ගෙදරට අලුත ගෙනා ලේලිය නිසා මාමණ්ඩිට සිදු වූ අකරතැබ්බක් පිළිබඳව පුවතක් යාපහුව අවට ගම්මානයකින් අසන්නට ලැබුණි.
නිවසේ පසුවෙන එකම පුතාට වියපත් මවුපිය යුවළ සහකාරියක සෙවූහ. මවුපිය යුවළ රාජ්ය සේවයේ විශ්රාමිකයෝය. පුතාද රාජ්ය ආයතනයක ඉහළ තනතුරක නියැලෙන අයෙකි. ඔහුගේ කලදශාව ඉක්ම යන නමුත් ඔහු සහකාරියක සොයා ගන්නේ නැත.
මේ නිසා පුතාට බැරි කාර්ය කිරීමට මව හා පියා අදිටන් කර ගත්හ. පුතාට ගැළපෙන බොහෝ දෙනකු හමු වූ නමුත් ඔවුන්ට රජයේ රැකියාවන් නැති නිසා ඒ සියල්ල අසාර්ථක වුණි.
කෙසේ හෝ මගුල් කපුවකුගේ මාර්ගයෙන් පවුලට ගැළපෙන රාජ්ය සේවයේ නියැලෙන සහකාරියක සොයා ගත්තේය. ගම, ගෙදර බැලීමට ගිය දෙපාර්ශවයම ඊට කැමැති වූහ. කෙසේ හෝ කාලය කෙමෙන් ගෙවී ගොස් මංගල්යයට දින වකවානු උදා විය.
උත්සවය දෙපැත්තෙන්ම යාපහුව අවට ප්රසිද්ධ හෝටල් දෙකක සිදු කෙරුණි. අවසානයේ මනාලිය නිවසට ගෙනා දිනයේදී පවා හෝටල්වලට අමතරව මනාලයාගේ නිවසේද උත්සවයකි.
හෝටලයේ නම්බුව රැක ගන්නට මත් තොල නොගෑව පියා මෙදින තම එකම පුතුගේ සහකාරිය ගෙට ගෙනා දිනයේ පදම ඉක්මවා යන්නටම අරක්කු බීවේය. ඔහු ගෙට නිදා ගැනීමට ආවත් වෙරි මරගාතේම කුස්සියේ වැටී නිදා ගත්තේය.
විවේකයක් නැතිව වෙහෙසට පත්ව සිටි නිවැසියෝ ද නින්දට වැටුණහ.
පසු දිනයේ නවක ලේලිය නැන්දම්මා නැගිටින්නට පෙර අවදි වී මුළු තැන්ගෙට ගියාය. උදේම තේ බීමට සියල්ල සූදානම් කළාය.මුළු තැන් ගෙය අතු ගා දැමුවාය. ඉවතට දැමිය යුතු දේවල් විසි කෙරුවාය. පියවි සිහිය ලැබුණු මාමණ්ඩිය මුළුතැන් ගෙට ආවේය. ඔහු යමක් සොයයි. ඒ සොයන්නේ මොනවාදැයි ඇය ඇසුවාය.
“ දුවේ මෙතැන සින්ක් එකේ වතුර වීදුරුවක් තිබුණේ නැද්ද.” මාමණ්ඩි ඇසුවේය.
“තිබුණා තාත්තේ මම ඒ වතුර වීදුරුව විසි කෙරුවා. ඒ හිස් වීදුරුව මෙන්න” ඇය කීවාය.
“අනේ දුවේ ඒක කොහාටද විසි කෙරුවේ.” ඔහු තක්කු මුක්කු වී ඒ දෙසට දිව ගියේය.
එය ඇසුණු පුතු හා ඔහුගේ වියපත් අම්මාද එහි පැමිණියහ.
තමුසේ ගෙට අරගෙන යන වීදුරුව මොකද වෙරි වෙලා සින්ක් එක ගාව තිබ්බේ. ඔහුගේ බිරියගෙන් සැමියාට උදේම එල්ල වන්නේ දෝස් මුරයකි. කට වහගෙන හිටපන් කියා ඔහු වීසි කැත්තක් ගෙනැත් වීසි ගාමින් පවා යමක් සොයයි. තම මනාලයාද ඊට සහාය වෙයි. එහෙත් ඒ සොයන්නේ කුමක්දැයි ඇය නොදැන සිටියාය.
මේ නිසා ඇය දැඩි කලකිරීමෙන් යුතුව පසුවූවාය. කිසිවක් නොකියා බොහෝ වෙලාවක් තිස්සේ සෙවූ යමක් පුතා අහුලාගෙන ඇවිත් පියා අත තැබුවේය. ඒ වතුර වීදුරුවේ දමා තිබූ මාමණ්ඩිගේ බොරු දත් ඇන්ද නවක ලේලීය විසිකර ඇති බව ඇයට පසක් වුණේ එවිටලු.
මොරගොල්ලාගම සිසිර කැලේගම
ගාල්ල නගරාසන්නයේ ගමක විසූ මිතුරන් දෙදෙනෙකි. දෙදෙනාම සුරාවට ලොල්ය. පසුගිය දිනක සවස දෙදෙනා හොඳටම රත්වූහ.
සිය බිරින්දෑවරුන් දෙදෙනා වෙනසකට වගේ මාරුකරගත් යහළුවන් දෙදෙනෙකු ඔවුන් දිගටම ඇසුර පවත්වාගෙන යෑම හේතුවෙන් එය විසඳා ගැනීමට එක් බිරියක රුහුණේ පොලිසියක
පිටේ දවටා තිබුණු යමක් සමච්චලයට ලක් කිරීමෙන් මිතුරා උරණ වීම හේතුවෙන් හෝටලයක කෑම බිල ගෙවා ගත නොහැකිව තවත් මිතුරන් පිරිසක් දැඩි අපහසුතාවකට පත්වූ පුවතක්
කළයුතු දේ හරිහැටි සොයා නොබලා කටයුතු කිරීමෙන් තම බිරියගේ පවුලේ අයගේ දෝෂ දර්ශනයට ලක් වූ පුද්ගලයකු පිළිබඳ පුවතක් මාතර මොරවක්කෝරළය පෙදෙසින් වාර්තා වෙයි.
වැස්සට පිං සිද්ධ වෙන්න පුටු තොගයක් සිය නිවෙස්වලට රැගෙන ගිය පිරිසක් පිළිබඳව කතාවක් ඇල්පිටියෙන් අසන්නට ලැබේ.
මෙය බලංගොඩ ප්රදේශයේ එක්තරා ගමක සිදුවූ අපූරු සිදුවීමකි. නිවසක පෙර දින රාත්රියේ ආහාරයට ගෘහණිය විසින් කුරක්කන් තලප සූදානම් කර තිබිණි නිවසේ සිටින්නේ ව
සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 51 වැනි ශාඛාව කලූතර දිස්ත්රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
බොරු දත් ඇන්ද නැතිවී දෙලෝ රත්වෙලා