2024 නොවැම්බර් මස 22 වන සිකුරාදා
පොසොන් පොහොයදා වන්දනාවේ යන අයට සිය නිවෙස ඉදිරිපිට සිටි බිරිය මල් දන්සලක් පවත්වද්දී ඒ අසලම අරක්කු විකිණීමේ යෙදුණු සැමියා අත්අඩංගුවට ගැනීමට පොලීසිය කඩා පැනීමේ සිද්ධියක් නොච්චියාගම, සිංහාරගම ප‍්‍රදේශයෙන් වාර්තාවේ. පොලීසිය කඩා පනිද්දී අරක්කු විකුණමින් සිටි බව කියන සැමියා නොසිටි අතර මේ නිසා ඔහුගේ නිවෙස හා ගෙවත්ත සෝදිසි කළ නොච්චියාගම පොලිසියේ නිලධාරීන්ට ගෙවත්තේ සඟවා තිබූ අරක්කු බෝතල් පහක් සොයාගැනීමට හැකිවී ඇත. ඊට අමතරව ඔහුගේ ගෙවත්තේ සඟවා තිබූ අනවසරයෙන් කපා ඉරනලද මී දැව ලෑලි තිහක්ද පොලීසිය මගින් සොයාගනු ලැබිණි. මොහු මීට පෙරද නීති විරෝධි ලෙස අරක්කු විකුණා පොලීසියට හසුවූ අයකු බව පවසන නොචිචියාගම පොලීසිය, අධිකරණයෙන් ඔහුට අත්හිටවූ සිර දඬුවම් නියම කර තිබෙන බවද පවසයි. දැනට සැඟවී සිටින මෙම පුද්ගලයා ප‍්‍රදේශයේ දේශපාලන බලවතුන් කිහිප දෙනකු ලවා පොලිස් පරීක්‍ෂණවලට බලපෑම් කිරීමට උත්සාහ දරා ඇතත් එම දේශපාලනඥයන් ඔහුගේ එම ඉල්ලීම ප‍්‍රතික්ක්‍ෂේප කර ඇතැයි පොලීසිය කියයි. මේ නිසා දැන් ඔහු මානව හිමිකම් නිලධාරින් හරහා පොලීසියට බලපෑම් කිරීමට උත්සාහ කරන බව දැනගැනීමට ඇතැයිද පොලීසිය කියයි.
සිය දරුවාගේ අනාගත අභිවෘද්ධිය වෙනුවෙන් මුදලක් වැය කරනවාට වඩා මුදලට සූදු කෙළීමට වටිනාකමක් දුන් මවක පිළිබඳ සිද්ධියක් හසලක නගරයට ආසන්න ප‍්‍රදේශයකින් වා
වයඹ පළාතේ රෝහලකට රාත්‍රි කාලයේ ඇතුළත් කළ හෘද රෝගියකු හදිසි ප්‍රතිකාර ඒකකයේ ප්‍රතිකාර ලබමින් සිටියදී මියගියැයි සඳහන් කළ පසු රෝගියා වෙනත් වාට්ටුවක ප්
මේ රජය පත් කරන්න තමන් ගත් උත්සාහය ගැන වීරයෙකු මෙන් පම්පෝරි ගැසූ තරුණයකුට ඇඟිල්ල නිසා පම්පෝරිය නවතා එතනින් මාරුවීමට සිදුවූ පුවතක් කරන්දෙණියෙන් අසන්නට
ගුරුවරයා ඇසූ පැනයකට පහ වසරේ ශිෂ්‍යත්ව පන්තියක සිසුවෙකු දුන් උත්තරයෙන් දරුවාගේ මව රැස්ව සිටි පිරිස් හමුවේ ලැජ්ජාවට පත් වූ පුවතක් ඇතුගල්පුරවර නගරයෙන්
අවලංගු ගුවන් ගමන් බලපත්‍රයකින් ඡන්දය ප්‍රකාශ කිරීමට අවස්ථාව නොදුන්නැයි ඡන්ද මධ්‍යස්ථානයක නිලධාරීන් කණ්ඩායමකට දොස් නගා බැණ වැදී ඇතැයි කියන වයෝවෘද්ධ
මිතුරන් පිරිසක් සමග ඡන්දය අහන්න ගොස් සෙට්වී නිවසට යාමට නොහැකිවූ අයකු පිළිබඳව කතාවක් ගාලු දිසාවේ ගමකින් ඊයේ (15) උදේ පාන්දරින්ම අසන්න ලැබුණේය.
2024 නොවැම්බර් මස 05
467
0
වසර විසිපහක විශිෂ්ට ඉතිහාසයක් සහිත BMS කැම්පස් ආයතනය නවෝත්පාදනයන් පෝෂණය කරමින් අනාගත නායකයින් නිර්මාණය කරමින් සහ හැඩගස්වමින් විශිෂ්ට ආයතනයක් බවට මේ ව
2024 ඔක්තෝබර් මස 18
697
0
සියපත ෆිනෑන්ස් පීඑල්සී දීප ව්‍යාප්ත ශාඛා ජාලයේ 51 වැනි ශාඛාව කලූතර දිස්ත‍්‍රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප‍්‍රධාන අංගයකි. වාහනයක් කරදර වලින් තොරව සිත්සේ භාවිත කර
පෝයදා බිරිය මල් දන්සලක් පවත්වද්දී සැමියා හොර අරක්කු විකුණලා
ජයා Sunday, 10 June 2012 11:50 AM
අලි බබෝ, හොද අනාගතයක් තියෙනවා
සජී Friday, 08 June 2012 12:27 PM
ඔහොම යන්.ඔහොම යන්.තව ඉස්සරහට අරක්කු දන්සැලුත් දෙයි
ජයන්ත Tuesday, 12 June 2012 01:05 AM
සමහර මිනිසුන් තම තමන්ගේ වැරදි වසා ගන්න නොකරන දෙයක් නෑ.සමහර අසාධාරනයෙන් හම්බකරන මුදලාලීලා දන්සැල තොරණට මුවාවෙලා කරන්නෙත් මේකමයි.වෙනස තියෙන්නේ කරන පිලිවෙල සහ පරිමානයයි.කව්රූ රැවටුවත් තමාගේ හෘද සාක්ෂිය දන්නවානම් තමන් කරනදේ රැවටෙන්නේ ලෝකයා නොව තමාමය.
සිසිර Friday, 08 June 2012 01:13 PM
සමහර දන්සැල් ඉවර වේගෙන යනකොට ඒවායේ තිබුණේ අරක්කුමද කියලත් සැක හිතුනා තමයි
සුභාෂිණි Sunday, 10 June 2012 01:44 PM
ඡන්ද කාලෙට දෙන අරක්කු දන්සැල් පෝයට දෙන්න ඕනි නෑ.අවුරුද්දකට ඡන්ද දෙක තුනක් තිබුණම මදෑ
අලිබබා Friday, 08 June 2012 02:18 PM
එක ගමක දුප්පත් අමිමයි තාත්තායි පුතෙකුයි ජීත්වුනා. මෙම පවුල ළගම පන්සලට නිතර යාමට පුරුදුවුනා. ඔනෑම පුශ්ණයකදී විසදුම ලබාගැනීමට යන්නේ පන්සලේ නායක හැමුදුරුවන් වෙතයි. නායක ස්වාමින්වහන්සේ දෙන ඕනෑම උපදෙසක් පිළිපැදීමට මෙම මවුපිය දෙපල පසුබට වුයේ නෑ. දරුවාට වයස දහයක් පමණ වුවා. මෙම දරුවාව පාසැලට ඇරියත් ඉගනීමට එතරමි උනන්දුවක් දැක්වුයේ නෑ. පියාටද හරි හමන් රස්සාවක්ද නොතිබුණි. මෙ සියළු කරදර මැද කාලය ගෙවී ගියා. දිනක් පන්සලේ නායක හාමුදුරුවන් බැහැදුටු මොහොතේ හාමුදුරුවන් විසින් මෙවැනි යෝජනාවක් ගෙනවා. ඔය ළමයාව පන්සලට භාරදෙන්න. අපි ළමයාව මහනකරමු. එතකොට ළමයාට හොදට උගන්වලා කරලා ගන්න පුලුවන්ය කියලා. මෙම යෝජනාවට මවුපිය දෙපල එකපයිමිම කමැත්ත පුකාශකළා. එහෙයි හාමුදුරුවනේ ඒ යෝජනාවනමි හොදයි කියා. පසුව සියල්ලන්ගේ කැමැත්ත මැද මෙම කුඩා දරුවාව පන්සලට භාරදී මහනදමිපුරා සිවුරක් අන්දවා කුඩාසාමනේර නමක් බවට පත්කළා. පංසලට පැමිණියත් සිවුරදැමුවත් පොඩිතැනගේ සෙල්ලම පෙර ලෙසම පැවතුනා. ලොකුහාමුදුරුවන්ද නිතර පොඩිතැනට උපසදස් දෙමින් යන එන තැන් ගැන ඇසගසාගෙන හිටියා. නායක හාමුදුරුවන් නිතර පොඩිතැනට දුන් උපදෙස්නමි පොඩිතැන අපි දැන් ඉස්සර වගේ කනවා කියන්නෑ. වළදනවා කියන්න. යනවා කියන්නෑ වඩිනවා කියන්න. නිදියනවා කියන්නෑ සැතපෙනවා කියන්න. මෙවැනි වදන් ඉගැන්වුවා. පොඩිතැනටද දැන් මෙම වාක්‍යයන් ටිකටික කටට හුරුයි. දිනක් පන්සල් වත්තේ සිට පොඩිතැන හතිදමමින් නායක හමුදුරුවන් ළගට පැමිණ බය වුණ ස්වරූපයෙන් සිටගත්තා. එවිට නායක හාමුදුරුවන් මෙසේ පොඩිතැනගෙන් විමසුවා. මොකද පොඩිතැන හතිදමමින් මොකටද බය වුනේ? එවිට පොඩිතැන පිළිතුරු දෙනවා හාමුදුරුවනේ බල්ලෙක් මාව වළදන්න අවා. මම වැඩගෙ වැඩගෙන වැඩගෙන පන්සලට අවා කියා. නායක ස්වාමින් වහන්සේටද මෙම කියමනට හිනාව තවතා ගැනීමට නොහැකි විය. (අලිබබාගේ අලිකථා )
එස්.කේ Friday, 08 June 2012 02:28 PM
ඔහොම යන් අලි බබා ඔහොම යන්..... !!!!
සුදු නංගා Friday, 08 June 2012 11:51 PM
අලිබබාගේ අලිකථා........ ඔහොම වැඩගෙන වැඩගෙන වැඩගෙන...යං අලි බබා. “දැන් මම දෙයියෝ සාක්කි“ පැත්තෙ එන්නෙ අලි බබාගෙ අලි කතා කියවන්න.
අනාත Friday, 08 June 2012 02:07 PM
අලි බබාගේ කතාව නරකම නෑ..ඒත් ටිකක් පරණයි වගේ -රී මික්ස් පාරක් දැම්මනම් ලස්සනයි..
මාතර මල්ලි Saturday, 09 June 2012 04:14 PM
පොලිසියේ පරණ තරහක් අලුත් කරනවා වගේ පේන්නෙ...
කෝර‍ලේ මහත්තයා Friday, 08 June 2012 03:02 PM
අලිබබා පරණ තැටියක් රිවයින් කරලා නොවැ...
අරුනි Friday, 08 June 2012 03:51 PM
වැඩ්ඩ වැඩිල්ලට සිවුරත් වෙලේ ඒ කෑල්ල අඩුයි නේ !
චමින්ද Tuesday, 19 June 2012 04:41 PM
බිරිඳ වික්කේ මල් කිවිවෙ තනමල්විල ඒවද දන්නෙ නැහැ .....
චන්දිම Tuesday, 19 June 2012 05:21 PM
බිරිඳ වික්කේ මල් කිවිවෙ තනමල්විල ඒවද දන්නෙ නැහැ .....
චානක Tuesday, 12 June 2012 09:57 AM
බිරිඳ වික්කේ මොන මල්ද?
නීල් Friday, 08 June 2012 04:39 PM
මටත් දැන් හිතෙනව මේ වැඩේ අලි බබාට පැවරුව නම් හොදයි. බබා දක්ෂයි. තවත් හොදට ලියන්න ලැබේවා.
ගාලු කොලුවා Saturday, 09 June 2012 09:32 AM
එල කිරිනේ අලි බබා .....ඔයාගේ කතාව...පත්තරේ කතාවෙත් හරයක් තියනවා..මොකද අපේ මිනිස්සු වැඩිහරිය කරන්නේ ඕවනේ....උඩින් මල්...යටින් ගින්දර...
දිනේෂ්, සෞදි Saturday, 09 June 2012 10:53 AM
අලිබබාගේ කතාව හොඳයි..
කැප්පිටිපොල Friday, 08 June 2012 10:12 AM
මල් කිව්වේ ....?
ලන්ඩන් කොලුවා Sunday, 10 June 2012 12:51 AM
ඔහොම තමයි අපේ රටේ නීතිය... පොඩි මිනිහෙක් ජීවත්වෙන්න මොනවා හරි වැරදි වැඩක් කරහම ඒ මිනිහට අකුරටම නීතිය... අපේ රටට ගිය කළ..
අමිල කටුනායක Friday, 08 June 2012 09:49 AM
ඒ පවුලේ හක්කේ බුදු රැස් බොක්කේ දඩ මස්....
වොල්ගා Friday, 08 June 2012 10:24 AM
මේක ගැන මට සැකයි, හොරාට කලින් කෙහෙල් කැන වැට පැනලද කියලා.මේ මනුස්සයාව අමාරුවේ දාන්න කවුරු හරි හිතාමතාම කරපු දෙයක්ද දන්නේ නෑ.මෙහෙම ගේම්ද නැත්නම් ලංකාවේ දෙන්නේ
අමල් Friday, 08 June 2012 10:29 AM
මාතෘකාවට කතාව ගැලපෙන්නේ නෑ නේ....
ඉතාලි බුවා Friday, 08 June 2012 08:13 PM
කටුනායක මෙහෙම ලියන්න " හක්කේ දඩ මස් මූණේ බුදු රැස් ""
එස්.එෆ්.එස් Friday, 08 June 2012 07:34 PM
අඩ් ඩඩ් ඩා...........
ධම්මික සුරංග Friday, 08 June 2012 08:04 PM
ලෝකෙට ගිය කලක් ....මේ රටේ ගුණ ධර්ම වලට මොකද වුණේ....
Bangaliya Friday, 08 June 2012 11:54 AM
කැප්පිටිපොලගේ ප්‍රතිචාරය මල් හතයි