2025 අප්‍රේල් මස 20 වන ඉරිදා
සේවයේ යෙදී සිටි පුද්ගලික ආරක්ෂක නිලධාරියකු වෙත පැමිණි රූමත් තරුණියන් දෙදෙනෙකි. තරුණියන් දෙදෙනාගෙන් එක් අයකු අත සෙරප්පුවක් විය. එය දුටු තරුණ ආරක්ෂක නිලධාරියා මදක් චකිතයට පත්විය.
”අනේ අයියේ අපිට පොඩි උදව්වක් කරන්න” සෙරප්පුව ඇතැතිව සිටි තරුණිය කන්කළු ස්වරයකින් පැවසුවාය. ”මොකක්ද මිස් කෙරෙන්න ඕනේ” ආරක්ෂක නිලධාරියා කරුණාවෙන් විමසූවිට ”අයියේ මේ හැට්ට කට්ට සෙරප්පුවට ගහලා දෙන්න. සෙරප්පුව හයිය නිසා මේක ගහන්න අමාරුයි” ඇය කීවේ කොමළ සිනහවකින් මුව සරසාගෙනය. ඔහු කටුව සෙරප්පුව තුළට යැවීමට උත්සාහ කළත් එය අසාර්ථක වී කටුව නැමීගියේය. ”ඉන්න මිස් මම ඇණයක් අරන් එන්නම්” යැයි පැවසූ හෙතෙම අනෙක් ආරක්ෂක නිලධාරියාව එතැන රඳවා, ආයතනය තුළට පිවිසියේය. ඇණයක් සමඟ මිටියක් රැගෙන ආ ආරක්ෂක නිලධාරියා, සෙරෙප්පුව කදිමට සාදා දුන්නේය. අනේක වාරයක් ස්තුති කළ තරුණියන් දෙදෙනා හිරිපොද වැස්සේම එතැනින් පිටව ගියෝය.
ස්වල්ප වේලාවකින් ආරක්ෂක නිලධාරියාට තරු පෙනුණේ ආයතනයේ ආරක්ෂක කළමනාකාර මහතා තම කාර්යාලයට පැමිණෙන ලෙසට දැන්වූ විටය. ”සෙරප්පුව හැදුවාට උඩට ට‍්‍රාන්සර් එකක් දෙන්නයි යන්නේ” මිතුරා ඔහුට පැවසීය. තමා ඉදිරියට පැමිනි ආරක්ෂක නිලධාරියා ඇමතූ ආරක්ෂක කළමනාකාර මහතා ”කපිල කවදද සපත්තු කඩයක් දැම්මේ” යනුවෙන් ඇසීය. ”නැහැ සර්, මිස් කෙනෙක් ආවා. එයාගේ සෙරෙප්පුව කැඩිලා. මේ හරියේ සෙරෙප්පු හදන තැනකුත් නැහැනේ. අනෙක වැස්ස. මම ඉතින් හදලා දුන්නා.” ඔහු සීරුවෙන් පැවසීය. ” හා හා කමක් නෑ කරදරයක් වුණාම අපි උදව් කරන්න ඕනේ. හරි හරි යන්න ”ආරක්ෂක කළමනාකරු කට කොනකින් සිනහසෙමින් කීය.
අවුරුද්දේ අරක්කු බීමට මුදල් නොමැතිව සිටි තරුණයන් කීප දෙනකුගෙන් දෙදෙනකු කාන්තා බූරු පිටියකට පැන බියට පත්කර එහි තිබී එකතු කරගත් මුදල්වලින් යහමින් මත්ප
අලු‍ත් අවුරුදු පාටියට ගොස් අලු‍ත් ජූස් එකක් පානය කොට අලි අමාරුවක වැටුණු අයකු පිළිබඳ පුවතක් වතුගෙදරින් අසන්නට ලැබේ.
භුත දෝෂයක් - ශරීරයට ඇතුළු වී සිටි හිරිමල්වියේ පසු වූ තරුණියක ශාන්තිකර්මයක් අතරතුර පොළොවේ පෙරළෙමින් මරළතෝනි දී කෑ ගසා සිය ස්මාට් ජංගම දුරකතනය ඉල්ලා සි
වඳුරු උවදුරෙන් බේරෙන්න පාදුක්ක ප්‍රදේශයේ එක්තරා පුද්ගලයකු වඳුරු වෙස් මුහුණක් දමාගෙන වඳුරන් පන්නා දැමීමට යාමේ දී රැලේ නායක වඳුරා ඔහුව සපා කෑමට පැන වි
දස මසක් කුසේ හොවා ඇති දැඩි කළ තම මව අන්දන්න ගොස් තමන්ම ඇන්දවුණු දුවක ගැන කතාවක් ගාලු දිසාවේ ගමකින් අසන්නට ලැබේ.
අලු‍ත් අවුරුදුවලට කඩිමුඩියේ ලක ලෑස්ති වෙන අතරේ සර්පයෙකු දෂ්ට කර කලබලේට දෂ්ට කළ පුද්ගලයා වෙනුවට වෙනත් පුද්ගලයකු රෝහල වෙත රැගෙන යාමෙන් කිලෝ මීටර් ගණනක
2025 අප්‍රේල් මස 18
188
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ
2025 අප්‍රේල් මස 10
402
0
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
ආරක්ෂක නිලධාරියා සපත්තු මහන්නෙක් වෙලා
සරත් ඩු Thursday, 13 June 2013 11:18 PM
හොද වැඩක්. (නි)
සුමි Thursday, 13 June 2013 11:25 AM
දෙය්යෝ සාක්කි වලට එම කතාව ගැලපෙන්නේ නැහැ. (අ)
වරුණ Thursday, 13 June 2013 04:17 PM
කුමාරි, ඔයාගේ සෙරෙප්පුවක් එහෙම කැඩුනේ නැද්ද ? (අ)
කමල් Thursday, 13 June 2013 12:10 PM
දෙයියෝ සාක්කි නොවෙයි, මේ වගේ අය ගැන දෙයියෝම බලයි (නි)
ගාමිණී-සිරි Thursday, 13 June 2013 05:48 PM
තරුණ ගැහැණු ළමයි දෙන්නෙකුගේ ඉල්ලීම අහක නොදමා උදව් කිරීමට ගත් උත්සාහය ඉතාමත් හොඳයි. මෙතැන පොඩි සැකයක් මතුවෙනවා වයසක ඇන්ටි කෙනෙක් මෙවැනි උදව්වක් ඉල්ලුවා නම් කරයි ද? යන්න. (නදී)
චන්දා Thursday, 13 June 2013 02:17 AM
මම කැමතියි මේ කතාවට. හොද කෙටි කතාවක් වගේ. ෂෝක්. (නි)
උපාලි Thursday, 13 June 2013 02:54 AM
ආරක්ෂක නිලධාරියා තම රාජකාරිය හරියට කරමිනුයි කාන්තාවට උදව්වත් කළේ. එයා ඉවතට ගියේ අනෙක් නිලධාරියාව එතන නවත්වලයි. කළමනාකරු නිසි ප්‍රසංශාව දුන්නේ ඒ නිසයි. ඔහු තනිවම ඉන්න ගමන් බැහැරට ගියා නම් ඉවරයි. (නි)
චන්දි Thursday, 13 June 2013 06:59 PM
ඉදල හිටලවත්,මේ වගේ අය ඉන්න එක හොදයි අගය කල යුතු දෙයක් ජය වේවා !(නදී)
සිරිබිරිස් Thursday, 13 June 2013 07:19 AM
මේවා ඉතින් වෙන් රටවල දැනටත් කෙරෙනවා. අපිත් දියුනු වෙනකොට මේවා කරන්න පුළුවන් ආරක්ෂක නිලදාරින් ගන්න ඕනෑ, ඒවා පුරුදු කරලා ඔවුන්ගේ වෘත්තී්‍ය මට්ටම වැඩි කරන පුහුණු වීම් දෙන්න ඕනෑ. (නි)
ලලිත් Saturday, 15 June 2013 02:40 PM
කාන්තාවන් දෙදෙනෙක් වෙනුවට මහත්වරු දෙදෙනෙක් ආවා නම් ඔය කතාව සම්පුර්ණයෙන් වෙනස් වෙනවා නේද ? (නි)
හේරත් Thursday, 13 June 2013 02:10 PM
ළඟදීම බලාපොරොත්තුවන්න. "ඇණයක් සමඟ මිටියක් වනයක් උනොත්" (අ)
දුලාජ් Friday, 14 June 2013 03:32 PM
එයාට කාන්තාවන් වාසනා වෙනවා ඇති (නි)
පහන් Thursday, 13 June 2013 08:06 PM
කමල් ,ජයලත් අපි යෝජනා කරමුකෝ එම තීරේට නමක්. මෙන්න දෙවියන්, සිත නිවන කතා, හැගුම්බර කොලම ,දෙවියොත් නමට වදී වගේ ඒවා.(නදී)
සංජීව Thursday, 13 June 2013 08:38 AM
කමක් නැහැ. උදව්වක්නේ කරලා තියෙන්නේ. උදව්වක් අවශ්‍ය කෙනෙකුට උදව් කරන එකයි මිනිස්කම කියන්නේ. නමුත් බලන් ඉන්න අය වැරදියට හිතන්න පුළුවන්. මොකද ගැහැණු ළමයෙකුට උදව් කරපු නිසා. කමක් නැහැ.අවංක සිතින් කළා නම් ඒකේ පින ලැබෙනවා. (සමහර වෙලාවට කළ හොඳ පස්සෙන් එන වෙලාවලුත් නැතුව නොවෙයි) (නි)
ජයසිංහ Thursday, 13 June 2013 08:53 AM
මේ කුරිරු සමාජය තුල ඔහු කරේ උතුම් ක්‍රියාවක් ආයතන ප්‍රධානිය උවද නිහතමානී අයක් (අ)
ජගත් Thursday, 13 June 2013 09:01 AM
හොඳනිමාණයක් (ස)
ෆ්රන්සිස්චා ජයලත් Thursday, 13 June 2013 02:58 PM
මේ වගේ යහපත් වැඩක් දෙවියෝ සාක්කි තීරුවේ නොවෙයි පළල කරන්න ඕනා මේ වගේ කතා පලකරන්න වෙනම තීරුවක් අරඹන්න.(නදී)
කුමාරි Thursday, 13 June 2013 10:21 AM
අල්ලසක් නැතිව කරපු උතුම් ක්‍රියාවක්. නිලදාරියාටත්,ප්‍රධානියාටත්,ආයතනයටත් අපේ ප්‍රශංසාව. (නි)
සිරිබිරිස් Thursday, 13 June 2013 10:25 AM
වෙන රටවල අරක්ෂක නිලදාරී මහතුන්ගේ බඳ පටියේ ටෝර්ච් එකක්,මාංචු කුට්ටමක්,ඉඳි කටු නූල් පෙට්ටියක් තියෙනවා. ප්‍රථමාධාර පෙට්ටියකුත් තිබෙනවා. ඒත් ඒවා කරන්ඩ ආරක්ෂක නිලදාරීතුමන්ලාගේ පුහුණුවත් වැදගත් වෙනවා (නි)