(රෝහණ සමරවීර)
මහවැලි අධිකාරියේ ඇඹිලිපිටිය වලව විශේෂ බල ප්රදේශයට අයත් කුඹුරුවල මෙවර යල කන්නයේ වී අස්වැන්නෙන් 70% ක් ප්රමාණයක් මේ වනවිට නෙලා අවසන්ව තිබේ.
එහෙත් වී ගොවීන් විසින් එම අස්වැන්න වී අලෙවි මණ්ඩලයේ ගබඩා සංකීර්ණ වලට අළෙවි නොකර පෞද්ගලික වෙළෙඳුන් එන තුරු බලා සිටින බව එම ප්රදේශවල ගොවි නියෝජිතයෝ පවසති.
පෞද්ගලික වී වෙළෙන්දන් තම කුඹුරු වලටම පැමිණ රජයේ අනුමත මුදලට වඩා වැඩි මිලකට වී මිලදී ගැනීම නිසා වී අලෙවි මණ්ඩලයට තම වී අස්වැන්න අලෙවි නොකරන බව ඇඹිලිපිටියල කුට්ටිගල, පදලංගල, වරායාය, උස්වැව, මොරකැටිය යන ප්රදේශවල වී ගොවිහු පවසති.
පෞද්ගලික වී මෝල් හිමියන් පමණක් මෙලෙස ගොවීන්ගෙන් වී මිලදී ගතහොත් සහල් මිල පෞද්ගලික වෙළෙන්දන්ගේ ග්රහණයට හසුවෙන බවත් එම හේතුවෙන් ඉදිරියේදී සහල් මාෆියාවක් රටේ ඇතිවී පාරිභෝගිකයින් දැඩි පීඩනයට ලක්වීම නොවලැක්විය හැකි බවද ජනතාව පවසති.
සහල් මිල පෞද්ගලික වී මෝල් හිමියන්ගේ ග්රහණයට හසුවී සහල් මිල වැඩිකළ හොත් රජය සහල් විදෙස් රට වලන් ආනයනය කිරීම පියවර ගතහොත් ඉදිරියේදී ගොවියා නැවැත කබලෙන් ළිපට වැටීම නොවලැක්විය හැකි බවටද වී ගොවීහු බිය පළකර සිටිති.
එම නිසා රජය ගොවීන්ට නොමිලේ පොහොර ලබා දෙන නිසා ගොවීන්ගේ වී අස්වැන්නෙන් යම් කොටසක් අනිවාර්යෙන්ම රජයට අළෙවි කිරීම සදහා යම් කොන්දේසියක් හෝ පනවා මෙම ගැටලුවට මැදිහත් වන ලෙසට වී ගොවීහු රජයේ බලධාරීන්ගෙන් ඉල්ලා සිටිති.
මේ වනවිට තෙත වී ‘කපපු ගමන්* කිලෝවක සහතික මිල රුපියල් 44 ක් වන අතර තෙතමනය 14% දක්වා ඇති වී කිලෝවක් රුපියල් 50 ක මිලකටත් වී අලෙවි මණ්ඩලය විසින් මිලදී ගනු බවට ගොවි ගම්මාන වල දැන්වීම් ප්රදර්ශනය කර තිබේ. අතර රජයේ වී ගබඩා වී මිලදී ගැනීම සදහා සියලු කටයුතු සූදානම් කර ඇති බවද ගොවි නියෝජිතයෝ පවසති.
රජයේ වී මිලදී ගැනීමේ පටිපාටිය එසේ වුවත් පෞද්ගලික වී වෙළෙන්දන් එම රජයේ සහතික මිල අභිබවමින් පිළිවෙලින් තෙත වී කිලෝවක් රුපියල්45 ත් රුපියල් 46 අතර මිලකටද, තෙතමනය 14 ක් දක්වා ඇති වී කිලෝවක් රුපියල් 55 කට හෝ 56 ක් වැනි මිල ගණන් යටතේ කුඹුරටම පැමිණ තමන්ගෙන් මිලදී ගන්නා බව ඇඹිලිපිටියේ වී ගොවීහු පවසති.
අපි වැඩි මිල ගණන් වලට වී මිලදී ගන්න එක ඇත්ත නමුත් පසු ගිය කන්න වලට වඩා මෙවර 40% ක අස්වැන්න අඩුවීමක් තිබෙනවා.
මෙවර යල කන්නයේ ගොයමට වැලදී තිබුණු මයිටා රෝගය හේතුවෙන් නමුත් ඉදිරියේදී හාල් මාෆියාවක් ඇති වන්නේ නැහැ. රජය හාල් වලට පාලන මිලක් දැම්මොත් කොහොමද අපි හාල් වැඩි මිලට විකුණන්නේ යැයි වී මිලදී ගැනීමට වෙල් යායකට පැමිණ සිටි ව්යාපාරිකයෙක් වන ඩබ්ගඅමරසිරි මහතා පැවසීය.
ඇඹිලිපිටිය මහවැලි අධිකාරි බල ප්රදේශයේ වී ගොවීන්ගේ වී මිලදී ගෙන එම අස්වැන්න ගබඩාකර ගැනීම සදහා මේවන විට කච්චිගල, මොරකැටිය, කුට්ටිගල, අම්බලන්ගොඩ, සූරියවැව යන ප්රදේශ වල වී අලෙවි මණ්ඩලයේ වී ගබඩා සූදානම් කර ඇති නමුත් ඒවා හිස්ව පවතින බව එහි ප්රකාශකයෙක් පැවැසීය.
කුට්ටිගල වී අලෙවි මණ්ඩලයේ ගබඩා සංකීර්ණයේ කළමණාකරු එස්ගඑම්ගජේග නිරෝෂන් මහතාගෙන් මේ පිළිබදව විමසීමේදී ඔහු මෙසේ පැවසීය.
ගොවීන්ගෙන් වී මිලදී ගැනීම සදහා රජය විසින් උපරිමයෙන් මුදල් ලබා දී තිබෙනවාග නමුත් පෞද්ගලික වෙළද ව්යාපාරිකයන් ගොවීන් ළඟට ගිහිල්ලා වැඩි මිලකට වී අස්වැන්න අරගෙන යනවාග එම හේතුවෙන් වී අලෙවි මණ්ඩලයට ගොවීන් වී අළෙවි කිරීමක් සිදු වන්නේ නැහැ,
කුටිටිගල ගබඩාවට පමණක් වී කිලෝ 2000 ක ප්රමාණයක් පමණයි මෙවර ලැබී තිබෙන්නේ අනෙක් සියලුම වී ගබඩා හිස්ව පවතිනවා.
අපි ගොවීන්ට වාචිකව හා ලිඛිතව ඉල්ලීම් කරලා තිබෙනවා වී අලෙවි මණ්ඩලයේ ගබඩා වලටත් වී ප්රමාණයක් ලබා දෙන්න කියලා නමුත් එය රජයෙන් ගැසට් කරලා නැහැ. ඒ කෙසේ වෙතත් ගොවීන් අපට වී අලෙවි කරන්නේ . යයිද එස්. එම්. ජේ. නිරෝෂන් මහතා පැවසීය.
ශ්රී ලංකාව මෙවර ළමා දිනය සමරන්නේ, රට තීරණාත්මක සන්ධිස්ථානයකට එළඹ සිටියදීයි. 9 වැනි විධායක ජනාධිපතිවරයා පත්කර ගත් ජනාධිපතිවරණය සහ පාර් ලිමේන්තුව තෝරා
ලෙබනනයේ ෂියා මුස්ලිම් හිස්බුල්ලා සංවිධානයේ මහ ලේකම්වරයා, එසේත් නැතිනම් නායකයා ෂෙයික් හසන් නසරැල්ලා ඝාතනය කිරීමට ඊශ්රායලය සමත් විය. 64 හැවිරිදි නසරැල
හිටපු අමාත්යවරයකු අභාවප්රාප්ත කුමාර වෙල්ගම මහතාගේ අවසන් කටයුතු අද (30) සවස මතුගම ආදාහනාගාරයේ දී සිදු කෙරේ මේ ලිපිය ඒ නිමිත්තෙනි.
නිදහසට පසු යුගය තුළ ශ්රී ලාංකික දේශපාලන ඉතිහාසයේ පළමු වතාවට සාම්ප්රදායික වම හෝ දකුණ හෝ බලයට එන දේශපාලනය වෙනුවට අලුත් බලවේගයක් නිර්මාණය වී තිබේ. ඉකුත
පසුගිය ජනාධිපතිවරණ සමයේදී ඉදිරිපත් වූ ඉතාමත් ප්රබල තර්කය වූයේ 2019 ජනාධිපතිවරණයේ දී සියට 3.16ක ඡන්ද සංඛ්යාවක් ලැබූ ජාතික ජනබලවේගයේ නායක අනුර කුමාර දිස
අගනුවර පුරෝගාමී කතෝලික පාඨශාලාවක් වන කොළඹ 13, ශාන්ත බෙනදික්ත විද්යාලයේ ‘වාර්ෂික සිංහල සාහිත්ය කලා උළෙල අද (27) පස්වරු 2.30 ට විද්යාලයීය රංග ශාලාවේදී පැවැ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ඇඹිලිපිටිය ගොවියෝ මණ්ඩලයට දත නියවා පෞද්ගලික වෙළෙඳුන් එන තුරු බලා සිටිති
thilak Sunday, 23 August 2020 12:09 PM
මේ මිල තරගයෙන් දිනන්නේ ගොවියයි. එම නිසා මෙය හොඳ ප්රවනතාවක්. රජය කල යුත්තේ අවසානයේ පාරිභෝගිකයාට සාදාරන මිලකට සහල් ලැබෙනවාද යන්න සහතික කිරීම පමණි.
de silva Tuesday, 25 August 2020 09:16 AM
රජය කළ යුත්තේ සහල්වලට පාලන මිලක් දමලා පාරිභෝගිකයා ආරක්ෂා කිරීම, වෙළෙන්දෝ වී හැංගුවොත් රටින් ගෙන එන්න.