IMG-LOGO

2024 සැප්තැම්බර් මස 22 වන ඉරිදා


ඡන්ද දෙකක ජනමත පණිවිඩය

යෝජිත 20 වැනි සංශෝධනයේ අන්තර්ගතය, ඉහළ විනිසුරන් පත්කිරීමේ බලය, ජනාධිපතිවරයාට යළි හිමිවන දණ්ඩමුක්තිය, කැබිනට් මණ්ඩලයේ සීමා ඉවත් කිරීම, ද්විත්ව පුරවැසියන්ගේ දේශපාලන අයිතිය, අගමැතිගේ බල සීමාව, ශ්‍රී.ල.නි.පයේ බලය, ආණ්ඩුවේ තුනෙන් දෙක හා ආර්ථික අර්බුදයට විසඳුම ගැන මෙවර ‘සඳුදා හමුවෙන්’ අදහස් දක්වන්නේ බතික්, අත් යන්ත්‍ර රෙදි හා දේශීය ඇඟලුම් නිෂ්පාදන පිළිබඳ ඇමැති හා ශ්‍රී ලංකා නිදහස් පක්ෂයේ මහලේකම්  දයාසිරි ජයසේකර මහතායි.

ප්‍රශ්නය:- 20 වැනි සංශෝධනයට අදාළ මූලික කෙටුම්පතක් මේ වනවිට ඉදිරිපත් කර තිබෙනවා. එම කෙටුම්පතේ අන්තර්ගතය සම්බන්ධයෙන් ශ්‍රී ලංකා නිදහස් පක්ෂයේ ස්ථාවරය කුමක්ද?
පිළිතුර:- මේ වනතුරු අපට ඒ කෙටුම්පත හරියට දැකගන්න ලැබුණේ නෑ. එහෙත් අපි ඒ සම්බන්ධයෙන් පක්ෂ මධ්‍යම කාරක සභාවේදි තීරණයක් ගත්තා. ඒ සම්බන්ධයෙන් කමිටුවක් පත්කරලා අධ්‍යයනය කරලා අදහස් ඉදිරිපත් කළ යුතු යැයි අපි සිතුවා. කෙසේ නමුත් 19 වැනි සංශෝධනය අහෝසි කළ යුතු බවට මේ රටේ ජනමත දෙකක් ලැබී තිබෙනවා. එකක් ජනාධිපතිතුමාට ලැබුණා. අනෙක මහමැතිවරණයෙන් තුනෙන් දෙකකට ලැබුණු ජනමතය. ඒ අනුව ජනතාව යම් මතයක් ලබා දී තිබෙනවා. ඒකත් අපි සැලකිල්ලට භාජන කළ යුතුයි. 19 වැනි සංශෝධනයෙන් රටේ හටගත් අස්ථාවරභාවය වෙනස් කිරීමට අවශ්‍යයි. ඒ සඳහාත් අපි අවශ්‍ය පියවර ගත යුතු බව මගේ පුද්ගලික මතයයි.

ප්‍රශ්නය:- ජනාධිපතිවරයාට දණ්ඩමුක්තිය හිමිවීම ගැන අදහස කුමක් ද?
පිළිතුර:- මාත් ඒකට විරුද්ධයි. මොකද හේතුව අඩුම තරමින් මානව හිමිකම් සම්බන්ධයෙන්වත් ජනාධිපතිවරයාට විරුද්ධව නඩු පැවරීමේ බලයක් ජනතාවට තිබිය යුතුයි. එහෙත් මේ රටේ මිනිස්සු ඡන්දය දුන්නේ මේ සමස්තයට තමයි. 19 යේ හොඳ නරක දෙකම තිබෙනවා. හැබැයි මිනිස්සු කිව්වේ 19 අහෝසි කරන්න කියලනෙ. ඉතින් එතකොට ඒ ජනමතයට ගරු කළයුත්තේ කෙසේද කියන කාරණය බලන්න වෙනවා. මේ ගැන අපට එකවර අදහස් පළකරන්න බෑ. සමහර විට අපට ඒ ජනමතයත් සමග හිටගන්න වේවි.

ප්‍රශ්නය:- ජනවරමට ජනමතය හදද්දී ආණ්ඩුවේ විද්වතුන් ජම්බෝ කැබිනට්ටු එපා කිව්වත් 19 වැනි සංශෝධනයෙන් සීමා කර තිබූ ඇමැති මණ්ඩලයේ සීමා මායිම් පවා නව කෙටුම්පතින් ඉවත් කර තිබෙනවා. ඒ දේවල් ජනවරමට ගැලපෙනවද?
පිළිතුර:- ඒක තමයි මාත් කිව්වේ. ජනාධිපතිතුමා කැබිනට්ටුවේ තිහක් පත්කිරීමේ අවස්ථාව තිබිලත් පහළොවක් පත්කරලා ඉතා නිවැරැදිව ඒ ආරම්භය ගත්තා. එතුමා අදටත් විසි අට දෙනයි පත්කරලා තිබෙන්නේ. ඉතින් ලබා දෙන බලය භාවිත කරන්නේ කොහොමද කියන දේ වැදගත්. පොල්වලටයි තල්වලටයි වී වලටයි ඇමැතිවරු බිහි කරපු යුගයකුත් අපි දැක්කා. එහෙම නොකර මේ බලය සාධාරනීකරණය කළ හැකි ආකාරයට ජනාධිපතිතුමා බලය පාවිච්චි කරාවි කියලා විශ්වාසයක් අපට තිබෙනවා. වර්තමාන ජනාධිපතිතුමා ඉන්නේ ඉතිහාසයේ කළ වැරැදි නැවත ක්‍රියාත්මක කරන්න නෙවෙයි. එතුමා ඉතාම සරල ජනාධිපතිවරයෙක් කියලා ක්‍රියාවෙන් ඔප්පු කරලා තිබෙනවා. වාහන, බලය, වියහියදම් යන කාරණාවලදී අනෙක් ජනාධිපතිවරුන්ට සාපේක්ෂව වත්මන් ජනාධිපතිවරයා කැපී පෙනෙන වෙනසක් කරලා තිබෙනවා. ඉතින් තමන්ට බලය ලැබුණා යැයි කියා එය වැරැදි විදියට පාවිච්චි නොකරනු ඇතැයි මා සිතනවා.

ප්‍රශ්නය:- යෝජිත ව්‍යවස්ථාව මගින් අගමැතිවරයා පියන් කෙනෙකු බවට පත්කර ඇතැයි ජ.වි.පෙ නායකයා පාර්ලිමේන්තුවේදී පැවසුවා. ඇත්තටම අගමැතිගේ බලයට වෙන්නේ මොකක්ද?
පිළිතුර:- ඇත්තටම 19 වැනි සංශෝධනයෙන් කළේ ජනාධිපති, අගමැති හා කතානායක වශයෙන් බල අධිකාරින් තුනක් නිර්මාණය කිරීමයි. මේ බලාධිකාරි තුනෙන් රටට විශාල අස්ථාවරභාවයක් ඇතිවුණා. එතැනදි වැදගත් වෙන්නේ අගමැති පියන් වෙනවද නැද්ද කියන එක නෙවෙයි. බලය තිබෙන්නේ කවුරු අතද ඒ අතට බලය ලබා දිය යුතුයි. නැත්නම් කරන්න තිබෙන්නේ ජනාධිපති ධුරය සම්පූර්ණයෙන් අහෝසි කළ යුතුයි. ජනාධිපතිකමත් තියාගෙන අගමැතිවරයාටත් බලය වැඩි කරගෙන ඒකෙන් කොටසක් කතානායකටත් දීම අවුලක්. ඇත්තටම එදා වුණේ තමන්ගෙ පක්ෂය විසින් පත්කරන ලද ජනාධිපතිවරයාගේ බලය හෑල්ලු කර එය තමන්ට ලබාගැනීමට රනිල් වික්‍රමසිංහ මහත්තයට වුවමනා වීමයි. ඒවට තමයි ඡන්දය දුන්නේ. එයින් අවසානයේදි වුණේ රට අස්ථාවර වීමයි. බලය අඩු කරන්න ගිහින් රටට වූ විනාශය වගේම අන්ත බලයේ දූෂිතභාවයත් අපි ඇස් දෙකටම දැකලා තිබෙනවා. එනිසා තිබෙන්නේ ජනාධිපති ක්‍රමයක් නම් ජනාධිපතිවරයාට බලය හිමි විය යුතුයි. නැත්නම් එය අහෝසි කර වෙස්ට් මින්ස්ටර් ක්‍රමයකට රට ගෙන යා යුතුයි.

ප්‍රශ්නය:- නව සංශෝධනයේදී පාර්ලිමේන්තු මන්ත්‍රී සුදුසුකම සම්බන්ධයෙන් දිවිත්ව පුරවැසිභාවයේ සීමා ඉවත්කරන්නේ පොදුජන පෙරමුණේ සංවිධායක බැසිල් රාජපක්ෂට පාර්ලිමේන්තු පැමිණීමට යැයි චෝදනාවක් ආවා. බැසිල් රාජපක්ෂ මහතාට ඇමෙරිකානු රටවැසිභාවය ඉවත් කරගෙන පාර්ලිමේන්තුවට පැමිණීම සුදුසු යැයි ආණ්ඩුවේම ඇතැම් මැති ඇමැතිවරුන් පැවසුවත් කෙටුම්පතින් ද්විත්ව පුරවැසි සීමා ඉවත් කර තිබෙනවා නේද?
පිළිතුර:- මේ ද්විත්ව පුරවැසිභාවය සම්බන්ධයෙන් නීතිය ගෙනාවෙ කවුද? ඇයි ගෙනාවේ? 2015 වනතුරු මේ රටේ ද්විත්ව පුරවැසිභාවය දැරූවන් සම්බන්ධයෙන් ප්‍රශ්නයක් ආවේ නෑ. ඇත්තටම නීති හදන්නේ පුද්ගලයන් ඉලක්ක කරගෙන නම් ඒවා නීති නෙවෙයිනේ. මර්දනයන්. පැහැදිලිවම මේ ද්විත්ව පුරවැසිභාවය සම්බන්ධ තීන්දුව ගත්තේ 2015 ජනවාරි 8. ඒ ගෝඨාභය රාජපක්ෂ හා බැසිල් රාජපක්ෂ යන මහත්වරුන්ට එරෙහිවයි. පුද්ගලවාදී ලෙස රටේ නීති සැකැසුවාම ඒවා යළිත් වෙනස් වෙන එක නතර වෙන්නේත් නෑ. අනෙක් අයට බලයක් ආපු ගමන් කරන්නේ ඒක අනෙක් පැත්තට කරකවනවා. ගෝඨාභය රාජපක්ෂ මහතා තමන්ගේ පුරවැසිභාවය ඉවත් කරගෙන ජනාධිපතිවරණයට තරග කරලා ආදර්ශවත් වුණා. ඒක වෙනස් කරගන්නෙ නැතිව නීති වෙනස් කරගෙන වෙනස් විදියකට නීති පරිවර්තනය කිරීමේ ඉඩකුත් තිබෙනවා. මේ ඉඩ හැදුණෙත් 19 වැනි සංශෝධනයට පුද්ගලවාදී ලෙස නීති ඇතුළත් කිරීම නිසා. ඉතින් පුද්ගලවාදී ලෙස හදන නීති ඊළඟ කණ්ඩායම අාපු ගමන් වෙනස්කිරීම අනිවාර් යෙන්ම නතර කරන්න බෑ.  

ප්‍රශ්නය:- බැඳුම්කර ගනුදෙනුවට අදාළව අර්ජුන් මහේන්ද්‍රන් ලංකාවට ගෙන්වාගැනීමට ප්‍රධාන බාධකය පුරවැසිභාවය යැයි මේ ආණ්ඩුවේ සමහරු කිව්වා. එසේ නම් මේ නව වෙනස සමග අපරාධ වරදක් කර පලා යන ද්විත්ව පුරවැසි මන්ත්‍රීවරයකුට නීතියෙන් දඬුවම් කිරීම සිහිනයක් නොවේවිද?
පිළිතුර:- ඔව්. ඉතින් ඒක වෙන්න පුළුවන්. ඒක තමයි. ඒ වගේ අය පත්කරනවද නැද්ද කියන එක තීරණය කළයුත්තේ මේ රටේ ජනතාවයි. ද්විත්ව පුරවැසිභාවය හිමි අය ඡන්දය ඉල්ලුවොත් තනතුරු දැරුවොත් ඒ අයට විරුද්ධව ගත හැකි පියවර සම්බන්ධයෙනුත් නීතියේ අලුත් ප්‍රතිපාදන ඇති විය යුතුයි කියලයි මා විශ්වාස කරන්නේ.

ප්‍රශ්නය:- ඇත්තටම 20 කෙටුම්පත් කරද්දී ශ්‍රී ලංකා නිදහස් පක්ෂයේ අදහස් ගත්තද? පක්ෂය ඊට සම්බන්ධ වුණේ කවර මට්ටමකින්ද?
පිළිතුර:- මූලික ලියැවිල්ලට කාගෙන්වත් අදහස් ගත්තේ නෑ. මූලික ලියැවිල්ල හදන්නේ සාමාන්‍යයෙන් ඇමැතිවරයා හා අමාත්‍යාංශයයි. ඒක කැබිනට්ටුවේ සාකච්ඡා වෙන්නේ පසුවයි. මේ යෝජනාව සම්මත වෙන්න තව මාස තුනක් විතර යාවි. තාම මෙය තිබෙන්නේ නීතිපතිතුමා ළඟ. ඊටපස්සේ එය කැබිනට් මණ්ඩලයට ඇවිත් එය අනුමත කිරීමෙන් පසු ගැසට් කරනවා. ඊටපස්සෙ ඒක පාර්ලිමේන්තුවට දාලා සති තුනක් න්‍යාය පුස්තකයේ තිබිය යුතුයි. ඒ නිසා අපට මේ ගැන පාර්ලිමේන්තුවේ ඇති තරම් සාකච්ඡා කිරීමට කාලය තිබෙනවා. අපි ලබන සතියේ ඒ සඳහා වූ කමිටුවක් පත්කර අධ්‍යයනය කරනවා.

ප්‍රශ්නය:- ආණ්ඩුවට තවම පාර්ලිමේන්තුවේ තුනෙන් දෙකක බලය සම්පූර්ණ නෑ. එවැනි තත්ත්වයක ඔබ හිතන්නේ ශ්‍රී.ල.නි.ප සහාය තීරණාත්මක යැයි කියාද?
පිළිතුර:- ඔව්. අපි දාහතර දෙනා ඡන්දය නොදී හිටියොත් ආණ්ඩුවට තුනෙන් දෙකේ බලය නැතිව යනවා. හැබැයි රටේ ජාතික ප්‍රශ්න සමග ඒක කේවල් කරන්න අපි සූදානම් නෑ. 19 වැනි ව්‍යවස්ථාව අහෝසි කිරීමේදී රටට වගකිව හැකි සංශෝධන ක්‍රියාවලියක් ගෙනආවොත් අපි සහාය දක්වනවා. ඒ වගේම මේ ආණ්ඩුවේ ජනප්‍රියත්වය වටිනවා. ජනප්‍රියත්වය විනාශ කරගෙන සංශෝධන කළ යුතු යැයි මා විශ්වාස කරන්නේ නෑ.

ප්‍රශ්නය:- ලද දෙයින් සතුටු වී ආණ්ඩුව ආරක්ෂා කිරීමට කැප වෙන බව ඇමැති ධුරයේ දිව්රුම් දුන් පසුව ඔබ කීවා. එහෙත් ජාතික ලැයිස්තු මන්ත්‍රී ධුර ප්‍රදානයත් සම්ප්‍රදායෙන් පිට සිදු වූ බව ශ්‍රී.ල.නි.ප මතයයි. ආරම්භයේ හැටියට දිගටම ලද දෙයින්ම සතුටු වී ඉන්න ශ්‍රී.ල.නි.ප.යට සිදු වේවිද?
පිළිතුර:- එක එක අවස්ථාවලදී අපි කොහොමද වැඩ කරන්නේ කියලා කල්පනා කළ යුතුයි. මේ විදියට අසාධාරණකම් වුණා කියලා මිනිස්සුත් දැනගන්න ඕනෑ.

ප්‍රශ්නය:- ආණ්ඩුව මුහුණ දෙන ප්‍රධානතම ප්‍රශ්නය නම් ආර්ථික අර්බුදයයි. ඇත්තටම ආණ්ඩුවට රට කරවන්න සල්ලි උත්පාදන මාර්ග තිබෙනවද?
පිළිතුර:- මේ කොරෝනා අර්බුදයත් එක්ක රටේ සල්ලි නෑ තමයි. ඇත්ත කතාව. මේ වනවිට අපේ අපනයනවල වර්ධනයක් තිබෙනවා. ඒ අතරේ ආනයන සීමා කර තිබෙනවා. මෙමගින් විසඳුමක් සොයාගත හැකි යැයි අපි කල්පනා කරනවා. මේක මුළු ලෝකයටම තිබෙන ප්‍රශ්නයක්. ඇමෙරිකාව ඩොලර් බිලියන අටක් අච්චුගහන්න තීරණය කළා. සංචාරකයන්ට නැවත රට විවෘත වෙද්දී අලුත් ආයෝජන එද්දී මීට වඩා වෙනසක් වේ යැයි අපි හිතනවා.

ප්‍රශ්නය:- දේශීය මෙන්ම විදේශීය වශයෙන් රෙදිපිළි නිෂ්පාදනය හා ඒ ආශ්‍රිත කර්මාන්ත දියුණු කිරීමට කටයුතු කරන බව ඔබ කීවත් එය පහසු කටයුත්තක් ද?
පිළිතුර:- තවමත් මේවායේ වැඩ කරන්නේ පරණ සේවකයන්. වයසක අය. අලුත් තරුණ තරුණියන් මේකට ඇදෙන්නේ නෑ. ලබන අවුරුද්දෙදි තරුණ තරුණියන් දහදාහක් ඒ සඳහා පුහුණු කරනවා. ඒ වගේම වහලා තිබෙන රෙදිපිළි කර්මාන්ත ශාලා නැවත විවෘත කරනවා. ඒ වගේම රාජ්‍ය සේවකයන් සතියේ එක දවසක් බතික් හෝ දේශීය ඇඟලුම්වලින් සැරසීමට පොළඹවනවා. ගැටලු ප්‍රශ්න ඕනෑම අමාත්‍යාංශයකට එනවා. එම අභියෝග ජයගැනීමට අපි සූදානම්.

ප්‍රශ්නය:- දකුණු චීන මුහුදේ ඉදිකිරීම්වලට එරෙහිව චීන සමාගම් 24කට ඇමෙරිකාව විසින් සම්බාධක පනවනු ලබද්දී කොළඹ පිහිටි චීන තානාපති කාර්යාලය ඊට දැඩි විවේචනයක් කළා. ලංකාවේ දේශපාලනයට ස්වාධීනව පැවැත්මක් නැතැයි දිගින් දිගටම කී දේශපාලකයකු වූ ඔබ වත්මන් රජයේ විදෙස් පිළිවෙත ගැන දරන්නේ කවර මතයක් ද?
පිළිතුර:- මම හැමදාම කියනවා වගේ මේ රටේ ජනාධිපතිවරණවලදීත් මහමැතිවරණවලදීත් ක්‍රියාත්මක වෙන්නේ විදේශ න්‍යායපත්‍රයි. ඉදිරියටත් ඒක එහෙමමයි. ලංකාව එතැනින් ගැලවිලා නෑ. මේ ආණ්ඩුව යටතේත් ඒ විදියටම ඒක ක්‍රියාත්මක වෙනවා. ඒකට ඕනෑ තරම් උදාහරණත් තිබෙනවා. ඒකෙන් ගැලවීමට හැකිවන්නේ අපි ස්වයංව නැගිට්ට ජාතියක් බවට පත් වූ පසු පමණයි.

(*** සංවාද සටහන - බිඟුන් මේනක ගමගේ)



අදහස් (9)

ඡන්ද දෙකක ජනමත පණිවිඩය

විජේ Monday, 07 September 2020 04:01 PM

අහන්න වටිනා දෙයක් කියන්න හැකියාවක් තියන කෙනෙක් නෙවේ මෙයා... පට්ට අවස්ථාවාදියෙක්...

:       23       23

Champa Monday, 07 September 2020 05:59 PM

ද්විත්ව පුරවැසිභාවය තියෙන පුද්ගලයන් පාර්ලිමේන්තු එන එකට විරුද්ධ මිනිස්සු, එහෙම විරුද්ධ වෙන්නේ ගෝඨාභය සහ බැසිල් ඔවුන්ගේ පක්ෂපාතිත්වය ලංකාවට නෙමෙයි ඇමරිකාවට බව කතාවෙන් සහ ක්‍රියාවෙන් දෙකෙන්ම ඔප්පු කරලා තියෙන නිසා. ඔවුන් දෙන්නම එම්සීසී ගිවිසුමට පක්ෂයි. ඒවගේම ඉන්දියාව එක්ක අත්සන් කරන එට්කා ගිවිසුමටත් පක්ෂයි. ඇමරිකන් හමුදාවට ලංකාවට ගොඩ බහින්න පුළුවන් වෙන්න, 2007 මුලින්ම ACSA ගිවිසුම අත්සන් කලේ ගෝඨාභය. විකිලීක්ස් එළිදරව් කරපු විදිහට, යුද්ධය කාලේ ශ්‍රී ලංකා හමුදාව විවේචනය කරලා තියෙනවා රොබට් බ්ලේක් එක්ක. ගෝඨාභය ජනාධිපති කරපු එක පිටිපස්සේ ඉන්නෙත් ඇමරිකාව. ඒ මොකද කිව්වා නම් ලංකාවට ශක්තියක් වුණු, සිංහලයින්ගේ කොන්ද කෙලින් කරපු මහින්දගේ බලය නැති කිරීම ඔවුන්ගේ ඉලක්කය වෙච්ච නිසා. මිලින්ද කියන්නේ එන්ජීඕ වලින් යැපෙන, ලංකාවට එරෙහි වූ පුද්ගලයෙක්. සිංහල බෞද්ධ ලංකාවේ පිරිත් වලට එරෙහිව උසාවි ගිය අය වෙනුවෙන් ලොකු හාමුදුරු කෙනෙක් කතාකරලා තියෙනවා දැක්කා. කොසොල් රජ්ජුරුවෝ එදා දැකපු හීන දැන් අපි එළිපිට දකිනවා.

:       85       248

ChampaTuesday, 08 September 2020 03:46 PM

විකිලීක්ස් එළිදරව්ව බැසිල් ගැනද..?

:       1       1

Champa Monday, 07 September 2020 06:15 PM

20 වෙනි ආණ්ඩුක්‍රම ව්‍යවස්ථා සංශෝධනය තනිකරම පුද්ගලයින් දෙන්නෙක් වෙනුවෙන්... බැසිල් රාජපක්ෂ ගැන හැම තැනම ලියැවෙන්නේ පොහොට්ටුවේ නිර්මාතෘ හැටියට. දැන් මේ ද්විත්ව පුරවැසියා පාර්ලිමේන්තු ඇවිල්ලා පොහොට්ටුවේ නායකයා වුණොත් කොහොමද? ලංකාවේ පාර්ලිමේන්තු බලය හිමි වෙන්නේ ඇමරිකානු පුරවැසියෙකුට නෙමෙයිද? මේවාට සහයෝගය දෙන මන්ත්‍රීවරු ටිකක් කල්පනා කරන්න. තමන්ගේ ඇමතිකම මන්ත්‍රීකම වෙනුවෙන් රට පාවලා දෙන්න එපා. පල දෙයි. මම ඇමරිකන් පුරවැසියන් අතට බලය යනවට විරුද්ධ වුනේ, අදටත් විරුද්ධ වෙන්නේ රටේ අනාගතය වෙනුවෙන්. තව ඉස්සරහට විදේශ බලවේග වලින් මුදල් අරන් තව දිවිත්ව පුරවැසියන් කී දෙනෙක් පාර්ලිමේන්තු එයිද කියලා කොහොමද දන්නේ? සිංහල නොවෙන මිනිස්සුත් එයි. 2007 රටටම හොරෙන් ඇමරිකාව එක්ක ගිවිසුම අත්සන් කරපු ගෝඨාභය, 20 වෙනි සංශෝධනයෙන් විධායක බලතල ලැබුණාට පස්සේ, ඉස්සෙල්ලා වගේම රටටම හොරෙන් එම්සීසී ගිවිසුමත් අත්සන් නොකරයි කියලා මොකක්ද තියෙන විශ්වාසය?

:       1       123

Champa Monday, 07 September 2020 06:31 PM

තමන්ට පාර්ලිමේන්තු එන්න ද්විත්ව පුරවැසිභාවය ඉවත් කරගන්නේ නැතුව, ඒ වෙනුවෙන් රටක ව්‍යවස්ථාව වෙනස් කරනවා කියන්නේ තමන් වෙනුවෙන් අතිශය අත්තනෝමතිකව ඒකාධිපති බලයක් පාවිච්චි කිරීමක්. 20 එන්නත් ඉස්සෙල්ලා මෙහෙම බලය පාවිච්චි කරනවා නම්, ආවට පස්සේ රට පාවා දෙන්න කොහොම බලය පාවිච්චි කරයිද?

:       0       83

Champa Monday, 07 September 2020 07:18 PM

ජනමතය තිබුණේ පළාත් සභා අහෝසි කරන්න කියලා. බෙදුම්වාදය ලංකාවෙන් තුරන් කිරීමේ අන්තිම ඇණය තමයි පළාත් සභා සහ ඒ නිසා ඇති වුණු ප්‍රාදේශීය සභා අහෝසි කිරීම. ඉස්සෙල්ලාම කරන්න ඕනේ ඒක. බෙදුම්වාදී, ජාතිවාදී විග්නේශ්වරන් පාර්ලිමේන්තු අරන් ආව පොහොට්ටුව ඒ ගැන කිසි කතාවක් නැහැ.

:       0       175

dhamneth Tuesday, 08 September 2020 03:01 AM

අපි නිදහස ලබාගන්නාවිට තිබුන වෙස්මිනිස්ටර් ව්‍යවස්ථාව යටතේ මැති ඇමතිවරුන්ට ගරුත්වයක් තිබුනා. ආරක්ෂක බටයින් නැතුව ඕන තැනක ගමන්කරන්න පුළුවන්කම තිබුනා.

:       0       103

vidya Tuesday, 08 September 2020 04:38 AM

ඔබතුමාට හොඳ වැඩක් තියෙනවා කරන්න. බතික් මහන එක කරන අය කරාවි.. නමුත් තීන්ත වර්ග සහ අපද්‍රව්‍ය ළඟ තියාගෙන කාණුවලට යවන්නේ නැතිව ක්‍රමානුකූලව පරිසරයට හානි නොවන අන්දමට කලමනාකරණය කිරීමට වැඩ පිළිවෙළක් කරන්න. ඒක කළාම ලකුණු ටිකක් වැඩිය දාගන්න පුළුවන්...

:       0       108

Athula Wednesday, 09 September 2020 08:38 AM

20 ට අත ඉස්සුවොත් තමතමන්ගේ හිරකූඩුව තමුන්ම හදාගත්තා වෙනවා.. 19 අඩුපාඩුකම් මග හරවනවා...

:       0       123

ඔබේ අදහස් එවන්න

විශේෂාංග

ජනපතිවරණ ඉතිහාසයේ එදා - අද වෙනස
2024 සැප්තැම්බර් මස 21 472 0

මීට පෙර ලිපියක අප සඳහන් කළ ආකාරයට අද පැවැත්වෙන ශ්‍රී ලංකාවේ නව වැනි ජනාධිපතිවරණය මෙතෙක් පැවැත්වුණු ජනාධිපතිවරණ අටටම වඩා කරුණු ගණනාවකින් වෙනස්ය.


විශ්ව ශක්තිය ගැබ්වූ නාලන්දා ගෙඩිගේ
2024 සැප්තැම්බර් මස 20 1005 0

මාතලේ, නාලන්ද ගෙඩිගේ යනු මෙරට මධ්‍ය කේන්ද්‍රය ලෙස සලකනු ලබන ස්ථානයේ පිහිටි පෞරාණික මෙන්ම සුන්දර පරිසර පද්ධතියකින් හෙබි හරි අපූර්වතම ස්ථානකි. නාලන්ද


සඟසතු කළ මුල්ම වලව්වේ කතාව
2024 සැප්තැම්බර් මස 20 920 0

අඹගහපිටිය වලව්ව හෙවත් සහබන්ධු වලව්ව බලපිටිය මුදලි පෙළපතේ පැරැණිම වලව්වකි. විහාරස්ථානයට පූජා කළ ලංකාවේ මුල්ම වලව්ව ලෙස මෙය සැලකේ. උපසම්පදාව ජනසතු කරම


රටට හානිකර විධායක ජනපති ක්‍රමය
2024 සැප්තැම්බර් මස 20 170 0

නීතියේ ආධිපත්‍යය යනු සියලු‍‍ම පුද්ගලයන්, ආයතන සහ සංවිධාන නීතියට යටත් බවත් එහි නිර්දේශවලට වගකිව යුතු බවත් සහතික කරන මූලික මූලධර්මයකි. එසේම රටක් පාලනය ව


රටට අවශ්‍ය ව්‍යවස්ථා සංශෝධන
2024 සැප්තැම්බර් මස 19 110 1

නව වැනි විධායක ජනාධිපතිවරයා තෝරා පත්කර ගැනීම තව දින දෙකකින් සිදුවීමට නියමිත අතර පෙර පරිදිම මෙවර ජනාධිපතිවරණ තුළත් රටට ගැළපෙන ආණ්ඩුක්‍රම ව්‍යවස්ථාවක


වික්ටෝරියා රැජිනගේ සංචාරක නිවහනේ ඓතිහාසික වෙන්දේසිය
2024 සැප්තැම්බර් මස 18 992 0

වික්ටෝරියා රැජිනගේ ප්‍රියතම සංචාරක නිවහන වූ ඉතාලියේ ‘‘පල්මියෙරි විලා” ඇමෙරිකානු ඩොලර් මිලියන 55 (ශ්‍රී ලංකා රුපියල් කෝටි 1660 ක් පමණ) ක මුදලකට විකිණීමට තී


වැඩි දෙනා කියවූ පුවත්



ප්‍රභූන් පිරිසක් රටින් පිටව යති
2024 සැප්තැම්බර් මස 22 16902 13



මේවාටත් කැමතිවනු ඇති

​​ ජනපතිවරණ උණුසුම අතරේ Munchee Kome වෙතින් ප්‍රතිඵල අනුමාන කර තෑගි දිනා ගැනීමේ අවස්ථාවක් 2024 සැප්තැම්බර් මස 21 84 0
​​ ජනපතිවරණ උණුසුම අතරේ Munchee Kome වෙතින් ප්‍රතිඵල අනුමාන කර තෑගි දිනා ගැනීමේ අවස්ථාවක්

ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්‍රී ලංකාවේ ජනපති වන්නේ කවුරුන්

ශ්‍රී ලංකාව පුනර්ජනනීය බලශක්තියෙන් තිරසර අනාගතයක් කරා රැගෙන යන්නට සූර්ය හා සුළං බලය යොදා ගැනීමේ යෝජනාවක් 2024 සැප්තැම්බර් මස 19 266 0
ශ්‍රී ලංකාව පුනර්ජනනීය බලශක්තියෙන් තිරසර අනාගතයක් කරා රැගෙන යන්නට සූර්ය හා සුළං බලය යොදා ගැනීමේ යෝජනාවක්

ශ්‍රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල

ගැලපෙනම කෙනාට මනාපය දෙන්න අත්වැලක් වෙරිටේ රිසර්ච් වෙතින් ගෝලීය වශයෙනුත් සුවිශේෂී වන වෑයමක් 2024 සැප්තැම්බර් මස 18 134 0
ගැලපෙනම කෙනාට මනාපය දෙන්න අත්වැලක් වෙරිටේ රිසර්ච් වෙතින් ගෝලීය වශයෙනුත් සුවිශේෂී වන වෑයමක්

ශ්‍රී ලංකාවේ ප්‍රථම වරට, ප්‍රධාන ජනාධිපති අපේක්ෂකයින් තිදෙනාගේ ප්‍රතිපත්ති ප්‍රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්‍රීසි, සිංහල ස

Our Group Site