ජීවත්වීමට මගක් නැතැයි කියා දරුවා කැලණි ගඟට විසිකර දිවි නසා ගැනීමට තැත් කළ අම්මා කෙනකු සම්බන්ධයෙන් පසුගිය දිනක පළවූ පුවත මෙන්ම සැමියා රැකියාවක් සොයා නිවෙසින් පිටව ගිය පසු දරුවාට විෂ ද්රව්යයක් පොවා නිවෙසින් පලාගිය අම්මාට අදාළ පුවත ද රටේ ඇත්ත ඇතුළාන්තය මනාව නිරූපනය කරයි. දින දෙකක් තුළ ඉන්ධන පෝලිම්වල දී රටේ පුරවැසියන් තිදෙනකුට දිවි අහිමි විය. මේ කුමන ශාපයක්ද? පාපයක්ද? යන්න සිතාගත නොහැකි තරම්ය.
මොහොතින් මොහොත කැළැඹෙන ගැඹුරුවෙන අර්බුද වගුරට තවත් මාරාන්තික බලපෑමක් එල්ල වී තිබේ. ඒ ඩෙංගු මාරයා යළිත් හිස එසවීමෙනි. රට තුළ ඇති මානව ආපදාව තවත් ඉතා භයංකර ඉසව්වකට රැගෙන යාමට ඩෙංගු මාරයා සමත් වී සිටී.
ඩෙංගු මර්දන ඒකකයේ අධ්යක්ෂ, විශේෂඥ වෛද්ය සුදත් සමරවීර මහතා නොබෝදා ප්රකාශ කර තිබුණේ ඉකුත් මැයි මාසයේ දී පමණක් ඩෙංගු රෝගීන් හය දහස් හාරසිය අසුතුන් දෙනකු හමුවී ඇති බවය. එමෙන්ම ජනවාරි මාසයේ සිට ජුනි මාසය දක්වා හමුවී ඇති සමස්ත ඩෙංගු රෝගීන්ගේ සංඛ්යාව විසි හතර දහස් පන්සිය විසි තුන් දෙනකු බව ද විශේෂඥ වෛද්යවරයා අනාවරණය කර තිබිණි.
රටේ අවධානය ඉන්ධන හිඟය ගැනය. ගෑස් හා භූමිතෙල් හිඟය ගැනය. විදුලිය කැපිල්ල දෙසය. ගුවන් ගත බඩු මිල දෙසය. ඒ අතරවාරයේ නිරිත දිග මෝසම් වැසි ඇද හැලෙමින් තිබේ. ඩෙංගු මාරයා තම තවාන් තර කර ගනිමින් සිටී. බස්නාහිර පළාත ගල ග්රහණයෙන් ගැනීමට ඩෙංගු මාරයාට මේ වනවිටත් හැකිවී තිබේ. ගාල්ල, යාපනය, මඩකලපුව, ත්රිකුණාමලය, කෑගල්ල හා රත්නපුර යන දිස්ත්රික්ක ද ඩෙංගු මාරයාට නතු වෙමින් තිබේ. රට තුළ ඩෙංගු අධි වසංගත තත්ත්වයක් ඇතිවිය හැකි බව සෞඛ්ය විශේෂඥයෝ පෙන්වා දෙති.
කීට විද්යා නිලධාරීන්ගේ සංගමයේ සභාපති නජිත් සුමනතිස්ස මහතා ප්රකාශ කර තිබුණේ වසර 10කට පසු බස්නාහිර පළාත තුළ ඩෙංගු රෝගීන්ගේ සංඛ්යාව සියයට 50කින් ඉහළ ගොස් ඇති බවය. දිවයින පුරා මදුරුවන් බෝවීමේ බ්රිටෝ ඉන්ඩෙක්ස් දර්ශකය 20 ඉක්මවන බවත් මෙය ඩෙංගු අධි වසංගත තත්ත්වයක් දක්වා වර්ධනය විය හැකි බවත් කීට විද්යා නිලධාරීන්ගේ සංගමයේ සභාපතිවරයා අනතුරු අඟවා තිබිණි.
ඉතා පැහැදිලිව අවධාරණය කළ යුතු කරුණක් තිබේ. එනම් පුරවැසියන්ගේ ජීවිත ආරක්ෂාව සම්බන්ධයෙන් වගකීම බාර ගැනීමට අයකු නැති බවය. බලධාරීන් කාලගුණ විද්යා දෙපාර්තමේන්තුව මෙන් අනාවැකි පළ කරමින් සිටිනවා හැර වගකීම අතට ගෙන දැවෙන ප්රශ්නවලට කඩිනම් විසඳුම් සපයන බවක් නොපෙනේ. එහෙයින් තමන්ගේ ජීවිත ආරක්ෂාව පුරවැසියා විසින්ම බාරගත යුතුය. වෙනත් විකල්පයක් නැත.
ඩෙංගු මාරයාට අපගේ ජීවිත පැහැර ගැනීමට හැකි වන්නේ අපගේම නොසැලකිලිමත්කම නිසා මිසක් වෙනත් හේතුවක් නැත. කොවිඩ් වසංගතය රට ආක්රමණය කිරීමට පෙර යුගයේ දී ඩෙංගු මාරයාට මුහුණදීමේ සවිමත් සුදානමක් ජනයා සතුව පැවතිණි. එහෙයින් ඩෙංගු මාරයාට රිසිසේ තම අණසක පතුරුවා හැරීමට නොහැකි විය. එහෙත් අවධානය වෙනතකට යොමු වී අනතුර සම්බන්ධ භීතිය තුරන්වීමේ ප්රතිඵලයක් ලෙස ඩෙංගු මාරයා යළිත් පැමිණ සිටී. නිරිත දිග මෝසම් වැස්ස ඩෙංගු මාරයාට පාවාඩ එළමින් සිටී.
කෝවිඩ් මාරාන්තික ව්යසනයේ භයානක පෙනුම තුරන් වී ගියා පමණි. එහෙත් අපට තවත් වසංගතයකට මුහුණ දීමට සිදුවී තිබේ. ජීවත්වීම අමිහිරි මෙන්ම කඨෝර අත්දැකීමක් බවට පත්ව ඇති මෙම ශාපලත් පරිසරය තුළ වුව ද අපට ජීවිතය අත් හැරිය නොහැකිය. අපට ජීවිතයෙන් පලායා නොහැකිය. අපගේ දූ දරුවන් කෙසෙල් කඳන් මෙන් මළ කඳන් වනවා බලාගෙන සිටිය නොහැකිය. අපි අපගේ ජීවිත ආරක්ෂාව වෙනුවෙන් කළ යුතු දෑ නොපමාව කළ යුතු වෙමු.
පරිසරයට එදිරිව ගිය ගමනේ ප්රතිඵලයක් ලෙස කොරෝනා වැනි මාරක වසංගත ආවේය. අපට තවමත් මුඛ ආවරණ පැළඳ සිටීමට සිදුව තිබේ. මුළු රටම සිපිරි ගෙයක් බවට පත්ව එහි සිරගතවීමට අපට සිදුවිය. දැන් එළැඹ ඇත්තේ අප එදිරිව ගිය පරිසරය සමග යළිත් සහජීවනයට යාමය.
දැන් අපට නැවතත් වත්ත පිටිය ශුද්ධ පවිත්ර කිරීමට සිදුවී තිබේ. නිවෙස සම්බන්ධයෙන් විශේෂ අවධානය යොමු කිරීමට සිදුව තිබේ. කාණු පද්ධති පිරිසුදු කිරීමට සිදුව තිබේ. ඒ කළමනා කටයුතු නොපිරිහෙලා සහ නොපමාව කරන්නේ නම් ඩෙංගු මාරයා පසු බැස්සවිය හැකිය. නොඑසේනම් මාරයා සමග සහජීවනයට හිත හදාගත යුතුය.
(***)
මීට පෙර ලිපියක අප සඳහන් කළ ආකාරයට අද පැවැත්වෙන ශ්රී ලංකාවේ නව වැනි ජනාධිපතිවරණය මෙතෙක් පැවැත්වුණු ජනාධිපතිවරණ අටටම වඩා කරුණු ගණනාවකින් වෙනස්ය.
මාතලේ, නාලන්ද ගෙඩිගේ යනු මෙරට මධ්ය කේන්ද්රය ලෙස සලකනු ලබන ස්ථානයේ පිහිටි පෞරාණික මෙන්ම සුන්දර පරිසර පද්ධතියකින් හෙබි හරි අපූර්වතම ස්ථානකි. නාලන්ද
අඹගහපිටිය වලව්ව හෙවත් සහබන්ධු වලව්ව බලපිටිය මුදලි පෙළපතේ පැරැණිම වලව්වකි. විහාරස්ථානයට පූජා කළ ලංකාවේ මුල්ම වලව්ව ලෙස මෙය සැලකේ. උපසම්පදාව ජනසතු කරම
නීතියේ ආධිපත්යය යනු සියලුම පුද්ගලයන්, ආයතන සහ සංවිධාන නීතියට යටත් බවත් එහි නිර්දේශවලට වගකිව යුතු බවත් සහතික කරන මූලික මූලධර්මයකි. එසේම රටක් පාලනය ව
නව වැනි විධායක ජනාධිපතිවරයා තෝරා පත්කර ගැනීම තව දින දෙකකින් සිදුවීමට නියමිත අතර පෙර පරිදිම මෙවර ජනාධිපතිවරණ තුළත් රටට ගැළපෙන ආණ්ඩුක්රම ව්යවස්ථාවක
වික්ටෝරියා රැජිනගේ ප්රියතම සංචාරක නිවහන වූ ඉතාලියේ ‘‘පල්මියෙරි විලා” ඇමෙරිකානු ඩොලර් මිලියන 55 (ශ්රී ලංකා රුපියල් කෝටි 1660 ක් පමණ) ක මුදලකට විකිණීමට තී
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
ඩෙංගු මාරයාත් ඇවිත් පරෙස්සමින් සිටිමු