ඉන්දියාව පුරා ඉතා වේගයෙන් පැතිරී ගිය කොවිඩ් ඩෙල්ටා ප්රභේදය ආසාධිතවූවන් පසුගියදා මෙරටින් වාර්තා වීමත් සමග වසංගතයේ දරුණු බව වඩාත් පැහැදිලි විය.
මෙරටේ පැවැති ප්රභේදවලටත් වඩා වේගයෙන් ව්යාප්ත වෙන නව ඩෙල්ටා ප්රභේදය නිසා කොවිඩ් පැතිරීමේ අවදානමද තීව්ර විය හැකි බවට සෞඛ්ය අංශ අනතුරු අඟවයි.
පැතිර ගිය අනෙකුත් ප්රභේද සේම ඩෙල්ටා ප්රභේදයෙත් පැතිරීම අවම කිරීමට නම් ජනතාව ලෙස අප ගත යුතුම තීරණාත්මක සාධකය වන්නේ අවදානම් අවස්ථා මඟ හැර සිටීමයි.
එනම් සෙනඟ බොහොමයක් දෙනා ගැවසෙන තැන් , මනා වාතාශ්රයක් නොලැබෙන පරිදි ජනෙල් දොරවල් වසා ඇති ස්ථාන , මිනිසුන් එකිකො ආසන්නයේ ගැවසීමට සිදුවන අවස්ථා ඔබට මඟ හරවා ගත හැකියි.
මෙමගින් ඩෙල්ටා ප්රභේදයේ දැඩි ව්යාප්තිය මත රට දැඩි වසංගත තත්ත්වයකට ඇද වැටීම සිදු නොවනු ඇත.
කිසියම් පුද්ගලයකුට නොවැළැක්විය හැකි හේතුවක් මත මෙවැනි ස්ථානයකට යාමට සිදුවුව හොත් සෞඛ්ය ආරක්ෂණ පිළිවෙත් අනුව කටයුතු කළ හැකි වනු ඇත. එනම් නිවැරැදිව මුව ආවරණ පැළඳීම , නිතරම දෑත් පිරිසුදුව තබා ගැනීම ,පුද්ගලයන් අතර අවම වශයෙන්වත් මීටර් දෙකක දුර පවත්වා ගැනීම වැනි ක්රියා මාර්ග ඔබට අනුගමනය කළ හැකියි.
යම් හෙයකින් ඔබට උණ, සෙම්ප්රතිශ්යාව, කැස්ස වැනි රෝග ලක්ෂණ ඇත්නම් ප්රතිකාර ගැනීමට මිස නිකරුණේ නිවසින් පිටතට නොයන්න. මෙය ඔබගේ සමාජ වගකීමක් බව තරයේ මතක තබා ගන්න.
එසේම ඔබ මේ වනවිට එන්නත්කරණය සම්පූර්ණ කළ පුද්ගලයකු විය හැකියි. එන්නතේ ආරක්ෂාව මත දැඩි සත්කාරවල අවශ්යතාව, මාරාන්තික වීමේ අවදානම අඩු වුවද ඔබගෙන් ඔබේ ආදරණීයන්ට රෝගය සම්ප්රේෂණය විය හැකියි.
එනම් ඔබටත් කොවිඩ් වැළඳීමේ යම් අවදානමක් පවතී. එබැවින් සංචරණ සීමා ලිහිල් කෙරෙන කවර අවස්ථාවකදී වුව ඉහත සෞඛ්ය ආරක්ෂණ ක්රමවේද පිළිපැදීම තුළින් වසංගත උවදුර මැඩලීමට ඔබට ඇති වගකීම ඉටු කරන්න.
සෞඛ්ය ප්රවර්ධන කාර්යාංශයේ තොරතුරු ඇසුරිනි.
-සටහන- මාධවී ධර්මරත්න
ඔබේ අම්මා ඉන්නෙ යහපත් මානසික සෞඛ්යයකින්දැයි ඔබ හොයල බලලා තියෙනවද? සමහර විට ඇයගේ සමහර ගති ලක්ෂණ වෙනදාට වඩා වෙනස් වුණත් ‘ඇයි මෙහෙම’ කියල හිතලා තියෙනවද?
මෙරට ප්රධාන රෝහල් 36 ක මුඛ, හනුක පිළිබඳ ඒකක පිහිටුවා තිබෙන අතර ඒවායේ මෙවනවිටත් විශේෂඥ වෛද්යවරු 42 ක් සේවයේ යෙදී සිටිති. තවත් පුහුණුව ලත් වෛද්යවරු 22 ක් න
වර්තමානයේ ලොව පුරා අකල් මරණ සඳහා ප්රධාන හේතුවක් වී තිබෙන්නේ හෘදය ආශ්රිත රෝගයි. මෙම තත්ත්වය දියුණු රටවල මෙන්ම දියුණුවෙමින් පවතින රටවලද දක්නට ලැබෙන ත
ටීනියා දිලීර ආසාදනය රට පුරා වේගයෙන් ව්යාප්තවෙමින් තිබෙනවා. හිතුමතේ ඔසුහල්වලින් ඖෂධ වර්ග රැගෙන ආලේප කිරීමට වැඩිදෙනා පුරුදුවීම හේතුවෙන් ටීනියා මර්ද
පිළිකා රෝගය කලින් කඳුනා ගනීමෙන් නිට්ටාවටම වුව සුව කරගත හැකි රෝගයකි.. එහෙත් නොසැලකිලිමත්කමෙන් හෝ නොදැනුවත්බවින් සිටියහොත් එසේ සුව කරගත හැකි අවස්ථා මග
පුද්ගලයකු කායිකව හෝ මානසිකව රෝගී වූ විට හොඳම විසඳුම නිසි ප්රතිකාරයක් සඳහා යොමුවීමයි. එහෙත් ඖෂධ ප්රතිකාර ගත් පමණින්ම රෝගයක් සුවවෙන්නෙ නැහැ. ඒ සඳහා තව
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
ඉතා අවදානම් කොවිඩ් ’ඩෙල්ටා’ ගැන ඔබ දැනුම්වත්ද