කැබිතිගොල්ලෑව හේමන්ත රණසූරිය
සමාජ සේවකයකු ලෙස ප්රදේශයේ කීර්තිමත් නමක් දිනා සිටි ව්යාපාරිකයකුගේ වෙස් මුහුණ ගැලවී ගිය අපූරු පුවතක් රජරට ප්රදේශයකින් අසන්නට ලැබුණි.
කතාව මෙසේය.
මෙම මුදලාලි ප්රදේශයේ කා අතරත් ජනප්රියව සිටියේ අනුන්ගේ දුකට පිහිටවන තැනැත්තෙකු ලෙසටය. අගහිඟකම් වලින් පීඩා විඳින පවුල්වලට ඔහු අත දිගහැර වියදම් කළේ කිසිම මසුරුකමක් නොමැතිවය. අඹු දරුවන් සමග සාමයෙන් ජීවත් වූ මුදලාලි, ගම් ප්රදේශයේ කුඹුරු විශාල ප්රමාණයක් වගා කළ අතර, එම ගොවිතැන් වැඩ සඳහා යොදා ගත්තේ ගම් ප්රදේශයේ දුප්පත් පවුල්වල පිරිසය.
කිසිදු අනාචාර හැසිරීමක් හෝ කාන්තාවන් වෙනුවෙන් ඇඟෑළුම් පෑමක් හෝ මුදලාලිගෙන් වාර්තා වී නොතිබුණි.
මේ නොබෝදා පුන් පොහෝ දිනයක ගම් ප්රදේශයේ බොහෝ දෙනෙක් එම ප්රදේශයේ ප්රසිද්ධ විහාරස්ථානයක පැවැත්වෙන දානමය පින්කමක් සඳහා එදින රාත්රියේ සහභාගි වූහ.
මුදලාලිට ඉතා පක්ෂපාතීව සේවය කළ ගැමියෙකු සිටි අතර, ඔහුගේ බිරිඳ සැමියාට වඩා වසර 15කින් පමණ ලාබාල රූමත් තැනැත්තියක් වූවාය. එදින ඇය පන්සලේ පැවැත්වෙන උත්සවයට නොගොසින් ගෙදර නැවතී සිටි අතර සැමියා මුදලාලිට ඒ බව පවසා හදිසි අවශ්යතාවයක් වුවහොත් පන්සලට පැමිණ තමාට දැනුම් දෙන මෙන් කියා ඔහු පන්සලට ගියේය.
කෙසේ හෝ පන්සලේ උත්සවය නිමා වී පසුවදාට හිරු පායා අලුත් දවසක් උදාවිය. මුදලාලි සහ මුදලාලිගේ හාමිනේ ව්යාපාරය විවෘත කිරීම සඳහා සූදානම් වූහ. එහෙත් දොරේ යතුර අස්ථානගත වී තිබීම නිසා මුදලාලිත් බිරිඳත් ඔවුන්ගේ නිවස සහ ව්යාපාරික ස්ථානය අඟලක් නෑර පරීක්ෂා කරමින් එය සොයන්නට වූහ. අසල්වැසියෝ කීප දෙනෙකුද එක් වී අස්ථානගත වූ යතුර සෙවීමට වෙහෙසුණහ. පැය දෙක තුනක්ම ගතවිය. යතුර සොයා ගැනීමට නොහැකි විය. මුදලාලිට ඉතා හිතවත් සේවකයාත් යතුර සෙවීමට එක්වී සිටියේය.
වෙළඳ ව්යාපාරයේ දොර අගුල ඉතා වටිනා එකක් වූ බැවින් එය කඩා දැමීමට මුදලාලි අකමැති විය. කෙසේ හෝ නැති වූ යතුර සොයා ගැනීම ඔහුගේ බලාපොරොත්තුව විය.
පැය කීපයක් වෙහෙස වුවද යතුර සොයා ගැනීමට නොහැකි වීමෙන් ඔවුන් හෙම්බත්වී තැන තැන වාඩි වී සිටියහ.
මුදලාලිට ඉතා හිතවත් සේවකයාගේ අවුරුදු පහක් පමණ වයස ඇති කොලු ගැටයා හති දමමින් එම ස්ථානයට දුවගෙන පැමිණියේ මුදලාලිගේ අස්ථානගත වූ යතුරද අතේ එල්ලාගෙනය.
‘‘මුදලාලි මාමේ, මුදලාලි මාමේ, මෙන්න ඔයාගේ යතුර. මම හොයා ගත්තා. මම හොයා ගත්තා. දැන් මට මොනවද දෙන්නේ?” යැයි උඩ පනිමින් උජාරුවෙන් ඇසීය.
මුදලාලි හාමිනේගේ සතුට ඉහ වහා ගොස් කොලු ගැටයාගේ ඔලුව අතගාමින් ‘‘අනේ පුතේ පුතාට ඕන දෙයක් දෙනවා. කෝ දෙන්න ඔය යතුර. කොහෙද ඕක තිබුනේ” යැයි ඇසුවාය.
‘‘මේක තිබුනෙ අපේ අම්මගේ ඇඳේ කොට්ටේ යට” යැයි කොලුවා උත්තර දුන්නේය.
යතුර අතට ගත් මුදලාලි හාමිනේ මුදලාලි දෙස හැරී බලන විට, මුදලාලි පේන තෙක් මානයක සිටියේ නැත. මුදලාලිට ඉතා හිතවත් සේවක තෙමේ, කකුලේ මහපට ඇඟිල්ලෙන් පොළොව හාරමින් බිම බලාගෙන සිටියේය.
යතුර සෙවීමට පැමිණි අසල්වාසීහු ඔවුන්ගේ කටවල් තමන්ගේ කන් දෙපැත්තේ ගෑවී ඇති අයුරු පෙනීම වැළැක්වීම සඳහා තම අත් වලින් කටවල් ආවරණය කරගෙන සිටියෝය.
මුදලාලි හාමිනේ දුහුවිලි නංවාගෙන යතුරද රැගෙන එතනින් ඉගිලී ගියේ මුදලාලි සොයාගෙන විය යුතුය.
ගාල්ල නගරාසන්නයේ ගමක විසූ මිතුරන් දෙදෙනෙකි. දෙදෙනාම සුරාවට ලොල්ය. පසුගිය දිනක සවස දෙදෙනා හොඳටම රත්වූහ.
සිය බිරින්දෑවරුන් දෙදෙනා වෙනසකට වගේ මාරුකරගත් යහළුවන් දෙදෙනෙකු ඔවුන් දිගටම ඇසුර පවත්වාගෙන යෑම හේතුවෙන් එය විසඳා ගැනීමට එක් බිරියක රුහුණේ පොලිසියක
පිටේ දවටා තිබුණු යමක් සමච්චලයට ලක් කිරීමෙන් මිතුරා උරණ වීම හේතුවෙන් හෝටලයක කෑම බිල ගෙවා ගත නොහැකිව තවත් මිතුරන් පිරිසක් දැඩි අපහසුතාවකට පත්වූ පුවතක්
කළයුතු දේ හරිහැටි සොයා නොබලා කටයුතු කිරීමෙන් තම බිරියගේ පවුලේ අයගේ දෝෂ දර්ශනයට ලක් වූ පුද්ගලයකු පිළිබඳ පුවතක් මාතර මොරවක්කෝරළය පෙදෙසින් වාර්තා වෙයි.
වැස්සට පිං සිද්ධ වෙන්න පුටු තොගයක් සිය නිවෙස්වලට රැගෙන ගිය පිරිසක් පිළිබඳව කතාවක් ඇල්පිටියෙන් අසන්නට ලැබේ.
මෙය බලංගොඩ ප්රදේශයේ එක්තරා ගමක සිදුවූ අපූරු සිදුවීමකි. නිවසක පෙර දින රාත්රියේ ආහාරයට ගෘහණිය විසින් කුරක්කන් තලප සූදානම් කර තිබිණි නිවසේ සිටින්නේ ව
සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 51 වැනි ශාඛාව කලූතර දිස්ත්රික්කයේ අර්ධ නාගරික ජනාකීර්ණ නගරයක් වූ මතුගම නගරයේදී පසුගියදා විවෘත කෙරිණ.
ඔබ භාවිත කරනුයේ කුඩා යතුරු පැදියක් හෝ අධි සුඛෝපභෝගී මෝටර් රියක් හෝ වේවා එහි බැටරියට හිමිවනුයේ ප්රධාන අංගයකි. වාහනයක් කරදර වලින් තොරව සිත්සේ භාවිත කර
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
යතුරේ හුටපටයෙන් උපාසකයාගේ රෙදි ගැලවිලා
ඉස්සර ඉඳන් එකම විදියට ගොතපු කතා Monday, 30 September 2024 02:23 PM
දැන් මගතොටේදී මුදලාලි දකින කොල්ලෝ කුරුට්ටෝ මුදලාලි යතුර හම්බුණා දැයි අසනවිට මුදලාලි හොඳ ලුණු ඇඹුල් ඇතිව ඔවුන් අමතනවාලු...