මියගිය අයකුගේ මළ ගෙදරට සහභාගි වූ නඩයක් මැරුණු අය ජීවමානව දැක ආපසු ගිය පුවතක් ගල්නෑව අවට ගම්මානයකින් අසන්නට ලැබුණි.
මෙම ගම්මානයේ උපන් අයකු කුරුණෑගල දිස්ත්රික්කයට අයත් ගම් පෙදෙසක වාසය කරන්නේය. ඔහු දුරස්ව සිටියත් මෙම ගම් සීමාවේ සිදුවෙන මළ ගෙවල් කිසිවක් අතපසු කරන්නේ නැත.
මේ නිසා ගමේම උදවිය ඔහු සමග මනා සම්බන්ධතාවයකින් යුතුව කටයුතු කරති.
ඔහු හිටි හැටියේ අසනීප විය. ඔහු ගමේ රෝහලටත්, එතැනින් කුරුණෑගල රෝහලටත් මාරු කර යැව්වේ රෝගි තත්වය උත්සන්න වීමෙනි.
ඔහු රෝහලේ බව දැන ගත් උපන් ගම් පියසේ කීප දෙනෙක් මුල් දිනවල දී රෝහලට පැමිණියහ.
එලෙස පැමිණි අය ගමට ගොස් පවසා සිටියේ ඔහුගේ තත්වය හොඳ නැති බවයි.
මේ නිසා දින බෙදාගෙන කොටස් වශයෙන් ගමේ බොහෝ පිරිසක් ඔහුගේ සුවදුක් බැලීමට කුරුණෑගල රෝහලට යාමට පටන් ගත්හ.
දිනක් උදේම ගල්නෑව සිට කුරුණෑගල බලා ගිය බස් රථයක ගමන් ගත් පිරිසක් ඔහු හදිසියේම මිය ගොස් ඇති බවත්, නිවස ඉදිරිපිට පාරේ සුදු කොඩි දමා ඇති බවත් ගම්මුන්ට පැවසූහ.
සිද්ධිය දැන ගත් ගම්මු කම්පාවට පත් වූහ. රාත්රියේ දී බස් රථයක් කතා කරගෙන එහි පැමිණීමට පිරිස් ඒකරාශි වූහ.
මළ ගෙදරට අවශ්ය සීනි, තේ කොළ. බුලත් පුවක්, බිස්කට් සියල්ලට පවා මුදල් එකතු කළේය. බස් රථයට යන ගාස්තුව වෙනම එකතු කළේය. මුදල කල්තියා එක්කළ පිරිස් සවස් යාමයේ ගමේ සමිතියේ බැනර් එකත් රැගෙන බස් රථයට ගොඩ වුණේ එහි යාම සඳහාය.
බසයට පැමිණි බොහොමයක් ඔහුගේ ගෙදර දන්නේ නැත. කිහිප දෙනෙකුට මතක ඇතත් රාත්රිය නිසා නිශ්චිතව මතකයක්ද නැත. එහෙත් නිවස පාර අයිනේ නිසා එය සොයා ගැනීම අපහසු නොවනු ඇතැයි සිතා සියල්ලෝ එහි ළඟා වූහ.
පාර දෙපස සුදු කොඩි දමා ඇත. විශාල පිරිසක් මහ මඟ දිගට පෙනෙන්නට සිටිනු ඇත.
බසයෙන් බැස ගත් නඩය එකා පිටුපස එකාමෙන් මළ ගෙදරට ගොඩ වැදුණි.
රැගෙන ගෙනා සීනි, තේ කොළ, බිස්කට් සියල්ලත් මළ ගෙදරටම බාර දුන්හ.
මෘත දේහයක් ඇත. එහි ඇත්තේ වියපත් කාන්තාවකි. එකිකෙනා මුහුණෙන් මුහුණ බලා ගෙන පිටතට පැමිණියහ.
මළ ගෙයක් වෙලා තියෙන්නේ රෝහලේ සිටින රෝගියාගේ යාබද නිවසේය.
වෙච්ච දේ රහසක්ව තබාගෙන පැමිණි සියල්ලෝ රාත්රියට එතැනින් ආහාරයත් ගෙන යාබද නිවසට ගොඩ වැදුණි. ඒ වනවිට රෝගියා ද සුවය ලබා නිවසට පැමිණි සිටියේය. සිදුවෙච්ච අත්වැරැද්ද ඔහුටත් නොකියා අවට මළ ගෙදරට ගමේ තිබෙන ඥාති සම්බන්ධතාවයක් මත ආ බව පවසා ඔවුන් රෝගියාගේ සුවදුක් බලා ඉන් නික්ම ගියාලු.
මොරගොල්ලාගම සිසිර කැලේගම
ආදි ශිෂ්ය සංගමයේ අරමුදල් තර කරන්න ගැසූ ආධාර ටිකට් පත්වලින් තම මඩිය තරකර ගන්න අපූරු විජ්ජාවක් දැමූ භාණ්ඩාගාරිකවරයකු පිළිබවඳ අපූරු කතාවක් දකුණු පළාතේ
බිරියගේ හන්දි අමාරුවකට බෙහෙත් ගැනීමට ගොස් සැමියාගේ හතර හන්දි කැඩුණු පුවතක් රජරට එපිට ගමකින් අසන්නට ලැබුණි. කතාව මෙසේය.
“මගේ යාළුවා මම අසල්වැසි යාළුවෙක් මට ලොකු කරදරයක් වුණා. ඒ නිසා මන් ඔහේගේ බයිසිකලය අරගෙන ගියේ. කරදරයක් වුණානම් සමාවෙන්න” යනුවෙන් දුරකථන අංකයක් සහිත ඉංග
ඇල්ශේෂන් වර්ගයේ බැල්ලියකගේ නූපන් පැටව් විකිණීම සඳහා අත්තිකාරම් ගත් බලු හිමියාට ඒවා ආපසු දීමට සිදු වී ඇති පුවතක් යාපහුව මැතිවරණ බල ප්රදේශයේ ගමකින්
කොළඹ පදික වේදිකාවෙන් මිලදීගත් රුපියල් තුන් සියයේ අත් ඔරලෝසුව රුපියල් තුන්දහසකට සින්න කරගත් අපූරු පුද්ගලයකු පිළිබඳ කතාවක් අම්බලන්ගොඩ නගරයෙන් අසන්නට
කාන්තාවකගේ කකුලක දණහිස කොටස නැවීමට නොහැකිව දැඩි රෝගී තත්වයකට පත්ව මාසයකට ආසන්න කාලයක් ප්රතිකාර ගත්තත් සුව නොවුණු රෝගය සඳහා සැමියා සමඟ ප්රතිකාර ග
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
ලෙඩා මැරුණැයි සිතා අනුන්ගේ මළගේකට ගිහින්