මෙරට කීර්තිමත් දේශපාලනඥයකු වූ අභාවප්රාප්ත අල්හාජ් එම්.ඒ. බාකීර් මාකාර් මහතාගේ 27 වැනි ගුණ සමරුව අදට (10) යෙදේ මේ ලිපිය ඒ නිමිත්තෙනි.
දේශමාන්ය අල්හාජ් එම්.ඒ. බාකීර් මාකර් මහතා 1917 මැයි මාසේ 12 වැනිදා ඡන්මලාභය ලැබුවේ බේරුවල මරදාන ප්රදේශයේ ‘‘හකීම් විලා’’ මහ වෙද ගෙදර සුප්රකට වෙද පරපුරකින් පැවත එන පවුලකය. එතුමාගේ පියාණන් ආයුර්වේද වෛද්ය හලිම් අලිය මාරික්කාර් මොහොමඩ් මරික්කාර්. මව්තුමිය ඉස්මයිල් මරික්කාර් රහිලා උම්මා මැතිනියයි.
මෙතුමන් කුඩා අවධියේ පාසල් ගියේ තම එකම හා වැඩිමල් සහෝදරිය වන දුර්රතුල් යතීමාගේ සුරතේ එල්ලී ලංකාවේ ප්රථම මුස්ලිම් බාලිකා විද්යාලයටය. ඉන් අනතුරුව 1924 දී කොළඹ ශාන්ත සෙබස්තියන් විද්යාලයට ඇතුළු වුණු පුංචි බාකීර් මාකර් එම පාසලෙන් සිංහල, ඉංග්රීසි, දෙමළ, ලතින් භාෂා මැනවින් ඉගෙන ගෙන උසස් අධ්යාපනයට කොළඹ සහිරා විද්යාලයට ඇතුළත් වූයේය.
බහු භාෂා උගතකු ලෙස සහිරා විද්යාලයෙන් උසස් අධ්යාපනය ලබා සමාජගත වන ඔහු නීති විද්යාලයෙන් නීති ක්ෂේත්රයට ප්රවේශ වන්නේය. නීති විද්යාලයෙන් තරුණ නීතිඥයෙකු ලෙස සමාජගත වන අල්හාජ් බාකීර් මාකාර් මහතා වැඩි කලක් යන්නට මත්තෙන් අධිනීතිඥයකු ලෙස කළුතර උසාවියේ වෘත්තීය කටයුතු සේම සමාජ සේවය ආරම්භ කරන්නේය.
එතුමා දේශපාලන ක්ෂේත්රයට අවතීර්ණ වන්නේ බේරුවල නගර සභාවට තරග කරමිනි. නගර සභා දේශපාලනය ඔස්සේ ජාතික දේශපාලනයට ප්රවිශ්ට වන අප කතානායකතුමා විශිෂ්ට ජයග්රහණයක් ලබා 1960 මාර්තු මහ මැතිවරණයෙන් බේරුවල ආසනයේ නියෝජිතයා ලෙස මුල් වරට පාර්ලිමේන්තුවට පත් වන්නේය.
1977 ජේ.ආර්. ජයවර්ධන මහතා දේශමාන්ය එම්.ඒ. බාකීර් මාකර් මහතා නියෝජ්ය කතානායකවරයා ලෙසත් අනතුරුව පාර්ලිමේන්තුවේ කථානායකවරයා ලෙසත් පත්කරනු ලබන්නේය.
‘‘මා මේ රටේ තුන්වැනි පුරවැසියාට හිමි පාර්ලිමේන්තුවේ කතා නායක ධුරයට ජනතාව තෝරාපත් කර ගනු ලබනවා. මේ තත්ත්වයට පැමිණීමට සුළු ජාතිකයෙකු වූ මට කිසිදු බාධාවක්, ගැටලුවක්, අභියෝගයක් ඇති වූයේ නෑ. මේ රටේ ජීවත් වන අන් සෑම සුළු ජාතිකයකුගෙන්ම මා ඉල්ලා සිටින්නේ මහ ජාතිය වන සිංහල ජාතිය සමඟ එකමුතුව, සමගිව, සුහදව, සහජීවනයෙන් කටයුතු කරන ලෙසයි. අපේ ප්රශ්න ඒ අය සමඟ සාකච්ඡාවෙන් කතා බහ කර එක්ව විසඳාගන්නට අසීරු වෙන්නේ නෑ’’
එතුමන් තම වැඩිමල් පුතණුවන් අල්හාජ් ඉම්තියාස් බාකීර් මාකාර් ලංකාවේ අග්රගණ්ය සිංහල බෞද්ධ පාසල වන කොළඹ ආනන්දයට එවන අතරම සිය දියණියන් යවන්නේ බම්බලපිටිය මිලාගිරිය ශාන්ත පාවුළු බාලිකා විද්යාලයටයි. බාල පුතු කොළඹ රාජකීයට ඇතුළත් කළේය.
සියලු ජාතීන්ට එකසේ ගෞරව කිරීම මෙන්ම සියලු ආගම්වලට එකසේ ආදරය කිරීම මනුෂ්යත්වය උරාග බැලීමක් ලෙස අදහන බාකීර් මාකාර් මහතා හරි හම්බ කළේත් මනුෂ්යයින්ම පමණයි.
උතුම් වූ මනුෂ්යත්වයෙන් පිරි අවංක, සුවඳ හමන හදවතක් හා නිකැලැල් පිරිසිදු නොකිලිටි දෑතක් සහිත කීර්තිමත් නාමය පමණක් නොවේද..? ධන ධාන්ය, මිල මුදල්, යානවාහන, ගේ දොර ඉඩකඩම්වලින් ආඩ්ය නොවූ ඒ කීර්තිමත් නාමය මේ ශ්රී ලාංකීය ජන සමාජයට මොනතරම් පරමාදර්ශයක් සපයයිද...
ඒ පරමාදර්ශයේ ප්රතිමූර්තියක් ඔබ අප ඉදිරියේ ඉතිරි කර තබා 1997 සැප්තැම්බර් 10 වෙනිදා ඔබ අප අතරින් නික්ම ගියේය.
මා මිත්ර ඉමිතියාස් බාකීර් මාකර් මැතිතුමනි, ඔබ තුමන්ගේ පියතුමන් මේ විශ්වය මත ඉතුරු පහදු කර ගිය පරමාදර්ශයේ ප්රතිමූර්තිය ඔබම හැර අන් කවරෙක්ද?
(***)
පාර්ලිමේන්තු මන්ත්රී
ඩලස් අලහප්පෙරුම
ශ්රී ලංකා පොත් ප්රකාශකයන්ගේ සංගමය සංවිධානය කළ ස්වර්ණපුස්තක සම්මාන උළෙල මෙවරද කොළඹ බණ්ඩාරනායක අනුස්මරණ ජාත්යන්තර සම්මන්ත්රණ ශාලාවේදී පසුගිය දා
හිටපු ජනාධිපති ජේ.ආර්. ජයවර්ධන මහතාගේ 118 වැනි ඡන්ම දිනය අදට (17) යෙදේ. මේ ලිපිය ඒ නිමිත්තෙනි.
මානව වර්ගයාගේ ආරම්භයේ සිටම අපේක්ෂාව වූයේ ජයග්රහණයයි. මනුෂ්යයන් පමණක් නොව තිරිසන් සතුන් අතර ද තම වර්ගයා අතර මෙන්ම වෙනත් සත්ව කොට්ඨාස සමග ගැටුම් මෙන්
අනගාරික ධර්මපාලතුමා ජන්ම දිනය අදට (17) යෙදේ. මේ ලිපිය ඒ නිමිත්තෙනි.
සමගි ජන බලවේගයේ ජනාධිපතිධුර අපේක්ෂක සජිත් ප්රේමදාස මහතා සමග කළ සාකච්ඡාවකි මේ.
ශ්රී ලංකාවේ පළමුවන සිංහල පුවත්පත වන ලංකා ලෝකය මුද්රණය කරන ලද්දේ වසර 164කට පමණ පෙරාතුව ය. ලංකෝපකාර මුද්රණාලය දැනට ලංකාවේ තිබෙන පැරණිම මුද්රණ යන්ත්ර
(2024 සැප්තැම්බර් 09) ලොව විශාලතම Luxury Ayurveda Wellness Brand වන Spa Ceylon, අන්තර්ජාතික සම්මාන උළෙලක් වන 2024 Global Green Beauty Awards හිදී ජාත්යන්තර වශයෙන් ලොව ඉදිරියෙන්ම සිටින රූපලාවන්ය සන්න
විවාහ දිවියට එළඹෙන යුවළකගේ බලාපොරොත්තු අතර දරු සුරතල් බැලීම ප්රමුඛස්ථානයෙහි ලා ගැනෙන්නක්. නමුත් වත්මන් සමාජ සංස්ථාව තුළ එලෙස දරු පල ලැබීමට නොහැකිව
ප්රමුඛ පෙළ ශ්රී ලාංකීය මූල්ය සමාගම සියපත ෆිනෑන්ස් පීඑල්සී දීප ව්යාප්ත ශාඛා ජාලයේ 50 වැනි ශාඛාව පසුගියදා මඩකලපුව දිස්ත්රික්කයේ ස්වභාවික සෞන්දර්ය
අල්හාජ් එම්.ඒ. බාකීර් මාකාර්
Robin Wednesday, 11 September 2024 12:20 PM
ඔය කියන තරම් ගුණ මේ පුද්ගලයා ළඟ තිබුණේ නැති බව බේරුවල අවුරුදු 70ක් විතර ජීවත් වුණු මම දන්නවා...