අපගේ ඥාතීන් අප බැලීමට පැමිණෙන්නේ මසකට දෙවරක් පමණි. ඔවුන් අප වෙත රැගෙන එන භාණ්ඩ ඉතා පරිස්සමෙන් අපි රැකබලා ගන්නෙමු. එහෙත් ඇතැම් කෙනෙක් අපගේ භාණ්ඩ බලහත්කාරයෙන් රැගෙන පාවිච්චි කරති. මෙම අසීරු කාලය නිමා කරමින් කොළඹ - අලුත්කඬේ මහේස්ත්රාත්තුමිය වසරක පුනරුත්ථාපන කාලයක් සඳහා මා වව්නියාව පුනරුත්ථාපන කඳවුරට යොමු කළාය. ඒ 2012 වසරේ ජුනි මස 22 වැනි දිනය.
2013 වසරේ වවුනියාව නගර සභා ශාලාවේ පැවැති සිංහල හින්දු අලුත් අවුරුදු උත්සවයට අපි සහභාගි වුණෙමු. මෙම උළෙල සංවිධානය කර තිබුණේ බන්ධනාගාර හා පුනරුත්ථාපන අමාත්යංශය මඟිනි. මෙම උත්සවයට දකුණේ විශ්වවිද්යාල ශිෂ්ය ශිෂ්යයාවෝ මෙන්ම ඇතැම් දේශපාලනඥයෝ ද සහභාගි වූහ.
එසේ පැමිණි බොහෝ දෙනෙක් මා අසලටම පැමිණ ‘වව්නියාව පුනරුත්ථාපන කඳවුරේ ඉන්න කොටි නායිකා තමලිනි මුණගස්වන්න පුළුවන්දැයි’ මගෙන්ම විමසුහ. ඒ මා යැයි පැවසූ විට ඔවූහු මගෙන් නොයෙක් ප්රශ්න ඇසීමට පටන් ගත්හ. ප්රභාකරන් පිළිබඳවත් කොටි සංවිධානය පිළිබඳවත් ඔවූහු මගෙන් විමසන්නට වූහ. මෙම ප්රශ්න කිරීම් මා හට මහත් වධයක් විය. මේ මොහොතේ මා පත්ව සිටින අසීරු තත්ත්වයේදී යුද හමුදා නිලධාරීහු හා නිලධාරිනියෝ මා ඔවුන්ගෙන් ගලවා ගත්හ. “තමලිනි දැන් පුනරුත්ථාපනය ලබනවා. ඒ නිසා ඇයගෙන් මෙහෙම ප්රශ්න ඇසීම වැරදියි” යැයි එම නිලධාරිහු කීහ.
2012 වසරේදී වවුනියාව පුනරුත්ථාපන කඳවුරේ විවාහ මංගල උත්සවයක් පැවැත්විණි. අප සමඟ මෙම කඳවුරේ පුහුණුව ලබමින් සිටි ප්රියා මනාලිය වූවාය. පිරිමි පුහුණු කඳවුරේ පුනරුත්ථාපනය අවසන් කර සිටි මදි මනාලයා විය. ප්රියාගේ මව ඇය කුඩා කාලයේදීම මියගොස් තිබූ අතර පියා බොහෝ දුක්විඳ ප්රියා හදාවඩාගෙන තිබේ. ප්රියා එල්.ටී.ටී.ඊ සංවිධානයට එක් වුවද අසනීප තත්ත්වයෙන් පසු වූ බැවින් යුද කටයුතුවලට සහභාගි නොවූවාය. ඇය එල්.ටී.ටී.ඊ සංවිධානයේ ආහාර නිෂ්පාදන කටයුතුවලට සම්බන්ධව සිටියාය.
2009 වසරේදී ඇය හමුදාවට බාර වූවාය. පසුව ඇය බූස්ස කඳවුරේ රඳවා තැබිණි. ඉන්පසුව ඇයව වවුනියාව පුනරුත්ථාපන කඳවුරට මාරු කර එවුණි. පුනරුත්ථාපනය වීමෙන් පසුව ඇයව බාරදිය යුත්තේ කාටද යන ප්රශ්නය පැන නැගිණි. පුනරුත්ථාපනය වීමෙන් පසුව ඔහුගේ හෝ ඇයගේ දෙමාපියනට හෝ ලේ ඥාතීන්ට බාරදීම සිදුවිය. පුනරුත්ථාපනයෙන් නිදහස් වී යළිත් ඔහු හෝ ඇය වැරදි කළහොත් ඔහු හෝ ඇය බාරගත් පිරිස ඒ සම්බන්ධව වගකීම බාරගත යුතු විය.
ප්රියා ප්රේම සම්බන්ධය පවත්වාගෙන ගිය මදීගේ මව ප්රියා බාර ගැනීමට කැමැත්තෙන් ඉදිරිපත් වූවාය. එහෙත් ඇය විවාහ වී නොසිටි බැවින් මදීගේ මවට බාරදීම කළ නොහැකි විය. එම ප්රශ්නයට තිබූ විසඳුම වූයේ ප්රියාගේ හා මදීගේ විවාහය සිදුකිරීමය. එය එලෙසින්ම ක්රියාවට නැගිණි. විවාහයෙන් පසුව ප්රියා මදීගේ මව සමඟ නික්ම ගියාය.
ප්රියා මට වඩා වසර කීපයකින් බාල වුවද අප දෙදෙනා අතර ඉතා හොඳ මිත්රත්වයක් ගොඩ නැගී තිබිණි. ප්රියාගේ ස්වාමියා, එල්.ටී.ටී.ඊ සංවිධානයට එක්වී සිටියේ තරුණයකු ලෙස තරුණයන්ගේ විමුක්තියට දායක වීමටය. ප්රියාගේ විවාහ උත්සවයේදී දෙවැනි මනාලිය වූයේ මා යැයි ඇතැම් පුවත්පත් වාර්තා කර තිබිණි. එහෙත් එය වැරදි ප්රවෘත්තියකි. ප්රියාගේ දෙවැනි මනාලිය වූයේ ඇයගේම නැගණියයි. දෙවැනි මනාලිය වූයේ මා යැයි පළ වූ වැරදි ප්රවෘත්තිය දැක කවුරුත් සිනාසුනහ.
තවත් කොටසක් ලබන සතියට....
පරිවර්තනය : එස්. තිලෙයිනාදන්
අද ලංකාවේ හැමදාම හැම තැනම විවිධ ඉල්ලීම් දිනා ගැනීම සඳහා පොදු ජනතාව මෙන්ම රාජ්ය සේවකයින් ද වැඩ වර්ජන හා උද්ඝෝෂණ පවත්වති. ඔවුන්ගේ මේ උද්ඝෝෂණ වලින් වැඩි
මිත්රවරුනි දේශපාලනය සඳහා තිබිය යුතු ලොකුම සුදුසුකම් දෙක තමයි බුද්ධිය හා අත්දැකීම්. හොරුන්ට මැරයන්ට දේශපාලනය කරන්න බෑ. මේ පාර යටියන්තොට ආසනේට පෙරේරල
දෙමළ ඊළාම් විමුක්ති කොටි සංවිධානය (LTTE) විමුක්තිය උදාකර ගැනීම සඳහා තෝරා ගෙන තිබුණු ඝාතන සංස්කෘතියේ පළමු බිල්ල වූයේ දෙමළ ජාතිකයෙකි. ඔහු එවකට අගමැතිනි සි
ලංකාවේ දෙවැනි අගමැති ඔහුය. ඔහුගේ පියා ලංකාවේ ප්රථම අගමැතිය. ඔහු තුන් වරක් ලංකාවේ අගමැති ධුරය හෙබවූවේය. 1911 වසරේ ඉපදී 1973 දී එනම් 62 හැවිරිදි වියේදී මියගිය ත
කුල භේදය සම්බන්ධයෙන් උගුරට හොරා බෙහෙත් බීමේ ප්රතිපත්තියක් අනුගමනය කළ ජෝන් කොතලාවලට තවත් වරක් අපූරු ඇබැද්දියක් සිදුව තිබේ. වරක් ඔහුට ආධාර කළ උසස් යැය
පසුගිය නොවැම්බර මස 16 වැනිදා පැවැති ජනාධිපතිවරණයෙන් ගෝඨාභය රාජපක්ෂ මහතා ජයග්රහණය ලැබීමෙන් පසුව මහින්ද රාජපක්ෂ මහතා අගමැති ධුරයට පත්කර රජයක් පිහිට
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
ශ්රී ලංකාවේ 2023 වසර සඳහා හලාල් සහතිකය සහිත නිෂ්පාදන අපනයනය ඇමෙරිකානු ඩොලර් බිලියන 1.7ක් ලෙස ඇස්තමේන්තු කර ඇත.
පුනරුත්ථාපන කඳවුරේ මංගල සීනු