IMG-LOGO

2025 අප්‍රේල් මස 23 වන බදාදා


මැණිකේගේ අම්මා පොල්ලකුත් අරන් කොල්ලා ළඟට ඇවිත්

(කෑගල්ල අධිකරණ චමින්ද වැවතැන්න)
පදම ඉක්මවා යනතෙක් මත්පැන් පානය කර නිවෙසක් ඉදිරිපිට නැවතී වර්තමානයේ මුළු ලෝකයේම ජනාදරයට පත් ‘මැණිකේ මගේ හිතේ’ ගීතය ගායනා කරමින් සිටින අවස්ථාවේ දී නිවසේ කාන්තාව දර ලීයක් රැගෙන එන අයුරු දැක දිව ගොස් ඇතැයි කියන අවිවාහක තරුණයකු පිළිබඳ පුවතක් කෑගල්ල ප්‍රදේශයේ ග්‍රාමයකින් වාර්තා වෙයි.


එය කෑගල්ල නගරයේ පිහිටි තරමක් දුෂ්කර ගම්මානයකි. මෙම ගම්මානයේ 26 හැවිරිදි අවිවාහක තරුණයෙක් පෞද්ගලික ආයතනයක රැකියාවක් කරමින් මව්පියන් ද සමග ජීවත් විය.


මෙම තරුණයා පාසල් යන අවදියේ සිට ගම්මානයේ මව්පියන් සමග ජීවත් වෙමින් සිටින තරමක් සුරූපී පාසල් ශිෂ්‍යාවකට පෙම් බඳින්නට විය. තරුණයා 12 පන්තියේ ඉගනුම ලබන අවස්ථාවේ දී ශිෂ්‍යාව ඉගෙනුම ලැබුවේ ඊට පංති දෙකකට පහළ පන්තියකය. තරුණයත් තරුණියත් එකල පාසල් ආවේ ගියේ, කතා බහ කර එකම පාර දිගේය. දිනක් පාසල් සිසුවාට සිසුවිය කෙරෙහි ආදර හැඟීමක් පහළ විය.  


දිනක් පාසල් ශිෂ්‍යයා පාසල ඇරී සිසුවිය සමග නිවෙස් බලා පැමිණෙමින් සිටියදී කාලයක් තිස්සේ හදවතෙහි කැකෑරෙමින් පවතින ආදරය පිළිබඳ ඈ දැනුවත් කළේය. එහිදී පාසල් සිසුවිය තරුණයාට කියා ඇත්තේ කරුණු කිහිපයකින්ම දෙදෙනා නොගැලපෙන බවත්, මව්පියන් දැන ගත්තොත් තමන්ගේ පාසල් ගමන පවා නතර කරන බවත්ය. දින සති මාස ගෙවී ගියේය. කොපමණ කරුණු කාරණා තරුණයාට පහදා දුන්නද ඔහුගේ එම ඉල්ලීම් පාසල් සිසුවිය ඒ හැම අවස්ථාවකදීම ප්‍රතික්ෂේප කළාය. බැරිම තැන ඒ සම්බන්ධයෙන් ඇය වරෙක මව්පියන් ද දැනුවත් කර සිටියාය.


දැනට තරුණයාගේ වයස අවුරුදු 26 කි. ඔහු රැකියාවක් කර උපයා ගන්නා වැටුපෙන් නවීන පන්නයේ යතුරු පැදියක් ද මීට වසර දෙකකට පමණ ඉහතදී මිලට ගත්තේය. ජීවිතයේ පළමුවරට හිත ඇදී ගිය කෙල්ලගෙන් සතුටුදායක පිළිතුරක් තවමත් නොලැබීම නිසා තරුණයා වසර අටක පමණ කාලයක සිටින්නේ දැඩි කනස්සල්ලෙන්ය.


මීට දින කිහිපයකට ඉහතදී දිනක තරුණයාගේ උපන් දිනය යෙදී තිබුණි. තරුණයා එදින සවස මිතුරන් පිරිසක් සමග පදම ඉක්මවා මත්පැන් පානය කළේය. සෙසු තරුණ පිරිස නිවෙස් වෙත පිටත්කර යැවූ තරුණයා නිවස බලා යාමට පිටත් විය. කලක සිට සිතෙහි ඇල්මක් ඇති කරගෙන සිටින තරුණියගේ නිවස ඉදිරිපිටට පැමිණි තරුණයා මේ දිනවල මුළු ලෝකයම ජනාදරයට පත් ‘මැණිකේ මගේ හිතේ’ කියන ගීතය ගායනා කරමින් තාර පාරේ සිට නටන්නට ගයන්නට පටන් ගත්තේය.


පසුව 24 හැවිරිදි තරුණියගේ පියා පැමිණ මෙතන ගීත ගයා නටන්නේ නැතිව යන ලෙස කීපවතාවක්ම තරුණයාට කීවේය. එහෙත් තරුණයා ඒ කිසිවක් ගණන් නොගෙන ගීතය කිහිප වරක්ම මහ හයියෙන් ගායනා කරන්නට විය. පසුව තරුණියගේ මව දර ලීයක් රැගෙන එන අයුරු දැක ගැනීමෙන් පසුව තරුණයා ගීතය ගායනා කිරීම පසෙකලා නිවස බලා දිව ගොස් ඇති බවත් වාර්තා වෙයි.

 



අදහස් (0)

මැණිකේගේ අම්මා පොල්ලකුත් අරන් කොල්ලා ළඟට ඇවිත්

ඔබේ අදහස් එවන්න

 

 
 

දෙයියෝ සාක්කි

ගැරඬි හැවකට යකා නටලා
2025 අප්‍රේල් මස 22 293 0

සිය මෝටර් රථයේ රියැදුරු අසුන මත තිබූ ගැරඬි හැවකට සර්පයකු යැයි සිතා බියට පත්වූ පුද්ගලයකු බිරියටද මහ හයියෙන් කෑ ගසමින්ම සර්පයා මරාදැමීමට පොල්ලක් සොයමි


කිරි දොවන්න ගිහින් රෝහ​ෙල් ලගින්න වෙලා
2025 අප්‍රේල් මස 21 545 0

දඩබ්බර කිරි එළදෙන මෙල්ල කරන්නට ගිය නිවෙස් හිමියාට බිරිඳට වෙදකම් කිරීමට සිදු වු පුවතකි මේ. සිද්ධිය වාර්තා වෙන්නේ යාපහුව අඩවියෙනි.


නවය හයවී අවුරුදු කුමාරිගෙ ඔටුන්න ගැලවිලා
2025 අප්‍රේල් මස 19 582 0

අංක හුටපටයෙන් විදෙස් අවුරුදු කුමාරි මාරුවී සංවිධායකයන්, නරඹන්නන් සහ තරගකාරියන් අලි අමාරුවක වැටුණු පුවතක් ගාලු‍ දිසාවේ සංචාරක හෝටලයකින් අසන්නට ලැබේ.


කාකි කෝට් පිහිටෙන් සූර්වෙලා
2025 අප්‍රේල් මස 18 687 1

අවුරුද්දේ අරක්කු බීමට මුදල් නොමැතිව සිටි තරුණයන් කීප දෙනකුගෙන් දෙදෙනකු කාන්තා බූරු පිටියකට පැන බියට පත්කර එහි තිබී එකතු කරගත් මුදල්වලින් යහමින් මත්ප


අවුරුදු සාදයේ ජූස් බී අලි අමාරුවක වැටිලා
2025 අප්‍රේල් මස 17 680 1

අලු‍ත් අවුරුදු පාටියට ගොස් අලු‍ත් ජූස් එකක් පානය කොට අලි අමාරුවක වැටුණු අයකු පිළිබඳ පුවතක් වතුගෙදරින් අසන්නට ලැබේ.


භූතයා ස්මාර්ට් ෆෝන් ඉල්ලලා
2025 අප්‍රේල් මස 11 1104 0

භුත දෝෂයක් - ශරීරයට ඇතුළු වී සිටි හිරිමල්වියේ පසු වූ තරුණියක ශාන්තිකර්මයක් අතරතුර පොළොවේ පෙරළෙමින් මරළතෝනි දී කෑ ගසා සිය ස්මාට් ජංගම දුරකතනය ඉල්ලා සි


මේවාටත් කැමතිවනු ඇති

ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ 2025 අප්‍රේල් මස 18 596 0
ඩුබායි හි පැවති ගෝලීය නොබෙල් සාම සමුළුවේදී මහාචාර්‍ය මොහාන් මුණසිංහ මහතාට ගෞරවය හිමිවේ

2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස

ශ්‍රී ලංකාවේ ඉංජිනේරු   සහ බලශක්ති සේවා  සඳහා Hayleys Fentons  සහ Hayleys Solar  ආයතනයේ  දායකත්වය 2025 අප්‍රේල් මස 11 307 0
ශ්‍රී ලංකාවේ ඉංජිනේරු සහ බලශක්ති සේවා සඳහා Hayleys Fentons සහ Hayleys Solar ආයතනයේ දායකත්වය

හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ

ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි. 2025 අප්‍රේල් මස 10 462 0
ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි.

අප්‍රේල් 01, 2025 කොළඹ දීග ශ‍්‍රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.

Our Group Site