තිස්සගේ මතක වත-54
2010 ජනාධිපතිවරණ කැම්පේන් එකට එක්සත් ජාතික පක්ෂ සංවිධායකවරු බොහොම මහන්සිවෙලා වැඩ කළා. යුද්ධය දිනලා මාස කීපෙකට පස්සේ යුද්ධයේ ප්රධාන කොටස්කරුවො දෙන්න ප්රතිවාදීන් වෙලා ජනාධිපතිවරණයට තරග කිරීම විශේෂ තත්ත්වයක්. ඒක නිසා මේ ජනාධිපතිවරණය ලංකා ඉතිහාසයේ තීරණාත්මක මැතිවරණයක් වුණා.
ජයග්රහණය දෙපැත්තටම තීරණාත්මක වුණා. මොකෙන් මොකක් වෙයිද කියලා මුළු රටම බලාගෙන හිටියෙ. හැබැයි ජනාධිපතිවරණයට ෆොන්සේකාගෙ පැමිණීමත් එක්ක අපිට ලොකු ගැම්මක් ආවා.
සරත් ෆොන්සේකා වැඩ කරගෙන යද්දී අපේ පක්ෂ සංවිධායකවරුන්ගේ වැඩ ගැන යම් යම් අඩුපාඩු මට කියන්න ගත්තා. රනිල් වික්රමසිංහ ගැනත් විටින් විට විවේචනාත්මක දේවල් කියන්න ගත්තා. සමහර අවස්ථාවල ඒ වගේ කතාවලට මම උත්තර දුන්නා. මැතිවරණය කිට්ටු වෙන කොට සරත් ෆොන්සේකා හිතාගෙන හිටියේ එයාට ජයග්රහණය ලැබෙනවාම තමයි කියලා.
මේ විදියට කැම්පේන් එක යන අතරෙම අපි එකඟතාවකට එන්න තීරණය කළා. ජනාධිපතිවරණය දිනුවොත් ඊට පස්සේ කොහොමද ආණ්ඩුවක් පිහිටුවන්නේ කියලා. ඒක රනිල් වික්රමසිංහගෙ නායකත්වයෙන් පිහිටුවන්න ඕන කියල තමයි අපේ යෝජනාව වුණේ.
මේකට ජ.වි.පෙ. කැමති වුණේ නෑ. ඒක ප්රසිද්ධියෙ කියන්න එපා කියලත් ඔවුන් කිව්වා. අපේ අදහස වුණේ එක්සත් ජාතික පාක්ෂිකයන්ගේ උද්යෝගය වැඩි කරගන්න එවැනි බලාපොරොත්තුවක් දෙන්න ඕන කියලා. අවසානයේ කවුරුත් එකඟ වුණා ඒක ප්රසිද්ධියේ නොකියා ඒක අභ්යන්තර එකඟතාවක් විදියට තියා ගන්න.
මේ මැතිවරණ ව්යාපාරය හරහා කාලයක් තිස්සේ ප්රතිවිරුද්ධව ඉඳපු එක්සත් ජාතික පක්ෂයත් ජනතා විමුක්ති පෙරමුණත් එකඟතාවකින් එක දේශපාලන අරමුණක් වෙනුවෙන් සහයෝගයෙන් කටයුතු කිරීම විශේෂත්වයක්. ගම්වල පවා මේ දෙපිරිස් අතර සමඟියක් ඇති වුණා.
මේ කැම්පේන් එක අතරතුර අපිට නොයෙකුත් කරදර එහෙමත් වුණා. සමහර රැස්වීම් අවලංගු කරන්නත් සිද්ධ වුණා. සමහර තැන්වල ගැටුම් එහෙමත් ඇති වුණා. මැතිවරණයට සුමානයක් දෙකක් විතර තියෙද්දී අපිටත් ලොකු විශ්වාසයක් ඇති වුණා දිනයි කියලා. ඒක නිසාම රනිල් වික්රමසිංහ, කරූ ජයසූරිය වගේ අය ෆොන්සේකාට යෝජනා කළා ජයග්රහණයෙන් පස්සේ හදන ආණ්ඩුවෙ ඇමති මණ්ඩලය, ප්රධාන නිලධාරීන් එහෙම පත්කරන්නේ කොහොමද කියලා.
ඡන්දෙ දවසට කලින් දවසෙ සරත් ෆොන්සේකාට ඡන්දය නෑ කියලා විමල් වීරවංශ කියපු කතාව ලොකු ප්රවෘත්තියක් වුණා. ඒක ෆොන්සේකාගෙ ඡන්ද විශාල වශයෙන් අඩුවෙන්න බලපෑවා කියලා හිතෙනවා. ෆොන්සේකා ඡන්දපොළට නොයෑම නිසා ඔහුට ජනාධිපති තනතුර දරන්නත් නුසුදුසුකමක් වෙයි කියලත් සමහරු හිතුවා. මේක ලොකු අවාසියක් වුණා ෆොන්සේකාගේ පැත්තට.
දෙමළ ජනතාවගේ ඡන්දය සරත් ෆොන්සේකාට ලැබෙන්නේ විශේෂයෙන්ම රනිල් වික්රමසිංහගේ මැදිහත්වීම මත. උතුරේ ජනයාට සරත් ෆොන්සේකා පිළිබඳව තිබුණෙ හොඳ චිත්රයක් නොවෙයි. ටී.එන්.ඒ. එකේ සහාය ලබාගන්න අපි කරපු සාකච්ඡා අතරතුර සුරේෂ් ප්රේමචන්ද්ර වරක් කිව්වා මහින්ද රාජපක්ෂයි සරත් ෆොන්සේකයි කියන්නේ දෙන්නම යක්කු කියලා. ඒ අයට ප්රශ්නයක් තිබුණෙ යුද්ධය ජයගැනීම සහ දෙමළ ජනතාවට හිරිහැර වුණා කියලා. රනිල් වික්රමසිංහගේ මැදිහත්වීම උඩ තමයි ටී.එන්.ඒ. එකේ සහයෝගය ඇත්තටම ෆොන්සේකාගෙ මැතිවරණ ව්යාපාරයට ලැබෙන්නේ.
තව කොටසක් ලබන සතියට.
ප්රියන්ත කොඩිප්පිලි
අද ලංකාවේ හැමදාම හැම තැනම විවිධ ඉල්ලීම් දිනා ගැනීම සඳහා පොදු ජනතාව මෙන්ම රාජ්ය සේවකයින් ද වැඩ වර්ජන හා උද්ඝෝෂණ පවත්වති. ඔවුන්ගේ මේ උද්ඝෝෂණ වලින් වැඩි
මිත්රවරුනි දේශපාලනය සඳහා තිබිය යුතු ලොකුම සුදුසුකම් දෙක තමයි බුද්ධිය හා අත්දැකීම්. හොරුන්ට මැරයන්ට දේශපාලනය කරන්න බෑ. මේ පාර යටියන්තොට ආසනේට පෙරේරල
දෙමළ ඊළාම් විමුක්ති කොටි සංවිධානය (LTTE) විමුක්තිය උදාකර ගැනීම සඳහා තෝරා ගෙන තිබුණු ඝාතන සංස්කෘතියේ පළමු බිල්ල වූයේ දෙමළ ජාතිකයෙකි. ඔහු එවකට අගමැතිනි සි
ලංකාවේ දෙවැනි අගමැති ඔහුය. ඔහුගේ පියා ලංකාවේ ප්රථම අගමැතිය. ඔහු තුන් වරක් ලංකාවේ අගමැති ධුරය හෙබවූවේය. 1911 වසරේ ඉපදී 1973 දී එනම් 62 හැවිරිදි වියේදී මියගිය ත
කුල භේදය සම්බන්ධයෙන් උගුරට හොරා බෙහෙත් බීමේ ප්රතිපත්තියක් අනුගමනය කළ ජෝන් කොතලාවලට තවත් වරක් අපූරු ඇබැද්දියක් සිදුව තිබේ. වරක් ඔහුට ආධාර කළ උසස් යැය
පසුගිය නොවැම්බර මස 16 වැනිදා පැවැති ජනාධිපතිවරණයෙන් ගෝඨාභය රාජපක්ෂ මහතා ජයග්රහණය ලැබීමෙන් පසුව මහින්ද රාජපක්ෂ මහතා අගමැති ධුරයට පත්කර රජයක් පිහිට
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
එජාප ජවිපෙ රහස් එකඟතා