ශ්රී ජයවර්ධනපුර විශ්වවිද්යාලයේ දේශපාලන විද්යා අධ්යයනාංශයේ හිටපු ප්රධානි අභාවප්රාප්ත මහාචාර්ය ටෙරන්ස් පුරසිංහ මහතාගේ අවසන් කටයුතු ඊයේ (08) සිදු කෙරිණි. මේ ලිපිය ඒ නිමිත්තෙනි.
මහාචාර්ය ටෙරන්ස් පුරසිංහ මහතා පේරාදෙණිය විශ්වවිද්යාලයෙන් මූලික උපාධිය සහ පශ්චාත් උපාධිය ලබා ගත්තේය. ටෙරන්ස් පුරසිංහ ශ්රී ජයවර්ධනපුර සරසවියේ දේශපාලන විද්යා අධ්යයන අංශයේ පළමු අධ්යයන අංශ ප්රධානියාය. දේශපාලනය පිළිබඳ විද්වතකු වූ පුරසිංහ මහතා අදීන චින්තනයක් තිබූ ප්රතිපත්තිගරුක වියතෙකි. විෂයානුබද්ධව ප්රාමාණික දැනුමකින් සන්නද්ධව සිටි එතුමා ප්රායෝගිකව සිය ප්රගතිශීලී අදීන භූමිකාවට අනුව කටයුතු කළ දුර්ලභ චින්තකයෙකි. වර්තමානයේ සරසවි පද්ධතියේ නාමධාරී ආචාර්යවරු, මහාචාර්යවරු රැසක්ම ටෙරන්ස් පුරසිංහ මහතාගේ යටතේ ශිල්ප හැදෑරූවන්ය.
වාමාංශික දේශපාලනය තුළ කටයුතු කළ එතුමා නව සම සමාජ පක්ෂයේ දේශපාලන මණ්ඩල සභිකයකු ද විය. පුවත්පත් ලිපි මගින් පමණක් නොව සම්මන්ත්රණ ඔස්සේ ද මහාචාර්ය ටෙරන්ස් පුරසිංහයන් තම විචාර කලාව පවත්වාගෙන ගියේය. සන්සුන් මිනිසෙකු වූ හෙතෙම දේශනවල දී තියුණු වාග් ප්රහාරයක් එල්ල කරන්නෙකි. කිසියම් සම්මන්ත්රණයකට මහාචාර්යතුමන් පැමිණේ ද එය අර්ථපූර්ණ වෙයි.
සෑම විටම ජාතිවාදය, ආගම්වාදය, අන්තවාදය පිළිකෙව් කළේය. මානව සහජීවනය විශ්වාස කළ එතුමා විටෙක එක්සත් ජාතික පක්ෂ මතවාදය සමග සමීපව සිටි ඉතිහාසයක් තිබුණේය. අවසාන කාලයේ සමගි ජන බලවේගයේ බුද්ධි මණ්ඩපය සමග එක්ව අප පක්ෂයේ ප්රගමනය උදෙසා බුද්ධිමය දායකත්වය ලබා දුන්නේය. මානව සංහතියේ යහ පැවැත්ම උදෙසා දේශපාලන ව්යාපාරයක් යා යුතු මාවත එතුමන් අපට කියා දුන්නේය.
වෙනස්වන තත්ත්වය තුළ වෙනස්කම් සිදුවිය යුතුය, යන්න එතුමා තරයේ විශ්වාස කළේය. සෑම විටම තම හෘද සාක්ෂියට අනුව ක්රියා කිරීම, කතා කිරීම මහාචාර්ය ටෙරන්ස් පුරසිංහ මහතාගේ සුවිශේෂි ගුණයකි. කිව යුත්ත කියවිය යුතු මොහොතේ ම කියන එතුමා එයින් තමාට එල්ල විය හැකි බලපෑම කිසි විටෙක සැලකිල්ලට ගත්තේ නැත. තමා පළකරන මතය තුළ විවේචනය වන්නේ කවුරුන්ද? එයින් ඇතිවන බලපෑම කුමක්ද? යන්න නොව එකී මතය තුළ සමාජයට සිදුවන යහපත කුමක් ද යන්න සැලකිල්ලට ගැනීම පමණක් පුරසිංහ මහතාට වැදගත් විය.
රටේ බලගතු යැයි සිතන පුද්ගලයන්ගේ ක්රියාකාරකම් පිළිබඳවත්, එවැන්නන්ට කරන්නට උත්සාහ දැරූ සුවිශේෂී සැළකිලි පිළිබඳවත් පුරසිංහ මහතා අදහස් පළ කළේ එවැනි අදහස් පළකිරීමට පෙර කෙනෙකු ඒ පිළිබඳව දෙවතාවක් සිතන අවදියකදීය. තනතුරු, තාන්න, මාන්න සහ වරදාන වරප්රසාද අලුයම ලු කෙළපිඬක් සේ ඉවත හල එතුමා ඒවා මත කිසි විටෙකත් සිය ප්රතිපත්ති පාවා නොදුන්නේය.
යමෙකුගේ හොඳ ප්රතිරූපයක් ගොඩ නැගෙනුයේ ඔහු කියන දෙයින් නොව කරන දෙය තුළය. ටෙරන්ස් පුරසිංහ මහතා කී දේ කළ වියතෙකි. එවැනි හැසිරීමක් අපේක්ෂා කළ හැකි වන්නේ පෞද්ගලික ලාභ ප්රයෝජන නොතකන සමාජයේ වෙනසකට කැප වූ අයෙකුගෙන් පමණි. එම උදාර ගුණය පූර්වාදර්ශීයවම එතුමා තුළ දක්නට ලැබුණි. තම විෂය පරාසය මෙන්ම පරිබාහිර තතු පිළිබඳව තිබු අවබෝධය සහ දැනුම නිවැරදි තීරණ තීන්දු ගැනීමට එතුමාට ප්රබල සවියක් විය. රටේ ජනතාවගේ නිදහස සාමානාත්මතාවය සහෝදරත්වය සඳහා කොන්දේසි විරහිතව එතුමා පෙනී සිටියේය.
මහාචාර්ය ටෙරන්ස් පුරසිංහ මහතා දක්ෂ සන්නිවේදකයකු ලෙස ද ප්රචලිත වූ අයෙකි. විද්යුත් මාධ්ය මෙන්ම මුද්රිත මාධ්ය තුළ සම්පත්දායකයකු ලෙස කටයුතු කළේ මේ රට වඩාත් සුභවාදී තැනකට රැගෙන යනු පිණිසය. එතුමා ලියු ලිපි ලේඛන පරිශීලනය කරන්නෙකුට දැනුමට බොහෝ දේ එකතු කර ගැනීමට පුළුවන. විශේෂයෙන්ම පොදුජන සේවාවට එක්වන අංකුර දේශපාලකයන්ට එතුමාගේ ලිපි ලේඛන පරිශීලනය තුළ ශ්රී ලංකාවේ අනාගතයේ හැඩ රුව කෙසේ විය යුතු දැයි අවබෝධයක් ලබා ගැනීමට හැකියාව ලැබෙනු ඇත.
බහු වාර්ගික බහු භාෂාමය, බහු ආගමික, සමාජයක පැවැත්ම තහවුරු කරන දේශපාලන වැඩපිළිවෙළක් කෙසේ විය යුතු ද යන්න පිළිබඳව පුරසිංහ මහතාට පැහැදිලි දැක්මක් තිබුණි. සමගි ජන බලවේගයේ මාධ්ය අංශයට බුද්ධිමය දායකත්වය ලබා දුන් එතුමා පෞද්ගලිකවම මා වෙත දුන් මාර්ගෝපදේශය මේ මොහොතේ කෘතවේදීව සිහිපත් කරමි. එතුමා දුරකතනයෙන් හෝ සම්බන්ධ වෙමින් අප සමග බොහෝ කරුණු කාරණා සාකච්ඡා කළ අතර ඒ සාකච්ඡා අපගේ දැනුම් පරාසය පුළුල් කර ගැනීමට ඉවහල් විය.
කෙටිකලක් අසනීපයෙන් පෙළුන ද ඒ පිළිබඳව කිසිදු හැඟීමක් පල නොකරමින් අවසාන මොහොත දක්වාම විශ්වවිද්යාලයීය කටයුතුවලත්, සමගි ජනබලවේගය තුළත් දේශපාලන කටයුතු සඳහාත් ක්රියා කළ අන්දම අප සැමටම ආදර්ශයකි. මහාචාර්ය ටෙරන්ස් පුරසිංහ මහතා අපෙන් සමුගන්නේ එතුමාගේ හඬ, ලේඛනය මතවාද සහ ශක්තිය රටට ඇවසිම මොහොතේදීය.
ජීවිතය පිළිබඳ අනිත්ය පසක් කර දෙමින් සමුගන්නා මහාචාර්ය ටෙරන්ස් පුරසිංහ මහතාට දැක්විය හැකි සැබෑ ගෞරවය වන්නේ එතුමා අරමුණු කර ගත් ශ්රී ලංකාව ගොඩනැගීමට කැපවීමයි. සමගි ජන බලවේගය ඒ සඳහා ඇප කැප වන බව අවධාරණය කරමු. මිනිසුන් අතර මිනිසත්කම සපිරි මිනිසෙක් වූ මහාචාර්ය ටෙරන්ස් පුරසිංහ මහතාට උතුම් නිවන් සුව ලැබේවා.
(***)
සජිත් ප්රේමදාස
විපක්ෂනායක සහ සමගි ජනබලවේගයේ නායක
ලෙබනනයේ ෂියා මුස්ලිම් හිස්බුල්ලා සංවිධානයේ මහ ලේකම්වරයා, එසේත් නැතිනම් නායකයා ෂෙයික් හසන් නසරැල්ලා ඝාතනය කිරීමට ඊශ්රායලය සමත් විය. 64 හැවිරිදි නසරැල
හිටපු අමාත්යවරයකු අභාවප්රාප්ත කුමාර වෙල්ගම මහතාගේ අවසන් කටයුතු අද (30) සවස මතුගම ආදාහනාගාරයේ දී සිදු කෙරේ මේ ලිපිය ඒ නිමිත්තෙනි.
නිදහසට පසු යුගය තුළ ශ්රී ලාංකික දේශපාලන ඉතිහාසයේ පළමු වතාවට සාම්ප්රදායික වම හෝ දකුණ හෝ බලයට එන දේශපාලනය වෙනුවට අලුත් බලවේගයක් නිර්මාණය වී තිබේ. ඉකුත
පසුගිය ජනාධිපතිවරණ සමයේදී ඉදිරිපත් වූ ඉතාමත් ප්රබල තර්කය වූයේ 2019 ජනාධිපතිවරණයේ දී සියට 3.16ක ඡන්ද සංඛ්යාවක් ලැබූ ජාතික ජනබලවේගයේ නායක අනුර කුමාර දිස
අගනුවර පුරෝගාමී කතෝලික පාඨශාලාවක් වන කොළඹ 13, ශාන්ත බෙනදික්ත විද්යාලයේ ‘වාර්ෂික සිංහල සාහිත්ය කලා උළෙල අද (27) පස්වරු 2.30 ට විද්යාලයීය රංග ශාලාවේදී පැවැ
මෙවර කිවිදා දැක්ම ලියන්නේ ජනාධිපතිවරණය නිමාවට පත් වී තිබෙන මොහොතකය. අනුර කුමාර දිසානායක මහතා රටේ ජනාධිපති ධුරයට පත්වීම හරහා ජාතික ජනබලවේගයේ ප්රතිපත
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
අදීන චින්තනයේ නූතන ප්රතිරූපය මහැදුරු ටෙරන්ස්