(කලවාන උපේන්ද්‍ර ප්‍රියංකර ජාතුංගම)
නංගී නාවනවා කියූ විට තෑගිත් අරන් ගෙදර දුවගෙන ඇවිත් ලැජ්ජාවට පත් වූ මිතුරන් පිරිසක් පිළිබඳව එක්තරා ගමකින් වාර්තා විය.
සිද්ධිය මෙසේය.

ඔහු ගමට අලුතින් පැමිණි තරුණයකි. ගමට ආ සැනින් ඔහුට මිතුරන් රැසක් හමුවිය. ඔහුගේ අලුත උපන් නංගීත් සමඟ මවත් පියත් ජීවත් වී ඇත.

ගමේ අලුත් මිතුරන් මොහු පිළිබඳව වැඩිපුර තොරතුරු දැන සිට නොමැති අතර ඔහුගේ නිවස තිබෙන ඉසව්ව දැන තිබේ. කෙසේ වෙතත් කලින් කතා කර ගත් පරිදි අඩියක් ගැසීමට තම අලුත් මිත්‍රයා පැමිණීමට ප්‍රමාද වීම නිසා එක් මිතුරෙකු ඔහුට දුරකථන ඇමැතුමක් ලෙබා ගෙන ඇත. 

මචං අද උඹ එන්නේ නැද්ද? යැයි එම මිතුරා ඇසූ විට අලුත් මිතුරා ‘මචං අද අපේ නංගි නාවනවා’ යැයි කියනවත් සමඟම ඉතුරු හරිය කීමට අවස්ථාවක් නොදුන් මිතුරා ‘උඹ මාර බඩුවක්නේ. හිටපන් සාදයක් ලෑස්තිකරපන්. දුරකථන ඇමතුම විසන්ධි කර ඇත.

පසුව අඩි ගැසීමට හොයා ගත් මුදල් වලින් තෑගි ගත් මිතුරන් අලුත් මිතුරාගේ නිවසට ගොස් ඇත්තේ අඩු වියදමින් වැඩිපුර වෙරි වීමටය. එහෙත් නිවසට ගිය විට කාරණය අවබෝධ වී ලැජ්ජාවට පත්වුණාලු. ‘මචං මම කියන්න හැදුවේ අද අපේ අම්මා නංගීව නාවනවා කියලා මල්ලී බලා ගන්න කියලා මට කිවුවා. පොඞ්ඩක් පරක්කු වෙයි කියලා කියන්න හැදුවේ. කෝ උඹලා මට කියන්න දුන්නේ නැහැනේ’ යැයි අලුත් මිතුරා පිළිතුරු දී ඇත.