුට ද වයිරසය ආසාදනය වූ මේ වසර මුලදී වාර්තා විය.

චාල්ස් කුමරු සහ ඔහුගේ සොහොයුරිය වන ඈන් කුමරියට පෝලීය එන්නත ලබාදුන් බව මහ රැජින 1957 වසරේදී ප්‍රසිද්ධියට පත් කළ බව ද ‘ද ටයිම්ස්’ පුවත්පත වාර්තා කර ඇත. චාල්ස් කුමරු ඒ වනවිට අටවන වියේ පසු වු අතර ඈන් කුමරිය හයවැනි වියේ පසුවූවාය.

එම අවධියේදී පෝලීයෝ එන්නත නව එන්නතක් වූ අතර චාල්ස් කුමරුට සහ ඈන් කුමරියට එන්නත ලබාදුන් බව ප්‍රසිද්ධියට පත් කිරීම ඒ සම්බන්ධයෙන් තිබූ බිය දුරු කිරීමට හේතුවක් වූ බව ද පැවසේ.

පෝලීයෝ එන්නත මුලින්ම එක්සත් රාජධානිය ලෙස තුළ ලබාදීම ආරම්භ කළේ 1956 වසරේ දී ය.

(ද ගාඩියන්/රොයිටර්)

055

අදහස් (9)

මහ රැජින - පිලිප් කුමරු කොරෝනා මර්දන එන්නත් ප්‍රමුඛතා ලයිස්තුවට

Puppa Sunday, 06 December 2020 01:18 PM

මෙහෙත් එහෙම තමයි ඉස්සෙල්ලාම පවුලට .අන්තිමට යටත් වැසියන්ට .

: 2 12

Max Sunday, 06 December 2020 03:52 PM

හොද වෙලාවට ඒ රටේ ජවි සහ සජබ කට්ටිය නොමති නිසා එම කටයුත්තේ දොසක් දකින්න, ජනතාවට කලින් පාලකයො එන්නත විද ගන්නවා යනුවෙන් කියන්න කවුරුවත් නැහැ.

: 18 13

sampath Sunday, 06 December 2020 04:21 PM

මෙයාලා කුමර කුමරියන්.., අපිත් ඒවම දාගමු.. අපේ කේන්දරවලත් කුමරු කියලා තියෙනවා. අපි ඒවා පාවිච්චි නොකළාට 90පැනලත් කුමරු වෙන එකේ අපිත් ඔක පාවිච්චි කරමු..

: 5 5

BamunuarachchiTuesday, 08 December 2020 02:37 AM

මෙයා සිංහල කතන්දර කියවලා හිතා ගෙන ඉන්නේ කුමාරයා කියන්නේ රජතුමාගේ දරුවන්ට පමණයි කියලා. අනේද කියන්න ඔන්න දැනුම. හලෝ ඒ ගොල්ලෝ රාජපෙළපත් වලින් එන කුමාරවරු ඔවුන් ඒ නම් වලට හිමිකම් කියන අය. මොහු එලිසබත් කුමාරිව මුණගැසුනේ නාවල් ඇකඩමියේ පුහුනුවෙන කාලේ වයස 22 දී. ඒකාලේ වෙනකොටත් ෆිලිප් ඩෙන්මාර්කයේ සහ ග්‍රීසියේ කුමරු හැටියටයි හිටියේ.

: 1 0

chathura Sunday, 06 December 2020 06:10 PM

මහා කෙනාට කෙසේවෙතෙත් වයසක මනුස්සයාට ඔය බේත ඔරොත්තු දෙයිද..?

: 4 6

Bamunuarachchi Tuesday, 08 December 2020 02:40 AM

ඒගැන අපි මොකටද කලබල වෙන්නේ? ප්‍රශ්නයක් කර ගන්නේ. ඔවුන් දෙදෙනා අවුරුදු 75ක් නොකැළැල් විවාහ ජීවිතයක් භුක්ති විඳින එක නිරෝගීව ඉන්න එක ගැන සතුටුවෙන්න....

: 1 0

Bamunuarachchi Tuesday, 08 December 2020 02:44 AM

අපිට අපේ රට ජපන් ආක්‍රමණයෙන් මෙන්ම ලංකාව පාලනයකළ වඩුග පෙළපතින් බේරාදීම ගැන මම ස්තුතිය පුදකරනවා. නැතිනම් මේ වෙනවිට අපි තමිල්නාඩුවේ කොටසක්...

: 1 0

ravin Tuesday, 08 December 2020 06:14 PM

ගල් බමුණෝ, කොහොමත් බමුණෝ ඉන්නේ ඉන්දියාවේ බව අපි දන්නවා. ඔබත් අමුඩයක් ගහගෙන මුහුදට පැනලා ලංකාවට පිහිනගෙන ආපු වඩුගයෙක් බව අපි දැනගෙන සෑහෙන කලක් වෙනවා.

: 0 0

Bamunuarachchi Friday, 11 December 2020 12:22 PM

අඩේ අප්පා වඩිග පරපුරට බනින කොට රවීන්ට කේන්ති ගිහිල්ලා වගෙයි. වඩිගයෝ හිටියානම් අද ජනාධිපතිත් තමිල්නාඩු වඩිගයෙක්.

: 0 0

ඔබේ අදහස් එවන්න

Covid19

නව කොවිඩ් ප්‍රභේදයක් යුරෝපයේ පැතිරෙයි

2024 සැප්තැම්බර් මස 18 2311 1

එක්ස්.ඊ.සී ලෙස නම් කර ඇති දෙමුහුම් කොවිඩ් ප්‍රභේදයක් යුරෝපයේ රටවල් පුරා ශීඝ්‍රයෙන් ව්‍යාප්ත වෙමින් තිබෙන බවත් ඉතාමත් ඉක්මණින් එක්ස්.ඊ.සී ප්‍රධාන ප්‍ර

අ’පුරෙන් කොරෝනා මරණයක්

2023 දෙසැම්බර් මස 29 1205 1

කොවිඩ් 19 වෛරසය වැළඳී අනුරාධපුර ශික්ෂණ රෝහලේ නේවාසිකව ප්‍රතිකාර ලබමින් සිටි කාන්තාවක් අද(29ද) මියගොස් ඇතැයි රෝහල් ආරංචිමාර්ග කියයි.

අලුත්ම කොවිඩ් 19 ප්‍රභේදය: ’එරිස්’

2023 අගෝස්තු මස 07 2826 0

නව ’කොවිඩ් 19’ වයිරස ප්‍රභේදයක්, මේ වනවිට, එක්සත් රාජධානිය පුරා ව්‍යාප්ත වෙමින් පවතී.

කොවිඩ් අවදානම නැවතත්

2023 මැයි මස 01 979 1

කොවිඩ් ආසාදිතයින් 7දෙනෙකු ඊයේ (30)සොයාගෙන ඇතැයි සෞඛ්‍ය අංශ පවසයි.

කොවිඩ් මරණ තවත් 5 ක්

2022 අගෝස්තු මස 29 768 1

‘කොවිඩ්’ ආසාදිතවූ තවත් පුද්ගලයන් පස්දෙනකු ඊයේ (28) මරණයට පත් වී ඇතැයි සෞඛ්‍ය සේවා අධ්‍යක්ෂ ජනරාල්වරයා අද (29) පස්වරුවේ තහවුරු කළේය.

කොවිඩ් ආසාදිතයන් 114 ක්

2022 අගෝස්තු මස 25 965 0

‘කොවිඩ්’ වයිරසය ආසාදිත රෝගීන් 114 දෙනකු අද (25) අලුතින් හඳුනාගත් බව සෞඛ්‍ය සේවා අධ්‍යක්ෂ ජනරාල්වරයා පස්වරුවේ නිවේදනය කළේය.