ජනතා විමුක්ති පෙරමුණේ ප්රධාන කාර්යාලය කොළඹ ආමර් වීදියේ තාවකාලිකව පවත්වාගෙන ගිය අවධියේදී ටුබැකෝ සුනිල් සහෝදරයාට පක්ෂ නායක රෝහණ විජේවීර සහෝදරයා ඉතා සමීපව ඇසුරු කරන්නට අවස්ථාව ලැබිණි. ඒ සබඳතාව එකල වඩාත් හොඳින් කැපී පෙනුණේ දේශපාලන වැඩකටයුතුවලදී නොව විජේවීර සහෝදරයාගේ පෞද්ගලික ජීවිතය සම්බන්ධ කාරණාවලදීය. ටුබැකෝ සුනිල් සහෝදරයා තවත් එවැනි එක් සිදුවීමක් විස්තර කළේ මෙලෙසිනි.
මට මතකයි ඔය කාලේ විජේවීර සහෝදරයගෙ පස්ස පැත්තෙ තුවාලයක් හැදිලා තිබුණා. මමයි උදේනි සහෝදරයයි තව කීපදෙනෙකුයි එකතු වෙලා තමයි ඒ තුවාලෙට බෙහෙත් කළේ. අපි තුවාලෙට බෙහෙත් දානකොට විජේවීර සහෝදරයා ඇඳන් හිටපු සරම අතින් උස්සන් ඉන්න අතරෙ අපිට කිව්වා කවදාහරි දවසක කියාපල්ලා විජේවීරගෙ පස්ස දැක්කා කියලා. විජේවීර සහෝදරයා නිතරම අපිත් එක්ක ඔය විදියෙ විහිළු තහළු කරලා තියෙනවා. විජේවීර සහෝදරයත් එක්ක මට ගෙවන්න ලැබුණු කාලයේදී මම ලබපු තවත් සුන්දරම අත්දැකීමක් අත්දකින්න ලැබුණෙ විජිත රණවීර සහෝදරයගෙ තංගල්ලෙ ගෙදරදී. එදා තමයි මට ඉස්සෙල්ලම පංති පහෙන් “ඉතිහාසය” පිළිබඳ පංතිය ගැන විජේවීර සහෝදරයගෙ දේශනයක් අහන්න ලැබුණෙ. ඇත්තටම මේ සිද්ධිය මගෙ ජවිපෙ දේශපාලනයෙදී මම අත්විඳපු වාසනාවන්තම සිද්ධිය කියලයි මට හිතෙන්නෙ. මාත් එක්ක මේ කඳවුරට සහභාගි වුණ වල්පොළ නන්දසීලි සහෝදරිය මම දන්න විදියට අදටත් ජවිපෙත් එක්ක සම්බන්ධයි.
මේ කාලය වනවිට ජවිපෙ අභ්යන්තරයේ මත ගැටුම් වාද විවාද උත්සන්න තලයකට පැමිණෙමින් කල්ලි කණ්ඩායම් නිර්මාණය වීමට සුදුසු පරිසරයක් ගොඩනැගෙමින් තිබිණි. සුප්රකට හතරදෙනාගේ කල්ලිය බිහිවන්නේ ද ඔය අල්ලපනල්ලේදීය. ටුබැකෝ සුනිල් සහෝදරයා ඒ ගැන ද සිය මතකය අලුත් කළේ මෙපරිදිය.
1979 - 80 කාලය වෙනකොට අපේ පක්ෂය ඇතුළෙ කුමන්ත්රණයක් දියත් වෙනවා. ඒකෙ ප්රතිඵලයක් හැටියට තමයි හතරදෙනාගෙ කල්ලිය බිහිවුණේ. රොස්මිඞ් නිමල් මදුරසිංහ, රොබට් ජයසේකර, කැප්ටන් කුලරත්න කියන අය තමයි ඔය කල්ලියේ හිටියෙ. ඔය අතරින් රොස්මිඞ් නිමල් සහෝදරයා මටත් කොක්ක ගහන්න හැදුවා මට මතකයි. කොහොමහරි මේ හතරදෙනාගේ කල්ලියෙ කුමන්ත්රණය ගැන තොරතුරු පක්ෂයේ ඉහළට ආරංචි වුණාට පස්සෙ ඒ අයව පක්ෂයෙන් නෙරපුවා. ඊට පස්සෙ පක්ෂයේ ප්රධාන ලේකම් තනතුරට දයා වන්නිආරච්චි සහෝදරයව පත් කළා.
ඔය කාලෙදිම ලෝක තරුණ ශිෂ්ය උළෙලට සහභාගි වීමේ අවස්ථාවත් අපේ පක්ෂයට උදාවුණා. ඒ සමුළුවට රෝහණ විජේවීර සහෝදරයා එක්ක වාස් තිලකරත්න, කෙලී සේනානායක, සෝමවංශ අමරසිංහ, සුනිලා අබේසේකර කියන සහෝදර සහෝදරියොත් සහභාගි වුණා. මේ සමුළුව තිබුණෙ හවානා නුවර. හවානාවලට යන්න කලින් විජේවීර සහෝදරයා ලන්ඩන්වලට ගියේ හෘද රෝගයකට ප්රතිකාර ගැනීම සඳහා. ජවිපෙ හවානා ශාඛා කමිටුව තමයි විජේවීර සහෝදරයව එහෙම ගෙන්න ගත්තෙ. ප්රතිකාර ගත්තට පස්සෙ විජේවීර සහෝදරයා සමුළුවට සහභාගි වෙන්න හවානාවලට ගියා. ඔය සමුළුවට පරණ වමේ පක්ෂ නියෝජිතයොත් සහභාගි වෙලා හිටියා.
සමුළුවට ගෙනිහින් තිබුණු අපේ පක්ෂ කොඩිය පරණ වමේ පක්ෂ සාමාජිකයො පිරිසක් එකතු වෙලා විනාශ කරලා කියලත් අපිට දැනගන්න ලැබුණා. ඔය සමුළුව ඉවර වෙලා කට්ටිය ලංකාවට ආපු දවසෙ එයාලව පිළිගන්න මමත් ගුවන්තොටුපොළට ගියා. මට මතකයි සෝමවංශ අමරසිංහ සහෝදරයා එදා ඒ ගමන ගැන වගේම කියුබානු සමාජවාදී විප්ලවය ගැනත් දේශනයක් කළා.
තවත් කොටසක් ලබන සතියට.
උපුල් වික්රමසිංහ
අද ලංකාවේ හැමදාම හැම තැනම විවිධ ඉල්ලීම් දිනා ගැනීම සඳහා පොදු ජනතාව මෙන්ම රාජ්ය සේවකයින් ද වැඩ වර්ජන හා උද්ඝෝෂණ පවත්වති. ඔවුන්ගේ මේ උද්ඝෝෂණ වලින් වැඩි
මිත්රවරුනි දේශපාලනය සඳහා තිබිය යුතු ලොකුම සුදුසුකම් දෙක තමයි බුද්ධිය හා අත්දැකීම්. හොරුන්ට මැරයන්ට දේශපාලනය කරන්න බෑ. මේ පාර යටියන්තොට ආසනේට පෙරේරල
දෙමළ ඊළාම් විමුක්ති කොටි සංවිධානය (LTTE) විමුක්තිය උදාකර ගැනීම සඳහා තෝරා ගෙන තිබුණු ඝාතන සංස්කෘතියේ පළමු බිල්ල වූයේ දෙමළ ජාතිකයෙකි. ඔහු එවකට අගමැතිනි සි
ලංකාවේ දෙවැනි අගමැති ඔහුය. ඔහුගේ පියා ලංකාවේ ප්රථම අගමැතිය. ඔහු තුන් වරක් ලංකාවේ අගමැති ධුරය හෙබවූවේය. 1911 වසරේ ඉපදී 1973 දී එනම් 62 හැවිරිදි වියේදී මියගිය ත
කුල භේදය සම්බන්ධයෙන් උගුරට හොරා බෙහෙත් බීමේ ප්රතිපත්තියක් අනුගමනය කළ ජෝන් කොතලාවලට තවත් වරක් අපූරු ඇබැද්දියක් සිදුව තිබේ. වරක් ඔහුට ආධාර කළ උසස් යැය
පසුගිය නොවැම්බර මස 16 වැනිදා පැවැති ජනාධිපතිවරණයෙන් ගෝඨාභය රාජපක්ෂ මහතා ජයග්රහණය ලැබීමෙන් පසුව මහින්ද රාජපක්ෂ මහතා අගමැති ධුරයට පත්කර රජයක් පිහිට
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ජවිපෙන් බිහිවුණ හතරදෙනාගේ කල්ලිය