( හේමලතා ඩී හේවගේ)
වළං කර්මාන්තය සඳහා ප්රචලිතව පවතින බිංගිරිය ප්රාදේශිය ලේකම් කොට්ඨාසයට අයත් ඌරාපොත්ත ප්රදේශය දීර්ඝ ඉතිහාසයකට උරුමකම් කියන්නා වූ ගම්මානයකි.
අනෙක් සෑම කර්මාන්තයකටම ඇති ප්රශ්න සේම මෙම ගම්මානයේ වැසියෝ ද ප්රශ්න ගණනාවකට මුහුණපාමින් මෙම කර්මාන්තයේ නියැලෙන අතර ඔවුහු මේ වනවිට වළං සෑදීමට ගන්නා ප්රධාන අමු ද්රව්ය වන මැටි හිඟයට පිළියමක් සෙවීමට වෙහෙසෙති.
මැටි බඳුන් නිර්මාණය සඳහා යොදාගන්නා මැටි ගුලියේ සිට වළං පිළිස්සිමට යොදාගන්නා පොල් පිත්තේ, ලෙල්ලේ සිට දහයියා පොත්ත දක්වාම මිල අධික වීමත්, මැටි හිඟවීමත් මැටි කර්මාන්තය කරගෙන යෑමට බාධාවක්ව ඇති බව බිංගිරිය -ඌරාපොත්ත කුඹල් ගම්මානයේ වැසියෝ පෙන්වා දෙති.
අද වනවිට ඔවුන්ට අත්ව ඇති ඉරණම පිළිබඳව පැවසූ දුක්බර කතාවයි මේ.
විදුලි සකපෝරුව භාවිතා කරමින් මුට්ටියක් සාදන අතරවාරයේ ජේ.ඒ අමරාවති මහත්මිය අප සමඟ මෙසේ පැවැසුවාය.
අපි පරම්පරාවෙන් මේ කර්මාන්තය කරන්නේ. පායන කාලයටයි වැහි කාලයටයි මේ කර්මාන්තය කරන්න ගොඩක් අමාරුයි. අනික හැම මැටි වර්ගයෙන් ම මේ කර්මාන්තය කරන්න බෑ. අවුරුදු කාලේටයි නත්තල් කාලයටයි තමයි අපි හදන මැටි භාණ්ඩ අලෙවි කරගන්නත් පහසු. අනෙක් කාලවලට මැටි භාණ්ඩ අලෙවි කරගන්න අමාරුයි. මේ වෙද්දි අපිට මැටි හොයාගන්නත් අමාරුයි. අපිට මැටි ගන්න දීලා තියෙන කොටසේ මැටි ඉවරයි. අපිට මැටි ගන්න තැනක් දෙනවා නම් ඉතින් හොඳයි. දර කෑල්ලේ ඉඳලම ඉතින් අපි සල්ලිවලට ගන්න ඕන. මිනිස්සු හරි අමාරුවෙන් දැන් මේ කර්මාන්තය කරගෙන යන්නේ.
ඩබ්ලිව්.ඒ.පුංචිහාමි මහත්මියද වසර 45 ක කාලයක සිට වළං කර්මාන්තයේ නිරත වන්නියකි. වළං කර්මාන්තයට අත්ව ඇති ඉරණම පිළිබඳ ඇය මෙසේ පැවැසුවාය.
අපි ඉතින් බොහොම දුක සේ තමයි ජීවත් වෙන්නේ.මම මේ රැකියාව කරන්නේ අවුරුදු 45 ක වෙලේ ඉඳලා.මගේ මහත්තයා මැරුණට පස්සේ මේ රැකියාවෙන් තමයි දරුවෝ තුන්දෙනෙක් උස් මහත් කෙරුවේ. අපිට මැටි ලබාගන්න තමයි මේ වෙද්දි ගැටලු ඇතිවෙලා තියෙන්නේ. අපිට දැනට මැටි ගන්න දීලා තියෙන හරියේ මැටිවලින් වළං හැදුවම වළං බිඳෙනවා. පාලමෙන් අනිත් පැත්තේ මැටි අරන් යනවා උළු හදන්න. ඒ වගේ මැටි අපිටත් දෙනවා නම් හොඳයි. නැත්නම් අපිට වළං හදන්න සුදුසු තත්ත්වයේ මැටි තියෙන තැනකින් මැටි කපාගන්න දෙනවා නම් ලොකු උදව්වක්. අපිට මැටි අඹරගන්න යන්ත්ර නෑ. අපේ ගමට මැටි අඹරන යන්ත්රයක් දෙන්න පුළුවන් නම් ඒක අපි හැමෝටම ලොකු උදව්වක් සහනයක් වෙනවා .
අයි.මාලනි මහත්මිය ද මැටි කර්මාන්තයේ නිරතවන්නියකි. මේ ඇය පැවසු කතාවයි
මේ ගම මැටි කර්මාන්තයේ නිරත පාරම්පරික ගමක්. දර කෑල්ලේ ඉඳලම සල්ලිවලට අරන් අපි මැටි භාණ්ඩ හදන්නේ. අපිට වෙන මහන්සියේ හැටියට ලොකු ආදායමක් ලැබෙන්නේ නෑ. දැනට අපි මැටි පෝච්චි හදන්නේ ඕකිඩ් පැලවලට හරියන්න. ඉස්සර වගේ ලොකු ආදායමක් අද මැටි කර්මාන්තයෙන් හොයන්න අමාරුයි. පොල් ලෙලි ගණන්, දර ගණන් ඒ හින්දා අපිට මේ වෙනුවෙන් යන වියදම ටිකක් වැඩිවෙලා තියෙනවා. අපිට හොඳ මැටි ලබාගන්න තැනක් දෙනවා නම් ගොඩක් හොඳයි. එදිනෙදා ආදායමක් හොයාගන්න තමයි ගොඩක් දුරට දැන් අපි මේ කර්මාන්තය කරන්නේ. අනික් අතට වයස අපිට දැන් වෙන කරන්න කර්මාන්තෙකුත් නෑ.
ප්රවීණ කවියකු, තීරු ලිපි රචකයකු, නවකතාකරුවකු, කෙටිකතාකරුවකු, මෙන්ම ප්රකට විචාරකයකුද වන බුද්ධදාස ගලප්පත්ති මහතාගේ නවතම කෘති දෙකක් වන සමුදුර අසා සිටී
ජනාධිපති තරගයෙන් රනිල් වික්රමසිංහ මහතා පරාජයට පත්විය. 2022 රට මුහුණදුන් ආර්ථික අර්බුදය අවස්ථාවේදී රට භාර ගැනීමට කිසිවකු නොසිටිය ද ඔහු එම අභියෝගය භාරගෙ
ශ්රී ලංකාව මෙවර ළමා දිනය සමරන්නේ, රට තීරණාත්මක සන්ධිස්ථානයකට එළඹ සිටියදීයි. 9 වැනි විධායක ජනාධිපතිවරයා පත්කර ගත් ජනාධිපතිවරණය සහ පාර් ලිමේන්තුව තෝරා
2024 ජනාධිපතිවරණය සැමගේම අවධානයට ලක්වීමට හේතු ගණනාවක් තිබුණි. රට බංකොලොත් වීමෙන් පසු පැවැත්වූ ප්රථම ජනාධිපතිවරණය වීම ඉන් එක් හේතුවකි. නව ජනාධිපතිවරයක
ලෙබනනයේ ෂියා මුස්ලිම් හිස්බුල්ලා සංවිධානයේ මහ ලේකම්වරයා, එසේත් නැතිනම් නායකයා ෂෙයික් හසන් නසරැල්ලා ඝාතනය කිරීමට ඊශ්රායලය සමත් විය. 64 හැවිරිදි නසරැල
හිටපු අමාත්යවරයකු අභාවප්රාප්ත කුමාර වෙල්ගම මහතාගේ අවසන් කටයුතු අද (30) සවස මතුගම ආදාහනාගාරයේ දී සිදු කෙරේ මේ ලිපිය ඒ නිමිත්තෙනි.
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ඌරාපොත්තේ වළං-කර්මාන්තයටත් හුළං
Perakum Saturday, 25 August 2018 02:11 PM
මට හිතෙන හැටියට මේ කර්මාන්ත කරුවන්ට විකල්ප කර්මාන්තයක් හඳුන්වා දිය යුතුයි.