2025 අප්‍රේල් මස 21 වන සඳුදා
මනෝ විද්‍යාව සරල සිංහලෙන් ජනතාව අතර ප්‍රචලිත කිරීමේ පුරෝගාමී මෙහෙවරක යෙදුණු, සිංහල භාෂාව පිළිබඳ හසල බුද්ධිමතකු වූ ඩී.වී.ජේ.හරිස්චන්ද්‍ර මහතා අද (01) උදෑසන ලක් මවගෙන් සමු ගත්තේය. ගාල්ල සිට කොළඹ යමින් සිටියදී ඇතිවූ අසනීපයක් නිසා කළුබෝවිල රෝහලට ඔහු ඇතුළු කළත් දිවි බේරාගත නොහැකි විය.
මනෝ වෛද්‍යවරයකු, බෞද්ධ මහෝපාසකයකු, භාෂා ප්‍රේමියකු, පඬිවරයකු මෙන්ම සරල හා නිහතමානී මිනිසකු වූ දොස්තර හරිස්චන්ද්‍ර ශ්රී ලංකාවේ දස දහස් ගණන් මානසික රෝගීන් සුවපත් කළේය.
මියයන විට 75 වැනි වියේ පසුවූ හරිස්චන්ද්‍ර මහතා දියණියන් තිදෙනකුගේ පියෙකි. 1938 වසරේ මාර්තු 11 වැනි දින ගාල්ල තල්පේ දී දික්වැල්ල විදානගේ ජයරත්න හරිස්චන්ද්‍ර නමින් උපත ලැබූ ඔහු ගාල්ල ශාන්ත ඇලවීෂියස් විද්‍යාලයේ ආදි ශිෂ්‍යයෙකි. පද්මා ශ්‍රියාලතා අබේසිංහ ගුණවර්ධන මහත්මිය සමග විවාහ වූ හරිස්චන්ද්‍ර මහතාගේ දියණියන් තිදෙනා අතරින් වැඩිමහළු දියණිය නේශාන්තා හරිස්චන්ද්‍ර මහත්මිය රුහුණ විශ්වවිද්‍යාලයේ ඉංග්‍රීසි භාෂාව පිළිබඳ ජ්‍යෙෂ්ඨ කථිකාචාර්යවරියකි. දෙවැනි දියණිය වූ ටෝළුෑෂා හරිස්චන්ද්‍ර මහත්මිය කරාපිටිය රෝහලේ හෘද හා උරස් ශල්‍ය ඒකකයේ විශේෂඥ වෛද්‍යවරියකි. බාලම දියණිය වූ නවෝදා හරිස්චන්ද්‍ර මහත්මිය කරාපිටිය මනෝ වෛද්‍ය ඒකකයේ වෛද්‍යවරියක ලෙස සේවය කරයි.
ගාල්ල වුඩ්වර්ඩ් මාවතේ පදිංචිව සිටි වෛද්‍ය හරිස්චන්ද්‍ර මහතා වෛද්‍ය විද්‍යා උපාධිය ලබා ගැනීමෙන් අනතුරුව එංගලන්තයේ වැඩිදුර අධ්‍යාපනය ලබා ඇත. 1969 වර්ෂයේ සිට 1970 දක්වා ලන්ඩනයේ මනෝ වෛද්‍ය විද්‍යා ආයතනයේ පාඨමාලාවක් හැදෑරූ වෛද්‍ය හරිස්චන්ද්‍ර මහතා ලන්ඩනයේ ටැවිස්ටොක් හි මනෝ චිකිත්සාව හැදෑරුවේය. ඉන් අනතුරුව 1976 සිට 1977 දක්වා කාලයේ එඩින්බරෝ විශ්වවිද්‍යාලයේ සේවය කළ ඒ මහතා මනෝ වෛද්‍ය විශේෂඥයකු ලෙස අංගොඩ මානසික රෝහල ද ඇතුලත්ව ශ්රී ලංකාවේ රෝහල් ගණනාවක සේවය කිරීමෙන් අනතුරුව කරාපිටිය රෝහලේ මනෝ වෛද්‍ය විශේෂඥවරයා ලෙස පත්ව ආවේය.
රුහුණ විශ්වවිද්‍යාලයේ කරාපිටිය වෛද්‍ය පීඨයේ මනෝ වෛද්‍ය විද්‍යාව පිළිබඳ ජ්‍යෙෂ්ඨ කථීකාචාර්ය වරයකු වූ හරිස්චන්ද්‍ර මහතා අනතුරුව මනෝ වෛද්‍ය විද්‍යා අධ්‍යයනාංශයේ ප්‍රධානියා ලෙස 2003 වර්ෂය දක්වා කටයුතු කළේය. කරාපිටිය රෝහලේ වසර 29 ක් සේවය කළ ඒ මහතා බුදු දහම පිළිබඳ ගැඹුරින් හැදෑරූ විද්වතෙකි.
විශ්‍රාම ලැබීමෙන් පසු බුදු දහමට අමතරව පෙරදිග සංගීතය හැදෑරූ වෛද්‍ය හරිස්චන්ද්‍ර මහතා හින්දි සංගීතය පිළිබඳ මනා දැනුමක් ඇති තැනැත්තෙකි. පන්සිය පනස් ජාතක පොතේ කතා කිහිපයක් පදනම් කැර ගනිමින් හින්දි ගීත තනු වලට ගීත 20 ක් ලියූ හරිස්චන්ද්‍ර මහතා එම ග්‍රන්ථය 'ජාතක ගීත සංග්‍රහය' නමින් සංයුක්ත තැටියක් ද සහිතව එළිදක්වන ලදී. එම ගීත අතර තිබූ 'මා මෙන් අසමින් ඔබෙන්' ගීතය ගායනා කැර ඇත්තේ ද වෛද්‍ය හරිස්චන්ද්‍ර මහතා විසිනි.
ඉන්දියාවේ රාගධාරී සංගීතය පිළිබඳ ගැඹුරින් අධ්‍යයනය කළ වෛද්‍ය හරිස්චන්ද්‍ර මහතා එම සංගීතය යොදා ගනිමින් මානසික රෝගීන් සුව කිරීමට ඇති හැකියාව පිළිබඳව පර්යේෂණ සිදුකැර තිබේ.
පුවත්පත්, රූපවාහිනී හා ගුවන්විදුලි වැඩසටහන් ඔස්සේ සරල සිංහල භාෂාවෙන් මනෝ විද්‍යාව පිළිබඳව හා බුදු දහම පිළිබඳ ජනතාව දැනුම්වත් කිරීමේ මෙහෙවරක නිරතවූ වෛද්‍ය හරිස්චන්ද්‍ර මහතා ග්‍රන්ථ රාශියක කතුවරයෙක් වෙයි.
වෛද්‍ය හරිස්චන්ද්‍ර මහතා විසින් මුලින්ම ලියන ලද ග්‍රන්ථය වූයේ 'ජාතක කතා පිළිබඳ මනෝ විද්‍යාත්මක හැරී බැලීමක්' නමැති ඉංග්‍රීසි ග්‍රන්ථයයි. 2000 වර්ෂයේදී ලියන ලද එම ග්‍රන්ථයට 2010 වර්ෂයේ රාජ්‍ය සම්මානය ලැබිණි.
' බුදු දහම සහ මානසික සුවය' ' ජාතක කතා පිළිබඳ මනෝ විද්‍යාත්මක කරුණු' 'සුවහස් නය මනැසි ඉසිවරයාණෝ-කුමරතුංග මුණිදාස' ආදිය ඒ අතර වෙයි. එයට අමතර ජාතික පුවත්පත් රැසකට ලිපි ලියා ඇති හරිස්චන්ද්‍ර මහතා ' ගාලූ පහන් සිළු' සම්මානයෙන් ද 'ස්වර්ණ චින්ත ප්‍රදීප' සම්මානයෙන් ද පිදුම් ලැබුවේය.
දෙස් විදෙස් හි වෛද්‍ය ශිෂ්‍ය ශිෂ්‍යාවන්ට මෙන්ම වෛද්‍යවරුන්ට ද සාමාන්‍ය පොදු ජනතාවට ද දේශන රැසක් පවත්වා ඇති ඒ මහතා ලියන ලද පර්යේෂණ පත්‍රිකා සංඛ්‍යාව ද අති මහත්ය.
.jpg)
.jpg)
.jpg)
.jpg)
පාස්කු ඉරිදා සංහාරයට අදට වසර හයකි. මෙම ප්‍රහාරය පිරිමින්, කාන්තාවන් සහ ළමුන් ඇතුළු ජීවිත 269 ක් බිලිගත් ඛේදවාචකයක් වන අතර, එම අවස්ථාව වන විට ඔවුන්ගෙන් බොහ
පාස්කු ඉරිදා ඛේදජනක ප්‍රහාරයට වසර හයක් ළඟා වන අවස්ථාවේදී, ශ්රී ලංකාව තවමත් පැටළී සිටින්නේ පිළිතුරු නොලැබෙන ප්‍රශ්න, ප්‍රමාද වූ නඩු පැවරීම්, දේශපාලන ම
ජනාධිපති ඩොනල්ඩ් ට්‍රම්ප් සියලු රටවලට අප්‍රේල් 05 වැනි දා සිට බලපාන ලෙස ඔවුන්ගේ ආනයන තීරු බදු සියයට 10 දක්වා ඉහළ දැමීමේ නිල විධානයකට මෙම අප්‍රේල් 02 වන දි
කොළඹ මධ්‍යම බස් නැවතුම්පොළේ බෝධිය ආසන්නයේ නවතා තිබූ කාර් රථයක අටවන ලද අධිබලැති බෝම්බයක් පුපුරා ගියේ 1987 වසරේ අප්‍රේල් මස 21 වැනිදා සවස් යාමයේය.
ට්‍රම්ප්ගේ වෙෙළඳ කම්පනය ගෝලීය පිළිවෙලට දැවැන්ත පහරකි. එය නියෝජනය කරන්නේ 1970 ගණන්වලදී බ්‍රෙට්න්වුඩ්ස් ක්‍රමය අවසන් වීමෙන් පසු ඇති වූ විශාලතම බිඳවැටීමය
ශ්රී සුගත තථාගත සම්මා සම්බුදු රජාණන් වහන්සේ පන්සාළිස් වසරක් මුළුල්ලේ දේශනා කොට වදාළ ස්වාසුදහසක් ශ්රී ධර්මස්කන්ධයේ පහස ලැබුවුවා වූ පරම පූජනීය අතිඋ
2025 අප්‍රේල් මස 18
495
0
2007 නොබෙල් සාම ත්‍යාගයේ (උප සභාපති, IPCC) සම-ජයග්‍රාහකයා සහ 2021 බ්ලූ ප්ලැනට් ත්‍යාගලාභී මොහාන් මුණසිංහ මහතා, 2025 අප්‍රේල් 13-14 දිනවල ඩුබායි හි පැවති ගෝලීය නොබෙල් ස
හේලීස් ෆෙන්ටන්ස් ලිමිටඩ් හි කළමනාකාර අධ්‍යක්ෂක හසිත් ප්‍රේමතිලක මහතා සහ හේලීස් සෝලාහි අධ්‍යක්ෂක/ප්‍රධාන විධායක නිලධාරී රොෂේන් පෙරේරා මහතා සමඟ කතාබ
2025 අප්‍රේල් මස 10
440
0
අප්‍රේල් 01, 2025 කොළඹ දීග ශ්රී ලංකා ඉන්ෂුවරන්ස් ලයිෆ් 2024 වසර විශිෂ්ට ලෙස නිමා කළ අතර, රුපියල් බිලියන 30.7 ක බදු ගෙවීමට පෙර ලාභයක් වාර්තා කරන ලදී.
ඩී වී ජේ හරිස්චන්ද්‍ර
අනුරාධ Friday, 01 March 2013 09:03 PM
ඔබතුමාට නිවන් සුව ! (ස)
හිරාන් Sunday, 03 March 2013 03:31 AM
ඔබතුමාට නිවන් සුව අත් වේවා (දී)
චාමිකර Saturday, 02 March 2013 12:49 PM
නිවනට යාමට පෙර මේ ලක් දෙරණට යලි එනු මැන... ! (ස)
හිරුන Friday, 01 March 2013 10:02 PM
ඇත්තටම ඔබ රටට සම්පතක් (ස)
ශිවන්ත Sunday, 03 March 2013 09:04 AM
ඔබට නිවන් සුව ලැබේවා! (නි)
සෙනරත් Sunday, 03 March 2013 09:50 AM
මෙන්න නියම වෙදැදුරන්. මෙවැනි අය ආයෙත් ලංකාවේ පහළ වෙන්නෙ නැහැ. (නි)
සෑම් Sunday, 03 March 2013 07:58 PM
මැරෙන්න ඕන පව්කාරයෝ අය ඉතරුවෙනවා. මේ වගේ හොද වටිනා පුද්ගලයින් ලංකාවට නැතිවීම පාඩුවක්(නදී)
සුජිත් Friday, 15 March 2013 06:26 PM
ඔබට නිවන් සුව ලැබේවා! (නි)
සිංහ Sunday, 03 March 2013 10:49 AM
ඔබගේ නික්මිම පිරවිය නොහැකි පාඩුවකි, ඔබතුමාට අමා මහා නිවන් සුවය ලැබේවා!!! (නි)
සේනානායක Friday, 01 March 2013 11:45 PM
ජීවකයාණෙනි, ඔබට නිවන් සුව! (නි)
දමිත් Sunday, 03 March 2013 11:11 AM
ලංකාවට නැති වුන වටිනා චරිතයක් (දී)
සේන Saturday, 02 March 2013 12:43 AM
අගයකළයුතු, අමතක නොකළ යුතු උතුම් වටිනාකමක් තියෙන සැබෑම මිනිසෙක්... ඔබතුමාට නිවන් සුව ලැබේවා ! ඒවාගේම පවුලේ අයටත් ශොකය ල්‍රකාශ කරනවා (ස)
සිසිර Saturday, 02 March 2013 12:57 AM
ඔබට නිවන් සුව ලැබේවා! (නි)
පෙරේරා Friday, 08 March 2013 06:46 AM
මටත් මේ අවමගුලට සහභාගි වෙන්න තිබුණා ලංකාවේ හිටියා නම්. (නි)
එදිරිසිංහ Saturday, 02 March 2013 02:44 AM
සැබෑ බහුශ්‍රැත, පඬිවරයෙකු වූ ඔබ සරළ මිනිසෙකු ලෙස ජීවත් වෙමින් අනිත් උගතුන් හට ආදර්ශයක් විය . '' ජීවිතය අනියතයි , මරණය නියතයි '' යන බොදු පරම සත්‍ය පසක් කරමින් අපෙන් වෙන් වූ ඔබට නිවන් සුව පතමි !!! (නි)
නයනා Saturday, 02 March 2013 03:19 AM
සාමදානයේ සැතපෙනු මැන! (නි)
හිල්මි Saturday, 02 March 2013 04:30 AM
මෙතුමා නොවෙයි අප අතරින් මෙසේ වියෝවීමට තිබුණේ. (නි)
සුසන්ත - ඉතාලිය Saturday, 02 March 2013 05:24 AM
ඔබතුමාට නිවන් සුව...! (නි)
අනුර Saturday, 02 March 2013 05:05 PM
වටිනා මිනිසෙක් අපිට නැති උනා ඔබට නිවන් සුව (දී)
මාලන් Saturday, 02 March 2013 07:44 AM
තවත් වටින මනුස්සයෙක් නැතිවුණා.. (ස)
කරුණානායක Saturday, 02 March 2013 05:52 PM
ජීවකයාණෙනි, ඔබට නිවන් සුව! (නි)
රුවිනි Monday, 04 March 2013 03:57 AM
මෙවන් උත්තමයන් දහස් ගනනත් බිහිවුනත් ලංකාවට වැඩි නැහැ. ඔබට නිවන් සුව.(නදී)
දයා Saturday, 02 March 2013 06:41 PM
ඔබට නිවන් සුව ලැබේවා! (නි)
ධර්ම Friday, 01 March 2013 07:23 PM
දහසක් දෙනා සුවපත් කළ ඔබතුමාට නිවන් සුව ! (ස)
ධම්මිකා Saturday, 02 March 2013 07:37 PM
ඔබට අමා මහ නිවන් සුව!
නිරාන් Saturday, 02 March 2013 10:14 AM
බුදුහිමියන් වැඩලා දේ සියල්ල අනිත්‍යයි... මේ සසර කෙටිවී උතුම් නිවන් මගම අත්වේවා (ස)
අනුර පියතිස්ස Friday, 01 March 2013 08:39 PM
ශ්රී ලංකාවට තවත් ශ්‍රේෂ්ඨ සිංහලයෙක් අහිමිවුනා. (ස)
නිසසංක Saturday, 02 March 2013 10:54 AM
මොනතරම් උගත් උනත් මොනතරම් දැනීම තිබුනත් තමන්ගේ ලෙඩ ගැන අවබෝදයෙන් සිටියා නම් තවත් කල් ඉන්න තිබුන කියලා හිතෙන්නේ... (ස)