ඉන්දු -- ලංකා ගිවිසුම ක්රියාත්මක වීමත් දේශප්රේමී ජනතා ව්යාපාරය බිහිවීමත් හරහා රට තුළ විශාල අස්ථාවරත්වයක් සහ භීෂණකාරී වාතාවරණයක් ඇතිවුණා. අපේ රටේ දේශපාලන ඉතිහාසයේ අඳුරුම කාල පරිච්ඡේදයක් විදියට 1987, 88, 89 කියන වසර කීපය නම් කරන්න පුළුවන්. රට ආර්ථික අතින් පහළට වැටෙද්දී භීෂණ අතින් ඉහළටම ගියා.
උතුරේ එල්.ටී.ටී.ඊ ත්රස්තවාදීන්ගේ ක්රියාකාරකම්වලට ඉන්දියාවේ මැදිහත්වීම ලැබීම හරහා ඊට විරුද්ධවුණු දකුණේ පිරිස් දේශප්රේමී ජනතා ව්යාපාරය හරහා දකුණෙන් දරුණු තත්ත්වයක් ඇති කරන්න පටන් ගත්තා. මේකෙන් බරපතළ අභියෝගයකට මුහුණ දෙන්න සිද්ධ වුණේ පැවති එක්සත් ජාතික පක්ෂ ආණ්ඩුව. රාජ්ය සේවයත් විශාල වශයෙන් බිඳ වැටුණු කාල සමයක් මේක. විශාල මනුෂ්ය ඝාතන රැල්ලක් දකුණේ ඇති වුණා. හමුදාවට පොලිසියට පාලනය කරගත නොහැකි මට්ටමට තත්ත්වය දරුණු වුණා.
එක්සත් ජාතික පක්ෂයට දේශප්රේමී ජනතා ව්යාපාරයෙන් කෙළින්ම තර්ජනයක් එල්ලවුණා. දේශද්රෝහීන්ට මරණය කියමින් තමයි තර්ජනය එල්ල වුණේ. උදාහරණ රාශියක් කියන්න පුළුවන්. එවකට එක්සත් ජාතික පක්ෂයේ හිටපු සභාපති එම්. ජී. පී. පණ්ඩිතරත්න මහත්තයා ජේ. ආර්. ජයවර්ධන මැතිතුමා එක්ක ඇතිවුණු යම් ආරවුලක් නිසා ඉවත්වීම හේතුවෙන් ඒ පුරප්පාඩුවට පත් කළේ එවකට පක්ෂ මහලේකම් විදියට කටයුතු කරපු හර්ෂ අබේවර්ධන. ඔහු තරුණයෙක්. කාලයක් එක්සත් ජාතික පක්ෂය එක්ක වැඩ කළා. දකුණේ භීෂණය ආරම්භ වෙන කාලයේම වගේ තමයි මේ පුටු මාරුවත් සිද්ධ වුණේ. දේශප්රේමී ජනතා ව්යාපාරයෙන් සිදුවුණු එක්සත් ජාතික පක්ෂයේ දේශපාලන නායකයන් ඝාතනය කිරීමේ රැල්ල ආරම්භ කරමින් පක්ෂයට අලුතෙන් පත්වුණු සභාපති හර්ෂ අබේවර්ධනව ඝාතනය කළා. ඒ ඝාතනය සිදුවූණේ කිරුළපන ප්රදේශයේදී. හර්ෂ අබේවර්ධනගේ රියැදුරා ඇතුළු කීපදෙනෙකුත් ඒ සිදුවීමේ දී ඝාතනය වුණා. ඒක මුළු රටම සසල කරවපු සිදුවීමක් බවට පත්වුණා. හර්ෂ අබේවර්ධන සභාපතිවරයා ඝාතනය වීමත් එක්ක පක්ෂය දරුණු ඇදවැටීමකට ලක් වුණා.
එක්සත් ජාතික පක්ෂයේ සභාපති හර්ෂ අබේවර්ධන ඝාතනයෙන් ටික දවසකට පස්සේ පක්ෂයේ මහලේකම් විදියට කටයුතු කරපු නන්දලාල් ප්රනාන්දුවත් පෙර පරිදිම ඝාතනයට ලක්වෙනවා. ඒක සිද්ධවෙන්නෙත් කිරුළපන ප්රදේශයේදීමයි. මේ ඝාතන වළක්වන්න හෝ ඝාතනයන් හෙළිදරවු කරගන්න කවුරුවත් සහයෝගයක් දුන්නේ නෑ මේ අවස්ථාවල. මොකද එහෙම මැදිහත්වුණා නම් ඒ අයටත් මරණය තමයි අත්වෙන්නේ. මුළු රටම හිටියේ භීතියෙන්. විශේෂයෙන් එක්සත් ජාතික පක්ෂයේ විශාල පිරිසක් මේ කාලවකවානුව තුළ ඝාතනයට ලක්වුණා. මේ නිසා එක්සත් ජාතික පක්ෂයේ දේශපාලන ව්යාපාරය දරුණු කඩා වැටීමකට ලක්වුණා.
පළාත් සභා පනත සම්මත කරගත්තට පස්සේ පළමුවැනි පළාත් සභා මැතිවරණය පවත්වන්න කටයුතු සූදානම් කළා. ඒ වෙලාවේ ශ්රී ලංකා නිදහස් පක්ෂය පළාත් සභා වර්ජනය කළා. ඔවුන් ඒකට හේතු විදියට සඳහන් කළේ පළාත් සභා හරහා රට බෙදනවා කියන කාරණය. ශ්රී ලංකා නිදහස් පක්ෂයේ මේ හිඩැසත් එක්ක වමේ ඇතැම් පක්ෂ ඒතැනට තල්ලුවෙලා ගියා. විජය කුමාරතුංගගේ මහජන පක්ෂයට පළාත් සභා හරහා හොඳ නියෝජනයක් ලැබුණා. ඒ පළාත් සභා මැතිවරණය අපේ රටේ දේශපාලන ඉතිහාසය තුළ නොමැකෙන මතක සටහනක් තියපු එකක්. දේශප්රේමී ජනතා ව්යාපාරයෙන් ඡන්දදායකයන්ටත් මරණ තර්ජන එල්ල වෙන්න පටන් ගත්තා. ඡන්දය දැම්මොත් මරණවා කියලා තමයි ප්රචාරය ගෙනිච්චේ. ඡන්දය දාන්න යන පළමුවැනි පස්දෙනා ඝාතනය කරනවා කියලා පත්රිකා හා තුණ්ඩු කෑලි හරහා රටට මේ අය තර්ජනය කරලා තිබුණේ. මෙවැනි තත්ත්වයක තමයි පළමුවැනි පළාත් සභා මැතිවරණය අවසන් වුණේ.
තව කොටසක් ලබන සතියේ.
ප්රියන්ත කොඩිප්පිලි
අද ලංකාවේ හැමදාම හැම තැනම විවිධ ඉල්ලීම් දිනා ගැනීම සඳහා පොදු ජනතාව මෙන්ම රාජ්ය සේවකයින් ද වැඩ වර්ජන හා උද්ඝෝෂණ පවත්වති. ඔවුන්ගේ මේ උද්ඝෝෂණ වලින් වැඩි
මිත්රවරුනි දේශපාලනය සඳහා තිබිය යුතු ලොකුම සුදුසුකම් දෙක තමයි බුද්ධිය හා අත්දැකීම්. හොරුන්ට මැරයන්ට දේශපාලනය කරන්න බෑ. මේ පාර යටියන්තොට ආසනේට පෙරේරල
දෙමළ ඊළාම් විමුක්ති කොටි සංවිධානය (LTTE) විමුක්තිය උදාකර ගැනීම සඳහා තෝරා ගෙන තිබුණු ඝාතන සංස්කෘතියේ පළමු බිල්ල වූයේ දෙමළ ජාතිකයෙකි. ඔහු එවකට අගමැතිනි සි
ලංකාවේ දෙවැනි අගමැති ඔහුය. ඔහුගේ පියා ලංකාවේ ප්රථම අගමැතිය. ඔහු තුන් වරක් ලංකාවේ අගමැති ධුරය හෙබවූවේය. 1911 වසරේ ඉපදී 1973 දී එනම් 62 හැවිරිදි වියේදී මියගිය ත
කුල භේදය සම්බන්ධයෙන් උගුරට හොරා බෙහෙත් බීමේ ප්රතිපත්තියක් අනුගමනය කළ ජෝන් කොතලාවලට තවත් වරක් අපූරු ඇබැද්දියක් සිදුව තිබේ. වරක් ඔහුට ආධාර කළ උසස් යැය
පසුගිය නොවැම්බර මස 16 වැනිදා පැවැති ජනාධිපතිවරණයෙන් ගෝඨාභය රාජපක්ෂ මහතා ජයග්රහණය ලැබීමෙන් පසුව මහින්ද රාජපක්ෂ මහතා අගමැති ධුරයට පත්කර රජයක් පිහිට
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
දේශද්රෝහීන්ට මරණය