වසර 30කට වැඩි කාලයක් මාධ්ය ක්ෂේත්රයේ සිටි උබේසේකර හෙන්නායක මහතා කිසිවකු නොසිතූ මොහොතක සැමගෙන් සමුගෙන ගියේය.
ලංකාදීප පුවත්පතේ නියෝජ්ය කර්තෘවරයෙකු මෙන්ම ලංකාදීප මැදපෙරදිග වෙබ් අඩවියේ හා මැදපෙරදිග ලංකාදීප පුවත්පතේද කර්තෘවරයා වූ උබේසේකර හෙන්නායක මහතා ලංකාදීප ‘රජවීදිය’ අතිරේකයේ සංස්කාරකවරයා ලෙස ද කටයුතු කළේය.
අන්තර්ජාතික දේශපාලනය සහ එහි නවතම ප්රවණතා පිළිබඳ හසළ දැනුමක් තිබූ හෙන්නායක මහතා හදිසියේ අසනීප වන තුරුම ජාත්යන්තර බල අරගල පිළිබඳ නිරන්තර විමසිල්ලකින් පසුවිය. ඔහු ලෝක දේශපාලනය තම ජීවිතය කරගෙන සිටි අයෙකි. ලෝකයේ බල පෙරළි ගැන ඔහු කී අනාවැකියක් වැරදී නොගිය තරම්ය. ලෝක දේශපාලනය පිළිබඳව මෙන්ම අති නවීන තාක්ෂණය ආදී සියල්ල ගැන ඔහුගෙන් දැනගත හැකි දේ බොහෝ විය.
ඉතාමත් නිහතමානී මෙන්ම තැන්පත් තැනැත්තකු වූ හෙන්නායක මහතා කාර්යාලය තුළ ඇවිදින විශ්වකෝෂයකි. ඕනෑම තරාතිරමක අයකුගේ ප්රශ්නයකට පිළිතුර ඔහුගේ දිවග නිතැතින්ම රැඳිණ. එවන් උදාර පුරුෂයකුගේ වියෝව අදහාගත නොහැකිව කාර්යාලීය සගයෝ ළතැවෙමින් සිටිති.
1987 වසරේ සිට ලංකාදීප කර්තෘමණ්ඩලයේ සේවය කළ උබේසේකර හෙන්නායක මහතා එහි විශේෂාංග කර්තෘවරයා ලෙසද කටයුතු කළේය. නාරම්මල මයුරපාද විද්යාලයේ කීර්තිමත් ආදි සිසුවෙකු වූ ඔහු රුසියාවේ මොස්කව් නුවර ජනතා මිත්රත්ව විශ්ව විද්යාලයෙන් ඉතිහාසය හා ජාත්යන්තර සබඳතා පිළිබඳ ශාස්ත්රපති උපාධිය ලබා ගත්තේය.
ජාත්යන්තර දේශපාලනය හා විශ්ව සාහිත්යය පිළිබඳ බොහෝ දේ හැදෑරූ හෙන්නායක මහතා ‘ටෝල්ස්ටෝයිගේ අන්තිම දවස්’, හිට්ලර් පොල්පොට් සහ ඉඩී අමීන්ලා’, ‘හිට්ලර් නම් පොත්ගුල්ලා’, ‘නවකතා ලියන හැටි’, ‘ඔහු ලෝරන්ස් නම් විය’ ආදී කෘතීන් ගණනාවක් රචනා කළේය. ඔහු අවසන්වරට රචනා කළ ‘උගන්ඩාවේ ඉඩී අමීන්’ කෘතිය පසුගිය වසරේ සාහිත්ය මාසයේ දී එළිදැක්විණි.
වසර ගණනාවක්ම රාජ්ය සාහිත්ය සම්මාන උළෙලේ පරිවර්තන කෘතීන් සහ නවකතා අංශයන්හි විනිශ්චය මණ්ඩල සාමාජිකයෙකු ලෙසද උබේසේකර හෙන්නායක මහතා කටයුතු කළේය.
විටෙක නිහඬව පොත් පත් අතරේ කිමිදෙන හෙන්නායක මහතා තවත් විටෙක අන්තර්ජාලයේ සැරිසරමින් විහිළු තහළු කරමින් කාර්යාලයේ සියල්ලන් සිනහ ගැන්වීය. නවකයින්ට සෙවණ දුන් මහා නුග රුකක් වූ හෙන්නායක මහතා ඔවුන්ට නිසි මග පෙන්වූ ගුරුවරයෙක් මෙන්ම පියගුණ පිරි සැබෑ මහත්මයකු විය. හෙන්නායක මහතාගේ වියත්බව, ගුණවත් බව, නැණවත් බව ගැන සියල්ලෝම අදහස් දක්වනු ඇසේ. කිසිවෙක් හෝ වරදක් නොකියන්නේ ඔහු වචනයේ පරිසමාප්ත අර්ථයෙන්ම පිරිපුන් මිනිසෙකු බැවිනි.
කාර්යාලයේ අපට ලබැඳි සොහොයුරෙකු, ගුරුවරයෙකු වූ ඔබ බිරිඳට සෙනෙහෙබර සැමියෙක්, දරුවන්ට සෙනෙහෙබර පියෙක් මෙන්ම ඥාතීන්ට සෙනෙහෙබර ඥාතියෙක්ද විය.
හෙන්නායක මහතාණෙනි. අප ඔබගෙන් උගත් දේ බොහෝය. ඔබ සෙවණේ ගුරුහරුකම් ලැබූ කාලය කිසිදිනෙක අමතක නොවන මතක රැසකින් පිරී ඇත. සැමට සමානව සැලකූ නිහතමානී ගුණයෙන් පිරි ඔබ අද දින අපෙන් සමුගෙන යනු ඇත. නමුත් ඔබේ නාමය සදා අප හදවත් තුළ ජීවමාන වනු ඇත.
හෙන්නායක මහතාණෙනි, ඔබට නිවන් සුව!!
ජෝන් මේරි බවින්සා කියන්නේ එල්ටී.ටී.ඊ. සංවිධානයේ නායකයාව සිටි වේළුපිල්ලේ ප්රභාකරන් දරුකමට හදාගත් දරුවාය. ප්රභාකරන් දරුකමට දරුවකු හදා වඩාගත් බව දැනග
අලුත් ආණ්ඩුවේ ක්රියාකාරිත්වයෙන් පැහැදිලි වන්නේ, ඔවුන් ද 2015 වසරේ යහපාලන ආණ්ඩුව සිය කැමැත්තෙන්ම වැටුණු වළට වැටීම තෝරාගෙන සිටින බවයි. ජනාධිපතිවරයාගේ
ඉරානය ඊශ්රායලයට පහර දුන්නේය. ලොව විශාලතම ෂියා මුස්ලිම් රාජ්යය වන ඉරානයත්, ලොව එකම යුදෙව් රාජ්යය වන ඊශ්රායලයත් පිහිටා ඇත්තේ කිලෝ මීටර් 1,700 ක පමණ දුරක
ජන්දදායකයා මැතිවරණ ක්රියාවලියට සම්බන්ධ වීම ප්රජාතන්ත්රවාදයේ ඉතාමත්ම උසස් ගුණාංගයකි. එය නියෝජන ප්රජාතන්ත්රවාදය ක්රියාත්මක වීමට අත්යවශ්ය ක
ප්රවීණ කවියකු, තීරු ලිපි රචකයකු, නවකතාකරුවකු, කෙටිකතාකරුවකු, මෙන්ම ප්රකට විචාරකයකුද වන බුද්ධදාස ගලප්පත්ති මහතාගේ නවතම කෘති දෙකක් වන සමුදුර අසා සිටී
ජනාධිපති තරගයෙන් රනිල් වික්රමසිංහ මහතා පරාජයට පත්විය. 2022 රට මුහුණදුන් ආර්ථික අර්බුදය අවස්ථාවේදී රට භාර ගැනීමට කිසිවකු නොසිටිය ද ඔහු එම අභියෝගය භාරගෙ
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ඇවිදින විශ්වකෝෂය නොඑන්නම යන්න යයි
ජෝති Saturday, 21 January 2017 01:23 PM
අස්ථිර ලොවේ ස්ථිර කිසිදෙයක් නැත... විස්තර ලෙසින් බුදු දහමේ කියා ඇත... පින්බර පුතෙක් රැකගන්නට දැරූ තැත... නෙත්හැර ගියේ කම්පා කර සැමගෙ සිත... හෙළ බස ලේඛනය විශ්වය ගැන දැනුම... සරල බසින් දෙසවන රැව්දේ තවම... ආදර දයා කරුණා මඟ පෙන්වීම... අගයමු ඔබේ සේවය අපි සැමදාම.... අකල් මරණයකට ගොදුරු වූ උබේසේකර හෙන්නායක මහතාට නිවන් සුව පතමින් මගේ ශෝකය පළකරමි. (නි)
ප්රසන්න Thursday, 19 January 2017 12:56 AM
නිවන් සුව ලැබේවා! (නි)
චමින්ද-මහරච්චිමුල්ල- -අලව්ව- Thursday, 19 January 2017 04:03 PM
ඔබගෙන් උගත් දේ බොහෝය.ඔබට නිවන් ලැබේවා! (අ)
කලනි Friday, 20 January 2017 12:31 PM
නිවන් සුව! (නි)