IMG-LOGO

2025 අප්‍රේල් මස 18 වන සිකුරාදා


ජනපති-අගමැති කියන කතාවල හරය කුමක්ද

ආණ්ඩුක්‍රම ව්‍යවස්ථාවේ 19 වැනි සංශෝධනය හේතුවෙන් මේ රට දේශපාලන වශයෙන් අස්ථාවර වූ බවද 18 වැනි සංශෝධනය තනිකරම ආඥාදායක ඒකාධිපති ක්‍රමයක් බවද ජනාධිපති මෛත්‍රීපාල සිරිසේන මහතා පසුගියදා ප්‍රකාශ කළේය. මේ නිසා ශ්‍රී ලංකාව යහපත් රටක් වශයෙන් ගොඩනැඟීමට නම් 18 සහ 19 යන ආණ්ඩුක්‍රම ව්‍යවස්ථා සංශෝධන දෙකම අවලංගු කළ යුතු බවද ජනාධිපතිවරයාගේ එම කතාවේ සඳහන් විය. කොළඹ බණ්ඩාරනායක සම්මන්ත්‍රණ ශාලාවේදී පැවැති උත්සවයකදී ජනාධිපතිවරයා මේ ප්‍රකාශය සිදුකරන විට අග්‍රාමාත්‍ය රනිල් වික්‍රමසිංහ මහතා ද එහි සිටියේය. 

රටක ආණ්ඩුක්‍රම ව්‍යවස්ථාව ඒ රටේ මූලික නීතිය වෙයි. ඒ අර්ථයෙන් ගත් කල ජනාධිපතිවරයාගේ කතාවෙන් ගම්‍ය වන්නේ ශ්‍රී ලංකාවේ පවතින මූලික නීතියේ අවසන් වරට සිදු කෙරුණු සංශෝධන දෙකම රටේ ඉදිරි ගමනේ ප්‍රධාන මාර්ගබාධකයක් බවට පත්ව තිබෙන බවය. හරිනම් සංශෝධනයකින් සිදුවිය යුත්තේ තිබෙන වැරැදි නිවැරැදි කරගැනීමකි. ඒ අනුව බලන කල පාර්ලිමේන්තුව නියෝජනය කරන මන්ත්‍රීවරුන් 225ගෙන් 215 දෙනකුගේ අනුමැතිය ඇතිව යහපාලනයක් සඳහා සම්මත කරගනු ලැබූ 19 වැනි සංශෝධනයෙන් ආණ්ඩුවට සිදු වී ඇත්තේ ඉඳුරුවේ ආචාරියාට සිදු වූ දේමය. එකක් කඩතොලු_ වසා ගන්නට ගොස් දහසක් කඩතොලු ඇතිකර ගැනීමය.

ජනාධිපතිවරයා විසින්ම සිදු කරන මේ ප්‍රකාශය රටේ පාලනයේ දැන් පවතින බරපතළ අස්ථාවරභාවයේ තරම පෙන්නුම් කරයි. බැලූ බැල්මට ඒකාධිපති ස්වරූපයක් තිබූ 18 වැනි සංශෝධනය රටේ ප්‍රජාතන්ත්‍රවාදී රාමුවට හානි සිදුකරන නීතියක් බවට ප්‍රබල චෝදනා එල්ල වී තිබිණි. 2015 වසරේ පැවැති ජනාධිපතිවරණයේ දී මෛත්‍රීපාල සිරිසේන මහතාගේ මැතිවරණ ප්‍රචාරය ව්‍යාපාරයේ කේන්ද්‍රීය පොරොන්දුවක් වී තිබුණේ 18 වැනි සංශෝධනය ද ඇතුළත් ඒකාධිපති, ආඥාදායක විධායක ජනාධිපති ක්‍රමයම ඉවත්කොට යහපාලනයක් ඇති කිරීම සඳහා 19 වැනි සංශෝධනය ගෙන එන බවයි. එකී සංශෝධනය මැති සබයේදී සම්මත කර ගැනීමෙන් පසුව ජනාධිපතිවරයා ප්‍රකාශ කර තිබුණේ තමාත් අගමැතිවරයාත් එකතු වී හොදි හලාගන්නේ නැතිව ගැටය ලිහාගත් බවය. එහෙත් ආණ්ඩුව පිහිටුවා වසර හතරහමාරක් ගත වෙද්දී වත්මන් ආණ්ඩුව නරක් වීමට ප්‍රධානම හේතුව 19 වැනි සංශෝධනය බව ජනාධිපතිවරයාම කියන විට අපට දැනෙන්නේ සියලු දෙනාම ඇඟ පුරාම හොදි හලාගෙන ඇති බව විනා වෙන කුමක්ද? එය සංශෝධනයේ වැරුද්දක්ද නැතහොත් ක්‍රියාත්මක කිරීමේ වැරුද්දක් ද යන්න විවාද සම්පන්න කරුණකි.

19 වැනි ව්‍යවස්ථාව සංශෝධනය පරිපූර්ණ වූවක් නොවන බව යථාර්ථයයි. එය රටේ දැනට පවතින සියලු_ අවුල් වියවුල්වලට එකම හේතුව ද නොවන බවත් සඳහන් කිරීම අවශ්‍යය. විධායක ජනාධිපති ක්‍රමය වසර 30කට අධික කාලයක් තුළ ක්‍රියාත්මක වීමේදී එහි අඩුලුහුඬුකම් රාශියක් දැකගත හැකි විය. ඒවා කාලානුරූපව වෙනස් කිරීම ද අවශ්‍ය විය. ඒ වෙනුවෙන් ගෙන ආ 18 වැනි සංශෝධනයෙන් සිදු වූයේ තිබුණු තත්ත්වය තවදුරටත් නරක අතට හැරීමක් පමණි. මේ නිසා 19 වැනි සංශෝධනයට පාර කැපුණේය. එහෙත් එම සංශෝධනයෙන් බලාපොරොත්තු වූ අරමුණ ඉටුකර ගත නොහැකි වී ඇති බව ජනාධිපතිවරයාත් අගමැතිවරයාත් වර්තමානයේ දී සිදු කරන ප්‍රකාශවලින් පැහැදිලි වෙයි.

ජනාධිපතිවරයා ආණ්ඩුක්‍රම ව්‍යවස්ථා සංශෝධන දෙකම ඉවත් කළ යුතු බව කියද්දී අග්‍රාමාත්‍ය රනිල් වික්‍රමසිංහ මහතා ප්‍රකාශ කරන්නේ වාහනයක දෙදෙනකු ගමන් කරන විට පැදවීම අමාරු බවත් තනිවම ගමනකදී වේගයෙන් යා හැකි බවත්ය. මොනරාගලදී පැවැති උත්සවයකදී ඒ බව ප්‍රකාශ කර තිබූ අග්‍රාමාත්‍යවරයා දැන් බාධා කිරීමට කිසිවකු නැති බවද තනියම වාහනේ රැගෙන වේගයෙන් යාහැකි බවද කියා තිබිණි. මතුපිටින් රටේ සංවර්ධනය ශීඝ්‍රයෙන් කරගෙන යාම ගැන අගමැතිවරයා කළ එම කතාවේ දේශපාලනික වශයෙන් වැදගත් යටි පෙළ කියවා ගැනීම අපහසු නැත. මේ කියන්නේත් ජනාධිපතිවරයා කියන 19 වැනි සංශෝධනයේ ආදීනව ගැනමය.

රටකට සිටිය යුත්තේ එක නායකයකු පමණි. අනාගතයේ දී වුවද අපේ රටේ ආණ්ඩුක්‍රම ව්‍යවස්ථාවේ දැන් පවතින හැටියට ජනාධිපතිවරයා සහ අග්‍රාමාත්‍යවරයා පක්ෂ දෙකකින් පත් වුවහොත් වැටෙන්නේ ලෝක අමාරුවකය. වත්මන් ජනපති සහ අගමැති පක්ෂ දෙකක් නියෝජනය කළත් දෙපළම ආණ්ඩුව බලයට පත්වීමේදී ක්‍රියා කළේ එකම දේශපාලනික අරමුණකිනි. එහෙත් දැන් සිදු වී තිබෙන්නේ 19 වැනි සංශෝධනය නොතිබුණා නම් මේ ආණ්ඩුව හොඳ ආණ්ඩුවක් යැයි පවසන ජනාධිපතිවරයකුත් දෙදෙනකුට එකට රට පාලනය කළ නොහැකි බව ව්‍යංගයෙන් ප්‍රකාශ කරන අග්‍රාමාත්‍යවරයකුත් බිහි වී සිටීමය. මේ තත්ත්වය තව මාස කිහිපයකින් එළැඹෙන මීළඟ ජනාධිපතිවරණයේ දී මෙරට ඡන්ද දායකයන් ඉදිරියේ උත්තරවලට වඩා ප්‍රශ්න ඇති කරන තත්ත්වයක් බවට පත්වෙමින් තිබීම කනගාටුවකි. 

ඒ කෙසේ වුවත් වත්මන් නායකයන් කියන පරිදි අපේ රටේ ඉදිරි ගමනට තිබෙන ප්‍රධාන බාධකය 18 සහ 19 වැනි ආණ්ඩුක්‍රම ව්‍යවස්ථා සංශෝධන නම් ඒවා ඉවත් කිරීමට කටයුතු කිරීම මේ රටේ සියලු දේශපාලන නායකයන්ගේ යුතුකමක් සේම වගකීමකි. මොන දේශපාලනයක් කරන්නත් රට ඉතිරි වී තිබිය යුතුය. 

 



අදහස් (5)

ජනපති-අගමැති කියන කතාවල හරය කුමක්ද

appuhamy. Wednesday, 26 June 2019 06:50 AM

යහපාලනයක් සඳහායයි සම්මත කරගනු ලැබූ 19 වැනි සංශෝධනයෙන් සිදු වී ඇත්තේ ඉඳුරුවේ ආචාරියාට සිදු වූ දේමය. එකක් කඩතොලු වසා ගන්නට ගොස් දස දහසක් කඩතොලු ඇතිකර ගැනීම මෛත්‍රී - රනිල් බල යුගලය විසින් සිදුකර ඇතිවා පමණක් නොව ජාත්‍යන්තර රාජ්‍යතාන්ත්‍රික ප්‍රජාව හමුවේ ශ්‍රී ලාංකික රාජ්‍යතාන්ත්‍රික ප්‍රතිරුපය සුණු විසුණු කර ඇති සෙයකි.

:       64       27

sanju senevirathnaWednesday, 26 June 2019 05:36 PM

දැන් නාගානන්ද මහත්මයා ඉදිරිපත් කරන ව්‍යවස්ථාව ඔබලා කියවලා තියෙනවාද?මම එය සම්පුර්ණයෙන්ම කියවා බැලුවා. ඉතාම හොඳ ඒ වගේම හොරුන්ට ගැලවෙන්න බැරි ව්‍යවස්ථාවක්. එතුමාට සියයට 51 ක ඡන්දයක් ලැබුනොත් අනිවාර්යයෙන්ම එය ක්‍රියාත්මක කරාවි.

:       28       40

nimal gunawardenaSunday, 30 June 2019 03:24 PM

නාගානන්ද මහතා ශ්‍රී ලංකා රේගුවේ (custom) රැකියාව කර, එයින් වැඩ තහනමට ළක් වූ බව පැවසෙනවා. අප මේ ගැන සොයාබලා එතුමා ගැන තීරණයක් ගත යුතුයි.

:       28       0

Deepal Nirosh Wednesday, 26 June 2019 08:12 AM

18 වැනි ව්‍යවස්ථා සංශෝධනය සම්මත වුණත් ඒ යටතේ හිටපු ජනාධිපතිවරයාට තරඟකර නැවත දිනිය නොහැකි වීම තුළ ප්‍රජාතන්ත්‍රවාදයට පටවැති නොවන බව ඔප්පු වුණා. ඇරත් ජනාධිපතිවරයා නැවත නැවත තරඟ කළත් ඔහුට ඡන්දය දීම හෝ නොදීම තීරණය කරන්නේ ජනතාවයි. එහි ඇති ඒකම අඩුපාඩුව ජනාධිපතිවරණය වර්ෂ 5කට හෝ 6කට වරක් පැවැත්විය යුතු අනිවාර්ය දිනයක් නිශ්චිත නොකිරීමයි. එහෙත් 19 වැනි ව්‍යවස්ථා සංශෝධනය දැන් ක්‍රියාත්මක වන්නේ ඒ සඳහා අනිවාර්යය අවශ්‍යතාව වන ජනමත විචාරණයකින් සම්මත නොකර හුදෙක් පාර්ලිමේන්තු විශේෂ බහුතර සම්මතයකින් පමණක් වීම ව්‍යවස්ථා විරෝධීයි...

:       0       6

ranjith Wednesday, 26 June 2019 11:49 PM

රටේ ඉදිරි ගමනට බාධාව උගත්, නිර්භීත නායකයන් නැතිඑක සහ නාස්තිය නේද? මේ විදියට හොරකම් කරනකොට මුදල් අවභාවිතා කරනකොට රටක් ගොඩනගන්නේ කොහොමද? එක් එක් කෙනාගේ බලපොරයට මේවා එක්වෙනවා.. එ්කයි මේ විරසකේ...

:       0       1

ඔබේ අදහස් එවන්න

 

 
 

විශේෂාංග

ශ්‍රී ලංකාව ගෝලීය වෙළෙඳ කම්පනය
2025 අප්‍රේල් මස 18 31 0

ට්‍රම්ප්ගේ වෙෙළඳ කම්පනය ගෝලීය පිළිවෙලට දැවැන්ත පහරකි. එය නියෝජනය කරන්නේ 1970 ගණන්වලදී බ්‍රෙට්න්වුඩ්ස් ක්‍රමය අවසන් වීමෙන් පසු ඇති වූ විශාලතම බිඳවැටීමය


දළදා වහන්සේ සියැසින් දැකගැනීමේ ආනිශංසය
2025 අප්‍රේල් මස 18 98 0

ශ්‍රී සුගත තථාගත සම්මා සම්බුදු රජාණන් වහන්සේ පන්සාළිස් වසරක් මුළුල්ලේ දේශනා කොට වදාළ ස්වාසුදහසක් ශ්‍රී ධර්මස්කන්ධයේ පහස ලැබුවුවා වූ පරම පූජනීය අතිඋ


මාගේ දෙවියනි ඔබ මා අත්හැරියේ මක්නිසාද?
2025 අප්‍රේල් මස 18 37 0

ක්‍රිස්තුන් වහන්සේගේ මුළු මහත් මෙලෝ දිවිය, මනුෂ්‍ය පුත්‍රයකු සේ අත් විඳි ජීවිතය හමාර වන හෝරාව ක්‍රමිකව පැමිණෙමින් තිබේ. කල්වාරිය මත සිදුවෙමින් පැවති


භාරත ආසියා මොඩලය
2025 අප්‍රේල් මස 18 50 0

සිංහල හා හින්දු අලුත් අවුරුදු උණුසුම තවමත් පහව ගොස් නැත. කුමන ආර්ථික ගැටලුකාරිත්වයක් තිබුණත් අපේ රටේ ජනතාව අලුත් අවුරුද්දට සූදානම් වූයේ ඒ සියලු අගහිඟ


ගොවියා රවටන පාරිභෝගිකයා සනසන ස්වයංපෝෂිත කිරි නාඩගම
2025 අප්‍රේල් මස 17 215 0

ලෝකයේ ඉතාම ජනප්‍රිය එසේම පෝෂණීය පානයක් වන්නේ දියර කිරිය. එය ජනප්‍රිය වීමට හේතුව වන්නේ එහි ඇති පෝෂණීය ගුණය සහ විශ්වාසවන්ත භාවය නිසාය. එහෙත් ශ්‍රී ලංකාව


පම්බන් පාලම ඉන්දු-ලංකා යාකරන මුහුදු මාවතේ ඇරැඹුමද?
2025 අප්‍රේල් මස 17 407 0

ශ්‍රී ලංකාවට පැමිණි ඉන්දීය අගමැති නරේන්ද්‍ර මෝදි මහතා එම නිල සංචාරය නිමකර අනුරාධපුර ගුවන්තොටුපොළෙන් ඉන්දියාව බලා පිටත්ව ගියේ තවත් සුවිශේෂ කටයුත්තක


මේවාටත් කැමතිවනු ඇති

ශ්‍රී ලංකාවේ ඉංජිනේරු   සහ බලශක්ති සේවා  සඳහා Hayleys Fentons  සහ Hayleys Solar  ආයතනයේ  දායකත්වය 2025 අප්‍රේල් මස 11 206 0
ශ්‍රී ලංකාවේ ඉංජිනේරු සහ බලශක්ති සේවා සඳහා Hayleys Fentons සහ Hayleys Solar ආයතනයේ දායකත්වය

හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ

ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි. 2025 අප්‍රේල් මස 10 382 0
ශ‍්‍රී ලංකා ඉන්ෂුවරන්ස් ලයිෆ් 2024 වසර සඳහා රු. බිලියන 30.7 ක දැවැන්ත බදු පෙර ලාභයක් වාර්තා කරයි.

අප්‍රේල් 01, 2025 කොළඹ දීග ශ‍්‍රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.

NSBM හරිත සරසවිය තම සිසුන්ට ඇමෙරිකානු සරසවියේ දොරහරියි 2025 අප්‍රේල් මස 09 1130 0
NSBM හරිත සරසවිය තම සිසුන්ට ඇමෙරිකානු සරසවියේ දොරහරියි

ඇමරිකානු තානාපතිනී ජූලි චන්ග් මැතිනිය ඉකුත් අප්‍රේල් මස හතර වැනිදා ශ්‍රී ලංකාවේ උසස් අධ්‍යාපනයේ හැරවුම් ලක්ෂයක් සනිටුහන් කළ NSBM හරිත සරසවියට පැමිණියා

Our Group Site