යුද්ධය නිමවීමත් සමග පොලොන්නරුව කන්දකාඩු ප්රදේශයේ පුනරුත්ථාපන මධ්යස්ථානයක් ආරම්භ විය. එහි එල්.ටී.ටී.ඊ. සාමාජිකයෝ පුනරුත්ථාපනය වූහ. එම ව්යාපෘතියෙන් පසුව මත්ද්රව්යවලට ඇබ්බැහි වූවන් පුනරුත්ථාපනය කිරීමේ මධ්යස්ථානයක් බවට පත්විය. කොවිඩ් කාලයේදී එය කොවිඩ් ප්රතිකාර මධ්යස්ථානයක් බවට පත්විය. පසු කාලයේදී යළිත් එය මතට ඇබ්බැහිවූවන් පුනරුත්ථාපනය කිරීමේ මධ්යස්ථානයක් විය. දහසකට ආසන්න පිරිසක් එහි පුනරුත්ථාපනය වෙමින් සිට ඇත. නැවත නැවතත් රටම කතා කරන ස්ථානයක් බවට කන්දකාඩුව පත් වූයේ ඉකුත් 28 වැනිදා රාත්රියේ සිටය.
කන්දකාඩු පුනරුත්ථාපන මධ්යස්ථානයේ රැඳවුවකු ළඟ තිබී දුම්කොළයක් හමුවීමත් සමග එහි කලබැගෑනිය හටගෙන තිබේ. දුම්කොළය තහනම් වර්ගයක් නොවුවද එය මතට ඇබ්බැහිවූවන් පුනරුත්ථාපනය කරන මධ්යස්ථානයක් වන හෙයින් එම බිමේ දුම්කොළ තහනම්ය. ඒ අනුව රැදවියකු සතුව දුම්කොළයක් තිබීම නියත වශයෙන්ම විධිමත් පරීක්ෂණයකට හේතුවකි. මන්දයත් ඕනෑම රැඳවියකු පුනරුත්ථාපන මධ්යස්ථානයක් තුළට ගනු ලබන්නේ පූර්ණ පරීක්ෂණයකින් පසුව වීමය. එමෙන්ම එහි රැඳවියන්ට ගෙදරින් කිසිවක් රැගෙන යාම තහනම් වන අතර ඇඳුම් පැළඳුමේ සිට අවශ්ය සියලු දෑ මධ්යස්ථානයෙන් ලබාදීම සිදුවේ. එබඳු පරිසරයක් තුළ රැඳවියකු දුම්කොළයක් මධ්යස්ථානය තුළට රැගෙන ආවේ කෙසේද යන්න ප්රශ්නයකි.
දුම්කොළය ළඟ තබාගත් රැඳවියා පසුදා පහන් වනවිට මළ සිරුරක් වී තිබිණි. එම මරණයට හේතුව පරීක්ෂණයකින් පසුවය. එහෙත් සෙසු රැඳවියන් ප්රකාශ කරන්නේ පහර දීමකින් එම මරණය සිදුවූ බවය. අප පුවත්පතේ ඒ සම්බන්ධයෙන් පළවූ ප්රවෘත්තියෙහි සඳහන් වන්නේ රැඳවියන් පිරිසක් අතරවූ ගැටුමක් නිසා එම මරණය සිදුවූ බව හමුදාව ප්රකාශ කරන බවය. කෙසේ වෙතත් මිනිසකු එසේ මරා දැමීමට කිසිවකුට අයිතියක් නැත.
අප පුවත්පත වාර්තා කර තිබුණේ රැඳවියාගේ එම මරණයෙන් පසුව දහසකට ආසන්න රැඳවුම්කරුවන් අතරින් හයසිය දෙනකු පමණ කඳවුරෙන් පලාගොස් ඇති බවත් ඉන් පන්සීයකට වැඩි පිරිසක් යළි අත්අඩංගුවට ගැනීමට පොලිසියට හා හමුදාවට හැකි වූ බවත්ය. කලහකාරි පිරිස පුනරුත්ථාපන මධ්යස්ථානයේ බඩු බාහිරාදියට හා වාහනවලට අලාභ කර ඇති බවත් සඳහන්ය. ආරක්ෂක අංශ සාමාජිකයන්ට ගල් මුල්වලින් පහර දී රැඳවියන් සෝමාවතී වනෝද්යානය තුළට ගමන් කර ඇති බවත් සඳහන්ය.
කන්දකාඩු පුනරුත්ථාපන මධ්යස්ථානයේ රඳවනු ලැබ සිටින්නෝ මත්ද්රව්යවලට ඇබ්බැහිවූවෝ වෙති. එමෙන්ම එබඳු මත් ලෝලියකු එම මධ්යස්ථානයට එවනු ලබන්නේ අධිකරණ නියෝගයකිනි. එහෙයින් කැමැත්තෙන් පුනරුත්ථාපනයවීමට ගිය අයකු එහි සිටී දැයි ප්රශ්නයකි. එහෙයින්ම මෙම රැඳවියන් සැලකිය යුතු වන්නේ විශේෂ වර්ගයේ රැඳවියන් පිරිසක් ලෙසය. මත්ද්රව්යවලට ඇබ්බැහිවූවන් නිසාම ඔවුන්ගේ මානසිත්වය වෙනස්ය. පුනරුත්ථාපන ක්රියාවලියක් මගින් එම මනස් යථා තත්ත්වයට පත්වීමට යම් කාලයක්ද ගතවේ. එහෙයින්ම ඔවුන් සම්බන්ධයෙන් විශේෂ අවධානයකින් කටයුතු කළ යුතුය. පුනරුත්ථාපන මධ්යස්ථානයක් වන හෙයින් එහි සේවයට යෙදවිය යුත්තේ මනෝ විද්යා විශේෂඥයන්ය.
මෙම පුනරුත්ථාපන මධ්යස්ථානය පුනරුත්ථාපන කොමසාරිස් ජෙනරාල් දෙපාර්තමේන්තුව යටතේ පවත්වාගෙන යනු ලබන අතර මධ්යස්ථානයෙන් පිටත යුද හමුදාව ආරක්ෂාව සපයන බවද මාධ්ය වාර්තාවල සඳහන්ය. මෙම මධ්යස්ථානය සම්බන්ධයෙන් මෑතකාලීනව විකාශනය වූ වැඩ සටහන්වලින් වඩාත් සුබදායි තත්ත්වයක් එහි පැවැති බව පැහැදිලිය. රැඳවූවන් පවා ඉතා ස්තුතිපූර්වකව මාධ්යයට අදහස් දක්වා තිබිණි. එහෙත් මළ සිරුරක් තත්ත්වය සම්පූර්ණයෙන්ම කණපිට හරවා තිබේ.
පුනරුත්ථාපනය වෙමින් සිටි රැඳවියන් විශාල පිරිසක් වනෝද්යානයට පැනීම සරළ කාරණාවක් නොවේ. ඔවුන්ගෙන් ජන ජීවිතයට කෙබඳු බලපෑමක් එල්ල වේද යන්න අනාවැකි කීමේ හැකියාවෙන් පිටත පිහිටියකි. එමෙන්ම රැඳවියන්ගෙන් මෙබඳු හැසිරීමක් මතුවිය හැකි බවට ගණන් බලා කිසිදු අත්වැරැද්දකට ඉඩක් නොතබා ආරක්ෂක විධිවිධාන තර කළ යුතුව තිබිණි. අවදානමට වඩා සූදානම බොහෝ සෙයින් ප්රායෝජනවත් බව බොහෝ සිදුවීම ඇසුරෙන් පසක් කරගත් ඒකාන්ත සත්යයකි.
මෙම සිද්ධිය සම්බන්ධයෙන් යුද හමුදා සෙබළු දෙදෙනෙක් සහ ගුවන් හමුදා සෙබළු දෙදෙනෙක් රිමාන්ඩ් භාරයට පත්ව සිටිති. පුනරුත්ථාපන කොමසාරිස් ජෙනරාල් දර්ශන හෙට්ටිආරච්චි මහතා මාධ්යයට ප්රකාශ කර තිබුණේ මියගිය රැඳවියාගේ පශ්චාත් මරණ පරීක්ෂණයෙන් ලැබෙන වාර්තාව අනුව අපක්ෂපාතීව කටයුතු කරන බවයි. නිලධාරීන් අතින් යම් වරදක් සිදුවී තිබුණහොත් ඔවුන්ට එරෙහිව තරාතිරම නොබලා නීතිය ක්රියාත්මක කරන බවය. අප අවධාරණය කරන්නේත් එය ම ය. කිසිදු මිනිසකු මරා දැමීමට කිසිදු පාර්ශ්වයකට අයිතියක් නැත.
(***)
මීට පෙර ලිපියක අප සඳහන් කළ ආකාරයට අද පැවැත්වෙන ශ්රී ලංකාවේ නව වැනි ජනාධිපතිවරණය මෙතෙක් පැවැත්වුණු ජනාධිපතිවරණ අටටම වඩා කරුණු ගණනාවකින් වෙනස්ය.
මාතලේ, නාලන්ද ගෙඩිගේ යනු මෙරට මධ්ය කේන්ද්රය ලෙස සලකනු ලබන ස්ථානයේ පිහිටි පෞරාණික මෙන්ම සුන්දර පරිසර පද්ධතියකින් හෙබි හරි අපූර්වතම ස්ථානකි. නාලන්ද
අඹගහපිටිය වලව්ව හෙවත් සහබන්ධු වලව්ව බලපිටිය මුදලි පෙළපතේ පැරැණිම වලව්වකි. විහාරස්ථානයට පූජා කළ ලංකාවේ මුල්ම වලව්ව ලෙස මෙය සැලකේ. උපසම්පදාව ජනසතු කරම
නීතියේ ආධිපත්යය යනු සියලුම පුද්ගලයන්, ආයතන සහ සංවිධාන නීතියට යටත් බවත් එහි නිර්දේශවලට වගකිව යුතු බවත් සහතික කරන මූලික මූලධර්මයකි. එසේම රටක් පාලනය ව
නව වැනි විධායක ජනාධිපතිවරයා තෝරා පත්කර ගැනීම තව දින දෙකකින් සිදුවීමට නියමිත අතර පෙර පරිදිම මෙවර ජනාධිපතිවරණ තුළත් රටට ගැළපෙන ආණ්ඩුක්රම ව්යවස්ථාවක
වික්ටෝරියා රැජිනගේ ප්රියතම සංචාරක නිවහන වූ ඉතාලියේ ‘‘පල්මියෙරි විලා” ඇමෙරිකානු ඩොලර් මිලියන 55 (ශ්රී ලංකා රුපියල් කෝටි 1660 ක් පමණ) ක මුදලකට විකිණීමට තී
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
කන්දකාඩු ඛේදවාචකයේ වරද කොතැනද? කාගෙද?