කොරෝනා වසංගත තත්ත්වය ඉතාම භයානක තැනක බව අවිවාදිතය. මුළු ලෝකයම තැතිගෙන ඇති ස්වභාවයකය. එන්නත්කරණය ඉතාම සාර්ථකව කරගෙන ගිය රටවල් නැවත වටයකින් වසංගතයේ ව්යාප්තියක බව වාර්තා වෙයි. නැවත ලොක්ඩවුන් කරන ලද රටවල් ගණනාවකි. මතුපිටින් පෙනෙන ව්යුහයට හාත්පසින්ම වෙනස් අර්බුදකාරී අවකාශයක් කරා යොමුවෙමින් සිටි කාලවකවානුවකි. කිසිවකු කිසිම ආකාරයකින් කොරෝනා වයිරසයෙන් පරෙස්සම් කළ නොහැකි අතර ස්වකීය හැසිරීමෙන් පරෙස්සම්විය යුතු බව අවධාරණය කළ යුතුය.
දිනකට සිය දෙනකුට ආසන්න පිරිසක් ජීවිතක්ෂයට පත්වන කාලවකවානුවක අප සියලු දෙනාටම බරපතළ වගකීමක් තිබේ. බිහිසුණු ත්රස්තවාදී ගැටුම් පැවැති කාලයේ දී හෝ දිනපතා මෙපමණ මිනිස් ජීවිත ගණනක් රටට අහිමි වූයේ නැත. තර්ජනය නැග එන අතරවාරයේ පවා ධෛර්යය සම්පන්නව නැගී සිටීම අවශ්යය. උපරිමයෙන් ශක්තිමත් විය යුතුව තිබේ. මුහුණු ආවරණ පැලඳීම, නිතර අත් සෝදා ගැනීම, සමාජ දුරස්ථකරණය වැනි මූලික සෞඛ්ය පිළිවෙත් අපහසු දේ නොවේ. එහෙත් නොසැලකිල්ල හා වගකීමක් රහිත හැසිරීම අප සියලු දෙනා අසරණ කර ඇති බව සඳහන් කළ යුතුය.
අපට ඇති ප්රශ්නය කොරෝනා තර්ජනය පමණක් නොවේ. ආර්ථික ප්රශ්න පැන නැගී තිබේ. දරුවන්ගේ අනාගතය ගැන කනස්සල්ලක් ඇත. රැකියා ස්ථානයෙහි ගැටලු ඇත. සංචරණ සීමා කිරීම මත ඇතිකරන හුදෙකලාභාවය ඉතා නරක මනෝභාවයක් ඇති කරන්නට ඉඩ තිබේ. මෙම අනපේක්ෂිත කාල වකවානුව තුළ ජන සමාජයේ මානසික මට්ටම උසස් තැනෙක පවත්වා ගැනීම ඉතාම වැදගත්ය. සැනසිල්ල අවශ්යම හෝරාවකි. අනවශ්ය ගමන් බිමන්වලින් වැළකී නිවෙස්වල සිටින ජනතාවගේ රසවින්දනය ගැන අලුත් පැත්තකින් අවධානය යොමු කළ යුතුය. රට තුළ තිබුණ පසුබිම මෙම රාමුව තේරුම් ගැනීමට උපකාරී වනු ඇත. නාට්යයක්, චිත්රපටියක් බලන්නට අවස්ථාව තිබුණි. සංගීත සංදර්ශන වැනි විනෝදාත්මක කටයුතුවල නිරතව සිටියහ. නිවසින් බැහැර ගොස් ආහාර වේලක් ගැනීමට ඉඩකඩ තිබුණි.
මනස හදන, යමක් ඉගෙන ගන්නට ඉඩ දෙන සහ රසාස්වාදය ඇති කරන පරිදි මාධ්ය භාවිතාව වෙනස් කිරීමට පියවර ගැනීම අවස්ථාවෝචිතය. පුවත්පත්, ගුවන් විදුලිය හා විශේෂයෙන් රූපවාහිනි නාලිකාවල වැඩසටහන් සමාලෝචනය වැඩදායකය. අනෙක් අතට නිර්මාණකරණයේ ඒකාධිකාරයක් ඇති කිරීම අනුචිතය.
ධනය ඇති ඉහළ පැලැන්තියේ පිරිස විශේෂ නාලිකාවලින් උසස් රසවින්දනයකට යොමු වී සිටී. පෞද්ගලිකව රසාස්වාදයකට අවස්ථා තිබේ. මුදල් ගෙවා ලෝකයේ සම්භාව්ය නිර්මාණ ලබාගත හැකිය. මැද පන්තියේ ඇතැම් පිරිසකට හා සමාජයේ පහළ ස්ථරයට ලැබෙන රසාස්වාද අවස්ථා ගැන තෘප්තිමත් විය හැකිද? පසුගිය කාලයේ කුඩා සිනමාශාලා, අලුත් චිත්රපට ගෙන්වන වැඩපිළිවෙළ වෙනුවෙන් ආයෝජනයක් සිදුවිය. එය ව්යවසායයක් පමණක් නොව අවස්ථා අහිමි පිරිසකට පිළිතුරක් විය. අලුත් තීරණ අනුව කර්මාන්තයට සීමා පනවා ඇත. එය නිර්මාණකරණය පාලනය කිරීමකි. ආයෝජකයන් දුර්මුඛ කරන පියවරක් ද වී තිබේ.
සංස්කෘතික විවිධත්වය මනුෂ්ය අවශ්යතාවකි. වෙනත් රටක සිදුවන නිර්මාණකරණයක රසවිඳින්නට අයිතියක් තිබේ. එතැනින් ලැබෙන පිටිවහල ප්රබෝධනය ඇති කරයි. නිර්මාණයක විචිත්රභාවය පුරා ඇති කරන මනෝභාව ජීවිතයට ඉතාම වැදගත්වන අතර අලුත් සිතිවිලි ඇති කරන බව දැක්විය යුතුය. මෙවැනි තීරණාත්මක වකවානුවක මනස ලිහිල් කරන, අලුතින් හිතන්නට ඉඩ දෙන නිර්මාණ ජනතාව අතරට යා යුතුව තිබේ. සාහිත්යවේදීන්, නිර්මාණ ශිල්පීන් සමාජයක ඇති වන වේදනා පිරිමැද සුවපත් කරන්නෝ වෙති. සියුම් තත්සරයකින් හදවතක් සුවපත් කළ හැකිය. ප්රතිකාරයකට වඩා යමක් බව සඳහන් කළ යුතුය. මෙම තීරණාත්මක හෝරාවේ දී දෙස් විදෙස් නිර්මාණවේදීන්ගේ ඇසුර සමග ජනී ජනයාගේ රසාස්වාදනය ඉහළට නංවා බලාපොරොත්තු ඇති කරන තැනට පත් කරගැනීම වැඩදායක වනු ඇත.
(***)
- මිලින්ද මොරගොඩ
www.milindaprashna.wordpress.com
ලෙබනනයේ ෂියා මුස්ලිම් හිස්බුල්ලා සංවිධානයේ මහ ලේකම්වරයා, එසේත් නැතිනම් නායකයා ෂෙයික් හසන් නසරැල්ලා ඝාතනය කිරීමට ඊශ්රායලය සමත් විය. 64 හැවිරිදි නසරැල
හිටපු අමාත්යවරයකු අභාවප්රාප්ත කුමාර වෙල්ගම මහතාගේ අවසන් කටයුතු අද (30) සවස මතුගම ආදාහනාගාරයේ දී සිදු කෙරේ මේ ලිපිය ඒ නිමිත්තෙනි.
නිදහසට පසු යුගය තුළ ශ්රී ලාංකික දේශපාලන ඉතිහාසයේ පළමු වතාවට සාම්ප්රදායික වම හෝ දකුණ හෝ බලයට එන දේශපාලනය වෙනුවට අලුත් බලවේගයක් නිර්මාණය වී තිබේ. ඉකුත
පසුගිය ජනාධිපතිවරණ සමයේදී ඉදිරිපත් වූ ඉතාමත් ප්රබල තර්කය වූයේ 2019 ජනාධිපතිවරණයේ දී සියට 3.16ක ඡන්ද සංඛ්යාවක් ලැබූ ජාතික ජනබලවේගයේ නායක අනුර කුමාර දිස
අගනුවර පුරෝගාමී කතෝලික පාඨශාලාවක් වන කොළඹ 13, ශාන්ත බෙනදික්ත විද්යාලයේ ‘වාර්ෂික සිංහල සාහිත්ය කලා උළෙල අද (27) පස්වරු 2.30 ට විද්යාලයීය රංග ශාලාවේදී පැවැ
මෙවර කිවිදා දැක්ම ලියන්නේ ජනාධිපතිවරණය නිමාවට පත් වී තිබෙන මොහොතකය. අනුර කුමාර දිසානායක මහතා රටේ ජනාධිපති ධුරයට පත්වීම හරහා ජාතික ජනබලවේගයේ ප්රතිපත
ජනාධිපතිවරණයේ ඡන්ද විමසීම අවසන් වී ඇති මේ මොහොතේ, මුළු රටක් ම බලාපොරොත්තු පෙරදැරිව බලා සිටිනේ ඉදිරි පස් වසර සඳහා සඳහා ශ්රී ලංකාවේ ජනපති වන්නේ කවුරුන්
ශ්රී ලංකාව මේ මොහොතේ සිටින්නේ ඉතාමත් තීරණාත්මක සන්ධිස්ථානයක යි. පවතින ගෝලීය දේශගුණික අභියෝග සහ බලශක්ති සුරක්ෂිතතාව පිළිබඳ කවර ගැටලු පැවතිය ද ෆොසිල
ශ්රී ලංකාවේ ප්රථම වරට, ප්රධාන ජනාධිපති අපේක්ෂකයින් තිදෙනාගේ ප්රතිපත්ති ප්රකාශන පොරොන්දු පහසුවෙන් සංසන්දනය කිරීමට සහ ඇගයීමට, ඉංග්රීසි, සිංහල ස
තැතිගත් අවස්ථාවක මනසට රසාස්වාදයක්
Dilippoco Wednesday, 11 August 2021 02:31 PM
සැබැවින්ම ඉතා වටිනා අදහසක්... ප්රාදේශීය කුඩා සිනමා ශාලා ඉදිකිරීම ඉතා වැදගත්... මග හැරි යන වටිනා සිනමා කෘති එමගින් ප්රේක්ෂකයින්ට නැරඹීමට අවස්ථාව ලැබෙනු ඇත... ඒ වගේම අසුව දශකයේ වටිනා ටෙලි නිර්මාණ වාර්තා සහ සිනමා නිර්මාණ අන්තර්ජාලයට මුදා හැරිම මගින් නූතන පරපුරට ඒවා රසවිඳීමට අවස්ථාවක් ලැබෙනු ඇත.
M.H.Isuru Dewdunu Wednesday, 11 August 2021 07:05 PM
හොඳයි.. !!!