IMG-LOGO

2025 අප්‍රේල් මස 03 වන බ්‍රහස්පතින්දා


සංචාරක ව්‍යාපාරය නංවන්න තව තවත් රුකුල් දෙමු

ශ්‍රී ලංකාව මෙම වසරේ තනි සංචාර සඳහා ලොව වඩාත්ම ජනප්‍රිය සංචාරක ගමනාන්ත අතර සිවුවැනි ස්ථානයට පත්ව ඇතැයි ලොව සුප්‍රකට ෆෝබ්ස් ව්‍යාපාරික සඟරාව ප්‍රකාශයට පත්කර තිබේ. ෆ්ලෑෂ් පැක් සංචාරක වෙබ් අඩවිය කළ ඇගයීමක් උපුටා දක්වමින් මේ තොරතුරු අනාවරණය කර ඇතැයි ද අප පුවත්පත සඳහන් කර තිබිණි. ඒ අනුව ශ්‍රී ලංකාවට ඉහළින් සිටින සෙසු රටවල් වන්නේ ජපානය, ආර්ජන්ටිනාව සහ ඊජිප්තුව පමණි.

සංචාරක ව්‍යාපාරයේ ප්‍රගමනයට මෙවැනි ආකාරයේ ජාත්‍යන්තර මට්ටමින් සිදුකෙරෙන ඇගයීම් ලබා දෙන්නේ විශාල උත්තේජනයකි. විවිධ රටවල සංචාර සඳහා පැමිණීමට සැලසුම් කරන බොහෝ විදේශිකයන් ඒ පිළිබඳ තොරතුරු සොයාගන්නේ තමන් විසින්ම නිසා මේ ඇගයීම්වලට වඩාත් වටිනාකමක් ලැබෙයි.

විදෙස් සංචාර සම්බන්ධයෙන් වර්තමානයේ අලු‍ත්ම ප්‍රවණතා ඇතිවෙමින් තිබේ. විශාල කණ්ඩායම් වශයෙන් රට රටවල සිදුකරන සංචාරවලට අමතරව සුළු කණ්ඩායම් වශයෙන් ද දෙදෙනකු හෝ තනි තනිව හෝ ආකාරයට තම සංචාර සැලසුම් කරන්නෝ ද වෙති. මේ ඇතැමුන් සියලු‍ සැප පහසුකම් සහිත විශාල හෝටල්වල ලැඟු‍ම් ගන්නේ නැත. කැලෑ ඇතුළේ නවාතැන්පොළ හෝ නිවෙස්වල කාමර හෝ මේ සමහරුන්ගේ වාසස්ථාන වෙයි.

මේ අලු‍ත් ප්‍රවණතා සම්බන්ධයෙන් ශ්‍රී ලංකාව ද සිය අවධානය යොමුකිරීම අවශ්‍ය වන්නේ ලොව ජනප්‍රියම සංචාරක ගමනාන්ත අතර ඉහළින්ම රැඳී සිටීම සඳහා එය නිසැකවම ඉඩ විවර කරනු ලැබීම නිසාය. එසේම සංචාරකයන්ගේ සැබෑ අවශ්‍යතා හොඳින් වටහාගෙන ඔවුන්ට තමන්ගේ සංචාරය සදානුස්මරණීය මතකයක් වශයෙන් තබාගැනීමට ඇවැසි සියලු‍ සත්කාර සිදුකිරීම ද අවශ්‍ය වෙයි. එසේම ඔවුන්ගේ ආරක්ෂාව සම්බන්ධයෙන් ද විශේෂ අවධානයක් යොමුකළ යුතුය. ඔවුන් සතු වටිනා භාණ්ඩ සහ මුදල් සොරාගැනීමට ඉඩ තැබිය යුතු නැති අතරම සංචාරක කාන්තාවන්ට හිරිහැර වන සේ කටයුතු කිරීමෙන් සියලු‍ දෙනා වළක්වා ගැනීම ද අවශ්‍යය. මෑත කාලයේදී සංචාරක කතුන්ට එරෙහිව සිදුවූ ලිංගික බලහත්කාරකම් සම්බන්ධ පැමිණිලිවල වර්ධනයක් තිබීම සැලකිල්ලට ගැනීමේදී ඒ සම්බන්ධයෙන් දැඩි අවධානයක් යොමුවිය යුතු බව පෙන්වා දිය යුතුය.

අපගේ ආර්ථිකය අඳුරු වළාවක් සේ සැලකුවහොත් සංචාරක කර්මාන්තයේ වර්තමානයේ පවතින වර්ධනය රිදී රේඛාවකි. 2023 වසරේ ශ්‍රී ලංකාවට පැමිණි සංචාරකයන් විසින් රටට උපයා දී ඇති වත්කම ඩොලර් බිලියන 02ක් බව ශ්‍රී ලංකා මහ බැංකුව නිකුත් කළ අලු‍ත්ම වාර්තාවලින් පෙන්වා දී තිබීම එයට හේතුවය. එම ආදායම ඊට පෙර වසර සමඟ සසඳන කල සියයට 82ක වැඩිවීමකි. 2019 වසරට පසුව සංචාරක ව්‍යාපාරය අප රටට උපයා දුන් ඉහළම ආදායම වශයෙන් ද එය සැලකෙයි. අප රටේ සංචාරක ව්‍යාපාරය බින්දුවට වැටී තිබූ වකවානුව සලකා බලන විට මෙය වසර තුනකට පසුව ලබාගත් විශාල ජයග්‍රහණයකි. ලංකාව සංචාරයට සුදුසුම ගමනාන්තය වශයෙන් සැලකුම් ලබන සිවුවැනි රට වීම සංඛ්‍යාලේඛන මගින් ද නිල වශයෙන් තහවුරු කර ඇත.

සංචාරක ව්‍යාපාරය මේ වසර ආරම්භයේදීම රටට ලබා දී තිබුණේ සුබ පණිවුඩයකි. ඒ අනුව ජනවාරි පළමු දින හතරේ පමණක් සංචාරකයන්ගේ පැමිණීම 25,000 ඉක්මවා තිබූ බව ශ්‍රී ලංකා සංචාරක ප්‍රවර්ධන අධිකාරියේ දත්ත මගින් පෙන්වා දී තිබිණි. පසුගිය වසරට සාපේක්ෂව මේ වසරේ ජනවාරි මුල් සතිවල සංචාරකයන්ගේ පැමිණීම දෙගුණයක් වී ඇතැයි ද එම සංඛ්‍යා ලේඛන හෙළි කර තිබේ. මේ සියලු‍ කාරණා රටේ ආර්ථිකයට ලබා දෙන්නේ ලොකු ගැම්මකි.

මේ සියලු‍ වාර්තා, දත්ත සහ සංඛ්‍යා ලේඛන පෙන්වා දෙන්නේ අප රට තුළ සංචාරක කර්මාන්තය විශාල පිබිදීමකට ලක්වෙමින් තිබෙන බවය. එම පිබිදීම එලෙසම පවත්වා ගැනීමේ භාරදූර වගකීම සංචාරක අමාත්‍යංශයටත් සංචාරක ප්‍රවර්ධන අධිකාරියටත් හෝටල් සම්මේලනයටත් පැවරෙයි. ඒ සියලු‍ ආයතනවලටත් වඩා මේ වගකීමේ භාරකරුවන් වන්නේ සංචාරක කර්මාන්තය හා සහසම්බන්ධව සිටින ජනතාවයි. ඔවුන් තමන්ගේ වගකීම් පිළිබඳ නිසි අවබෝධයකින් තොරව කටයුතු කළහොත් එහි පල විපාක පොදු වශයෙන් මුළු රටටම බලපාන බව සිහි තබා ගැනීම අවශ්‍ය ය.

 

(***)



අදහස් (0)

සංචාරක ව්‍යාපාරය නංවන්න තව තවත් රුකුල් දෙමු

ඔබේ අදහස් එවන්න

 

 
 

කතුවැකිය

බලවත් විපක්ෂයක් අවශ්‍ය ඇයි?
2024 ඔක්තෝබර් මස 07 1328 0

අලුත් පාර්ලිමේන්තුවක් සඳහා ලබන නොවැම්බර 14 වන දින ඡන්දය දිය යුතුය. ඡන්දය දිය යුත්තේ ජනාධිපති අනුර කුමාර දිසානායකට ශක්තිමත් ආණ්ඩුවක් ලබා දීමට යැයි ඇතැම


ජ්‍යෙෂ්ඨ පුරවැසි තැන්පතු පොලිය තවත් වැඩිකළ නොහැකි ද?
2024 අගෝස්තු මස 08 820 1

ජ්‍යෙෂ්ඨ පුරවැසියන්ගේ ස්ථාවර තැන්පතු සඳහා ගෙවමින් තිබූ විශේෂ පොලී අනුපාතිකය කාලක් තිස්සේ ගෙවීම අත්හිටුවා තිබිණි. එම ගෙවීම නැවත ක්‍රියාත්මක කිරීම සඳ


ජනපතිවරණ මුදල් නාස්ති කරන්න දෙනු එපා
2024 අගෝස්තු මස 07 343 0

මැතිවරණ උණුසුම රළ නගමින් තිබේ. රටේ ප්‍රධාන පුරවැසියා තෝරා පත්කර ගන්නා මැතිවරණය වන හෙයින් උණුසුම තියුණුය. මෙම ජනාධිපතිවරණයේ දී රටේ පුරවැසියෝ 17,140,354 ක් ඡන


ගුරු සමාජය කිලිටිකරන ගුරු ද්‍රෝහීන් පිටමං කරමු
2024 අගෝස්තු මස 06 739 0

සමාජය විවිධය. විසමය. එමෙන්ම එය විෂෙන් පිරුණකි. වැඩිහිටියාට පෞද්ගලික අත්දැකීම් ඇසුරෙන් ද සමාජ සිදුවීම් ඇසුරෙන් ද තම තම නැණ පමණින් එය අවබෝධ කර ගැනීමේ හැක


දැයට සමයට වස්තුවක් වූ අපේ පොඩි හාමුදුරුවෝ
2024 අගෝස්තු මස 05 366 0

සසුනඹර පොබ කළ අති ශෝභමාන සංඝ පීතෘවරයාණන් වහන්සේ නමක ලෙස දෙස් විදෙස් පතළ මහා කීර්ති කදම්බයෙන් අනූන බස්නාහිර පළාතේ ප්‍රධාන සංඝ නායක, කොළඹ ගංගාරාම විහාරා


දේශපාලක නම කෙ​ලෙසීමට ගැත්තන්ට ඉඩදෙනු එපා
2024 අගෝස්තු මස 03 472 1

රුපියල් ලක්ෂ පහළොවක මුදලක් අල්ලස් වශයෙන් ලබාගත් බව කියන වෙළෙඳ හා සමුපකාර රාජ්‍ය අමාත්‍ය සතාසිවම් වියලේන්දිරන් මහතාගේ සම්බන්ධීකරණ ලේකම්වරයකු යැයි ක


මේවාටත් කැමතිවනු ඇති

Hello Dada කියලා කියන්නේ Say Prime චැනල් එකෙන් නිෂ්පාදනය වුන පළවෙනි මිනි සීරීස් එක. 2025 මාර්තු මස 31 318 1
Hello Dada කියලා කියන්නේ Say Prime චැනල් එකෙන් නිෂ්පාදනය වුන පළවෙනි මිනි සීරීස් එක.

මිනි සීරීස් කන්සෙප්ට් එකෙන් සීරීස් කිහිපයක්ම නිර්මාණය කරපු අධ්‍යක්ෂකවරයෙක් තමයි ජෝ දිසානායක. Hello Dada අධ්‍යකෂණය සිදු කරන්නේද ඔහු විසින්ම. බොහෝ ජනප්‍රිය

ප්‍රයිම් සමූහය වෙතින් PrimeMax: අවම මූලික ගෙවීමක් සහ ඇදහිය නොහැකි මාසික වාරිකයක් සමගින් දේපළ සඳහා ආයෝජනය කිරීමට අනගි අවස්ථාවක් 2025 මාර්තු මස 21 864 0
ප්‍රයිම් සමූහය වෙතින් PrimeMax: අවම මූලික ගෙවීමක් සහ ඇදහිය නොහැකි මාසික වාරිකයක් සමගින් දේපළ සඳහා ආයෝජනය කිරීමට අනගි අවස්ථාවක්

ප්‍රයිම් සමූහය ශ්‍රී ලංකාවේ දේපළ වෙළඳාම් ක්ෂේත්‍රයේ පෙරළියක් සිදුකරමින් නව ගෙවීම් ක්‍රමවේදයක් හඳුන්වා දීමට පසුගියදා කටයුතු කළේ ය.

ශ‍්‍රී ලංකා ඉන්ෂුවරන්ස් ලයිෆ් සුබ පැතුම් ශිෂ්‍යත්ව සඳහා අයදුම්පත් විවෘත කරයි 2025 මාර්තු මස 07 807 2
ශ‍්‍රී ලංකා ඉන්ෂුවරන්ස් ලයිෆ් සුබ පැතුම් ශිෂ්‍යත්ව සඳහා අයදුම්පත් විවෘත කරයි

දේශයේ ආරක්ෂකයා ලෙස ශ‍්‍රී ලංකා ඉන්ෂුවරන්ස් ලයිෆ් (SLIC Life) රටේ අනාගත පරපුරේ වැඩිදියුණුව සඳහා නිරන්තරයෙන් දායක වී ඇත. ශ‍්‍රී ලංකාවේ පවතින වඩාත්ම උපයන රාජ්‍

Our Group Site