2024 නොවැම්බර් මස 24 වන ඉරිදා
2024 නොවැම්බර් මස 24 වන ඉරිදා
ග්රහ දෝෂ සුව කිරීම සඳහා පැමිණි කට්ටඩියකු පූජා පිටියේ ව්‍යාපාරිකයකුගේ රුපියල් 80,000කට වඩා වටිනා රන් මාලයක් සමඟ අතුරුදහන් වී ඇති බවට කටුගස්තොට පොලිසියට පැමිණිලි කරනු ලැබ තිබේ.
සිද්ධිය මෙසේය.
පූජාපිටිය නගරයේ සුළු වෙළෙඳ සලක් අසළට පසුගියදා පැමිණි පුද්ගලයකු ටික වේලාවක් එම ව්‍යාපාරිකයා සමඟ කතාකර සිට ඇති අතර පසුව ඔහු එක්වරම ව්‍යාපාරිකයාගේ මුහුණ දෙස බලා ඔහුට ග‍්‍රහදෝෂ අපල තිබෙන බවත් එය ඉක්මනින් සුව කළහොත් ඉතා ඉක්මනින් දියුණු විය හැකි බවත් තමන් මේ ප‍්‍රදේශයේ බොහෝ දෙනකුට එවන් යන්ත‍්‍ර මන්ත‍්‍ර කර ඇති බවත් කියා තිබේ.
මේ ගැන පැහැදුණු ව්‍යාපාරිකයා ඒ සඳහා කැමති වී ඇත. පසුව දින කිහිපයකට පසු ව්‍යාපාරිකයාගේ දුරකතනයට ඇමතුමක් දී ඇත. මෙම පුද්ගලයා යන්තරය සූදානම් කර ඇති බවත් පසු දින එය රැුගෙන පැමිණෙන බවත් කියා තිබේ. ඒ අනුව පසුදින පස්වරුවේ වෙළෙඳ සලට පැමිණ ඇති කට්ටඩියා සකස් කර තිබූ යන්තරය සහිත සුරය ද ව්‍යාපාරිකයාට පෙන්වා තිබේ.
එම යන්තරය මැතිරිය යුතු බව පවසා ඇති ඔහු එය රත්තරන් මාලයකට සම්බන්ධ කළ යුතු බැවින් ව්‍යාපාරිකයාගේ ගෙලේ තිබූ රුපියල් 80,000කට වඩා වටිනා රන් මාලය ඉල්ලාගෙන එම අවස්ථාවේදීම ඒ මාලය යන්තරය තුළට දමා තිබේ. පසුව එය බුලත් කොළයක තබා ඔබා සෙම්බුවක් රැුගෙන එයට දමා වෙළෙඳ සලේ මුල්ලකට තනිවම ගොස් මතුරා තිබේ. ඉන් අනතුරුව යන්තරය සහිත මුට්ටිය රැුගෙන බෝධීන් වහන්සේ වටා 21 වරක් ගමන් කළ යුතු බැවින් එම ස්ථානයට යෑමට ව්‍යාපාරිකයාට කතා කර තිබේ.
ව්‍යාපාරිකයාට වෙළෙඳ සලෙන් යාමට නොහැකි නිසා ඔහුගේ ළඟම හිතවතකු මේ සඳහා යවා ඇත. එම හිතවතා යන්තරය සහ රන් මාලය ඇතුළත් මුට්ටිය රැගෙන 21ක් වරක් බෝධීන් වහන්සේ වටා ගමන් කර එම ස්ථානයේ සෑහෙන වේලාවක් නැවතී සිටිය ද කට්ටඩියා පෙනෙන්නට නොසිටි බැවින් වහාම වෙළෙඳ සලට පැමිණ තිබේ. ඒ වන විට ඔහු වෙළෙඳ සලෙත් නොසිටියේය. වෙළෙඳ සලේ දී මෙම මුට්ටිය ලිහා බැලූව ද එහි තිබුණු රන් මාලය සහ යන්තරය ද අතුරුදන්ව තිබූ අතර එහි තිබී ඇත්තේ පොල් කටු කිහිපයක් පමණි.
ඒ සමඟ මෙම කට්ටඩියා ද අතුරුදන්ව ඇත. පසුව සියලූ දෙනා එක් වී මුළු නගරයේම සෙව්ව ද ඔහු සොයා ගැනීමට නොහැකි වී ඇති අතර සිද්ධිය කටුගස්තොට පොලිසියට පැමිණිලි කරනු ලැබ තිබේ. සැකකරු අත්අඩංගුවට ගැනීම සඳහා කටුගස්තොට පොලිසිය වැඩිදුර පරීක්ෂණ පවත්වයි.
සිය දරුවාගේ අනාගත අභිවෘද්ධිය වෙනුවෙන් මුදලක් වැය කරනවාට වඩා මුදලට සූදු කෙළීමට වටිනාකමක් දුන් මවක පිළිබඳ සිද්ධියක් හසලක නගරයට ආසන්න ප‍්‍රදේශයකින් වා
වයඹ පළාතේ රෝහලකට රාත්‍රි කාලයේ ඇතුළත් කළ හෘද රෝගියකු හදිසි ප්‍රතිකාර ඒකකයේ ප්‍රතිකාර ලබමින් සිටියදී මියගියැයි සඳහන් කළ පසු රෝගියා වෙනත් වාට්ටුවක ප්
මේ රජය පත් කරන්න තමන් ගත් උත්සාහය ගැන වීරයෙකු මෙන් පම්පෝරි ගැසූ තරුණයකුට ඇඟිල්ල නිසා පම්පෝරිය නවතා එතනින් මාරුවීමට සිදුවූ පුවතක් කරන්දෙණියෙන් අසන්නට
ගුරුවරයා ඇසූ පැනයකට පහ වසරේ ශිෂ්‍යත්ව පන්තියක සිසුවෙකු දුන් උත්තරයෙන් දරුවාගේ මව රැස්ව සිටි පිරිස් හමුවේ ලැජ්ජාවට පත් වූ පුවතක් ඇතුගල්පුරවර නගරයෙන්
අවලංගු ගුවන් ගමන් බලපත්‍රයකින් ඡන්දය ප්‍රකාශ කිරීමට අවස්ථාව නොදුන්නැයි ඡන්ද මධ්‍යස්ථානයක නිලධාරීන් කණ්ඩායමකට දොස් නගා බැණ වැදී ඇතැයි කියන වයෝවෘද්ධ
මිතුරන් පිරිසක් සමග ඡන්දය අහන්න ගොස් සෙට්වී නිවසට යාමට නොහැකිවූ අයකු පිළිබඳව කතාවක් ගාලු දිසාවේ ගමකින් ඊයේ (15) උදේ පාන්දරින්ම අසන්න ලැබුණේය.
2024 නොවැම්බර් මස 05
508
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
724
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
අපල දුරුකරගන්න ආ කට්ටඩියා අසූදාහක මාලයට විදලා
කිත්සිරි Friday, 11 March 2016 04:21 AM
80 මාලයක් කරේ දාගෙන ඉන්න තරම් ආදායම් තිබෙන ව්‍යාපාරයක් ගොඩනැඟුවා නම්, ග්‍රහයෝ ගැන හොයන්න ගියේ මොකටද? (නි)
වික්‍රම Thursday, 10 March 2016 06:00 AM
නියම මාතර යකැදුරෙක් හොයාගත්තා නම් වැඩේ හොර බොරු නැතුව කිරි ගහට ඇන්නා වගේ සිද්ධ වෙනවා, නැද්ද ජයා (නි)
තිලිනි Thursday, 10 March 2016 06:26 AM
CCTV කැමරාවක් හයි කර තිබ්බා නම් ලෙසියෙන් අල්ලගන්න තිබ්බා. (ර)
සෑම් Thursday, 10 March 2016 06:54 AM
තවමත් මෙවැනි අන්ධ විශ්වාසයන් තියන මිනිසුන් ගැන අහන්න ලැබෙනවානේ (හේ)
හර්ෂි Thursday, 10 March 2016 07:18 AM
ග්රහ අපලයට රන් මාලය පොල්කටුවලට හැරෙන්න ඇති. කට්ටඩියගේ වැරද්දක් නෑ. (ර)
පද්මිණී Monday, 14 March 2016 06:02 AM
අද මුළු ලංකාවම අවිද්‍යාවෙන් මංමුල වෙලා. රජුන්ගෙන් ලැබුණු ආදර්ශය. මෙය නීතියෙන් තහනම් කරන්ට ඕන. (බ)
අබය Friday, 11 March 2016 01:12 AM
වික්‍රම, මෙයා නියම මාතර යකැදුරෙක්. කිරි ගහට ඇන්නා වගේ වැඩේ දීලා තියෙන්නේ. ආයේ හොයන්න බැරිවෙන්න. (නි)
සෑම් Sunday, 13 March 2016 03:54 AM
අනේ පවු! මෝඩපහේ මුදලාලි කෙනෙකුයි ගෝලයෙකුයි... මෙහෙම අයත් ඉන්න එපැයි (නි)
දිලිප් Thursday, 10 March 2016 09:47 AM
මමනම් මේකේ වැරද්දක් දකින්නේ නෑ. ඇයි ඕවා පස්සේ යන්නේ හොදම වැඩේ... (ර)
වික්‍රම Thursday, 10 March 2016 04:44 AM
නියම මාතර යකදුරෙක් හොයගත්ත නම් වැඩේ හොර බොරු නැතුව කිරි ගහට ඇන්නා වගේ සිද්ධ වෙනවා, නැද්ද ජයා..(බ)
චාමර Thursday, 10 March 2016 05:24 AM
හැබැයි කට්ටඩියා දක්ෂයා. වෙළෙන්දාගේ මුහුණ බලලා අපලකාරයෙක් බව දැනගෙන ඒක තමාගේ ප්‍රයෝජනය සඳහා යොදාගෙන. (නි)
විශ්ව Thursday, 10 March 2016 05:42 AM
අපි තාම ගොන්කම් කරනවා නේද? මෙය කියවන හැම කෙනෙක්ම මේ වගේ හොරුන්ට අහුනොවෙන්න වගබලාගත යුතුයි. මමත් අහුවුණා දේකට. හැබැයි කට්ටඩියෙකුට නොවෙයි, සැළසුම් අඳින කෙනෙකුට. දන්නේ නමයි දුරකථන අංකයයි පමණයි. දැන් දුරකතනයට උත්තර දෙන්නෙත් නැහැ. (නි)