2024 ඔක්තෝබර් මස 06 වන ඉරිදා
වර්ෂ 1920 විය. බිළිදා උන්නැහේ මැණික්හින්නට ගියේ තම දිවි මගේ සහකාරිය කැන්දාගෙන ඒමට මාවනැල්ල බලත්ගමුවේ සිටය. කි.මි 8 ක් දුර ගම්පොල දක්වා පා ගමනින්ම තරණයකොට නෑ පිරිවර සමග තම මනාලිය කැඳවාගෙන එන්නට මැණික්හින්නට ගිය බිළිදා තරුණයා තම සහකාරිය වූ උක්කු කැඳවාගෙන ගම්පොලට විත් නැවත කි.මි 08 ක් දුරකතර ගෙවාගෙන කඳු පාමුල වූ බලත්ගමුවේ නිවසට ආවේය. මේ අසමසම බැඳීමක සමාරම්භය විය.
|
උක්කු අම්මා මාතාව |
ඒ උක්කු අම්මාගේ ජීවන කතාවේ සමාරම්භයයි. අදද මාවනැල්ල බලත්ගමුවේ ජීවත්වන ඇයට වයස අවුරුදු 116 කි. ඇස් පෙනීම අතින් තවමත් ඉදිරියෙන් සිටින ඇය කන් ඇසීමෙන් මඳක් දුර්වලය. මුණුබුරු මිණිපිරියන් ඇතුළුව 98 දෙනකුගේ පරම්පරාවේ මුල් පුරුක ඇයයි. ඇය දකුණු ආසියාවේ වයස්ගතම කාන්තාව ලෙස නම් දරා ඇත. මේ පින්බර මාතාව හමුවන්නට අප යන විට ඇය සිටියේ ස්නානය කරමින්ය.
මඳ වේලාවක් ඇය එන තෙක් ගෙමිදුලේ ඇයගේ මුනුබුරු සුමිත විජේවීර මහතා සමග තොරතුරු විමසන්නට වූයේ ඇගේ ජීවන චරිතය ගැන යමක් වටහා ගන්නටය. මඳ වේලාවකට පසුව හැරමිටියක් වත්තන් කරගෙන ඇය රෙද්දකින් හා හැට්ටයකින් සැරසී තුවායක් ද කරේ දමාගෙන අප ඉදිරිපිටය. සිහින් සිරුරකට හිමිකම් කියූ ඇයගේ නෙත් දෙකෙන් දිස්වූයේ නිරෝගීකමේ අපූර්වත්වය බව විනිවිද පෙනුණි.
‘‘මාව බලන්නටද ආවේ
ඉක්මණට මැරෙන් නෑ කියලා හතර වටෙන්ම එනවා දැන් බලන්න’’
ඒ ඇයගේ වාග් ප‍්‍රහාරයයි.
ඇත්තටම ඇයගේ ඒ වචන තුළ ගැබ් වී තිබුණේ තරහක් නොව විහිළුවකි. ඇය අප හා සමග සමීප වූයේ එලෙසිනි. අප ආ කාරණය නිරවුල් මනසින් හඳුනා ගන්නට තරම් ඇය මානසික ශක්තියකින්ද යුක්තය. අපි ඇයට ඉඩ දුනිමු. මිදුලේ තබන පුටුවක් මත ඇය අසුන් ගත්තාය.
බොහෝ දේ මේ පින්බර මාතාවගෙන් අසන්නට තිබුණත් ඇයගේ හඬට අපි අවනත වුනෙමු.
‘‘අපි කසාද බැඳලා ආවයින් පස්සේ සුද්දගෙ වත්තේ තමයි වැඩ කළේ. දවසට පැය හත අටක් හොඳට මහන්සි වෙලා වැඩ කොරනවා. අපේ උන්නැහෙයි මායි හරි හරියට එදා වැඩ කොලා. කිසිම ලෙඩක් දුකක් නෑ. බේත් පෙත්තක් පේන මානයට ගත්තෙ නෑ’’
ඒ උක්කු අම්මාගේ හඬින්ය.
‘‘මහත්තයෝ මම දරුවො දහ දෙනෙක් වැදුවා. ඉන් තුන්දෙනෙක් පුංචි සන්දියේම මළා.
ලොකුම දරුවා මගේ පුතා එයාට අවුරුදු 83 ක් වෙලා තමා නැතිවුණේ. පහුගිය දොහේ මගේ බාල දුවක් නැති වුණා. ඒ අවුරුදු 88 ක් වෙලා’’
ඇය තිස්තුන් වාරයක් පා ගමනින්ම ශ්‍රී පාදය තරණය කර ඇත. සිංහල බෞද්ධ කාන්තාවක් වූ උක්කු අම්මා සිය කනකර ආබරණ සියල්ල විකුණා අනුරාධපුරේ වෙහෙර විහාරස්ථාන ප‍්‍රතිසංස්කරණය සඳහා මුදල් ලබාදුන් බවත්, ඒ සඳහා තම සැමියා සමග ශ‍්‍රමය ලබාදෙන්නට ගිය බවත් කීවේ මහත් භක්තියෙනි. පින් රැුස්කරන්නට දැඩි කැමැත්තක් දැක් වූ මේ මාතාව වත්තෙන් ලැබෙන ඵලදාවද විකුණා දාන මාන පින්කම් කළ බව සඳහන් කළාය.
අදද මස් මාංශයෙන් වැළකී පිරිසුදු එළවළු ආහාරයට ගන්නා ඇය සුදුලූණු මාළුව කෑමට රුචිකත්වයක් දක්වන්නීය. චාම් ජීවිතයට වඩාත් ප‍්‍රිය කරන ඇය තමාට ලැබෙන වැඩිපුර තෑගි බෝග අනිත් උදවියට ලබා දෙන්නට කිසිම අවස්ථාවක මැලිකමක් නොදක්වා ඇය තබා ගන්නේ ඇඳුම් දෙකක් පමණි. කවුරු හෝ තෑගි බෝග රැුගෙන ගියහොත් ඇයට එපා නම් නැවත ඒවා රැගෙන යන ලෙස පවසන්නේ අන් අයගේ සිත නොරිදෙන පරිදිය. ඇය ජීවිතයේ අනිමිත බව කදිමට පසක් කරගත් කාන්තාවක් බව කිවහොත් නිවැරදිය.
වසර 116 ක ජීවන අන්දරය තුළ ඇය අප ඉතිහාසයේ බොහෝ දේ පසු කළාය. ලමිස්සියක් වූ සන්දියේ සිංහල මුස්ලිම් කෝලාහලය ගැන ඇගේ මතකය වූවාය. එසේම ජපනුන්ගේ බෝම්බ දැමීම ගැන ඇයට පැහැදිලි මතකයක් ඇත.
‘‘ජපන්නු බෝම්බ දානවා කියලා ටවුමේ හිටිය ගොඩක් දෙනා අපේ ගම්මාන වලට ආවා.
අහස් යන්තරයක් උඩ යනවා දැක්කහම ඔක්කොම කැලෑවලට රිංගුවා’’
|
|
.jpg)
|
ජාතික හැඳුනුම්පත |
ඇයගේ සැමියා වූ බිළිදා උන්නැහේ මිය පරලොව ගියේ අවුරුදු 111 ක් ආයු වළඳාය. ඒ අතින් බැලූවහොත් වැඩිම කාලයක් යුග දිවිය ගෙවූ දෙමහල්ලන් ලෙස තවත් වාර්තාවක් ඔවුන් තබා ඇත. පිරිසුදු චේතනාවත් චාම් දිවියත් මේ යුවළට අපූර්වත්වය කැඳවා ඇති බව පැහැදිලිය.
‘‘ මට ඕනේ දැන් නිදහස් වෙන්න’’
ඇයට දැන් ඇවිසි වී ඇත්තේ මේ දීර්ඝතම ජීවන යාත‍්‍රාවේන් එගොඩවීමටය. එහෙත් මිනිස් ජීවියකුට ලැබෙන පරම ආයුෂ බුක්ති විඳීමට තරම් ඇය වාසනාවන්තය. තවමත් තම දෛනික කටයුතු ටික තනිවම කරගන්නා උක්කු අම්මා අපටත් රටටත් සම්පතකි. ගිනස් වාර්තා පොතේ නම සටහන් නොවුණද අම්මේ ඔබ අපට ආඩම්බරයෙකි. ඔබට දිර්ගායු ප‍්‍රාර්ථනා කරමු.
ජෝන් මේරි බවින්සා කියන්නේ එල්ටී.ටී.ඊ. සංවිධානයේ නායකයාව සිටි වේළුපිල්ලේ ප්‍රභාකරන් දරුකමට හදාගත් දරුවාය. ප්‍රභාකරන් දරුකමට දරුවකු හදා වඩාගත් බව දැනග
අලුත් ආණ්ඩුවේ ක්‍රියාකාරිත්වයෙන් පැහැදිලි වන්නේ, ඔවුන් ද 2015 වසරේ යහපාලන ආණ්ඩුව සිය කැමැත්තෙන්ම වැටුණු වළට වැටීම තෝරාගෙන සිටින බවයි. ජනාධිපතිවරයාගේ
ඉරානය ඊශ්‍රායලයට පහර දුන්නේය. ලොව විශාලතම ෂියා මුස්ලිම් රාජ්‍යය වන ඉරානයත්, ලොව එකම යුදෙව් රාජ්‍යය වන ඊශ්‍රායලයත් පිහිටා ඇත්තේ කිලෝ මීටර් 1,700 ක පමණ දුරක
ජන්දදායකයා මැතිවරණ ක්‍රියාවලියට සම්බන්ධ වීම ප්‍රජාතන්ත්‍රවාදයේ ඉතාමත්ම උසස් ගුණාංගයකි. එය නියෝජන ප්‍රජාතන්ත්‍රවාදය ක්‍රියාත්මක වීමට අත්‍යවශ්‍ය ක
ප්‍රවීණ කවියකු, තීරු ලිපි රචකයකු, නවකතාකරුවකු, කෙටිකතාකරුවකු, මෙන්ම ප්‍රකට විචාරකයකුද වන බුද්ධදාස ගලප්පත්ති මහතාගේ නවතම කෘති දෙකක් වන සමුදුර අසා සිටී
ජනාධිපති තරගයෙන් රනිල් වික්‍රමසිංහ මහතා පරාජයට පත්විය. 2022 රට මුහුණදුන් ආර්ථික අර්බුදය අවස්ථාවේදී රට භාර ගැනීමට කිසිවකු නොසිටිය ද ඔහු එම අභියෝගය භාරගෙ
2024 සැප්තැම්බර් මස 21
323
0
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්‍රී ලංකාවේ ජනපති වන්නේ කවුරුන්
2024 සැප්තැම්බර් මස 19
1086
4
ශ්‍රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
2024 සැප්තැම්බර් මස 18
378
0
ශ්‍රී ලංකාවේ ප්‍රථම වරට, ප්‍රධාන ජනාධිපති අපේක්ෂකයින් තිදෙනාගේ ප්‍රතිපත්ති ප්‍රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්‍රීසි, සිංහල ස
.jpg)
අවුරුදු එකසිය දාසයක් ආයු විඳින දකුණු ආසියාවේ වයස්ගතම කාන්තාව
ලලිත් ප්‍රේමලාල් Thursday, 26 September 2013 09:59 PM
මගේ අම්මට 73ය් උක්කුඅම්මටයි සියලු අම්මලාටයි දීර්ගායුෂ ලැබේවා ..(නදී)
සමීර Saturday, 21 September 2013 06:26 PM
ඔබට නිදුක් නිරෝගී වාසනාවන්ත අනාගතයක් අම්මේ! මගෙන් සුබ පැතුම් (නි)
සෑම් Sunday, 15 September 2013 01:37 PM
අම්මේ ඔබට නිරෝගී බව සහ දීර්ගායුෂ පතමි.(නදී)
බනිදු Monday, 23 September 2013 03:47 PM
මටත් හිටියා ඔය වගේ ආච්චි කෙනෙක්. අනේ හරි හොදයි (නි)
නිසසංසලා Wednesday, 18 February 2015 09:24 PM
ආච්චි අම්මට බුදු සරණයි. ගොඩක් සතුටුයි. (අ)
මාලක Monday, 23 September 2013 03:47 PM
ඔක්කොම කියන්නේ තව දිගුකල් වැජඹේවා කියලා.මුන්දැට හිටගෙන ඉන්නවත් පණක් කෙන්දක් නැහැ. (නි)
ස.අ. නසාර් Tuesday, 17 September 2013 10:02 AM
ඔබට දීර්ඝායු පතමි (නි)
දාසානායක Sunday, 15 September 2013 09:55 PM
බුදු සරණ වේවා සදහම් සරන වේවා .සග සරණ වේවා මෙතුන් සරණින් ජයම වේවා!(නදී)
රාජ කුවෛට්. Friday, 20 September 2013 01:53 PM
පින් බර මාතාවක්. ඔබට දීර්ඝ ආයු. (ස)
දයා අළහකෝන් Tuesday, 17 September 2013 10:35 AM
ගිනස් වාර්තාව නැතුවට කමක් නැහැ අම්මේ. නීරෝගීව ඔබතව බොහෝ කලක් වැජඹේවා (නි)
හේමාල් Friday, 27 September 2013 12:45 AM
මේ ආච්චි අම්මාට බුදු සරණයි.දෙවි පිහිටයි. ඇය රැක බලාගන්නා කාටත් තිස් තුන් කෝටියක් දේව ආරක්ෂාවයි. නිදුකින් සතුටින් දිනේ... (නි)
කුමුදු Monday, 16 September 2013 11:00 AM
ආච්චියෙ ඔබ රටටම ආඩම්බරයක්. බුදු සරණයි දෙවිපිහිටයි (දී)
ආනන්ද Friday, 20 September 2013 12:44 AM
මෙවැනි මව්වරුන්ට මෛත්‍රී බුදුනුත් ජේසු සමිදුනුත් දැකීමට වාසනා වේවා!(නදී)
ජයී තිසර Monday, 16 September 2013 03:29 PM
කෝටි දෙකක් ජනගහනය ලංකාවේ.. ඇය පමණක්ය ජීවන මඟ දුර ආවේ.. තිස් තුන් වරක් ශ්‍රී පාදය වැඳි තාවේ.. තුන් සරණේ පිහිට නොමදව ලැබුවාවේ---- මව් තුමි දකින නෙත් සතුටින් පිරි ඇත්තේ.. දහඩිය මහන්සිය ජීවිතෙ ඵල ගත්තේ.. දෛනික දිවියෙ පිහිටට අත පා නැත්තේ.. ආදර්ශයකි වයසක මව දී ඇත්තේ (ස)
දිලිප් Wednesday, 18 September 2013 12:05 PM
ආච්චියේ ඔබට ජේසු පිහිටයි.(නදී)
ම.ක්.පෙරේරා Friday, 27 September 2013 05:37 PM
චිරන් ජයතු! (නි)
රේණුකා විදානගම Friday, 27 September 2013 12:46 PM
ආච්චි අම්මට සියලු දෙවි රැකවරණයි !!! (ස)
නදීර්ෂි රණසිංහ Monday, 16 September 2013 12:39 PM
මව්නි, ඔබට නිදුක් නිරෝගී සුව තව තවත් ලැබේවා. (ස)
puskao Saturday, 21 September 2013 05:34 AM
වන්නිලා ඇත්තට කැබ් එකක් දෙනවා කියල තිබුන නේද? නරකද මේ අම්මටත් ඒ වගේ උදව්වක් කලොත් මේ ආණ්ඩුවෙන්. ලංකාවටම එක්කෙනානේ.(නදී)
මංජු Wednesday, 25 September 2013 11:49 AM
මගෙත් ආයු අරගෙන තව චිරාත් කාලයක් ජීවත් වෙන්න ඕනෑ ඔය අම්මා (නි)
ෆ්‍රී Tuesday, 24 September 2013 07:56 AM
සුබ දසුන්. ආයු බෝ වේවා! (නි)
රංජිත් Saturday, 21 September 2013 04:37 PM
අම්මේ ඔබට දීර්ගායුෂ ලැබේවා! සියලු දෙවිරකවරණ පිහිට ලැබේවා! තුනුරුවන්ගේ සරණයි.(නදී)
එනුරි Saturday, 21 September 2013 04:40 PM
ආච්චිට හොදින් ඉන්න ලැබේවි බුදු සරණයි.(නදී)
ලලී Saturday, 28 September 2013 11:49 PM
අම්මේ, ඔබට නිරෝගී සුව පතමි (නි)
ජිහාන් Saturday, 21 September 2013 09:12 AM
දීර්ඝායුෂ ලැබේවා (අ)
අමදිනි Wednesday, 02 October 2013 11:14 AM
ඔබට නිරෝගි සුව ලැබේවා !! (ස)
මාධව Wednesday, 25 September 2013 07:59 PM
මගේ ආච්චි අම්මා වගේමයි (නි)
රොෂාන් Tuesday, 24 September 2013 09:02 AM
ආයු බෝ වේවා! ආච්චිට හොදින් ඉන්න ලැබේවා! බුදු සරණයි (නි)
සංජීව Wednesday, 25 September 2013 07:59 PM
මගේ ආචාරය! (නි)
ලීල් ගුණවර්ධන Tuesday, 17 September 2013 02:53 PM
උක්කු අම්මේ ඔබව දැක්කම මට මගේ අම්මා දැක්කා වගේ. ඇයත් ආයුෂ 94 වැළදුවා.ඔබට නිරෝගී සුවය! (නි)
සිසිර Saturday, 21 September 2013 05:51 PM
රත්තරන් අම්මාට බුදු සරණයි! (නි)
අසෝක Saturday, 21 September 2013 06:05 PM
අම්මේ, නුඹේ ගුණ වරුනෙට වචන මදී..., නිරහංකාර යහගුණ කිසිවක් නොසිඳී.., ඔබවැනි මව්වරුන් ලෝකෙට සුවඳ දිදී.., සැමදා පිපේවා ලක්මව සනසමින් රැඳී..... (නි)
නිශාන්ත-නාපොලි Sunday, 15 September 2013 12:52 PM
උක්කු අම්මට ජයවේවා -නිනි.නාපොලි.(නදී)