අල්ලස් හෝ දූෂණ විමර්ශන කොමිෂන් සභාවට නව සාමාජිකයන් පත් කිරීම සඳහා අයැදුම්පත් කැඳවීමට ආණ්ඩුක්රම ව්යවස්ථාදයක සභාව තීරණය කර ඇතැයි අප පුවත්පත ඉකුත්දා වාර්තා කළේය. පාර්ලිමේන්තුවේ දී මෑතක දී සම්මත කෙරුණු දූෂණ විරෝධී පනත් කෙටුම්පතේ අඩුපාඩු කිහිපයක් පවතින බැවින් එම අඩුපාඩු, පනතට සංශෝධනයක් ගෙනැවිත් විසඳා ගන්නා තුරු සාමාජිකයන් තෝරා ගැනීමේ කටයුතු සිදු නොකිරීමට ද කොමිෂන් සභාව තීරණය කර ඇතැයි එම ප්රවෘත්තියේ වැඩිදුරටත් සඳහන්ය.
අල්ලසට හා දූෂණයට එරෙහිව ඉතිහාසයට සාපේක්ෂව වාර්තමානයේ විශාල උනන්දුවක් තිබෙන බව පෙනේ. එහෙත් එම ක්රියාමාර්ග සමාජය ඉල්ලන වේගයෙන් ක්රියාත්මක නොවේ. අණ පනත් සකස් කිරීම හීයක වේගයෙන් කළ නොහැකිය. එමෙන්ම එය ඉබි ගමනින් ද විය යුතු නොවේ. එම විෂයට අදාළ ප්රවීණයන් මගින් සාධාරණ කාලයක් තුළ එය කරගත යුතුය.
සමාජය තුළ අල්ලස සහ දූෂණය ගංවතුරක් මෙන් පැතිර ගොස් අවසන්ය. මෙය වූ කලී තුන්වැනි පන්තියේ රටවලට ආවේණික වූවකි. එබඳු තත්ත්වයක් ඇතිවීමට බලපා ඇති සාධක බොහොමයකි. එම සාධක දෙස බැලීමේ දී අල්ලස සහ දූෂණය තුරන් කිරීමේ ක්රියාන්විතයේ දී නීතිය බලගැන්වීම යනු එක් පිළිතුරක් පමණි.
අල්ලසට හා දූෂණයට එක් හේතුවක් වී තිබෙන්නේ දරිද්රතාව වේ. ආදායම ජීවත්වීම සඳහා ප්රමාණවත් නොවන විට අයථා ක්රම මගින් අතුරු ආදායම් මාර්ගයක් සොයා ගැනීමට පෙළඹීම සාමාන්ය තත්ත්වයකි. එහිදී පහසු ක්රමයක් ලෙස අල්ලස් ලබා ගැනීමට යමකු යොමුවීම ද සාමාන්ය තත්ත්වයකි. මේ අනුව පෙනී යන්නේ අල්ලස යනු ආර්ථික අර්බුදයේම අතුරු ඵලයක් බවය. එම ආර්ථික අර්බුදය පහළවීමෙන් තොරව නීතිය බලගැන්වීමෙන් පමණක් අල්ලස හා දූෂණය තුරන් කිරීමට උත්සාහ කිරීම සීයට සීයයක්ම ප්රතිඵලදායක නොවේ.
නීතිය බලගැන්විය යුත්තේ ආර්ථික අර්බුදය සමහන් කර සියලු දෙනාට ජීවත්විය හැකි පරිසරයක් නිර්මාණය කර දී තිබියදීත් අල්ලසට දූෂණයට යමකු යොමු වන්නේ නම් ඔවුන් මෙල්ල කිරීම සඳහාය. එවැන්නන්ට නව නීති සම්පාදනය කර හෝ දඬුවම් කළ යුතුය.
දරුවකු පාසලට ඇතුළත් කර ගැනීමේ ඇති විෂම තත්ත්වය නිසා අල්ලසට බොහෝ අවස්ථා පෑදී තිබේ. එහි ප්රතිඵලය වන්නේ විදුහල්පතිවරුන් ගුරුවරුන් අල්ලස් ලබා ගන්නන් බවට පරිවර්තනය වීමය.
ඊට අමතරව තැරැව්කාරයන් ද බිහි විය. දරුවකු පාසලකට ඇතුළු කිරීම සඳහා කාටත් පිළිගත හැකි විනිවිද පෙනෙන ක්රමවේදයක් සකස් කරන්නේ නම් මෙම අල්ලසට තිත තැබිය හැකිවනු ඇත. එහෙත් එය සිදු නොවීමේ ප්රතිඵලයක් ලෙස දරුවා පාසලට ඇතුල් කිරීමට දරුවාගේ මවට විදුහල්පතිවරයා සමග යහන්ගත වීමට පවා සිදුවී තිබේ. එබඳු සිදුවීම් ඉකුත් සමයේ වාර්තා විය.
ඒ අනුව පෙනී යන්නේ අල්ලස සහ දූෂණය සිදුවන්නේ ඒ සඳහා වන පරිසරයක් සැකසී ඇති හෙයින් බවය. එම හිල් වසා දැමිය යුතුය. සමස්ත සමාජයම ආවරණය වන පරිදි සියලු දෝෂ සහිත තැන් සොයා ඒවාට පිළියම් යෙදිය යුතුය. විශේෂයෙන්ම අල්ලස හා දූෂණය මනුෂ්යත්වයට ඉතා පහත් ලෙස නිගා දෙන පිළිකුල් සහගත ක්රියාවක් බව කුඩා දරුවාට ඉගැන්විය යුතුය. එයට අදාළ පාඩම් පෙළ පොත්වලට ඇතුල් කළ යුතුය. එබඳු මහා සංග්රාමයකින් මිස අල්ලස සහ දූෂණය තුරන් කිරීමට සිතීම අනුවණය.
(***)
අගනුවර පුරෝගාමී කතෝලික පාඨශාලාවක් වන කොළඹ 13, ශාන්ත බෙනදික්ත විද්යාලයේ ‘වාර්ෂික සිංහල සාහිත්ය කලා උළෙල අද (27) පස්වරු 2.30 ට විද්යාලයීය රංග ශාලාවේදී පැවැ
මෙවර කිවිදා දැක්ම ලියන්නේ ජනාධිපතිවරණය නිමාවට පත් වී තිබෙන මොහොතකය. අනුර කුමාර දිසානායක මහතා රටේ ජනාධිපති ධුරයට පත්වීම හරහා ජාතික ජනබලවේගයේ ප්රතිපත
හාරඹ වලව්ව බලපිටියේ පිහිටි වලව් අතරින් පැරැණිතම වලව්වකි. සිංහල, පාළි, සංස්කෘත, ඉංග්රීසී හා ලතින් භාෂා මැනැවින් දැන සිටි ලුවී ද සොයිසා විජයසේකර ජයතිල
මෙවර ජනාධිපතිවරණය මෙරට මැතිවරණ ඉතිහාසයෙහි පැවැති ඉතාම සාමකාමී මැතිවරණයකි. ඒ නිසාම එම සාමකාමී පරිසරය ජාත්යන්තර මැතිවරණ නිරීක්ෂකයන්ගේ ප්රසාදයට ලක්
විචිත්ර ධර්ම දේශකයාණන් වහන්සේ නමක වන තලල්ලේ චන්දකිත්ති හිමියන්ගේ පැවිදි දිවියට අදට (25) වසර 36ක් සම්පූර්ණ වේ. මේ ලිපිය ඒ නිමිත්තෙනි.
ජගත් නර්තන කලාව හා සමසුන් ගත හැකි විශිෂ්ට නර්තන කලාවක් බිහිකළ අසහාය බැලරිනාව - වජිරා චිත්රසේන අද (25) ජාතියෙන් සමුගෙන යන්නීය. ඇය පුරා වසර හැටකට අධික කාලය
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
අල්ලස - දූෂණය පිටුදකින්න ඊට හේතුවලටත් පිළියම් ඕනෑ