2024 නොවැම්බර් මස 24 වන ඉරිදා
2024 නොවැම්බර් මස 24 වන ඉරිදා
දුන්හිඳ දිය ඇල්ල අසල දී සැර බුලත්විටක් කන්නට දී කුණුහරුප කීපයක් ඉගැන්වීමට උත්සාහ කළ මෙරට උසස් අධ්‍යාපන ආයතනයක අධ්‍යාපනය ලබන තරුණ පිරිසකට පැහැදිලි සිංහලෙන් අවවාද අනුශාසනා කළ චීන ජාතික තරුණයින් දෙදෙනකු පිළිබඳ පුවතක් ලංකාදීපයට වාර්තා වේ.
සිද්ධිය මෙසේය
ඔවුහු මෙරට උසස් අධ්‍යාපන ආයතනයක අධ්‍යාපනය ලබන තරුණ පිරිසකි. පසුගිය සති අන්තයේ ඔවුහු දුංහිද දිය ඇල්ලට පැමිණියේ ඔවුන්ගේ භාෂාවෙන්ම කිවහොත් පොඩි ෆන් එකක් ගන්නටය.
දුන්හිඳ දිය ඇල්ලට අසලට පැමිණි ඔවුන්ට දැක ගන්නට ලැබුණේ දිය ඇල්ල ආසන්නයේ ගලක් මත හිඳිමින් ඡායාරූප ගන්නා කඩවසම් චීන ජාතික තරුණයින් දෙදෙනෙකි.
චීන ජාතිකයින් දෙදෙනාත් තරුණ පිරිසත් හුවමාරු කර ගත් සිනහව අවසානයේදී පුංචි මිතුදමක් බවට පත්වූයේ ඔවුන්ටත් නොදැනීමය.
මෙරට තරුණ පිරිස අතර සිටි එක් තරුණයෙක් තම මිතුරන්ට අපූරු යෝජනාවක් ගෙනාවේ මේ අතරේය.
“මචං අපි මුංට දුංකොළයි හුණුයි දාලා විටක් දෙමු”. “අපි මුංට කුණුහරුප ටිකකුත් කියලා දෙමු” තවකෙක් කීය.
තරුණයෙක් බුලත් දුංකොළ මෙන්ම වැඩිපුර හුණු එක් කළ විටක් චීන ජාතික තරුණයින් දෙදෙනා අත තබද්දී තවත් කීප දෙනකු නිතර භාවිත කරන කුණුහරුප කීපයක් චීන ජාතිකයින් දෙදෙනාට කියා දුන්නේ කණ්ඩායමේ සෙසු පිරිස ද සිනහ ගන්වමිනි.
මේ වචන කියලා තමා අපි සුභ පතන්නේ. තවත් තරුණයෙක් කැඩිච්ච ඉංග්‍රීසියෙන් චීනුන්ට වචන විස්තර කළේ ඒ තුළින් අපමණ වින්දනයක් ලබමිනි.
තරුණයින් සමග සිනහවෙමින් අපූරු වින්දනයක් ලබා ගත් එක් චීන ජාතිකයෙක් මොහොතක් ගතවෙද්දී පැහැදිලි සිංහලෙන් සිය හඬ අවදි කළේ තරුණ පිරිස පමණක් නොව ඒ අවට සිටි පිරිස ද පුදුමයට පත් කරමිනි.
“මල්ලිලා අපි මේ රටට ඇවිත් අවුරුදු දහයකට වැඩියි. අපි තමා අර අහවල් පාර කාපට් කළේ. මම ඉංජිනේරුවෙක්. මේ අපේ මැනේජර්. අපි මේ රටට ආව දවස්වලත් මුලින්ම මේ රටේ අය කියලා දුන්නෙ ඔය වගේ කුණුහරුප තමා. හැබැයි දැන් අපි හොඳට සිංහල දන්නවා. ඒ වගේම බුලත් විට ගැනත් දන්නවා.
ඔයාලා කියලා දුන්න වචන කියන්නේ ඔයාලගෙ ගම්වල අය රණ්ඩු වුණාමයි. ඒ වගේම බුලත් විටක් දෙන්නේ සුහද බව ඇති කර ගන්න මිසක් දුංකොළයි හුණුයි කන්න දීලා මත් කරවන්න නෙමෙයි. චීන ජාතිකයා දිගින් දිගටම කියාගෙන යද්දී තරුණ පිරිස එකිනෙකා දෙස බලමින් ලැජ්ජාවෙන් ඇඹරෙන්නට විය.
කෙසේ වෙතත් තරුණයන් පත් වූ අපහසුතාව දැනගත් චීන ජාතික දෙපළ ඒ අසල වූ වෙළෙඳ සලකින් මෙගා ප්‍රමාණයේ බීම බෝතල් දෙකක් ද මිලදී ගෙන තරුණ පිරිස අත තැබුවේ හැබැයි අපි සිංහල ඉගෙන ගත්තෙත් ඔයාලගෙම රටේ දුප්පත් කම්කරුවන්ගෙන්” යැයි ඔලොක්කුවට මෙන් පවසමිනි.
(වියලුව වාර්තාකරු)
සිය දරුවාගේ අනාගත අභිවෘද්ධිය වෙනුවෙන් මුදලක් වැය කරනවාට වඩා මුදලට සූදු කෙළීමට වටිනාකමක් දුන් මවක පිළිබඳ සිද්ධියක් හසලක නගරයට ආසන්න ප‍්‍රදේශයකින් වා
වයඹ පළාතේ රෝහලකට රාත්‍රි කාලයේ ඇතුළත් කළ හෘද රෝගියකු හදිසි ප්‍රතිකාර ඒකකයේ ප්‍රතිකාර ලබමින් සිටියදී මියගියැයි සඳහන් කළ පසු රෝගියා වෙනත් වාට්ටුවක ප්
මේ රජය පත් කරන්න තමන් ගත් උත්සාහය ගැන වීරයෙකු මෙන් පම්පෝරි ගැසූ තරුණයකුට ඇඟිල්ල නිසා පම්පෝරිය නවතා එතනින් මාරුවීමට සිදුවූ පුවතක් කරන්දෙණියෙන් අසන්නට
ගුරුවරයා ඇසූ පැනයකට පහ වසරේ ශිෂ්‍යත්ව පන්තියක සිසුවෙකු දුන් උත්තරයෙන් දරුවාගේ මව රැස්ව සිටි පිරිස් හමුවේ ලැජ්ජාවට පත් වූ පුවතක් ඇතුගල්පුරවර නගරයෙන්
අවලංගු ගුවන් ගමන් බලපත්‍රයකින් ඡන්දය ප්‍රකාශ කිරීමට අවස්ථාව නොදුන්නැයි ඡන්ද මධ්‍යස්ථානයක නිලධාරීන් කණ්ඩායමකට දොස් නගා බැණ වැදී ඇතැයි කියන වයෝවෘද්ධ
මිතුරන් පිරිසක් සමග ඡන්දය අහන්න ගොස් සෙට්වී නිවසට යාමට නොහැකිවූ අයකු පිළිබඳව කතාවක් ගාලු දිසාවේ ගමකින් ඊයේ (15) උදේ පාන්දරින්ම අසන්න ලැබුණේය.
2024 නොවැම්බර් මස 05
509
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
730
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
චීන තරුණයන් අන්දන්නගිය තරුණයන්ට අපූරු පාඩමක්
ජයසිරි Thursday, 18 August 2016 03:29 AM
මොකක්ද දන්නේ නැහැ උසස් අධාපන ආයතනය . (හේ)
භද්‍රානි Wednesday, 17 August 2016 01:13 PM
ලබන අධ්‍යාපනය උසස් වුණාට මනස උසස් නැත්නම් ඉතින් මොනවා කරන්නද නේද? මේක සුළු සිද්ධියක් වුණාට ලාංකික සමාජයේ යථාර්තය ඕක තමයි. නෝනලා, මහත්වරු කියලා කටපුරා කියන්න හැකි අය ඉන්නේ අතලොස්සයි. අධ්‍යාපනය ලැබුවාට මනසින් උසස් පුද්ගලයින් බිහිනොවන කාරණය කියන්න මට නම් තේරෙන්නේ නැහැ. (නි)
රාධා Wednesday, 17 August 2016 02:01 PM
මෙහෙට එන බොහෝ සංචාරකයින් සිංහල දන්නවා (නි)
යමුණා Thursday, 18 August 2016 04:46 AM
ජනතා මුදලින් ඉගෙනගන්න මේ අය‍ට රට ගැන කිසි හැගීමක් නැහැ . ආයතනය උසස් වුනාට පහත් පුද්ගලයෝ ගියාම වෙන දේ තමයි ඔය.(හේ)
අරවින්ද ගුණවර්ධන Thursday, 18 August 2016 04:48 AM
අපේ රටේ තරුණ පරපුර... වැඩිහිටි පරපුර මීට වඩා අන්තයි. බේබදු කමෙන් ලෝකේ අංක එක. විදේශිකයෙක් දැක්කහම පුදුම අමාරුවක් තියෙන්නේ. (හේ)
සමන්ත Wednesday, 17 August 2016 02:23 PM
මේකට කියන්නේ දූපත් මානසිකත්වය කියලා. අපි දූපතක වගේ ඉන්න නිසා අපිට අනෙකුත් ජාතීන්ගේ හෝ විවිධ රටවල සමාජ ක්‍රමයන් අපි දන්නේ නැහැ. මේක බරපතල තත්වයක්. රටක් හැටියට ලෝකෙට යන්න අපිට හරි අපහසුයි (නි)
ගමගේ Thursday, 18 August 2016 01:10 PM
ලෝකෙන් උතුම් රට සිරි ලංකාවයි. (නි)
පිටිගල Wednesday, 17 August 2016 01:56 AM
මේ වගේ පහත් වැඩ ගැන අපිටත් ලැජ්ජයි! (නි)
නිමල් ලලිත Wednesday, 17 August 2016 02:48 AM
චීන ජාතික තරුණයන්ට ප්‍රශංසා කළයුතුය. එහෙත් මේ රට වනසන මෙවැනි අමනයන්ට සුදුසු දඬුවම් නොලැබීම ගැන කණගාටු වෙමි. (නි)
සමන් Wednesday, 17 August 2016 04:02 AM
ලංකාවේ මිනිසුන්ගෙ සාමාන්‍ය බුද්ධි මට්ටම 79%යි. චීන්නුන්ගෙ 105% යි (නි)
තාරුක Wednesday, 17 August 2016 04:18 AM
හැම සිංහලයෙක්ම මේ ගැන ලැජ්ජා වියයුතුය (නි)
මලික් Wednesday, 17 August 2016 03:00 PM
උගත්කම විතරක් තිබුනාට මදි. චාරයක් කියලා දෙයක් තියෙන්න ඕනෑ. මිට දශක ගණනාවකට කලින් හිටිය උගතුන්ගේත් අද උගතුන්ගේත් වෙනස ඕකයි. (නි)
චන්දන ගමගේ Wednesday, 17 August 2016 05:46 AM
රටේ අනාගතය බාර ගන්න අයද මේ (ම)
නිරුල් Thursday, 18 August 2016 07:19 AM
ගතිගුණ වලින් නම් බොහොම අන්තිමයි මේ මල්ලිලා ටික. (නි)
ටිකිරි Thursday, 18 August 2016 04:45 PM
සමන්ත ඕකට කියන්නේ දුපත් මානසිකත්වය නෙමේ, මන්ද මානසිකත්වය කියල,රටේ පිළිගත් නීතියක් නැති නිසයි මේ වගේ වැඩ වෙන්නේ,(හේ)
ඒකනායක Wednesday, 17 August 2016 05:08 PM
පුදුම වෙන්න දෙයක් නැහැ. ඔවුන් දෙන රැග්, කරන පිකටින් දැක්කම හිතාගන්න පුළුවන් ඔවුන්ගේ බුද්ධිය කොතනද කියලා. අනේ අහිංසක දෙමවුපියන්ගේ මුදල්. (නි)
අනුරාධ Thursday, 18 August 2016 05:15 PM
පහත් මානසිකත්ව ඇති මිනිස්සු තමයි මේ (හේ)
මහේෂ් Wednesday, 17 August 2016 06:33 AM
ඔන්න අපේ රටේ තරුණ පරපුර. මේ වගේ වැඩ කළාම රටකට පැවැත්මක් තියේවිද? මෙයාලා දන්නේ ස්ට්‍රික් කරන්නයි පිකටින් කරන්නයි විතරයි (ම)
හසන්ත Wednesday, 17 August 2016 06:11 PM
බදුල්ලේ තියෙන උසස් අධ්‍යාපන ආයතනය ගැන නම් අපි දන්නවා. එකේ ඉස්සර නම් හොඳ වැදගත් ළමයි ඉගෙනගත්තේ. (නි)
කින් බෙනට් Wednesday, 17 August 2016 06:14 PM
අරන් දුන්න බීම බෝතල් දෙක ලැජ්ජා නැතුව බොන්නත් ඇති (නි)
පෙරේරා Thursday, 18 August 2016 08:35 AM
\"සිංහ ලේ\" ජයවේවා!!! (ම)
සෑම් Wednesday, 17 August 2016 06:53 AM
උසස් අධ්‍යාපන ආයතන වල ඉගෙන ගත්තාට පහත් ජන්මය නැති වෙන්නේ නැහැ (ම)
රුවන් Saturday, 20 August 2016 05:22 PM
සිංහලයාගේ බුද්දි මට්ටම % (රේ)
අශික Wednesday, 17 August 2016 11:24 PM
මම ජපානයේ අධ්‍යාපනය හදාරද්දී ඔවුන් හැකි සෑමවිටම අවංකව හැමදෙයක්ම කියා දුන්නා. රැකබලා ගත්තා. මෙහෙ අය එ්කටත් එක්ක, හරිම පහත් මානසිකත්වයක් තිබෙන්නේ. කෝච්චිවල යන මගීන්ට ගල් ගහන, විදේශිකයන්ට මේ වගේ සළකන පුදුම උද්දච්ච මෝඩ මිනිසුන් අධිකම රටක් (නි)
කනිෂ්ක Wednesday, 17 August 2016 09:24 AM
චීනයෙදී චීන ජාතිකයන් අපට ඉතාම උනන්දුවෙන් සලකනවා බටහිර රටවල මිනිස්සු අපට සලකන ආකාරයෙන් නොවේ ඔවුන් අපට උදව් කරන්නේ .චීන වැසියන් ජාතිබේද නෑ එවැනි මිනිසුන්ට මෙහෙම සැලකීමෙන් පෙනෙන්නේ අපි තාමත් මහා නොදියුණු තැනක ඉන්නා බවයි (ම)
ආනන්ද Thursday, 18 August 2016 11:25 PM
මෙය ඉතා වැදගත් ප්‍රවෘත්තියක්. රටේ හැඩගැස්මටත්, අධ්‍යාපනය දෙන්නන්ටත්, ලබන්නන්ටත් මෙය පාඩමක්. (නි)
නිමල් Friday, 19 August 2016 01:12 AM
මේ වගේ අය තමා අර පාරේ ඉඳගෙන හොඳ අධ්‍යාපන ආයතන වලට කරදර කරන්නේ. ලෝකය ගැන කිසිම හැඟීමක් නැති අය. (නි)
හිමාල් Thursday, 18 August 2016 02:19 AM
හොඳ වැඩේ මෙහෙම වැඩ ආයෙත් නොකරන්න (නි)
සමන් Thursday, 18 August 2016 02:13 AM
ගමකෑවට කමක් නැහැ ළමයිනේ, රට කන්න නම් එපා (නි)
ගුණවර්ධන Wednesday, 17 August 2016 11:49 AM
උසස් අධ්‍යපනයක් අදාහරණ අය මෙහෙමදෙවල් කරනවා කිව්වහම පුදුම හිතුන , මේ අය කොච්චර බුද්මත්ව කටයුතු කළ යුතුද මේ අය රටත් කනවා , ගමත් කනවා .(අ)