IMG-LOGO

2025 අප්‍රේල් මස 10 වන බ්‍රහස්පතින්දා


ජාති - ආගම් - කුලය අනුව නීතිය බෙදන්න යන්න එපා

ආගම, කුලය හෝ වර්ණය නොසලකා මුළු රටම එකම නීතියකින් පරිපූර්ණ වියයුතු යැයි ශ්‍රී ලංකා කතෝලික රදගුරු මණ්ඩලය පසුගියදා නිකුත් කරන ලද නිවේදනයකින් ප්‍රකාශ කර තිබිණි. සමාජය වෙළාගෙන තිබෙන සැකය, සංකාව සහ භීතිය ඉවත් කිරීම දැඩි අවශ්‍යතාවක් බවට අවධාරණයෙන් සඳහන් කරන රදගුරු මණ්ඩලය ඒ සඳහා නීති සියලු  දෙනාටම එක හා සමානව පරිපූර්ණ වීමේ අවශ්‍යතාව මෙසේ පෙන්වාදී තිබේ.

රටේ පවත්නා නීතිය සහ ක්‍රියාත්මක නීතිය සම්බන්ධයෙන් වරින් වර විවිධ මට්ටමින් බරපතළ විවේචන සහ විග්‍රහ සිදුවෙයි. මේ සම්බන්ධයෙන් බලයට පත්වන සෑම රජයකටම එරෙහිව ජනතාව විසින් චෝදනා එල්ල කරනු ලැබ තිබේ. සරලව ප්‍රකාශ කළහොත් පවතින නීතිය රටේ සාමාන්‍ය ජනතාවටත් බලයේ සිටින රජයේ මැති ඇමැතිවරුන්ට සහ ඔවුන්ගේ හෙන්චයියන්ට වෙනම නීතියකුත් ක්‍රියාත්මක වන ආකාරය මේ ජනතාවට හොඳට පුරුදුය. නීතිය ක්‍රියාත්මක වීමේ මෙම බරපතළ විසමතාව කොතරම් දැඩිව විවේචනය කෙරුණ ද කිසිම රජයක් ඊට කන්දීමට සූදානම් නැත. එය නීතියේ ආධිපත්‍යය ගිලිහුණු රටක් දක්වා ප්‍රසාරණය වීමට ලොකු ඉඩක් පවතින බව පසුගිය දින කිහිපය තුළදී පවා හොඳින්ම ප්‍රදර්ශනය විය.

එකම දේශයක ජනතාවක් වශයෙන් කටයුතු කරන විට විවිධ ආගම් ජාතීන් සඳහා වෙන වෙනම නීති පැවතිය නොහැක. ජාතිය හෝ ආගම හෝ කුමක් වුවද රටේ පොදු නීතිය ක්‍රියාත්මක විය යුත්තේ සියලුම ජනතාවට එක හා සමානවය. එය කාත්තන්කුඩියට එක් නීතියකුත් ගාල්ලට තව නීතියකුත් වශයෙන් ක්‍රියාත්මක විය යුතු නැත. කොළඹ යතුරුපැදිකරුවන්ට ක්‍රියාත්මක හෙල්මට් නීතිය මඩකලපුවේදී ක්‍රියාත්මක කිරීමට නොහැකි නම් එය නීතිය ඉදිරියේ සියලු_දෙනාම සමාන විය යුතුය යන සිද්ධාන්තයෙන් බැහැර වීමකි. එවැනි සිදුවීම් පිළිබඳව මෙතෙක් නිසි අවධානයක් යොමු නොවීමේ ප්‍රතිඵල දැන් ඇස්පනාපිටම ප්‍රදර්ශනය වෙමින් තිබේ. මේ රටේ පමණක් නොව ආසියානු කලාපයේම එකම අවස්ථාවක වැඩිම ජීවිත විනාශයක් සිදුකළ ත්‍රස්ත ප්‍රහාරයට මූලික පදනම කාත්තන්කුඩියෙන් වැටීමේ පදනම එය විය හැකිය. මෙවැනි නීතිමය විසමතා සම්බන්ධයෙන් රටේ විවිධ අවස්ථාවලදී කොතෙක් කරුණු පෙන්වා දුන්නද මෙතෙක් බලයේ සිටි කිසිම රජයක් ඒ ගැන ඇස්, කන් යොමු කළේ නැත. දැන්වත් මේ රටේ සියලු පක්ෂ, විපක්ෂ දේශපාලන පක්ෂ අතර මුළු රටටම එකම නීතියක් පැවැතිය යුතු බවට එකඟත්වයක් ඇති කරගත යුතුය. ප්‍රමාද වී හෝ එවැනි එකඟත්වයකට පැමිණීම එය සිදුනොවෙනවාට වඩා හැම අතින්ම යහපත්ය. රදගුරු මණ්ඩලය පෙන්වාදී ඇත්තේ එම යථාර්ථයයි.
පාඩම් ඉගෙන ගැනීම සම්බන්ධයෙන් අපේ රට තවමත් සිටින්නේ සෙසු රටවල්වලට වඩා බොහෝ පසුපසිනි. එසේ නොවන්නට වසර 30ක දරුණු යුද්ධයක් මැද ජීවත් වූ අපට එය අවසන් කොට වසර 10ක් යද්දී රටේ ජාතික ආරක්ෂාව අමතක වී යා නොහැක. බලයට පත්වෙන ප්‍රධාන පක්ෂයට දරදිය අදින සෙසු දේශපාලන පක්ෂ රැකගැනීම සඳහා නීති වෙනස් කිරීමේ පලවිපාක ඇස්පනාපිට පෙනෙද්දීත් එය නිවැරැදි කරගැනීමට පියවර නොගැනීම රටේ අවාසනාවකි. මේ තත්ත්වය වහා වෙනස් කළ යුතු බවට වන ප්‍රබල පණිවුඩයක් රදගුරු මණ්ඩලයේ නිවේදනය තුළ ගැබ් වී තිබේ.

රටේ නීතිය සැමට එක හා සමානව ක්‍රියාත්මක වියයුතු බවට මහා සඟරුවනද වරින් වර ප්‍රකාශ කරති. රාජ්‍ය නායකයන්, දේශපාලන පක්ෂ නායකයන්, මැති ඇමැතිවරුන්, මල්වතු අස්ගිරි මහනාහිමිවරුන් ඇතුළු සෙසු මහනාහිමිවරුන් බැහැදැකීමට යන අවස්ථාවලදී මේ පිළිබඳව සඳහන් කරන බව අපි අසමු. දකිමු. එහෙත් පසුව පක්ෂ දේශපාලනයට එකතු වනවිට බොහෝමයක් නායකයන්ට එය අමතක වන බව හෝ වුවමනාවෙන් අමතක කරන බව ද අපි හොඳින් දැන සිටිමු.

මුළු රටටම එකම නීතියක් පැවතීම පසුගිය 21 වැනිදා සිදු වූ ආකාරයේ අන්තවාදී, අවාසනාවන්ත ම්ලේච්ඡ සිදුවීම්වලට වගකිවයුත්තන් සොයාගැනීම සඳහා සිදුකෙරෙන පරීක්ෂණවලට ද උපකාරයකි. එම පරීක්ෂණ අපක්ෂපාතීව සිදුකිරීම අත්‍යවශ්‍යම කාරණයකි. සමාජය වෙළාගෙන ඇති බිය, සැක, සංකාව, එකිනෙකා කෙරෙහි සැකයෙන් බැලීම වැනි සංකීර්ණ තත්ත්වයන් දුරුකෙරෙනු ඇත්තේ සිදු කෙරෙන පරීක්ෂණ කෙරෙහි ජනතාවගේ විශ්වාසය ඇතිවූවොත් පමණක් බවද පෙන්වා දීමට කැමැත්තෙමු.

ශ්‍රී ලංකා කතෝලික රදගුරු මණ්ඩලය නිකුත් කළ නිවේදනයේ සඳහන් වන්නේ, ජනතාවට සාමය සහ සැබෑ නිදහස භුක්ති විඳීමට හැකි වන්නේ සත්‍යය සහ යුක්තිය නැවත පිහිටුවනු ලැබූ විට පමණක් බවය. ඒ සඳහා බලය රැකගැනීම වැනි දේශපාලනික අරමුණු ඉවත දමා කටයුතු කිරීම අවශ්‍යය. එය කළ හැකි වන්නේ මුළු රටටම බලපාන්නේ එක නීතියක් නම් පමණි. එය නාමිකව පැවැතීමෙන් පලක් නැත. ක්‍රියාවෙන්ද පෙනෙන්නට තිබිය යුතුය. 



අදහස් (3)

ජාති - ආගම් - කුලය අනුව නීතිය බෙදන්න යන්න එපා

janahitha Friday, 17 May 2019 11:37 AM

ආගම, කුලය හෝ වර්ණය අනුව පක්ෂ නිර්මාණය වී තිබෙන්නේ පාර්ලිමේන්තුව තුළයි...

:       0       121

Kriss Saturday, 18 May 2019 02:38 PM

බීරි අලින්ට වීණා වැයීමෙන් පලක් වේද.

:       0       0

Kriss Tuesday, 11 June 2019 02:28 AM

ජාතිවාදයේ උපන් ගෙය පාර්ලිමේන්තුවයි.

:       0       0

ඔබේ අදහස් එවන්න

 

 
 

විශේෂාංග

හම්බන්තොට කෞතුකාගාරය ඉබිගමනක
2025 අප්‍රේල් මස 10 91 0

හම්බන්තොට තුඩුවේ වෙරළාසන්න උස්බිමක පිහිටා ඇති ලෙනාර්ඩ් වුල්ෆ් දිසාපතිවරයාගේ නිල නිවස අද කෞතුකාගාරයක් බවට පත්ව ඇත. එය නමින් මාගම්පුර රුහුණු උරුම කෞතු


මෝදි සංචාරය ආර්ථික දෘෂ්ටියකින්
2025 අප්‍රේල් මස 10 67 0

ඉන්දියා අග්‍රාමාත්‍ය නරේන්ද්‍ර මෝදි මහතා ශ්‍රී ලංකාවේ පසුගියදා කළ සංචාරයත් එම සංචාරයේදී දෙරට අතර එළැඹි ගිවිසුම් ආදිය පිළිබදවත් බොහෝදෙනාගේ අවධානයට


ගෝලීය දකුණේ ස්ටාර්ලින්ක්
2025 අප්‍රේල් මස 09 500 0

ස්ටාර්ලින්ක් අක්‍රිය කළහොත් යුක්රේනයේ “සම්පූර්ණ ඉදිරි පෙළ” බිඳ වැටෙනු ඇති බවට එලොන් මස්ක් කළ ප්‍රකාශයට, ප්‍රතිචාර දක්වමින් පෝලන්ත විදේශ අමාත්‍ය රඩො


ට්‍රම්ප්ගේ තීරුබදු මරාලය
2025 අප්‍රේල් මස 09 249 0

ශ්‍රී ලංකාව ඇමරිකාවට අපනයන කරන භාණ්ඩ සඳහා තීරු බද්ද සියයට 44 දක්වා ඩොනල්ඩ් ට්‍රම්ප් විසින් අප්‍රේල් 02 දා ඉහළ දමනු ලැබීය. එම ආරංචිය ලැබීමෙන් පසු ශ්‍රී ලංක


​සිංහල භාෂාව හෑල්ලුකිරීම ඛේදවාචකයක්
2025 අප්‍රේල් මස 08 140 1

කිවියකු, ගීත රචකයකු, කෙටිකතාරචකයකු, මෙන්ම විචාරකයකු ද වන සුනිල් ගුණවර්ධන මහතා නිර්මාණ රැසක් සිංහල සාහිත්‍යයට එක් කළ ප්‍රවීණ නිර්මාණ රචකයෙකි.


ශ්‍රී ලංකාවේ අපරාධ එදා සහ අද
2025 අප්‍රේල් මස 08 181 0

පාතාල ක්‍රියාකාරකම්වල හිස එසවීම, අපරාධ කල්ලිවල වර්ධනය සම්බන්ධයෙන් පසුගිය දිනවල වැඩි වශයෙන් සාකච්ජාවට ලක් විය. මෙකල අපරාධ කණ්ඩායම්වල ක්‍රියාකාරකම් ම


මේවාටත් කැමතිවනු ඇති

ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි. 2025 අප්‍රේල් මස 10 80 0
ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි.

අප්‍රේල් 01, 2025 කොළඹ දීග ශ‍්‍රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.

NSBM හරිත සරසවිය තම සිසුන්ට ඇමෙරිකානු සරසවියේ දොරහරියි 2025 අප්‍රේල් මස 09 422 0
NSBM හරිත සරසවිය තම සිසුන්ට ඇමෙරිකානු සරසවියේ දොරහරියි

ඇමරිකානු තානාපතිනී ජූලි චන්ග් මැතිනිය ඉකුත් අප්‍රේල් මස හතර වැනිදා ශ්‍රී ලංකාවේ උසස් අධ්‍යාපනයේ හැරවුම් ලක්ෂයක් සනිටුහන් කළ NSBM හරිත සරසවියට පැමිණියා

ශ්‍රී පාද අඩවිය පිරිසිදුව තබාගැනීමට සියපත ෆිනෑන්ස් වෙතින් නිර්මාණශීලී විසඳුමක් 2025 අප්‍රේල් මස 04 919 0
ශ්‍රී පාද අඩවිය පිරිසිදුව තබාගැනීමට සියපත ෆිනෑන්ස් වෙතින් නිර්මාණශීලී විසඳුමක්

නව්‍යකරණයෙන් පිරිපුන් හෘද්‍යාංගම මූල්‍ය සේවාවක නියැලෙමින් ශ්‍රී ලාංකිකයන්ගේ විශ්වාසය දිනූ සියපත ෆිනෑන්ස් පීඑල්සී ආයතනික සමාජ සත්කාරක වැඩසටහන් මා

Our Group Site